المساعد الشخصي الرقمي

مشاهدة النسخة كاملة : (¯`•._.•اكثر من 400 قصيده مختاره لعمالقة الشعر)•._.•°¯)


آهــــات
01-16-2009, 12:14 PM
http://iraqnaa.com/ico/image/005.gif

مساء الورد ... مساء الشعر

مساء الكلمة الراقيه ..... والإحساس المتدفق


دعونا نشق البحار والمحيطات .... بسفينتنا الشعرية

إحزموا حقائبكم .... فقد تطول بنا هذه الرحلة

سنشق فيها طريقنا لأعذب الكلمات

ونبحر مع أكثر من 400 قصيده لعمالقة الشعر .

فهل أنتم مستعدون .... لإنطلاقة مركبنا



على بركة الله .... نبدأ المسير

آهــــات
01-16-2009, 12:23 PM
طلال الرشــــيد " الملتـــاع"




((قالت قدر))



قالت قدر و أقول يومك تبيني
غصبن على الدنيا يدك في يديني
لا تظلمين الوقت وش ذنب الأيام
لا تظلمين الحظ لا تظلميني
غديت مابين ارجا فيك واليأس
هذا يبي مني وهذا يبيني
إن قلت شمت وخاطري طاب كذاب
وان قالت أبيك ارخصت نفسي بعيني
خيرني أمري بين أصعب خيارين
موتي أنا أو موت الحساس فيني
لكن زماني المر علمني أني
أموت محني لجل قلبي جبيني
والله ما تلقين حبي مع الناس
روحي وها لأيام بينك وبيني



...............




العواذل




حبيبتي كل العواذل تشابه
قلبٍ ظلام ووجه يشبه للأصحاب

ولا ما غدى لك صاحبٍ ينحكى به
لا تسمعي أن كان لك قلب وأحباب

إلى مشيت الدرب يلهث سرابه
وإلى سكنت الدار ناداني الباب

وشلون أنام وهم قلبي صوابه
والشوك ينبت بين جفنين وأهداب

تعبت امني .. الأسئلة بالاجابة
وانطر شروق الشمس والشمس بغياب

وتعبت أناظر والمعنى عذابه
أنك بعيده والملا دونك حجاب

اجمع كلام وما أعرف الإجابه
وعندي شعور صدق والوقت كذاب

كل النجوم اللي امطرت من سحابه
حبيبتي دمعك جرح قلب واتراب

واللي وقف ما بين بابي وبابه
قلبٍ ظلام .. ولابس ثوب الأصحاب




...............



باقي الخلق في كف



انتي بكف وباقي الخلق في كف

متعليه في وسط قلبي ولك شان


في غير وصلك مالقلبي ترى شف

محتاج لك يانور عيني وشفقان


لا جابوا اسمك صرت انا تقل مختف

مالي على نفسي الى اطروك سلطان


من غير حبك غضت عيوني الطرف

ياللي جمالك صار للزين عنوان


اريد انا قربك ترى ياغذا الحرف

وان ماحصل موتي ودنياي سيان




................




جتني


جتني وشافتها عيون حايرات

ذا شعاع الشمس او هذا سناها


ضاعوا اللي جوا معاها مسيرات

واقبلت تمشي تقل محدٍ معاها


ياسنا الفضه وياجيد المهات

ياشذى نبت الخزامى في وطاها


قلت كن بوجنتك زهر النبات

قالت ان الرمش يجرح لي صفاها


تجرح الظلما عيون ناعسات

سلهمت وأغضت تغطرس في بهاها


حققوا بالشوف في لون الشفاة

هو خذا منها الشفق والا عطاها


ولو ظلام الليل يعطينا ثبات

فيه من لون الشعر والا كساها


كيف أباصف زين كاملة الصفات

كيف أباصل في حروفي منتهاها


........................





ذكرى الفراق


اليوم ذكرى الفراق ومرت اول سنه
اليوم لي عام متغرب وحيد وحزين


اليوم انا ضيف جرحي جيت باطمنه
اني جمعت الدموع وجبت امانة امين


ما يجرح الصادق الا غدر من يامنه
لا جت من احباب قلبك لا تلوم السنين


مليت من هالاماني دام مهي ممكنه
لاهي تحقق ولا ياسي بوجهي يبين


لوين انا وانت مثل الشمس والازمنه
مع كل صبحٍ يجددني لشمسك حنين


لا قلت احبك احبك كنها دندنه
او كنها وردةٍ مابين اصابع جنين


يا اجمل الناس لك بين الملا هيمنه
كثير غيرك ولكن مين مثلك و وين


يا عاذلي خذ عيوني يمكن تثمنه
تشوف عيبه وانا اشوفه ملاك حسين


امس افترقنا وانا احسب مرت اول سنه
يا طولها ليلة الفرقا سنة للحزين




...............................




عيون الحب


عيون الحب لا يمكن تناظر
عيوب الخل لوهو عيب كله

تماري فيه وبوصفه تكابر
ترى من فوق خلق الله محله

رفيق الليل في الشباك ناطر
واثاري الليل شباك لخله

حفظ احلى الكلام وصار شاعر
بصبر ينتظر والصبر مله

حبيب عشت في دنياه عابر
حسب قوله ويا شعري فقله

انا ضحيت له وارجي وصابر
واذا عيا اقول الله يحله

على الملتاع الا يا بعد باكر
يبي السلوان والذكرى تظله

صحيح ان الهوى سحر المشاعر
يراه الصب عز لو يذله

عيون الحب في قلبي تناظر
تشوف اللي عيوني ما تدله





......................................





ما جته في موعده

يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه




......................................





مكانك مكانك


أموت من فرقاك .. و أموت بلقاك
وأموت من جورك .. و أموت بحنانك
كلٍ قضاه يموت مرّه .. و يفداك
و أنا أموت ألفين مرّه .. عشانك
أذكرك.. لا مني نسيت إني نسيتك
أنساك .. لامني ذكرت نسيانك
رضيت أنا بالهم لرضاك مرضاك
و ارخصت لك قلبٍ جرحته .. وصانك
أجيك في صدري عتاب .. و أبجفاك
و أرجع ألوم الوقت و أقول خانك
أحب فيك .. احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك
مر تجيني لين أقول إني إياك
و مر تروح بعيد و انسى أوانك
أقبل و تقفي .. و اعتذر عن خطاياك
و أقول ما عييت .. عيا زمانك
و إن خانتك دنياك .. أو خنت دنياك
إرجع و تلقابي .. مكانك.. مكانك




....................................





يا طاهره



ابنت انا ماني كذا وظنونك تكذب عليك
كلي عيوب وماقوت تخجلني ظنونك وتوب
اكذب عليك ودوم اخونك وألبس الأبيض واجيك
واعشق معك الفين وجه ويمتلي صدري قلوب
احلى اقول لك لو قلتها البارح لذيك
ياقف على شفاهي معك مراهق صب لعوب
اكذب ولا ادري ليه اكذب اعشقك ما ارتجيك
اخاف من صدق الحقيقة في الهروب من الهروب
والله احبك واعشقك واعرف زمان اني ابيك
لكنها هذي الحياة تعلمت مني الذنوب
العين عجزت تعتقك والقلب عيا يشتريك
في السجن خيال وفي،في الصدر رجال كذوب
هذي الحقيقة مايجي في الكون اطهر من يديك
وانا الذي انقض وضوء الغيم والماء والهبوب
انقل عيوبي فوق متني وانتي لعيبك شريك
وباكر تبسّم لي وجيه لك يعبسها الشحوب
ياطاهرة حنا كذا والمظهر يكذب عليك
يمكن يجي يوم نجي نخجل من ظنونك نتوب




.....................................





آخر الحب



كنت احسب اني عرفت الحب قبل اعرفك
وعشقت قبل اعشقك واشتقت قبل التقيك


وكنت احسب اني لقيت احباب قبل اوصلك
واثري توهمت في غيرك وانا كنت ابيك


تعال نعطش وتشربني وانا اشربك
تعال قبل الوعد اجلس معي نحتريك


تعال شفني وانا استناك كم اشبهك
يطري علي الف راي و راي واحتار فيك


اجي مكان الوعد والا اسبقه انطرك
والا آخذ الموعد اللي يحتريك واجيك


يا آخر الحب ذقت الحب في اولك
ويا اول الشوق اقصى الشوق ما ينتهيك


علمتني كيف اعرفك لين صرت اجهلك
ضيعتني في متاهاتك وكنت ارتجيك


حبيب الاحلام يابعدك ويامقربك
حرام يكفي تبعثرني وانا احتويك


ان شفتك بحلم صدقته وانا اتوهمك
وان شفتك بعلم كذبته الين انتشيك


اخاف اغمض عيوني وان رمشت افقدك
واخاف افتح وتصبح حلم ولا التقيك




..................................




"الليلة إحساسي غريب "



الليلة إحساسي غريب

عاشق ونا مالي حبيب

حبيت كل الناس لاموني

حبيت كل الناس باعوني

قلت أحب الحب أحسن

قلت أحب الحب أضمن

لا أحن .... ولا أتوه

ولا بعد في يوم أحزن

رضيت بأقداري ونصيبي

صرت محبوب الحبايب

وصار كل عاشق حبيبي

الليلة غير

شعوري غير

أشواقي غير

حتى الأغاني غير

صدري سما ... واحساسي طير

بس طيفك ماتركني

ظل ساكن تحت جفني

كان وافي...كان يذكر وإنت ناسي

إنت وينك ؟

كان هذا الفرق مابيني وبينك؟!

جيتني تشكي الزمن

وجيتك أبي أدفى

لقيت في قلبي وطن

ولقيت فيك منفى




........................................ .





أوعدك



أوعدك

إن كان بعدي يسعدك

الليله أرحل

من الليله باختار الطريق

من الليله الليل الرفيق

و أوعدك

ما أعاتب أو ألوم .. إلا نفسي

و ما دام في قلبٍ معك

أوعدك

حبيبتي يا ليت

ما قولك يا ليت

و ما قد تمنيت و شكيت

حبيبتي ويلي

لا من غدى جسري

أنا لنسيانك انتي ذكريات

حبيبتي

ما أصعبه نسيان ذاتي

و إلا أقوم .. أوعدك

سريت

عن الليل اللي ف عيونك

عن بلادك سريت

و أوعدك

إني أقول إني نسيت

بس أوعديني

لا زارني طيفك و أنا وحدي

إني ما أبكي

و أنك في قلبي تموتي

و أنك على عيوني تفوتي

و ما أعرفك

و أوعدك

إني من الليلة أموت

من يوم أقوم .. أوعدك

أوعدك




.......................................





حبيبتي




حبيبتي لا من غديتي لي سراج اتبعه
وكني غديت من الظما اركض ويطردني السراب
لا تبخلين اليا شربتك ماشربتك من سعه
دامي من جروح الهموم الموجعه كلي صواب
اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مر صوتك ماسمعه
اليوم ما كني فقدتك من سؤالين وجواب
يابنت في خدك وهج سيل الشموس الساطعه
احرق بداخل داخلي انسان ماهو للتراب
واللي خلق ظلم الليالي بالعيون الهاجعه
اني من الحرمان اتسائل وحرماني جواب
يوم الوداع تخيلي مالي حبيب اوادعه
محروم انا وتخيلي محروم حتى من العذاب
يابنت لي قصه تطول بكلمتين موجعه
هي باختصار اني انا اركض ويطردني السراب




....................................




رسالة .. إلى صديق الطفولة




صديق الطفولة وش جرى لك مع الأيام
هي أنصفت دنياك والا أنت بك مثلي

فقدنا ملامحنا مثل ساير الأنام
عبث بنا جور الزمن والزمن يبلي

وقفنا جميع وبيننا حاجز الأعوام
صعيب ٍ وصولي لك.. ويا صعب لك وصلي

وأنا اشوف في وجهك طريق غشاه عتام
وذاك النخل واشوف دارك ودار أهلي

وسدره.. هي أكرم من أهل بيتها اللوام
وفي وجهك أصحابي.. عصى مدرسي.. وفصلي

وعود ٍ كبير ودايم ٍ فالظلال ينام
في ذكرياتي له بعد ملمح وجلي

وسور كتبنا فيه ذكرى عبث وأوهام
ولي في عيونك صورة زانها جهلي

بثوب تبلّل بالمطر والتراب وشام
وأنا حب أسير الْعَب وهي حافيه رجلي

أنا وانت طفل وطفل دايم رضى وخصام
بكانا سهل والضحكة أمرٍ بعد سهلي

دعاني بوجهك ناده ٍ ينده الأحلام
معه رمح مدري هو علي غاضب.. أو لجلي

أنا كيف أباصل والأمل خلف مو قدام
كثير الأسى والسِّهد يا من فعل فعلي




........................................ .





عيون الصغار



وجهك غضب .. وجهك عروس

يضوي مدى .. يحرق نفوس

تشبه لك الشمس الشموس

! .. و ما لمحتك

سلام يا أحلى الأنام

دربي مثل عينك ظلام

تشبه لك أسراب الحمام

! .. و ما وصلتك

يا صوتها الرايح وجاي

مابين أشواقي وشقاي

تشبه لك الونّه و ناي

! .. و ما سمعتك

حبيبتي والبوح نار

إنتي أنا بكل إختصار

تشبه لك عيون الصغار

! .. و ما عشقتك

يا مهرتي البيضا الأصيل

تلعب و انا صبٍّ نحيل

تشبهك غابات النخيل

! .. و ما سكنتك

يا غاية الحلم المحال

مثلك أنا حلمي الوصال

يشبهك في الشاعر خيال

! .. و ما كتبتك




........................................ ...




ما قلت احبك



ما قلت احبك ولا قد قلت ما احبك

احب مالي عيوني وانت تسواها

لو تدري اشكثر تعني لي تعرف انك

اخر امل في حياتي واول مناها

ياكثر

احس انك بي مني وبي منك

روح قسمها على شخصين مولاها

لا تقول شتحب فيني اعشقك كلك

من ليل شعرك لشمسك واخر اقصاها

سميتني نصفك الثاني ويا شحك

انا بسميك كلي وانت معناها

تعبت

تعبت اوديك ليه يا قلب ويردك

لآخذ حلومي ولا خلاني انساها

كل الحمام استراح وناح في ظلك

والورد الاصفر سقته الروح من ماها

ليتك بعمري ثلاث اشخاص ما املك

واحد معي دووم واحد روحي يملاها

والثالث بجفن عيني لا فقد حسك

او اغمض الجفن جاني فيك يتباها

مو بس احبك انا والله من حبك

احب حتى ثرى الارض اللي تاطاها




........................................





مهوب إنت المريض .. إنت الشفا


هلا بك .. هي هلا اللّي قالها الصايم ليوم العيد
هلا بك .. هي هلا اللّي قالها للغيث هالوادي
هلا بك .. هي هلا اللّي قالها يعقوب بالتنهيد
ليوسف يوم عاد..و عاد شوفه.. و أنكف الغادي
هلا بك .. كثر ما أمّنت خايف .. أو رعبت مكيد
هلا بك يا عدو همومنا .. وهلال الأعيادي
تصاغرت الهلا .. من كبر قدرك .. و اعذر الترديد
لأنك شامخ مثل الجبل .. له بالصدى حادي
حسدت الشعر .. يوم إنه طليق لك .. و أنا في قيد
وجبته يوم جاك .. و شفت فيه مراة حسادي
مهوب إنت المريض .. إنت الشفا .. يا قريّبٍ و بعيد
وانا أقول المريض اللي .. فقد طلّتك فبلادي
سلمت إنت .. و سلمنا من سلاماتك عن التنكيد
أهنّيك .. أو أهنّي الناس .. أو نفسي و أنا البادي
يابو كل اليتامى و الضعوف و معسر ومريد
غديت الشمس وقلوب الخلايق زهر عبّادي
عليك نخاف منك .. إلى رقدنا و إنت في تسهيد
تقل من كثر حب الخير .. صرت لنفسك معادي
تطلّبك المرض نفسك .. و قلت أبشر بلا تحديد
فلا والله أرد اللي طلبني .. لو يبي زادي
هذاك إنت الضليل الضافي الوافي مناة الغيد
هذاك إنت الكبير المنور المنثور بالكادي
هذاك إنت الأصيل الماجد الناجد سليل الصيد
هذاك إنت الرفيع المشرق البراق والهادي
هذاك إنت الوفي العارف الوارف ربيع البيد
هذاك إنت العظيم الشامخ اللّي فوق الأشهادي
هلا بك .. و القدر بالصدر .. لا عجز القصيد يصيد
قصيدٍ لا درى إنّه فيك .. سمى شارده عادي




.......................................




ورثي احرامي


أنا مابي من الدنيا 00وصول ٍ للعيون الدعج
وأظن الصدق يكفي00لو أموت00وورثي احرامي

حبيبي جاهل ٍ طاغي 00يحسب إن الجوارح ثلج
وأنا مالي شفاه وفم00صوتي ضيّع احلامي

إذا حبك ذبحني صد ّ00كل ٍ له بموته نهج
تشهّد بالعجاج البيد00قبل تموت قدامي

أنا غصن ٍ00وأنت اوراق00والعاذل خريف وعج
و وش عذر الورق والغصن00لا يابس ولا ظامي

غديت الشايب اللي عاصب ٍ راس الزمان الحرج
كبير ٍ حز ّم الدنيا على متنه 00ولا قامي

شليلي بالعفاف ابيض 00 على حالته يومه نسج
تدور الناس والدنيا00وأموت وورثي احرامي



.....................................





اخرحب



كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب انيرلقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعد اجلس معي نحتريك

تعال شفني وانا استناك ك اشبهك
يطري علي الف راي و راي واحتارفيك

اجي مكان الوعد والا اسبقه انطرك
والا آخذ الموعد اللي يحتريك واجيك

يا آخر الحب ذقت الحب في اولك
ويا اول الشوق اقصى الشوق ما ينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وان رمشت افقدك
واخاف افتح وتصبح حلم ولا التقيك




........................................





إن حكت


ان حكت غار السكوت من الحكي
وان بكت يحسد مدامعها الغرور

كنها والشمس خصم ومشتكي
وبين ذيك وذيك عذبت السطور

الثرى يا مايسه مغروركي
ومن يلومه ما يعرف سر الغرور

والجمال امرايته في وجهكي
والبها له في جفن عينك فتور

الحلا يا حلوتي شبّه بكي
منهكٍ حرفي ويشكي به قصور

والحروف اتهني احروف اسمكي
والاريج اختال في عرس العطور

يا غريره ياغرورى مسلكي
تهت والا تاه عن كفي العثور

في طريقي ضاعت الخطوه لكي
ماتميز بين نار وبين نور




........................................ .




باريس


واحد خايب..حظه تعيس

سافر تقسيط ل باريس

كذب على ام العيال

رايح ادور عمال

جمع الورث

حصاد الحرث

وقبل يسافر ياساده

سجل في نادي كالعاده

يسوي برنامج تخسيس

قام يدور شنطه تكفي

وكل هدومه قبل يصفي

عشره فنايل علاقي

وشورت وشراب ماقيس

قالت ام عياله تكفى

خذ لك لبس شوي يدفي

قال ف باله مسكينه

والله قدامي اللي يدفي

قام يودعها وقالت له

خذ بالك يانور عيوني

وتعوذ دوم من ابليس

قال ف باله يامسكينه

ومن عازمني غيره!

ناطرني ابليس ف باريس




........................................ ...





حكاية شمس


كنك ملاك وطلع توه
الله وش كثر محلوه

ماعاد به غيرك حكايه
جيتي وكل ترك جوه

الليل لف ولمسها لمس
بعيونك اغرب حكاية شمس

وانتي الى الحين نسايه
ضيعت باكر عشانك امس

دايم اقرب وهو يبعد
وفي شفتك للشفق موعد

ويحط لاحزاني نهاية
من غيرك اللي قدر يسعد

ياللي تحلين اي لباس
يغار من جيدك الالماس

حرام تعذيب وكفايه
حني على الناس ياحلى الناس

والشمس تحضر بميعادك
من يقدر يلوم حسادك

تغازلك حتى المرايه
(( .... )) ياشمس والناس

بيضا وفيها سمار الحور
سمرا وفيها بياض النور

ماله بدايه ولا نهاية
من مثلك اللي جماله جور

والكامل بحق وجه الله
ياحلوتي كامله والله

ياللي لكل البشر ايه
من يشبهك حلوة الطله




........................................ ..



يانواف



شفتك يانواف وهليت أنا عبره....
غرق بها خدي ومسحتها بيدي ....
عليك يامفارق أبوك ياذخره ....
في لحظه أظنها بساعه العيدي....
جعل اللي ذي قاتله متحيرآ أمره ....
وجعله ماينعم بشوفه العتيدي....
جعله بوسط النار يكويه من جمره ....
اللي حرق فؤادك على أبوك ياسيدي ....
عسى الله بجنه الفردوس يعوضه عمره ....
ويعش فيها مع الحور متهني سعيدي




......................................


أعشقك كلك



لا تقول شتحب فيني أعشقك كلك
من ليل شعرك لشمسك وآخر أقصاها

سميتني نصفك الثاني ويا شحك
أنا بسميك كلي وانت معناها

تعبت أوديك له يا قلب ويردك
لا آخذ حلومي ولا خلاني أنساها

كل الحمام استراح وناح في ظلك
والورد الأصفر سقتها الروح من ماها

ليتك بعمري ثلاث أشخاص ما أملك
واحد معي دوم واحد روحي أملاها

والثالث بجفن عيني لا فقد حسك
أو غمض الجفن جاني فيك يتباهى

مو بس ماحبك أنا والله من حبك
أحب حتى ثرى الأ رض اللي تاطاها




........................................ ....




مريض اللي فقد "سلطان"


بشدّ لمشرق الشمس .. و بعلّق فوقها ديوان
أمانه لا وصلتي مغرب الشمس .. انثري قافي
أنا بلسان نجد أرسل .. قصيدة شوق .. من ولهان
على زهور النفل ريح الخزامى .. تنّده الغافي
تنهّد بالقصيد طويق .. سالت دمعة الصمان
من أنفاس القصيدة .. انصرم طلع النخل صافي
نختني للقصيد أرضٍ .. من الوادي .. إلى بابان
ثراها يشربك حبٍ .. و لا يرواك يا وافي
ألا يا شيخنا حبك .. عليّ الله من الإيمان
ما دام انت الوطن و الدار .. ستر العاري الحافي
غلاك اللي شرب كل الجوارح .. لين صار احسان
غديت من الغلا ملجأ .. لمن حبك معه خافي
لنابك هيبةٍ تفرح صديق .. و تجرح العدوان
و لك منا رجال تعد .. موتٍ دونك انصافي
تعلمنا المراجل منك .. لك بالمرجلة نندان
و لا نلحق معك .. ما يلحق الإعصار مع سافي
كملت إلا أن عذروبك بشر .. و عن البشر شتان
تطيح و تمترض .. ليتك مخلد دوم متعافي
سبقني للقصايد فيك .. من روس العرب اخوان
و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف انسان
حنونٍ في ضلوعه .. قلب طفل .. بحس شفافي
تقل شمسٍ إلى من .. بان بسمه يرجح الميزان
و كل الخلق عقب الشيخ .. سرج بعضها طافي
ألا يا أميرنا .. هنّ بسلامة حالك الخلان
فلا قبلك مريض .. يهني الزوار و اللافي
سِلِم .. من يوجع اقدامه .. و لا توجعه في ميدان
سلم .. من له دعينا الله .. رد الشيخ يا شافي
سلم .. من نار عينه تمن أهل الدار .. و الجيران
سلم .. من ضحكته تودع مريضٍ ميسٍ شافي
سلم .. من طوّع الشمس الشرود .. و عنها بعنان
تعلق في معارفها .. و يمم راس مشرافي
إلى قالوا مريض قل .. مريض اللي فقد سلطان
و إلى قالوا بعيدٍ قل .. قريب الهمّ لسنافي
نخيت الشعر .. أوصف وش تحس الناس لكحيلان
و إذا خان الشعر شاعر .. عسى يكون الغلا كافي




........................................ ....





موت الإحساس


قالت نصيب وقلت يومك تبيني

غصب على الدنيا ... يدك في يديني

لا تظلمين الوقت وش ذنب الايام

لو اقبل اعذارك يعيي حنيني

غديت ما بين الرجا .. فيك والياس

هذا .. يبي مني وهذا .. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني




........................................ .......





يا بعد حيي


اليوم يا بنت من زيي
الشمس واردت على ضيي

جيت انتخي بالوجيه البيض
يا عزوتي يا بعد حيي

الجادل اللي حلاها غير
ضيعت في شمسها فيي

بعيونها سلسبيل رماح
و الموت بالسود متهيي

موت و انا اموت انا بالموت
كثيرها غرّق شويي

لا قلت تكفين قالت جاك
و ان جيتها فجأة تعيي

و لا قلت مالي و مال الغيد
قالت وهم بينهم زيي ؟

و ان قلت انا تبت مالي كار
مقفي زمانين عن غيي

قالت و هي تلتفت للناس
طلال موته على يدي




................................




أنا هواي و بس بنت الجزيرة

كتب أحد الشعراء هذه القصيدة بعد عودته من المغرب، فقال:



ياللي تنشد عن علوم الذي طاف
كل البحور وكل دوله وديره
خذ من علومي علم اوصافه اوصاف
جزل سمين يشتعل له سعيده
الزين عقب المغربيات ينعاف
غيد لهن بالزين ذكره و سيره
فيهن حلا طاغي ولين و تعطاف
وفيهن حنان يشعل القلب غيره
حلوات وصف وفاهمات بالاعراف
زيننات منطق صافيات السريره
بنات قوم طيبهم غصب ينشاف
اولاد مغرب بالليالي العسيره
ياللي تنشد عن علومي بالانصاف
هرجي يكفي صامله عن كثيره
الزين في لميا وتغريد و الطاف
ماهوب في حصه وكشره و منيره


؛
؛
؛







فرد عليه طلال الرشيد - رحمه الله - بهذه القصيدة:




يابن الحلال ان طعتني خل الاسراف
واترك جمال الغيد لاهل البصيره
الزين موبس في الملامح والاوصاف
الزين روح وعفه وطيب سيره
مانيب من يهوى سريا وانصاف
انا هواي وبس بنت الجزيره
بنت الخليج اللي تماري بالاعراف
وحنا نماري باسمها كل ديره
مالي غرام بقول وخا وبالزاف
اذبحتني عند الطرحه المستديره
احب قولة ياهلا وعل وماخلاف
من بنت ثوبي بنت الارض النضيره
اللي تحلاها الظبي حلو الاطراف
جمال في عفه ورقه وغيره
واللي بها سحر مهو سحر عراف
ياعل عين ماتراها ضريره
عطف وحنان وذوق في لين الاعطاف
والى كشفت لثامها شفت أميره
صعب على اللي بالردي شاف ماعاف
وحلوه علىاللي سنه الله ضميره
شمس الى من اشرقت والدجا طاف
غابت نجومك غصب لو هي كثيره
السيف مايزهى سوى كف سياف
والخيل دون حصانها مستخيره
بس أنت دورلك على قدك لحاف
وان طعتني دور بدلنا عشيره




........................................ .........



أنا مقدر أكون


أنا مقدر أكون أني حبيبن في بعض أحوال
أنا كلي أجي والا أروح بعزتي كلي
تخيرت الفراق ومادريت أن الفراق وصال
أقول اني نسيتك بس مدري كيف تاصلي
خذاني لك سؤال في عيونك والجواب محال
خذاني منك دمع في عيوني مارضى ذلي
رحلت أنت وتركت لخاطري طيفك وصبري طال
غدت ذكراك شمس ما تغيب وصورتك ظلي
حكيت ومالقيت من الحكي إلا الندم موال
سكت ومت بالحسرة ولا ادري وشهو احسن لي
أحبك .. كل ما فيني يحبك يا خلي البال
تخيلتك دواي وصرت جرحي الصعب ياخلي
تعبت أرحل مع وجيه الناس بانساك بالترحال
ولا أدري وش يجيبك في وجيه الناس وأهلي




........................................ ...



تنهيدتين ونار


كلمني عنك
أبعرف كل شئ عنك منك
قلي وش اول جروحك
قلي وش أخر أمل ترجيه روحك
إحكي عن طبعك
و عن ربعك
عن اللي يهز دمعك
قلي وش معنى الحياة
قلي بأنفاسك متى قد قلت اّه
إحك لي عن الحب
إحك لي ... إحك لي
إحك لي عن الشوق
طربي فوق .. فوق
خذني منك
وإحك لي .. عنك
الصدق
إن الامل من قبل أعرفك ...كذب
و التضحيه أوهام
وإني أنا من قبل أعرفك
كنت أعرف أنام
كان السهر مو هالسهر
لعب ... و أغاني .... و إختصار
صار السهر تفكير
صار إنتظار
صار إحتظار
صار السهر ... تنهدتين و نار
يامنتهى أمري
بالهمس قلي مره يا عمري
وطر بي فوق ... فوق
خذني منك
و إحك لي ... عنك




........................................



"حكوْ فيها "



حكوْ فيها

خذَوْ في طاري الحلوه و جابوا

مسيكينه

بسيرتها تنابوا

و ذي صدق لشفاهي أبد ماهو قريب

بشر يا مصعب ارضاهم

و انا ماني حسيب

أنا سايق عليك الله لجل الله يا شامت

خلي الشوك من يدّك

و لا تطرف عيوني كحلت بالزين

لانام .. انا افداها اذا ودّك

يا هل ترى انتي وين يا بنت الشفاة؟

انا ادوّر عليك بصورتك

وينك ؟؟

أنا كني لمست رداك و ايدينك

ما شفتك بكلّ الكلام

شفتك على سجادتك

كنك تصلين القيام

و ليلك سرى بعبادتك

ما اصدقه ..

و الهرج ابد ما هو دليل

ما اصدقه ..

يعلّ يفداك الذليل

الله يستر خوافيها

اللي حكو فيها




........................................


علمتني وشلون احب




علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى




........................................ ....




لحن بدو


حنا ولا من قلت حنا تحنا
كل الكلام بعطر تاريخ الاجداد

المجد هم وهام فينا وغنا
حتى علينا من على روس الاشهاد

يا كبر حظ الي نخانا و ثنا
نشد له فوق الفخر سرج وشداد

ان هلل التاريخ غطرف وطنا
وان سولفو عنا رجاجيل واجواد

وان بان لك شمس ترى ذيك حنا
نشرق مدام الظلم ظلما وحساد

يا بنت يمي كان رمشك تمنا
اشق لك ثوب السماء جود وعناد

واشدلك زملً جفن المعنا
واسري بوجهك لاغشى وجهي سهاد

يا حلو قدك يوم قدك تثنا
محدا تغنى فيك من خوف الالحاد

حنا البدو يابنت هذا لحنا
نحبك اكثر لاغدى حبك جهاد

وحنا البدو يا بنت لامن نخنا
بناتنا يثالث العيد الاعياد

وحنا البدو يابنت وان قلت حنا
فاح الكلام بعطر تاريخ الاجداد




........................................ .





مشتاق و مضنيني الفراق

مشتاق ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكذب
مليت بك طبع الغرور
يا عيونها مشتاق
وللدمع مع جفني عناق
مشتاق ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي وانا فبرد الشتا موعود
ايا مسكين يا قلبي انا ماشي وهو يلتقت لك عود
ايا مسكينه يا روحي تحب اللي يعذبها و يزيد صدود
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني




........................................ ..




ميت وأنا حي


بيني و بينك عرفت الموت
تحب و الحظ متجني

تبي الصدق حبها منحوت
و أصبحت منها و هي مني

أفرشلها القلب بالياقوت
و أقول يا دلي إتمنّي

صدري قصور و مدن و بيوت
و هي المليك اللي يحكمني

يا ويل ويلي عليها صوت
تحكي تقل كنها تغني

و سكوتها غير كل سكوت
كل شي فيها يكلمني

قد شفت شمس زرعوها توت
بشفاتها التوت متثني

يا حلوها و القلم مبهوت
وش يكتب بوصفها عني

هي دنيتي و الهوى و القوت
و إن غبت عن وجهها كني

متغرب و غربتي تابوت
ميت و أنا حي مستني

قولو لها لو يفوت الفوت
هو ينفع الصوت متعني

و قولو لها و الله إلا موت
لو خاب في حبها ظني




........................................ ..




يازمان الذل
أخر قصائده قبل وفاته بشهر




أسلحتنا في المصاحف

يا زمان الذل

.. زل..

ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه والقيم


يا زمان الشيخ بوش
يكفي هزأت المبادىء

يكفي أحرجت العروش

الكرامه يا طويل العمر ما تكفي النعوش


يا زمان البيت الابيض
إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل


يا زمن نهب المتاحف
جانا جيش الحقد زاحف

جتنا لعلوج الزواحف

فتشوا حتى العقول

وأسلحتنا في المصاحف


يا زمن أمريكا شكراً
أنتزعت الأقنعه

إنت ازلت الأقنعه

وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه


بس خلك مستريح
الصحيح

يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح


يا زمان الازمنه خليك شاهد
إحنا مو ناقصنا واحد

هو صلاح الدين

احنا ألف مليون واحد

هم صلاح الدين

حنا بس بعيب واحد

هو.. فساد الدين

يا زمان الذِل

حِل

قلت لك مالك حِل



........................................




هذه القصيدة قتل طلال الرشيد بعد القائها بمدة ليست طويلة :



يا صغيّر ما يكبِّرني لقب
وما يصغِّرني إذا انكرني صغير

ماخذينا الصيت من جمع الذهب
ولا نسابة شيخ أو قربة وزير

كاسبينه من هل السَّيف الحَدَب
الجنايز كان ما جاك النذير

صيتهم نجمٍ على راسه لهب
سمعوا الصقهان به وأجهر ضرير

بالوفا تاريخٍ أبيض ينتصب
لاحكوا بالحق حيين الضمير

ضيغميٍّ للسناعيس أنتسب
لابةٍ طلنا بها عرشٍ كبير

عند حدّك يا كثير الهرج تب
لاتمر النار وثيابك حرير

كان لك عزٍّ بذلّي فتعقب
والله الا تبطي وحبلك قصير

أحسب أنك من صناديد العرب
وأثر ساترتك عباتك يا غرير

ما حسب للسوس زراع القصب
والقرادة ما درى عنها البعير

ولو حسبنا للحسايف والتعب
ما بذرنا يالعصافير الشعير

عن هلك أبرا إلى الله وأحتسب
الرجال اللي مجاراهم عسير

من قريش المصطفى وأبو لهب
والدغالب ما غشت عذب الغدير

للرجال من الرجاجيل العتب
والزكاة تحل في حال الفقير

لعن ابو وقتٍ غدينا به حطب
تحرقه نارٍ يثوِّرها أجير

ما ألومك والزمن سوّى العجب
هو بقى غير الكرامة بالجفير؟

ما أذل و راسي يشم المهب
لو بقى من شمّرٍ طفلٍ غرير

وما أهاب ولا يزلزلني غضب
الشجاعة ورث والعاقل غزير

يا صغيّر ما يكبَّر باللقب
غير من هو كان من دونه صغير

((رحمه الله واسكنه فسيح جناته))

آهــــات
01-16-2009, 12:30 PM
بنـــــــــدر بن ســـــرور





ارم البكت _ بندر بن سرور


ارم البكت واجدع الكبريت يالريمي
تطري ومما طرالي زاد لي ونه

الله يغربلك تصحيني وانا نيمي
ماانت بلاعوب عطني ولعه ياشنه

قيلت لي في محل بنشر الجيمي
لعل غر السحايب ما يمرنه

ياهل الونيت اركبوني خالص تيمي
ما توصلون الغريب اللي خرب فنه

ودوا الوديد لوديده يالمغانيمي
ياقربها من مزار مدور الجنه

وجدي عليها وجود مناكل السيمي
جازوه باسيام لاجل اللي قطعنه




........................................ ..




انحاس بالي _ بندر سرور



انحاس بالي يامحمد وصديت
من كثر الصدات قلت شطونه

ماني وانا بندر بهيت ولد هيت
هيت يجامل خمة يكرهونه

من كثر ماجربت واقبلت واقفيت
قولة هلا لمن لايودك مهونه

سلط على النصراني اللي لقا الزيت
لعل نبع الزيت يعمي عيونه

لاشك تحتاج المراجل شفاليت
تحتاج شي يقصر النذل دونه

عزم على الفرجه وقطع الخلا الميت
حتى عيال البوم مايقطعونه

ثلاث من كل المعاني تنقيت
واللي بقى كل الملا يقدرونه

مابغى جزاهن غير من خالق البيت
عمالهن للناس ماينفعونه




........................................ ..




خبيث التجاره / بندر بن سرور



لاوالله الا طولن بالوقوفي
عيا يحملهن خبيث التجاره


بفلوسنا ياعبيد ماش معروفي
متى نجي ياعبيد مع خشم صاره


ياركب من فوق صاف البلوفي
مقعد امبير الزيت نيم الحراره


فراق مابين القلوب الولوفي
فرت كما وبل السحايب غباره




........................................ .....




عنز ريمٍ _ بندر بن سرور


جينا حليت ولا لقانا أشعل اللون
الا بحمرٍ يبهتن الحديدي

روس الطوال اللي ورا حد طحنون
ياما بهن من عنز ريمٍ فريدي

قم سو فنجالٍ ترا الشاي لبتون
والماء الشريعة والهوا مستهيدي

مقيالنا في طلحةٍ فيّها دون
نودٍ سموم ونود بردٍ جليدي

تسوى حياة اللي سواة التلفون
من شبته بين العجايز بريدي

راع البلد ياميت القلب مسجون
اضرب تهاتيه الخلا تستفيدي

ابطش ديار القوم والرزق مضمون
تصيدك الاقدار والا تصيدي

واحذر تخاف الا الذي كون الكون
رب الفلك محيي العظام الهميدي




........................................ .......




مافي وسواس / بندر بن سرور


ياسخيف الذرعان مافي وسواس
لي حاجة بالعرض وأسعى وراها


وأسجد لقادرها على غفلة الناس
وأسأله الجنة يكمل عطاها


أسعى ورى حد مهاويه دراس
زيزوم نمراً قادها ماتلاها


علق حبالي فرخ واليوم قرناس
واللي بحالي للولي مشتكاها


أعوذ بك يارب من سعي الإفلاس
وأنته رقيب النفس تعلم خفاها

يابنت أنا هذي شفاياي يباس
أطابق الوجبات ما أشفق علاها


ماني وانا بندر بتباع الأنجاس
اللي قريبٍ تفلها من لحاها


أنا بدرب الصيرمي عدم الاجناس
زعيم روق اليا تنصت عداها




........................................ .....





هال ماطال / بند بن سرور



عز الله انه هال ما طال ياسعيد
زل الشهر والوقت طوال بديده

اللي من اول للخلايق مواسيد
اسقي غرير الهم لو يستفيده

قم يا رشيد الحق واقول يا رشيد
الله عليك انت من ايا بديده

اما البديده منك عند المواعيد
ولا همومك من حياتك زهيده

ابستفيدك كان جربت افيد
تنام واسمك حول الاسمر رشيده

لي قصة يشهد بها راضع الديد
يعدهاغيب السراب الطريده

طويلة عريضة با لتماجيد
يفرح بها الطيب فعول مجيده

طويلة عريضة بالمناقيد
يفرح بها النمام شين العقيده

جار الزمان وعاونوه الحواقيد
اللي لهم من قبل ذلك حقيده

يا رشيد يوم اتعبتني بالتناشيد
خذلك من الدرويش زبدة قصيده

واليا ذكتر الله وكثرت تمجيد
ترى محمد صفوة الخلق سيده

ترىابرك الحزات يوم صدف عيد
جمعة اسبوع وصادفت يوم عيده
أذكر لك الأجواد صد وصواميد
وانذال لاصدوا ولا من صميده

واذكرلك اقشر ماعلىالسيد والبيد
اللي طمع بنت القصير الحديده

فضحة قصيره عنده انه اكسب فيد
سوالف بها للناس خطو البليده

سولف بجرح سال جرحه تضاميد
زود لجرح الجرح ينزف صديده

من لا ستر خلآت غرات اجاويد
هذاك نقال الخبيثات بيده

وليا وطاك اللي وطاني تراديد
رد السؤال ولا تحير بريده

وانا الذي قد مرني سلك تنجيد
خدمت به عدة سنين مديده

مرحول هم وكل شي له احيد
احيد زين وشين والهم احيده

اسمع صريرالقلب بين الحواديد
حدنه الضلاع واسمع رديده

والله مأهني قاضي العمرترغيد
ابن اللئيم اللي حياته رغيده

اهني الكلب الحجل بالمراقيد
وضب الخلا لوكان يا كل رديده




........................................ ....




يفتل عموده _ بندر بن سرور


الله على اللي يوم يفتل عموده
يطلع ثرى ارضٍ بعَد القيض ماها

ليونس ثقيل الترس يرخي عضوده
شيهانةٍ ترخ المتون العشاها

عَده على اللي ما يدرهم قعوده
من صار زيزوم المشاكل حماها

ثم قل لابن دهره يحضر شهوده
للرفقه اللي باعها ما شراها

وقتٍ ركض كلبه ونامت فهوده
مما تشوف العين طوَل عماها

المال سالم والوجيه أمعبوده
برق التيوس اللي تواما لحاها

راعي صلاة الفرض بيَن سجوده
وراعي غرابيل النمايم لقاها




........................................ .......... ..




الا يا نديبي _ بندر بن سرور


الا يا نديبي فوق دوج عليه شراع
ما قال انفخ التشريق جا في مواصيره

ليا هبّت العليا و قام العجاج و راع
يهيضك مع السكة تثاوع معاصيره

صنايع يهودٍ لا يبدّل ولا ينباع
يقربك من دار و يقلعك عن ديرة

بعد طلّعوه مجَيّكٍ ما يبى المرجاع
سمع من وراه الفوج غنّت مواطيره

ليا دق سلفه قام حسّه يرجّ القاع
ما جاه المعاون يشتغل في مساميره

عطاه الثنين و زاد له بالأبنص و فاع
رزيمه رعد مزنٍ تهلّع دناقيره

خرط له بثالث عقب نشّه بعزم و زاع
و شتل له برابع ما يضيّع تغاييره

ليا شال عزمه ريّحه وامنٍ مارتاع
مسك مع يمين الخط و يلدّ لانبيره




........................................ .......... .





بديت ذكر الله / بندر بن سرور



بديت ذكر الله بكرة وأصيلة
ربٍ خلق كل النفوس وكفلها


يا أهل الونيت اللي تزايد عويله
مكينته ذيب النصارى شغلها


حده وقود النار وأبعد مقيله
شرق يريد العين وأدنى جبلها


إليا لفيت العين أخذلك دليله
لاتبدي الشكوى على غير أهلها


وأحذر يغرك من بسط لك شليله
كم واحد يبقى العلاء ما وصلها


عليك باللي في القسى ينعنيله
اللي ليا قاد السفينه عدلها


السالمين اللي خطاهم طويله
وسعيد زيزوم البلاوي فحلها


قل حاجتي يابو مبارك ثقيله
ماكل رجلٍ ينتخيلي حملها


أبغاك تدركها بحالٍ وحيله
عساك تاجد عند ربك بدلها


والاترى الدنيا قريبٍ رحيله
كلٍ تبي نفسه تلاقي عملها



........................................ ....





دوك السويك _ بندر بن سرور


دوك السويك وشغل الفرت يامنير
افحص علاه ودخله بالكراجي

اللى يبا بنزين ركب بواصير
واللى تباه النار ركب بواجي

واليا استعد وصخر البعد تصخير
تصخير شيهانن لفرج الزراجي

عده علا اللى مايعد المخاسير
ركاز عمدان الخشب للنعاجي

ثم قل لبو بندر ترا وقتنا غير
تبدلت سحب المطر بالعجاجي

وشيوخ نجد اللى تهد الطوابير
ينثر لهم حبٍ سوات الدجاجي

اما من المشرق تثور المعاصير
ولا من المغرب يهب العجاجي

يبكي أسيوفٍ سمرة نجد تسمير
تسمير عود العاج في عود ساجي

حدنا بن هندي محمد من ورا النير
والفرم محسن عقبنه اسواجي

ربع رسو بين الحذيفين يامنير
مسلموا لدور الباج باجي

واليوم ناطا نجد مثل الدواوير
نقضى الزوم ومسرعين الهجاجي

رحنا ندوج وأنتسمى المناصير
نمشي على البيداء بليا مزاجي

ويوم أن نجد إلنا بوسطه مسايير
واليوم نجد لشيوخ روق ......

ومتى يجي في نجد حسن التدابير
متى يجي للصابرين أنفراجي




........................................ .........





صدر وردوف / بندر بن سرور


يابنت ياللي عمرها صدر وردوف
بيض محاجرها وحلو نباها


ودي بشوفك مير يوم اقصر الشوف
عيني بعد هاك الرمد قل ماها


سويت لي يابنت بالعين معروف
بأسباب رجل بعدتها خطاها


والا ترى قلبي ليا اصطك بالجوف
اومى بحالي لين تابس عصاها




........................................ ......




عين تصطفق _ بندر بن سرور


مالوم عين تصطفق بعض الاحيان
شافت غرابيل الزمان الغريبه

ياكثر ماشافت وياقل الايمان
بقلوب من بقلوبهم شك ريبه

من ينصح اللي يعتقد له بكهان
يشرك مع الله واحد مايثيبه

لو يصدق الكاهن طلع منه برهان
وافتك نفسه من حدوث المصيبه

لاشك كذاب خذوا منه كذبان
والله صدق علام غيبك وغيبه

من سبته ياميت القلب ندمان
لعل قلبك للعمى وش تبي به

انصحك ياللي رشك الشيب عميان
وادي جهنم حادرٍ مع شعيبه

ينطيك زود المال والزود نقصان
غادٍبسوق السو ليه تغدي به

لا تدعي بالمل رابح وخسران
يفلجك من زين العمل يدعي به

وافطن لكلمة (ويل) للانسان
في ماقف ماينفع المرو جيبه

للشر ميزان وللخير ميزان
تكتب ملايكة السما وتعدي به

خذلك نصيحة واحدٍ شاف الاكوان
جرب غرابيل الدهر من نصيبه

من جاهد الدنيا بلا روس جنحان
يصبر بصكات الزمان الرهيبه

انا الذي شفت الوزا ياسليمان
برد الشتا والقيض أكلني لهيبه

ماني بهين النفس لو كنت جوعان
مايقنع الا الكلب عقب تهجيبه

والله يالوولا كلمةٍ قال ديان
حقي غدى به ما نوى انه يجيبه

ل اشهر كما يشهر مع الجوشيهان
قطع البحور ولا حياة الغليبه

لجّوا علي الناس قومٍ وصدقان
واخترت عنهم بعد ممشى النجيبه

مااهبلك ياللي تلتوي لك بجابان
رجلٍ من الجابان لا تلتوي به

لاساترٍ عرضك ولا قاضيٍ شان
تكسب نزولك عقب مبدا الرقيبه

ابعد عن الجابان لو كنت عريان
ثوبٍ من الجابان لا تكتسي به

يارب تجعل لي من الذنب غفران
يابارقٍ لايوب مما بلي به




........................................ .....





اني وانا بندر / بندر بن سرور



ماني وانا بندر براعٍ ولد راع
انا الحصان اللي طوالٍ حباله

إبن سلايل خير من شالت القاع
المصطفى الهادي وديع الرسالة

ماني وانا بندر ببيّاع دمه
يقطعك يا بياع دمه و مهفيه

اللي يبيّع لابسات الأزمه
ثورن يبي بيض العماهيج تغنيه

ماني وانا بندر بهيسن ولد هيس
هيسٍ يدنع عند حرمة قصيره

ليا بغيت اجلس ترى لي مجاليس
وليا بغيت انهج دروبي عسيرة

ماني وانا بندر بهيتٍ ولد هيت
هيت مقابل خمّةٍ يكرهونه

من كثر ما جرّبت وأقبلت و أقفيت
قولة هلا من لا يودّك مهونة

ماني وانا بندر على درب الأنجاس
اللي قريبٍ تفلها من لحاها

أنا بدرب الصيرمي عدم الأجناس
زيزوم روق ليا تنصّت عداها

ماني وانا بندر بنصّاي جابان
شوخ الجموس مناقرين الحليلة

ليا صار لي لازم نصيت ابو فيحان
شيخ الشيوخ مكمّلين الجميلة




........................................ .......




يا أهل الونيت _ بندر بن سرور


يا أهل الونيت اللي على دنقله ميم
نقل الرياض الخط ما توصلونه

ما رهمو له في الكراجات ترهيم
ولا قط فك أديتره ينفخونه

والله لو أمسك طارته يالمغانيم
ما عاد أقلد دولة يصنعونه

صناعته مخطين ملة أبراهيم
حمران روم لونهم مثل لونه




........................................ .....




يلعب هوى / بندر بن سرور


راكب اللي مخ ساقه خنازير وهوى
أشهبٍ في مقدمه بارقين وعكس تاج


مترفي مترين مستبرمٍ كله سوى
حايفه حطاب ماسمكره راع الكراج


منوة الي لأهله مشفقٍ وألهم نوى
يوم يفتح خط بين أربعه ثور عجاج


يوم يفتل للحرق والورق وسط إنزوى
ضد حرب وغرب والجمع ورجوم الحجاج


يوم أحده بالثلاثة مع اللفة عوى
عوي ذيبٍ محتدينه مربية النعاج


ثابت ما يحترك مرسيٍ يلعب هوى
ارتفع جب ارتخى مثل طايرة المراج


يرتفع حطاب بعصير لبنيه رمى
شرق غرب شمال بيمين الأبتل يوم راج


عنبره والمسك سلطان من نور السماء
والذهب خوذه وماء العود الأصلي يوم فاج




........................................ ......




البر دجته / بندر بن سرور



يالله يا جال الامور المهمة
تجلا وهج قلب برا حال راعية

البر دجته والبحر رحت يمه
يقطعك يا حظ على الله مساعيه

يوم أن ولد اللاش رزقه على أمه
رزقي على اللي ميت القشع يحييه

يامل قلب كل ما مات همه
دارت دواليب الدهر لين تحييه

فراق شمل الناس عيا يلمه
وقت يشيب الراس من شاية فيه

أحد ينام وحط راسه بكمة
واحد تخم النوم عينه وتخطيه

واحد يحاول بالردى بنت عمه
واحد يحاول ستر عذراء عوانية

ماني وانا بندر ببياع دمه
يقطعك يا بياع دمه ومهفيه

اللي يبيع لا بسات الازمه
ثور يبابيض الرعابيب تغنيه

يزعل لياجت ليلة الدوريمه
يرضى بسوق المال فخوه و فابيه

خطو البخيل اللي يكبر معمه
يقرأ الكتاب وواجب الله يخليه

إمر هرج لك في رفيقه بنمه
والاعطا وامه تضيع هقاويه

أنشدك ياللي كل فرض تتمه
تقرا الكتاب وكل فرض تصليه

ويش القليب اللي غميق مجمه
ما فاد غرسه ماه . عطشى سوانيه

تخالف الانظار شرق ويمه
وكل هدف رآيه من الناس مرضيه

سم السبب يا عارف عنه سمه
سم السبب يا عارفه قبل اسميه



........................................ .......




ذباحة التيس / بند بن سرور


ياعنك ماتغنيك ذباحة التيس
ربع السعد مادام حملك خفيفي


واخير من هاك الوجيه المفاليس
البعد عن معروفهم لو تضيقي


يلحقك منهم بعض الأيام تنجيس
تاطا النجس لو كان ثوبك نظيفي




........................................ ......




صكة القوع _ بندر بن سرور


يا رب انا لي حاجة صكة القوع
باقصى بحر تسعين صكة نحرها

اصعب على المخلوق من حبة الكوع
والا على الخالق بسيط دورها

كم واحد جت له بساتين وزروع
تراه ما يدري من اللي بذرها

ابن اللئيم مشارك الكلب بطبوع
عينه على حرمة قصيره نظرها

ما دارها خوف عليها من الجوع
خوفه تفوته غرة ما سبرها




........................................ ......




لاتجربونه / بندر بن سرور


ياهل الونيت اللي يبي مشتل البيب
مادق صدره بالخطوط الغزيره


يوم يتخثع مع محير الأداعيب
يشدي تخثع جادل في حريره


لاتجربونه مايبي الفرت تجريب
قد جربه بالبيت الأبيض خبيره


عدوه لابن حزام سيد اللواعيب
لعاب زينات البيوت العسيره


ثم قل لقاعد مانبي منه تدريب
الوقت دربنا على كل سيره


لو كل من قاد السبب يعلم الغيب
ياما كرهت النفس من باب خيره


ان قفت الأيام ماها مغاريب
واليا اقبلت يازين صافي غديره


قل له رميت الكيس بين الشواريب
واليوم ادوج مالقيت اتعميره




........................................ .......... .




مرقب الصاح _ بندر بن سرور


لولاى اعد الرجم في مرقب الصاح
والعب بعسر القاف مانيب صاحي

قم ياعليثه للشهر عد وش راح
باول جماده عد لى ويش راحي

وهات القلم وكتب الى الخط ياشاح
زرف علاه وسجله بالنصاحي

وعيني اللى ماتهنت بالامراح
من يوم جاني بالبخايص مناحي

البارحه مامرحت لين القمر طاح
من شرق لينه يمه الشرق طاحي

ياجعل يسقيهم من الوسم جراح
قدام ينزاعون لى بالنواحي

واقلبي اللى داخل فيه فحفاح
فحفاح قوم محتسين الصباحي

تليتني تلت معاويد فلاح
سواقهنه مايذوق المراحي

فالليل سراي وفالصبح سراح
ودايم عليهنه بشونه يلاحي

غاسق لهن غرس على العين مرتاح
يعدل عليه لجم في مستراحي

ويامن سميه في سوى الحزم شباح
ياكم فجر من عين حسو قراحي

واسمه يباري الصيد وان جاك سراح
جافل وقافيته هبوب الرياحي

وياشبه عفرا للمداوير مضياح
تجذب هشاهيش الخلا بالضياحي

مرباعها بين النويع والاسياح
ومقياضها عد الرويس الملاحي



........................................ ..........




يا منير _ بندر بن سرور


يا منير عمر لي من التتن معمار
يبر الغليل اللي على القلب سالي


ولا رفعت الصوت وأبديت ما صار
من شان تدري ويش ولا بحالي


ما كفاك مني سجتي بعض الأمرار
أنهج جنوب وحاجتي بالشمالي


أركض مع الدنيا كما ركض دورا
يا ما كسب زندي ويا ما غدا لي


الله على اللي عايروها بالأمتار
أطراز بنجٍ شغلت بالعدالي


زادوا هواها وأطعموها من النار
حتى النبير المنجضع صك عالي


نشت سماء ما جربوها مع القار
طارت مطير الطير ضبع الكحالي


تلفي على اللي في طرف نجد سنجار
يشدي جبل سنجار بين ألجبالي


بأطراف بيته للمواجيب شنكار
معلاف كبشٍ عند راعيه غالي


ثم قل أبو بندر ترى الوقت دوار
يفطن تراني منفعة لو شكا لي


إن زان وقته صار بالسلك يندار
وإن شان قص مروبعات ألحبالي


قومه عتيبة شيوخهم مالها أمرار
أنسور حومٍ يتبعن التوالي


والله يا لولا الخوف من بعض الأشرار
لا عد شيٍ شفته أول وتالي


كم واحدٍ بين العماهيج هذار
مغترته نفسه بكبر الضلالي


يبلس على ربعه ويدنس بالأسوار
ويعد نفسه من حساب الرجالي


كفه بخيل وقلبه أنجس من الفار
أسود طرف وأدغم من السرمدالي


هذاك بعده خير ما كنت أبختار
أجزاه بالصدات وأبعد مجالي


ابعد مجال الرجل عن كل عقار
وأصبر على الصكات والعمر بالي


وليا وطني غبر الأيام بازوار
غيري جماعه ما وطني لحالي


شفت ألوزا وشتلت لي منه قنطار
وليا عدلته شرق للغرب مالي


عبرٍ على الدنيا من العسر ليسار
ما ظنتي فيها حرام وحلالي


حرام للفنجال سوقه ليا فار
ألا على اللي يرخصون الريالي


وأنا الذي ما قول في نجد شعار
وإذن به شعر ما حدٍ حكا لي




........................................ ..........




يوم ان صدقان الرخا هملوني - بندر بن سرور


يوم ان صدقان الرخا هملوني
ركبت واركبت المغربل من الناس
من فوق فرت يوم يرخي المتوني
جول القطا اللي وارد عقب مرواس
من مارده ياعبيد شابن عيوني
ومن مصدره ياعبيد شاب اسود الراس
كان الرجال اللي مضوا يصدقوني
وحدك ولا خوة مغاريف الانجاس
طوال الظهور مخيبين الظنوني
جرارة الطرقه سرابيل الاكياس
والبوم بيت البوم مايفلحوني
ما طلعت سود التنك فض ونحاس




........................................ .......... .




الشاور غشاني / بندر بن سرور



من بلاد الشام جينا بالمكينه
فوق فرت ماتخثع بالطماني


يحتدي مثل الجمل تسمع رطينه
مع طمان القاع مثل الثعلباني


والشفير من المدارس مطلعينه
عيدهي يجدعه جدع الحصاني


قذلة الطربوش ناطلها يمينه
عن ظلام الليل شب الكهرباني


ماتجيه يسار رجله شوف عينه
غير يسر الطاركي باليماني


يوم قال له الخوي عاشت يمينه
شد رجله للكمك واحد وثاني


يالله انك تنصره من نصر دينه
ان عطى له مع غبا والا بياني


قلت يالمطنوخ انا عيني حزينه
عن شراب اللف ابيه وعنك كاني


قد رمى بالكيس قدمي قال وينه
دوك مابالجيب عن شي لهاني


يقصد الكبريت معي منه عينه
قد منا تلت غراميل متاني


قلت ثالث قال يالله لاتهينه
قلت خامس قال قير يطلب نقل ثاني


قالت واحد والكمك ظام المكينه
قال لي من يرحم القاسي لياني


قلت والله يرحمونه صانعينه
قد زعلت من اللهيب اللي غشاني


قال ماتاثق بذمه مقننينه
عن مشاور غير عرفي قد كفاني


قاطع عرقين مدري وين وينه
قد وصلت الأرض واسمع صوت ثاني


يوم يرفع موخره قو المكينه
يرتخي صدره وانا الشاور غشاني


قلت دوك اللف خابو شاربينه
غطني عن شوف شي قد غشاني


قال عن وقلت بأيا لحينه
قال قل ناسي خوي مانساني


قلت عاش الشيخ واللي ناجبينه
عادة الطيب اليا جا الجد عاني




........................................ .......... .




حج الجمل / بندر بن سرور


انا ليامني نويت افتل البيت
فتلت والشعار ما ينقضونه


بينت راسي للمغني وغنيت
وين انت ياللي مرمسات ديونه


حج الجمل ياهل المثايل وحجيت
والناس راس العبد مايقطعونه



دوك السويتش وشغل الفرت يابخيت
وارد حفيز وكاملات فنونه




........................................ .......... ..




عجل على المسجد / بندر بن سرور



ياكثر يافيحان صبر صبرناه
امس الشهر عديت باقي اسبوعه


لاتغبط اللي صار زوده بدنياه
يتبع هوى نفسه وغير طبوعه


مخطي طريق الحق غاد بعمياه
يجمع وصخ مال زوال نفوعه


اغبط تقي صار زوده بتقواه
عبد لصوت العبد يرخي سموعه


يفرح بصوت منادي الحق ناداه
عجل على المسجد بطيْ ركوعه


والا ترى الدنيا حدود مسماه
لابد مايقفي وتقفي زروعه




........................................ .........





لاتسقط شرفها / بندر بن سرور


الله من شي بحالي نحفها
من مالجى بالقلب حالي نحيفه


من كثر ماتكتم تزايد تلفها
بين كداها بالعروق الصخافي


كم واحد له حاجة ماصرفها
يصد عن صرافها لايضيقه


يخاف لايقضب نديم طرفها
قلبه صدى واطراف جسمه نظيفه


والله خلق بيد الذلول وعسفها
للي يبي المنهاج مثل القطيفه


والفضل للي مدها ماقصفها
وانهج من الدار المحل للمريفه


وانصحك ياللي غرته ماعرفها
شيب تشيب مايحول رديفه


رديفها يركض ويركز هدفها
وقت يقص العظم من حد سيفه


وان جتبك الدنيا وجابك صدفها
لاتعتزي بأهل النفوس الضعيفه


وأنصحك نفسك لاتسقط شرفها
ترى بعض بيض المجالس مجيفه




........................................ .......... ......





ملز الشوخ/ بندر بن سرور



سرى البارق اللي رؤوس مزنه تنصت غال
على هجرة بن سنون وأدنى الشبيكية


على شان خلي جعل يسقيهم الوبال
واليا عودت مالي ومال الحبردية


ألا ياعيون اللي مواكيرها بالخال
توالي رقايب نجد ماهيب بحرية


اليا نقضت شقرٍ على ردفها ميال
تخابط سبلهنه مطارق شريطية


كما ذيل شقراً شعشعت في يد الزمال
تغانم ملز الشوخ تبغى الكرامية


جوابه لبن عربٍ بعد ما أطرحن أهجال
تدلن على حليت مع درب وسمية


يتل الضماير تل غربٍ على محال
تصافق به الجيلان ملحاً جمالية


يرفع لها صوته صبيٍ خبيث أعمال
تسقي وديٍ فيه تسعين برحية


وترى تبعة المقفين عيبٍ على الرجال
لكن أوسع خاطرٍ بد خافيه




........................................ .......... ......





حبيت انقل لكم هذه القصيده الي قالتها ام بندر بن سرور بعد وفاته


عديت عصر ودرج الحجر من ماه ***والقلب عيا يستمع في مشيره

ياونتي يابدر قلت اه ثم اه***على ثمر قلبِ غدى به دبيره

وجدي على من راح يابدر وجداه ***وجد الطريح اللي عظامه كسيره

خلوه ربعه في نهار المثاراه ***رموه عنهم في نحور المغيره

جاين لدمع العين يابدر مسقاه ***يسقي القطيع اللي صفت عنه بيره

لو ينشرا بالمال برهج ضماياه ***صدر بعد معطان قاضِ صديره

عيني تهل الدمع من بعد فرقاه ***مثلي جداه الدمع يالله خيره

واجر قلبي جر غربِ بعرقاه ***من عيلمِ عوهن هماجِ مريره

علق سريحه فوق زرقا معفاه ***هزع الوروك اللي متونها مستديره




رحمه الله تعالى 0000

آهــــات
01-16-2009, 12:36 PM
بــــــــــــــدر بن عبـــــــد المحسن





((حسايف ))


التفت
وتوها ... توها ما اختفت
ماكساها الليل ... باللون الحزين
التفت ... وتعالت صرخته
في نظرته
صاح ... لكن بالنظر
وانكسر .... شوفه عثر
حسايف .. تذبل الضحكه وهى بين الشفايف
تذبل الفرحه وتضيع
ويصبح الكون الوسيع
مايكفي خطوتين .. لاكساه الليل بااللون الحزين
يوم مدلها يده
كانت الرجفه لقا
ودعت فيها الشقا
وتركت بين الاصابع عطرها
وعمرها ... عمرها ماجت على وقت الوعد
إلا ذاك اليوم
وعمرها .. مابكت .. وماضحكت
ماحكت له .. واسكتت
مثل ذاك اليوم
كانت اجمل من خياله .. كانت انظر
كانت اكثر .. من أماني عمره الظامي حنين
واختفت .. من كساها الليل باللون الحزين
اختفت في الطريق اللي معه
كانت تجيه
كيف دربٍ جمعه معها .. خذاه
ليتها اختارت سواه
تزرع الفرقا لياليها .. عليه
وحسايف ... حسايف




........................................ .........



اخر الصفحة يسار


في آخر الصفحه يسار
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..
ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..

أنا رقم .. اصقه ضرير ..
المشكلة .. مثلي كثير ..
يجمعنا حب الهاويه ..
احلامنا .. انا نصير ..
وقاماتنا متساويه ..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..




........................................ .....




انتي اللي وحدك لي

كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..




........................................ ......




أوقات ياخذنا الحكي


أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر ف كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات



........................................ ........



تحت المظله


مطر معلق بنصف السما لا ينهمر ولا يرتفع
وكل ما بغينا نجتمع تحت المصابيح الزرقا يطيح منه رذاذ
اما انهمر فرقا و الا تقطع وصل يا ماطر الليل
لا تاقف بوسط السما

لك هالشوارع انما تكفيك ساعه ساعتين
بنشيب وحنّا واقفين تحت المظله ماهو خوف من البلل
لكن حنين للمصابيح الزرقا ولليلةٍ سمراء سماها صافيه
وموعد لعيونها

والله غرفنا دافيه
ولها شبابيك وستايرعلى البروق لكن زهقنا بيوتنا
واللي يخليك اما انهمر والا ارتفع

تمرّ ساعه الا ربع وتو السحاب ما يدري وش يبي
أخاف أسأل صاحبي ويقول خلّنا نسري
وين نسري بدري
بدري على المسرى ورا السحاب قمرا وقمرا ورا الأبواب
تبي المطر يرقا وتهطل نجوم وتظهر علي أنا لو علي
تحت المصابيح الزرقا قلبي بيحوم مثل الفراش
تحت الرشاش والا الصحو لين أشوفك مقبله
والله ضلوعي مبلله بالشوق
وما ودي احاكي صاحبي ولا أساله بيقول خلنا نسري
وين نسري بدري ساعه وربع وحنا واقفين تحت المظله
اما أنهمر فرقا والا تقطع وصل يا ماطر الليل
لا تاقف بوسط السماء



........................................ ......



خضار وملح

خضار البحر في عينك
وملح البحر في اهدابي ..

وعيا البحر لا يسكن
أبد في صفحة كتابي ..

قصيده من خضار .. وملح
يا أول .. وأخر احبابي ..

انا من شفتها عيونك
ترى ما جفت ثيابي ..

ولو آخر قصيدي بيت
كتبته حب في عيونك ..

ولو يحمل همومي بيت
سكنت البحر وعيونك ..

ويبقى البحر .. وعيونك
وينشف في قصيدي البحر ..

ويبقى العشب .. وعيونك
ويزهر في متون الصخر ..

ويبقى الحب .. وعيونك
رغم كل الصحاري نهر ..

وانا والجرح والفرقا
وهذا الحزن بسبابي ..

ولو ادري البكا له بيت
اسوق فْ دربه ركابي ..

ابي لا غابت عيونك
ابل بدمعي ثيابي ..




........................................ .......




غربة وليل

غربه وليل .. وعمر ضايع ..
وحب ضايع .. في مركب أماني ..
ماله دليل
وانت يا اغلي الحياة ..
في الحب ناسي .. ليتك تقاسي ..
لو قليل ..
يا خطوة دمع فوق الخد..
يا جرح .. يا عمري ماله حد ..
يا حب كبير .. يا حزن كثير ..
يا ليل البعد والتفكير ..
حبيبي .. وكل سنا عمري .. وثواني بسمتك كله
عذابي وقلت انا صبري .. اداري لوعتي ف ظله
وفات العمر تغريبه ..
وضمت بسمتك .. غيبه
وعشت الحب في ليلي..
وذاب الصبر من ويلي
غربه وليل وعمر ضايع ..
وحب ضايع ..
في مركب أماني ماله دليل
وانت يا .. اغلي الحياة ..
في الحب ناسي .. ليتك تقاسي ..
لو قليل




........................................ ..........




لاتسرق الوقت

لاتسرق الوقت من غيرى
انا مابى زمن غيرى
لاتسرق العمر ياطيرى
مدام قلبك لحد غيرى
عطنى من ايامك من نهار
وباقى العمر للى تبى
مابه فرح يامعذبنى وانت لحد غيرى
ناظر وعدنا طال للى درا ومن شاف
ياقلبك الخواف
ياصاحبى الخوف
مايطمن الخوف
لاتلمس الجوف
وانت ايدينك بارده
والفرقاه دايم وارده
انت وانا فى نفس الطريق
بس الخطا متباعده
لاتسرق الوقت
يا أجمل الوقت
تكذب على واكذب عليك
والقى الدفا برعشه ايديك
نقضى كل العمر
كل العمر
نحلم بلحظه شارده




........................................ .......... ...




ناقش الحنا على الكف الحزين

ناقش الحنا على الكف الحزين ..
ناثرٍ شعره على شمس الجبين
والعيون السود ذبح العاشقين
انا دخيل الله وانا الجريح والله
لا تناظرني بجفا لا لا
يا حسين الوصف وش ذنب القلوب ..
ما تعرف العطف يالقاسي اللعوب
علّ ماجا منك تكفير الذنوب
انا دخيل الله وانا الجريح والله
لا تناظرني بجفا لا لا
زاهيٍ بالورد خدك يافتون
والعطر دمي من رماح العيون
احترق قلبي مثل عود الدخون
انا دخيل الله وانا الجريح والله
لا تناظرني بجفا لا لا



........................................ ..........




((سارة))

من كتب الحب العتاق ، وتاريخ القراق
وستاير الدمع الرقاق ..
جمعت قلبي غبار ، وقطع فخار ..
ومن على المرمر البارد ..
ومن ما نسته النار ، من غيمي المحروق ..
وحملت عيوني وركبت أول سفينه تبحر ..

على وجهي الاصفر ، خريف طال ..
وسلال من رذاذ وملح ..
وفي صدري حجارة نسيوها بحاره ..
مروا علي ف يوم ..
وقالوا تعال معنا ، وما كان يجمعنا ..
إلا الضياع والريح ..

راجع من الايام ، من الاحلام ..
ومن الف سناره ، مغروسة بقلبي
لقيت لي بشارة ، ما اغلى عطا ربي ..
أثر العمر ساره ، وموج البحر ساره ..
وكل المدى ساره ..
سافرت كل العمر ، وراجع احب سارة ..




........................................ .......... ....




أستبد


استبد ، استبد احيان
استمد كل هذا الظلم من ألمي
اتحد من راسي ، لقدمي
واضرب بعواصفي وبزلزالي
واهّدم الناس ، واهدّم بحالي
لين استرد بعض اثيابي من الريح
ولحمي من الشوك ..
وابتعد ، ابتعد

واحيان ما املك العواصف ، ولا الزلزال
ولا حتى ،في الهجير ، ظلال
لكن استبد ، استبد باللي عندي
اضرب بيدي في الهوى ، بجبيني في الصخر
لين اتعب ، اتعب ، وانهمد
مثل طفل اضناه البكا ، والسهر
وانتي آخر ما أعد في عمري
واجمل ما أعد

اعشقي ظلم الغصون الخضر للحطاب
والجلد للأنياب ، والجفن للسكين
اعشقي هالظالم المسكين ...
واتركيني انصهر في الشمس
والا ارتعد في البرد
لكن استبد ، واسترد اثيابي من الريح
ولحمي من الشوك
وابتعد .. ابتعد



........................................ ......



انتي اللي وحدك لي

كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..




........................................ .....




أول الناس


اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
أعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني ..




........................................ .........




تغريد




ياللي خذا شعره من الطير تغرد
ومن مدلهم الغيث صافيه لا جاد

ومن كل روضٍ عله السيل ترديد
ريح الزهر ومداعب الريح الأفناد

ومن كل صبحٍ بدد الليل تبديد
دفا الشعاع وفرحة النور لاباد

جاني قصيدك مثل عقدٍ على جيد
الجادل اللي كلها زين وعناد

ما هي من اللي يدلهون المواعيد
حشا ولا هي في الهوي صيد من صاد

وتلفتت روحي لحسنا من الغيد
واشتب في قلبي من الشوق وقاد

ولمست قلبي لين كله تجاعيد
شاب الهوى يا ليت ما فات ميعاد

يا بو حمد ما عادلي في الهوى سيد
وغيره فلا والله ما نقبل اسياد

وين الذي وصله على العين تسهيد
( ولا ودي اقطع درب لاماك برقاد )

يابوحمد وين وصلتنا التناهيد
ضاع العمر ما بين قرطاس وامداد

وانا احسب الشعر صعب المواريد
ماهو غديرٍ ينضحه كل قصاد

يوم امتلا هالجو حشو ومفاريد
راع الجمل معذور لو كسر إشداد




........................................ .......... ...





خطأ تبخل وانا كلي عطا

تبخل .. وأنا كلي عطا ..
خطأ ..
ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ .. لو ما جنت
ولو ما رضيت .. تحدني ..
روح الشقاوي .. ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان .. عودتني
وطال النوى وجار الزمان .. صبرتني ..
وإثر الهوى .. مثلك غريب ..
ماله .. على نفسه حبيب .




........................................ .......... .





قالو حروفي عمي وعيونك بروق


قالوا حروفي عمي وعيونك بروق

مافي قصيدي جنح ليلٍ وبارق

قلت الذي له داخل ضلوعي حروق

أقرب من اللي في سما الناس شارق

غيري يشوفك وأجود الشعر مطروق

وأنا أحسّك وأصدق الحب فارق

ياللي عيونك دم وعيونك عروق

ولهاث قلبٍ في نواعسك غارق

أقول أحبك يخرج البحر صندوق

تبرالغزاة وكنز سود البيارق

وأقول أحبك صدرالايام مشقوق

عن وجه غرناطه وعن مهر طارق

وأقول أحبك والله إني من الشوق

ألقا طيوفك في جميع المفارق

كتبت لك قلبٍ من القلب مسروق

ولا طاب لي وصفٍ من الوصف سارق




........................................ .......... .....




لاتشد القيد

لا تشد القيد ...
تجرح يدي ... أو تجرح القيد ...
قيدك غدى يوجع يدي ...
سجني أنا انت ... وسجنك أنا ...
والحب ... الحب عبدي وسيدي ...
لا ... لا تشد القيد ...
دمي ... جرى ... دمك ...
همي إني اشوفك في يدي ...
وإلاّ يدي همّك ...
في معصمي صرت ...
إنت السجين في معصمي ...
وكانك تصبرت ... أنا مقوى الصبر ...
دمعي في عيني ... وصرختي تملا فمي ...
سجني وسجاني ... أحزانك احزاني ...
وشلون ابنساك ... وشلون تنساني ...
محبوس في عيونك دمع ...
وزنزانتي ... تقطيبة الحاجب ...
وحاول توارى في الجفا ...
يا وجهه الصاحب ...
بتشوف نفسك في يدي ...
قيدٍ رقيق ...
قيدٍ سلب حريتي ...
ليته طليق ...
يا صاحبي ... ما به ابد قيدٍ طليق ...
لا ... لا توجع يدي ...
سجني انا انت ... وسجنك انا ...
والحب ... الحب عبدي وسيدي ...




........................................ .......... .......




** أبعتذر **


ابعتذر.. عن كل شئ
الا الهوى .. ماللهوى عندي عذر
أبعتذر.. عن كل شئ
الا الجراح.. ما للجراح الا الصبر
ان ضايقك اني على بابك أمر
في ليلة ألم.. و اني على دربك مشيت
عمري و أنا
قلبي القدم
أبعتذر.. أبعتذر.. كلي ندم
عن كل شئ.. الا الهوى
ما للهوى عندي عذر
اتصدقي.. ما اخترت انا احبك
ما احد يحب اللي يبي
سكنتي جروحي غصب
يا حبي المر.. العذب
ليت الهوى و انتي.. كذب
كان اعتذر لك عن هواي
و ما اقول انا .. كوني معاي
ان ضايقك اني على بابك أمر
ليلة ألم
واني على دربك مشيت عمري و انا
قلبي القدم
ابعتذر.. ابعتذر.. كلي ندم
عن كل شئ .. الا الهوى
ما للهوى عندي عذر




........................................ ..........





اه يالجراح

لا جيت أنا بسامحك ..
تبكي الجراح ما ودها ..
مشتاق ودي أصافحك ..
عيت يدي لا مدها ...
أه يالجراح راح اللي راح ..
وراحتي ، من يا ترى بيردها ..
يا حب ، ياذ كرى واسم ..
مدري انا ابكي عليك من العذاب اوابتسم ..
صدقني في يأسي .. نفسي تبي نفسي تبيك ..
لا يا دفا شمسي تبيك ..
ليه خنتني ، الله عليك ..
آه يا الجراح ، راح اللي راح ..
وراحتي ، من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي ، جرح انا كلي ..
وشلون أبرضى الصلح ..
فصل الخريف حبي ، حزن وورق أصفر ..
ودعني يا قلبي ، وخل العذاب أقصر ..
آه يا الجراح ، راح اللي راح ..
وراحتي ، من يا ترى بيردها ..




........................................ .......... ..




باقي فرح

اللحظه اللّي مقبله ..
بدري على ... اللحظه اللّي مقبلة ...
بالهون يا مستعجلة ... باقي فرح ...
لو ما تسرعتي على شمس المغيب ...
وقفت ثواني ما اغربت ...
وساعة وداعك ما اقربت ...
لو ما اختصرتي من السما ...
شبر إنتظار ...
طال النهار ....
ابسألك ...
حنا نعيش اللحظه والا نعدها ...
نركض على سطور الزمن ...
ونقرا من كتاب الزمن ... صفحه ...
عشان الصفحة اللي بعدها ...
أجمل من نجوم السما ...
إني أنا وانتي ... انتساءل ...
يا ترى ... يا ترى وش بعدها ...




........................................ .......... ......





ثلاث جدران

المنزل ثلاث جدران ورابع
ما بينهم ضايع متشقق وعاري
ويميزه شباك ضيق
مصبوغ بالأحمر الناري
ومحاصرٍ باسلاك علقت بها وردة
أوراقها المنزل والبرعم الأفلاك
***
وعلى الجدار الثاني
وأمثال وأغاني
مكتوبة بكسرة فحم
وصندوق خشب
مزخرف بغير الذهب غير الجواهر
تحت الكتابه نافر
فوقه ظلالٍ عريق
مثل العنيد من الجروح
مثل السيوف اللي مقابضها حديد
أسرار من ماتوا بعيد
وما خلفوا حتى الورق

***
أما الثالث من الجدران
معلقٍ عليه صورة لإنسان
من دفتر نفوس مكبره
مدري جفونه مبخره
ولال تجاعيد خيوط دخان
وفي الركن كرسي خيزران
يجلس عليها الوقت
وجريدة ٍ عنوانها باهت تغفى على الإسمنت
وفوقها كوب فارغ وفتات خبز
وأصابع ٍ للجوع صفرا مكسره

***
ويبقى الجدار الأول
وهو أعرض الجدران وأكثرها وقار
وهو الوحيد اللي انبنا ف نور النهار
بوابته على الطريق الرملي
صَفت أحجار درجها بصبر
وش كنها ؟؟
سنونٍ صفر في فمٍ مذهول
وظلما تشدك للدخول تشدك
وكل ما مسكت اكرة الباب النحاس بيدك
تلطخت بدم ٍ طري
الجرح نزفٍ يحتري أما الطعون
وين الطعون راحت

***
البيت ثلاث جدران ورابع
مالهم طابع يجمعهم
يشبهون أهلهم
وما صادفوا غير الحياة



........................................ ..........





رشاش

رشاش ... يتساقط على قلب ..
هذا عصفورك ... وباقي الصدر اعشاش ..
ابتل هالعصفور .. ريشه غدا اثقل
وان مرو الاوباش .. أو مرو الاجمل
صادوه وما اسهل ... من صيد عصفورك
طير.. وعليه رشاش ..
وبردٍ على الاحراش ..
وفوق الغصن طيرك ..
يشكي من الامطار ..
مري علي مشوار ..
لو جاء احد غيرك ..
دفاه بالاخبار ..
ولف الجروح ... بشاش
غشاش .. غشاش
وباشعل الغيره في قلبك البارد ..
ماقوى اخونك
ماقوى اخونك .. ماش
انا قلبي عصفورك وباقي الصدر ..اعشاش




........................................ .......... .





كل عام وجرحي بخير

ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه ف غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..




........................................ .......... ......


من عيوني ياحبيبي


من عيوني يا حبيبي
من عيوني اطلب والبي لك
من عيوني اتبسم انا اجيلك
واشعل في قناديلك اماني العمر
ونزرع شوق ونجني حب
من عيوني اطلب والبي لك
من عيوني ..
اجيب الليل اجيبه
من عيوني ..
قبل ميعاده ..
من عيوني ..
انا والشوق وطيفك
نرسم ابعاده
بس انا جاوزت حدي في هواك
مدري حتى وش ابدي في رضاك
واشعل في قناديلك اماني العمر
ونزرع شوق ونجني حب
من عيوني اطلب والبي لك
لو بيدي ..
القى مفتاح السعاده
كل لحظة ..
كنت حبيتك زيادة ..
بس انا جاوزت حدي في هواك
مدري حتى وش ابدي في رضاك
واشعل في قناديلك اماني العمر
ونزرع شوق ونجني حب
من عيوني اطلب والبي لك




........................................ .......... ..........




أحبابك سروا

مابه احد غيري يابنت احبابك سروا
لاتسأليني تغيروا يمكن نسوا او مادروا
ياحلوتي ضاع الوعد وباكر بعد
مري على دروب الجراح وتلقين احد غيري

بالله لاتبكين عندي والى رحتي سوى اللي تبين
مالك عزى ف قلبي الحزين
محتار انا اسكت ومدري ايش اقول
لاني سبب جرحك ولاعندي الحلول
لكن ابوصيك بصبر لابد للغايب عذر
وياحلوتي ضاع الوعد وباكر بعد .
مري على دروب الجراح وتلقين احد غيري


غطي سنا خدك بشال الليل
وغيبي ياشمس اللي ضيها لغيري
اه لو تعرفي وش كثر انا احبك لو كنتي تدري بي
ياعيونها السود مابه احد موجود غيري انا الموعود
جرحي وتعذيبي
ياحلوتي ضاع الوعد وباكر بعد .
مري على دروب الجراح وتلقين احد غيري .




........................................ .......... ........





الأربعين

ادري ان الوقت يذهب ما يعود
اربعينٍ فارقتني يالعنود

ماطر الايام من غيم الزمان
ما يبل الريق لو مهما يجود

كم شربته صافيٍ بارد قراح
ما دريت ان الظما سر الوجود

كل شمسٍ تلمس اشجار العمر
تحرق الاوراق وتجف الفنود

وكل ريحٍ تدفع شراع العمر
ينقطع به حبل ويميل العمود

اربعين مرت وتوني صغير
انتظر لعل تصدق لي الوعود

والغريب اني على هذا مغبوط
ادري اني بخير لا شفت الحسود

الزمن يا بنيتي كله زوال
ما تخلد كود لحظات السجود




........................................ .......... ....





اوراق الزمن

ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..

جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه ف بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..




........................................ .......... .....




بيض الردون

بيض الردون
يبني السراب خيامها
وسط الخلا واقدامها
تنبت عشب وتمطر غمام
لامن لمحت اثارها
يطري علي عشق الخلا
وقصيدةٍ لبن غيام
في حومة العقبان
في الازرق ، الازرق
شمس الضحى جمره
شفت الندى يعرق
في وجنة النوار
بدخل تحت سدره
وما سحت الاغصان
من ظلها البارد
على الثرى الممطور
واطلق عيوني طيور

وانا على المشراف
ومن حاجر به شيح
جول الحباري طار
ريشه يخض الريح
خض البحر مجداف
وين انت يالصقار
جول الحباري طار
بيض الردون طيري
برقة جناحك لي
وحتوفك لغيري



........................................ .......... .....




عتيم الليل

عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..

سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...
تعالي ... طالت الغيبه
وربي طالت الغيبه ..




........................................ .......... ........



المسافر



لا تلوح للمسافر ..
المسافر راح ..
ولا تنادي للمسافر
المسافر راح ..
يا ضياع أصواتنا .. في المدى والريح
القطار وفاتنا ..
والمسافر راح ..

يالله يا قلبي تعبنا من الوقوف ..
ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف
يالله يا قلبي سرينا .. ضاقت الدنيا علينا
القطار وفاتنا ..
والمسافر راح ..

مادري باكر هالمدينة وشتكون ..
النهار والورد الأصفر والغصون ..
هذا وجهك يالمسافر لما كانت لي عيون ..
وينها عيوني حبيبي ..
سافرت مثلك حبيبي ..
القطار وفاتنا ..
والمسافر راح ..




........................................ .........




موت وميلاد


في عيني تغيب الشمس وتشرق في عيني
في ناظري للشمس موت وميلاد

لليل في دمعي سنا نجمتين
وللصبح في جفني شفق هم وسهاد

كن السهر درب عليه اب تجين
ولا ودي أقطع درب لاماك برقاد

ياللي جميع الناس بينك وبيني
وكل لحظة أنا نتظر منك ميعاد

عذري لياسي منك إنك تبيني
خنت الرجا وان صنت لي عهد ووداد

ولمصافحك ربي خلق لي يميني
أمدها لك وصل وأمدها بعاد

البسمتك ترخص غوالي سنيني
جرحي يهون ووجايرالشوق يزداد

أنسى عذاب العمر و ما أنسى حنيني
تبلى ليالي العمر وجروحك جداد




,,,,,,,,,,,,,,,,,,,, ,,,,,,,,,,,,,,,,, ,,,,,,,,,,,,,,,,,

آهــــات
01-16-2009, 12:43 PM
خــــــــــالد الفيصــل





ليل الهوى


سريت ليل الهوى لين انبلج نوره"
" امشي على الجدي وتسامرني القمرا


طعس وغدير وقمر ونجوم منثوره"
" انفاس نجد بها جرح الدهر يبرا


يا نجد الاحباب لك حدر القمر صوره"
" طفلة هلال وبنت اربع عشر بدرا


حبيبتي نجد عيني فيك معذوره"
" معشوقة القلب فيها للنظر سحرا


فضة شعاع القمر في نجد مسحوره"
" من شاف لمع قمر في خدة سمرا




........................................ .........




الهوى الغائب


إذا التقينا يوم

ولا عرفتيني

فلا عليكِ لوم ..

شاب الزمن فيني

أنا الهوى الغايب



أنا اللي كان ذاك الزمان

وقت و مكان

أنا اللي كان

في نظرة عيونك حنان

ومضة في عتمات المسا

فرحة فؤادي اللي نسى

بسمة صباحك

ودمعة جراحك

خاطر عبر مرة في حياتك

أنا الهوى الغايب



في ليلة عشتها عمري

لموعد انتهى بدري

رسمت أحلام

وعشت أيام

وغنيت الهوى أنغام

وكنت الهوى للقلب

وكنت الوطن للحب

ولو غيرت وجهي

مسافات السنين

ما تختفي في العين

نظرات الحنين



ياللي تركتيني

وخاواني الغياب

رحتي ونسيتيني

وتذكرني العذاب

سارت بي الأيام في غربة حياة

لا طريق أمشيه

أو أعرف مداه

زحمة وجوه وعابرين

لا روح فيها أو حنين

ولا شبه منك في عيون الناظرين

أنا الهوى الغايب

جيتك على غفلة زمن

هيا قبل يصحى الزمن

انهي عذابات الشجن



أنا الهوى الغايب

أنا اللي كان ذاك الزمان

وقت و مكان

أنا اللي كان

في نظرة عيونك حنان

ومضة في عتمات المسا

فرحة فؤادي اللي نسى

بسمة صباحك

ودمعة جراحك

خاطر عابر مرة في حياتك

أنا الهوى الغايب



........................................ .......... ...




حداني وقتي


حدّني وقتي على شيٍ .......جديدي

السهر ماهوب من عادة ........عيوني

أبعدوني عن هوى بالي ........وسيدي

ومنعوا عنّي خطوطه ........ياصلوني

شطروني عنه في دارٍ ........بعيدي

حسبي الله كانهم منه ........قطعوني

صارت الفرقا لنا علمٍ .........وكيدي

ليتهم راحوا وانا عنده ........نسوني

عاقني عن صاحبي سورٍ حديدي

دونه البحور حرّاسٍ ودوني

الرجا بك يابو خالد يا ........عضيدي

لا تخليني تراهم ........عذّبوني



........................................ .......... ....




ياضايق الصدر


ياضايق الصدر بالله وسع الخاطر
دنياك يازين ما تستاهل الضيقه

الله على مايفرج كربتك قادر
والله له الحكم في دبرة مخاليقه

حلو العيون استهانت دمعها الحادر
كف العباير حزين الدمع ماطيقه

حسايف الحزن يغشى وجهك الطاهر
والورد في وجنتك حرام تغريقه

يفداك قلب على ماتشتهي حاضر
يفداك بالي بقالي من معاليقه

مافات خله ولا تهتم من باكر
وأغنم من اليوم ماساقت توافيقه



........................................ .......... ......




في ظل الوعد


أنتظرت أزمان في ظل الوعد

احسب الخفقات يا أغلى وعد

انتظرت و الظاهر انك يا وعد ما جيت

عيّا عليك الوقت و إلا يا وعد عيّيت

انتظرت لكن النجمة سرت

والقمر راحوا أصحاب السمر

ونسمة وفا مرّت

ولفّت مكان الوعد ضمّت

تعتذر

وانتظر

انتظرت أزمان في ظل الوعد

ما احسب يجيني يوم أكذب إحساسي

وإلاأقول طوّلت يا قاسي

سقى الله أمسي العاشق

ونورك في السما شارق

تعاطينا المحبة شوق

تساقينا هوانا ذوق

نقول لليل لا ترحل

ترى الباقي معك أجمل

سرينا و الوعد باكرحضرت و لا حضر باكر

انتظرت أزمان في ظل الوعد

الله يا هو الوعد ظالم

إذا جيته و لا جاني

وأنا ما أظن ينساني

ويتركني لأشجاني

دعاني بالأمل لكن مسّح قدّامي دروبي

و لا أدري شي أو لا شي

أغني فيه مسحوبي

تأكد يا وعد وإلا

ترى لى جيت باتغلّى

وبتأخر و لو لحظة

وأجيك أسابق اللحظة

و لاأغمض و لا غمضة

تفوّت من سناك ومضة

انتظرت أزمان في ظل الوعد



........................................ .......... ...




أنا السّعودي

أنا السّعودي رايتي رمز الإسلام
وأنا العرب واصل العروبة بلادي
وأنا سليل المجد من بدأ الأيام
الناس تشهد لي ويشهد جهادي
دستوري القرآن قانون ونظام
وسنة نبي الله لنا خير هادي
امشي على الدّنيا وأنا رافع الهام
وافخر على العالم وأنا اجْني حصادي
إذا تأخّر بعضهم رحت قدّام
وإذا توارى خايفٍ قمت بادي
إن جيت ساحات الوغَى صرت قدّام
وان صرت بلْحالي فلانيب عادَي
واظهر على غيري إذا صرت بزْحام
عقيد قومٍ بالطّبيعة ريادي



........................................ .......... ...




مرتاح احبك

مرتاح احبك ولا علَّمت
. . . حتَّى انت عيّت أبيّن لك

و البارحه يوم انا سلمت
. . .شكّيت لو عيني تدلك

برقٍ لمع في العيون و خفت
. . . مواجع القلب توصل لك

عساك في ناظري ما شفت
. . . كيف المعاليق يومنّ لك

من خوفتي لا احترق جنَّبت
. . . هربت من شمسك لظلّك

اخشى عليك الهوَى لو طحت
. . . ما تلّني يمّك يتلّك

أبي قليلك ولا حصّلت
. . . بعضك تركني مع كلّك

ما ادري صواب او خطأ ما قلت
. . . إنك حبيبي و انا خلّك



........................................ .......... ......




((علامك))



قالوا علامك قلت مابي خلاف
مابي بلا ياكود فرقى المحبين


الحب لو يجحد عليله يشاف
يدري به الّلي عارفٍ لوعة البين


شيٍ يشاف وشي باجوف خافِ
عشرٍ تبين وخافيٍ منه تسعين




........................................ .......... .....




((لا تسألوني))


لا تسألوني ليه انا
عاشق خزامى مستهام

اذا عرفتوني انا
تدرون وش سر الغرام

اصلي انا بيتي شعر
والبر هو ديرة هلي

فرشي ثرى وسقفي سما
وترابها غالي علي

اشفق على خزة ظبي
في طعس من فوق الغدير

ومشاهدة سرب القطا
من روض للثاني يطير

الله على شمس المغيب
والليل الى نسنس هواه

الضو تقدح بالجمر
والنجم يقدح في سماه



........................................ .......... ........




((شبيه صويحبي))


يا شبيه صويحبي حسبي عليك
كل ما ناظرت عينك شفت ذاك


شفت لونه في خدودك والعيون
في سلامك في كلامك في حلاك


كل شي فيك يطري به علي
يا حلو بسمة حبيبي في شفاك


ماهقيت ان القمر مثله قمر
لين شفتك ياشبيه احلى ملاك


ليتهم سموك بإسمه واستريح
كل مانابيتك اغلط في نباك




........................................ .......... ........




(( من بنات الريح ))


من بنات الريح لي صفرا جفول
كنها ظبي الفلا بجفالها

منوة الخيال عساف الخيول
زينها في دقها وجلالها

زينها ماشفت وصفه بالمثول
ألله اللي بالجمال اصخى لها

تستذير كحيلتي من كل زول
ما يصخرها سوى خيالها

اذكر الله كل ماقامت تجول
واحمد الله خصني بحبالها

كنها تمشي على قرع الطبول
فتنة اللي خافقه يبرى لها

ظافي القصه على الطرف الخجول
تنكسر شمس العصر بظلالها

وصفها وصف السحاب اللي يجول
كل عين تستخيل خيالها

أو كما طاري على الخاطر عجول
صاحبه حقيقته ماطالها

كل رجلٍ في حياته له ميول
والهوايه تمتلك رّجالها



........................................ .......... .....




يا ساعة الفرحه

يا ساعة الفرحه تشوقت للعيد

عيد العيون وعيد قلب الصبابه

رد الجمال لشوفتي يا اتلع الجيد

واسحب على حرفي لحون الربابه

حرفي بصوتك يا اجمل الصوت تغريد

يا رمز حبي هاك رمز الكتابه

يا صبح عمر فيك للعمر تجديد

وحبك يجدد كل يوم شبابه

للعين والقمرا وحسنك مواعيد

وليل الهوى شرع للأحباب بابه

ياما زعجت الصوت باسمك تراديد

وياما نسيم الوجد يمك سرابه

وياما تمنيتك على باقي الغيد

واقول مثلك يا غلا الروح ما به

ابيك تهوى مثل ما اهواك وتزيد

يا من خفوق القلب حسنك غدا به

يا قطرة الغيمه على يابس البيد

رد الحياة لخافقي يا ذهابه



........................................ .......... ...




(( لا يطول غيابك))


لايطول غيابك ... ثم اخذ عليه
لو تخليت عنى ... عنك قلبي ماتخلى


العذر والتعلل والحكي ... مانبيه
من تحرك فؤاده ... بالهوى ماتخلى


طبعي الصبر لكن وش عليه ارتجيه
من طويل الصبر يعقوب وايوب ملا


دامني حي عطني وش بقي نحتريه
مابي دموعك ...اللي عقب موتي تهلا


مابقي بالعمر مقدار ماراح فيه
كل مازل يومٍ ... يوم بالعمر ولى


مايعرف الجمر مثل الذي يكتويه
احد يدفا بناره ... واحد فيه يتصلى


يامن القلب حطيته براحة يديه
مارضى له مكان غير كفك محلا


كم تعذر وعيا عن هوى محتويه
لين طاح بيمينك بالغرام وتجلى



........................................ .......... .....




عز القصيد
عَزّ القصيد وزاعلتني حروفه
من يوم غاب الّلي قصيدي مهاويه

غابت به الدنيا وخلّت طيوفه
عزّي لمن مثلي زمانه يعاديه

عقب الملاقىٰ بس بالقلب أشوفه
وعقب المناجىٰ بس بالفكر أناجيه

كلامي وشوفي لغيره حسوفه
من غيره يْخاوي غريبي وأخاويه

يا لوعة المشتاق تصفق كفوفه
لين التفت ما شاف بالدّار غاليه

كنّ العيون بكل شين محْذوفه
والقلب كنّ جموع الأيام ترميه

تسابقتني من زماني سيوفه
تجرح مْرادي في حياتي وتدميه

يا عونة الرحمن وين النكوفه
لين انتحىٰ الخفّاق وش عاد يثنيه

ما رحت أدوّر عند خلّي مروفه
ما يرحم إلاّ الله فلا شك مغليه



........................................ .......... ........




افكاري

رَكضتْ ألحَق الهَارِب ومِتمَرّد أَفكَارِي
أبَارَوّض الفِكرَه عَلى حَالِي الجَارِي
أبَاقضِب عَنَان الطّامِح الجَامِح العَاصِي
أبَا ألمَس حَنَان السّاهِم الحَالِم السّارِي
أبَا أجْمَع شتَاتِي عقُب رِحْلات غربَاتِي
وَأنَاغِم هُوَاجِيسِي عَلَى بَاكِي أَوْتَارِي
تَعَتبت وَجَرَحنِي يَاهل المعرفَه دَربِي
وطَالَت مِسَافَاتِي وَاناَ أطَارِد أفكَارِي
ورَاهَا تورَاى مِن ورَى حَاضِر أيّامِي
ورَاهَا تسَافِرمِنْ ورَا قَدرَت أَسفَارِي
ورَاهاَ توَارَى عَجزِي تشُوفَه عيُونِي
وَراهَا تطِير وكِلّي قيُود وَأعذَارِي
حَبَسْنِي رَمَانِي بِالثّرَى والسّما حِلمِي
أغَازِل سَحَابَاتِي وَأنَا أكتِب لَهَا أَشْعَارِي
أرَوّح لَهَا صُوتِي مَع رَايِح النّسمضه
وَأقُول إِمْطِرِي يَاغِيمِتِي جَفّت أَنْهَارِي
ويِمسِي عَلَي اللّيل خَالِي وَأنَا خَالِي
لابَاح لِي سِرّه وَلا بِحْت بَأَسْرَارِي
نُجُوم السّمَا تِدِحّ ولِيلِي بَهَا سَاكِن
عَجِيب السّكُون بلِيل فِيه الفَلكْ جَارِي
وَيَا فِكرِي الهَارِب وَيَانُورِي الغَارِب
بدُونِك فَرَاشَاتِي تَهَاوَتْ عَلَى نَارِي
وَأَنَا لَوعَذَرْت الغِير مَااِعْذِر أَفْكَارِي
أَنَا مَواطِن أَفْكَارِي وَدَار الفِكر دَارِي




........................................ .......... ...........




حنا العرب ....
حنا العرب يا مدعين العروبة
وحنا هل التوحيد وانتم له أجناب

وحنا شروق المجد وانتم غروبه
وحنا هل التاريخ وأنتم به أغراب

يوم الفقر شلتوا علينا عيوبه
واليوم عقب النفط جيتوا لنا أنساب

ويوم الفقر فينا البداوة سبوبة
واليوم صرتوا مثلنا بدو واعراب

لو الهوى منكم منعتم هبوبه
لا شك رزاق الملا رب الأرباب

ولو المطر منكم منعتم صبوبه
لا شك رزق الخلق من عند وهاب

جيش الحسد سقتوا علينا حروبه
كل يبي يزرع على جسمنا ناب

حرب على المحسن تراها عقوبة
بالله عساكم ما تفيدون حراب

يا ما عطينا ما ندور مثوبه
إلا من اللي من ترجاه ما خاب

ويا ما نصرنا صاحب ضيقوا به
عاداتنا نقدم الى مالردى هاب

وياما نصانا من تعثر دروبه
يدخل حمانا من تعذرة الأصحاب

حنا بنينا دارنا من طيوبه
وانتم سلبتوا داركم كل ما طاب

الله سقانا من بحرنا عذوبه
وانهاركم مثل البحر هدر تنساب

حنا زرعنا الحب بارض خصوبه
وانتم زرعتوا كره الأجيال بتراب

وحنا دعينا السلم نوبه ونوبه
وانتم حمام السلم بعتوه بغراب

يا من دعا للحرب ما درك خطوبه
لا تحسب أن الحرب تهديد وخطاب

من شب نار الحرب يصلى شبوبه
ومن ثور الفتنة تعرض للأسباب

ما يستر الرجال ملبوس ثوبه
الدين وافعال الكرامة له ثياب

ما يقبل الرجال بحماه حوبه
ما دام له حق وللحق طلاب



........................................ .......... .......




بشروني عنك




بشروني عنك ما يدرون عني
ما دروا باللي شغل فكري وظني

اتسمّع للحكي بك واتحفّظ
خايف دقات قلبي يفضحنّي

كل ما سمّوك باسمك فز قلبي
والضماير والمدامع شاغلنّي

يا حبيبي يوم جنبت الحبايب
عفت لجلك كل من قبلك فتنّي

من عرف قربك عرف طعم السعادة
وإن تشطّرت أدرك غبون التمنّي

في هواك من العسل لذّة مذاقه
لكن حروس النحل عنها حدنّي

ماعد اسمع بك ولا اوحي فيك عاذل
والعذارى جهّل لو داعبنّي

لك عيون فعلها بي فعل ظالم
من عرفتك يالغضي ما ريحنّي

إن تفارقنا تغايا لي بليلي
وإن تقابلنا دهنّي واخجلنّي



........................................ .......... ..........




في سحابه




في
سحابه..على متن التمني
شفت عمري .. خيال في سحابه
يا ذهابه ..تعدى ما ارجهنِ
كن عامه .. نهار يا ذهابه
من غدا به .. ربيع العمر منّي
حسبي الله .. على وقت غدا به
إلتوى به .. رجا قلب يونِ
ويل قلب تعلق والتوى به
في شبابه ..حبس نشواه عني
ما تهيا لذيذه في شبابه
ذا صوابه .. عقب ما هو طعني
لو نسيته يذكرني صوابه
من هقابه ..يخيّب كل ظني
واعذاب الخفوق اللي هقابه
رد بابه ..زماني وامتحني
يوم ثوّرعجاجه .. رد بابه
يا ربابه ..على المسحوب غني
من قصيدي .. بكى قوس الربابه



........................................ .......... ........




نفسي عيوف



نفسي عيوف يا اريش العين تجزع
ما تقبل الحقران لو من عشيري
إلى متى في طلبتك باتخضع
وأسأل متى يوم الوصل بي يصيري
لو كان قلبي في هواك يتقطع
خله لعله بالقسى يستخيري
أنا جزمت أنساك يا زين وانزع
اللي بقى من حبكم في ضميري
مثلي عزيز النفس عنك يترفع
دور هبيل فواد مثلك غريرِ



........................................ .......... ..........




فدوة عيونك



فدوة عيونك لو غدت روح مغليك
وش عاد لو راحت لعينك عشاير
أبيع مايغلى على الكون واشريك
واسوق لى جتني علومك بشاير
وازعل جميع الناس بالحيل وارضيك
واصبر لو دارت علي الدواير
واخذ من ايامي لك ايام واعطيك
وان راح عمري لك فلا هو خساير
أحب أنا شوفك وصوتك وطاريك
دايم وفكري فيك هايم وحاير
بالصمت أهوجسبك وبالصوت أناديك
والله عليم البينة والسراير
أنا وقلبي والهوا بن أياديك
عندك مفاتيح الهنا لضماير
من روحي أحبك ومن روحي أفديك
يامن غرامة والحسن فيه ثاير




........................................ .......... ......




(( يا صاحبي ))


ياصاحبي هانت عليك المحبه
لاوحسايف عقب هاك المواثيق
جمر الغضا في وسط قلبي تشبه
نارٍ حطبها يابسات المعاليق
كاسٍ مليته بالوفا لاتكبه
خلّه يبلل بالوصل يابس الريق
صبّه بقلبي ثم ملّه وصبّه
وان كان ودك غرق القلب تغريق
دام الهوى راسي وراسك يهبه
خذ سجّةٍ ترى زمانك توافيق
ترى حلاة العمر مع من تحبه
شخصن تريد من جميع المخاليق




........................................ ..........





يا زمن العجايب


زمان العجايب وش بعد ما ظهر
كل ما قلت هانت جد علمٍ جديد

إن حكينا ندمنا وإن سكتنا قهر
بين قلبٍ عطيب وبين راس عنيد

لو تفيد المدامع كان أسيّل نهر
مير كثر التوجّد والدمع ما يفيد

اصبر ايام واشهر واتصبرّ دهر
وان حصلّ لي مناتي جيت لوني بعيد

ارجي الله واراقب كل طالع شهر
يجلي الهم عني أو عسى ما يزيد

يا غزالٍ فضوح الزّين عنه أشتهر
في عيوني ملاك ووسط قلبي وحيد

مخطي اللي يشبّه وجنتك بالزهر
الزهر ما له رماحٍ تصيب وتصيد

لو جحدت المحبة سقم حالي جهر
مير ما كل قلبٍ ياصل اللي يريد




........................................ .......... ........




(( يوم أنا طالب ))




يوم انا طالب هقيت اني عرفت
كل مافي الكون من سر الحياه
يوم انا طالب تحمّست ووعدت
اني اصلح ما تبيّن لي خطاه
يوم انا طالب على الغيمه رسَمت
ضحكة الدنيا على عذب الشفاه
يوم أنا طالب تخيّلت وحَلمت
اني البس من هَدب شمسي عباه
يوم انا طالب حَسبت اني وصلت
اثرني ما دست بالرجل الوطاه
وانتهى ربيع الاحلام وظهرت
اصدم الواقع ويصدمنى عطاه
ينجرح شوف العيون الى التفت
كن في حجر العيون اكبر قذاه
ان بغيت امشي لقيت انّي وقفت
وان رفعت الصوت ما جاني صداه
الحقايق فاجأتني ما بدأت
والزمان اسرع من اللي في رجاه
وانكسر غصن الخيال اللي زرعت
والتوى صدري على تسعين اه
لكن اني رغم هذا ما انهزمت
واستمريت ادعس الشوك بحفاه
كلما زادت مواجيعي صبرت
بين ثلج وبين جمرات الغضاه
ما غلبت الوقت لكن ما انغلبت
اعتصر نبعي من بطون الصفاه
كلها لعيون معشوقن عشقت
ديرتي ديرة رفيعين الجباه
في ثراها غالي احبابي دفنت
وفي سماها اجمع الحلم وهواه



........................................ .......... .........




ياعل قلب

ياعل قلب ما شكا الحب والتاع
تنهار من فوقه محاني ضلوعه

يا ما نهيت القلب لا شك ما طاع
ما طاع يد له والليالي تلوعه

أثر المولّع دمعته تجرح القاع
وإلى ذكر ما فات هلّت دموعه

يفز قلبي تالي الليل مرتاع
أخاف تبعد عن ربوعي ربوعه

الموت كان العرف عقب البطا ضاع
والمنتحى يا سعود صعبٍ رجوعه

في غير شوف العين ما نيب طمّاع
حقّه علي أمشي بدرب المطوعه

أبو عيونٍ رمشها سود ووساع
في ذبحها العاشق فتون وبتوعه



........................................ .......... .......




(( أرفعي سهام المنايا ))
إرفعي سهم المنايا يالعيون
مابقى فيني مكانٍ للطعون
كل شبرٍفي حياتي إنجرح
و الذي شقّوا خفوقي يشتكون
يا العيون الطاغيه خفّي علي
كبرت اللّي باوّل ايامي تهون
في عيوني دمعتين واقفه
ردّت الايام دمعي بالجفون
بالغَت فيني تباريح الهوَى
و أستبدّت بي مواجيع الظنون
خبّريني يا غرام العاشقين
كيف يستهوي هل العشق المُنُون
إرحمي قلبٍ تجاريبه قست
في زمانٍ ماعرف يومٍ حنون
اللسان يخون و البسمه كُذُوب
و اصدق التعبير نظرات العيون



........................................ .......... .....




(( من شمال ))



هب نسناس الهوا لي من شمال
حاملن ريح الخزامي والنفل

من فياضن ظبيها يلعب دلال
لى لمح ظله من النشوه جفل

يذبح العشاق صعّاب المنال
كم شطيرن بالقناصة قد قتل

مثل شمس العيد فضّاح الجمال
كل نجمن لا ظهر نوره افل

خصّني بمواجه السحر الحلال
واشهد ان السحر في قلبي نزل

ضارين بمقابل فحول الرجال
وارتعش قلبي من الفتنه خجل

قلت راح العمر من دون الوصال
قال لو حاولت يا القاطع حصل

قلت لوني طامعن لو بالخيال
كان بدّلت التوّجد بالأمل

يا ندى الغيمه على ورد الجبال
يا عبير زهور ريضان السهل

إجتمع حسن الحيا بك والجلال
ما تبدّل بك مع العالم بدل



........................................ .......... .......




لاتملين الشعر

لاتملين الشعر وأنا القصيدة
صاغها من لوعة ايامي زماني

المعاني من غرابيلي جديدة
من عذابي لحّنوا حلو الأغاني

كلما ونيت ردوها نشيدة
واسمع جروحي تصيح بصوت ثاني

حرفي المجروح سامرهم يعيده
كلما ودعت موجوع ٍلفاني

مع جميع الناس وافكاري وحيدة
شالوا الحاني وأنا شلت المعاني

زلّت الأيام وأحلامي بعيدة
والغريب يعذبه طول الثواني

الحزن لى ضاق في صدري شديدة
ابتسم لين يَغبطني من لقاني

ياحبيبة شعري وغالي خريدة
يااشتياق الروح ياداعي حناني

ياعروس ٍفي خيالاتي فريدة
زفّها ركب الغرام إلى مكاني

انت ِوالأيام في وجهي عنيدة
والليالي سارية والعمر فاني



........................................ .......... ....




(( لو وفيت ))

لو وفيت و جيت يومن زرتني
لو صدقت أفنيت روحي في هواك

لوسمحت بنظرتك و أمهلتني
أحضن عيونك بقلبن ما نساك

لو لمست الوجد بي ولعتني
و اهتديت بنور قلبي و افتداك

لو نظرت بعين قلبك شفتني
ما معي مخلوق يستاهل غلاك

ليتك من الحب ما خوّفتني
كان اعيش ألفين عمرن في رجاك

يا قليل الحظ لو رغّبتني
كان أبخجل كل بدرن من ضياك



........................................ .......... ..........




(( أمسح الدمعه ))



امسح الدمعة ترى ضعفك قوي
انهزم قدام ضعفك ياغلاي

امسح الدمعة بعمري لو تبي
عطني احزانك وخذ مني هناي

امسح الدمعة قبل تقضي علي
دمعتك تغرق صباحي في مساي

لاتروع مثل روعات الظبي
روعتك ياروعة ايامي بلاي

كل ليلٍ مع نهارك ينجلي
يابدايات الهوى يامنتهاي

ياوطن قلبي وغربة ناظري
ياحتياري ياصوابي ياخطاي

يابنات الفكر غني وارقصي
عند خلي وانشدي له من غناي

واسعي صدر الحبيب واطربي
طربتي له كلما ذعذع هواي



........................................ .......... ...........




(( سمرت ))
سمرت بصحبة حروف القوافي

احملها تناهيت خوافي

اشكل بالحروف الوان صوره

احركها من المعنى بصافي

اشيل الحرف من معنى لمعنى

واجاري ما زهر واظهر بخافي

والى منى عطيت الحرف ونه

بها حرفي على النجمات طافي

يقوم كل نجم من منامه

أنا ما نيب اسامر نجم غافي

يجيني كل نجم منه معنى

ولا قد قلت للنجمات كافي

تصور لي دموع وابتسامه

من عيون تقصوت ما تشاف

ألا يا نجم يا عالي تبصر

شف بعين المحبه عين وافي

وخبرني عن علومه وحاله


عسى قلبه مع الأشواق دافي

ولو ممشاي في جمر يفيده

مشيت بجمرها كنه عوافي

ولكن وش يفيده لو ذبحني

ومن يوصف جماله عقب قافي



........................................ .......... .........




(( يوم ميلادي ))





يمرني كل عام يوم ميلادي
يوم أعرفه ويوم انسى مواعيده
يمرّني وانتبه للغايب البادي
واهوجس بحال غيري من مواليده
أرتاع وارتاح له .. يفرق وهو عادي
ينقص من العمر عام في ضحى عيده
أناغم الحرف ذا باكي وذا شادي
وارسل مع كل دمعه وجد تغريده
ياوابل الغيث كان الحظ به جاد
يزهر حياتي نداه وتزدهر بيده
ياركب الايام معك العمر ينقاد
كم ليلتن وسّدتني فيك تنهيده
ويارحلة العمر في صحوات ورقاد
ويارعشة الجفن في غفوه وتسهيده
في لحظة العمر تسري فزّة فوادي
لحظه وفزّه وباقي العمر ترديده
الّلحظه الماضيه ما عاد تنعاد
والقادم من العمر باالغيب تفنيده
ثلاثة ايّام للرجّال يا هادي
يومين دنياه ويوم البعث تخليده



........................................ .......... ....




(( يا مسافر للجفا ))

مسافر للجفا و الوصل يبكي عليك
وين عهدك بالوفا للخفوق اللي يبيك
لي جناح ولك جناح ولانطير إلاّ سوى
اسقني عذب القراح لي زمان اشرب هوى
ليت لي قلب خلي ماعرف فرقا الوليف
لا عليه ولا علي لا ربيع ولا خريف
الهوى أمره عجيب مرّه يسابق حلاه
إن صفا ود الحبيب الزمان ابعد مداه
ويل قلبي يالغرام كل يومن لي قصيد
اشتكى مني الكلام اجرح حروفه و أعيد



........................................ .......... ...........




(( يموت الشجر واقف ))

يموت الشجر واقف وظل الشجر ما مات

رياح الدهر تصرخ وهي تجرح جنوبه

لك الله شجر للموت ما ترخي الهامات

بقت وقفتك يا رافع الراس مهيوبه

شجوني لها مع وقفتك يا شجر وقفات

عيون النظر مع نظرة الفكر مصحوبه

شموخ الشجر عبره لمن يفهم الشارات

و الانسان في غفله و الايام محسوبه

ارد النظر لاشك يا نظرتي هيهات

أبا ستوعب العبره بالاشجار مكتوبه

و انا يعتريني ضعف الانسان والهقوات

أروم العزايم يوم وايام مسلوبه



........................................ .......... .......




(( كل ما نسنس ))



كل ما نسنس من الغربي هبوب حمّل النسمه سلام
و إن لمحت سهيل في عرض الجنوب عانق رموز الغرام

لك حبيبن ما نسا .. كلمته دايم عسى
اطلب الله وارتجيه .. صبح يومي والمسا

كل زين اشاهده وانتم بعيد منوتي ليتك معي
و إن سهرت الليل اهوجس بك واعيد هلّ لاجلك مدمعي

وانت هاجس خاطري .. و انت فرحة ناظري
يا قريب و يا بعيد .. فيك امس وحاضري

نشوَتك تَلعب مع قطر المطر .. و انتشى قطره معك
والسحاب يطاردك بين الشجر .. خالق الزين ابدعك

الندى في وجنتك .. صار عطر بلمستك
و الهوا غنّى طرب .. تستثيره بسمتك

كلما ضمت عيوني منك طيف .. يا بعد كل الطيوف
قلت ما مثلك على الدنيا وصيف .. لا حشا مالك وصوف

لا سحاب ولا مطر .. ولا نسيم ولا زهر
ولا طيور ولا غزال .. ولا مع باقي البشر



........................................ .......... ........




لو نسيت العمر

لو نسيت العمر ما أنسى دمعتك
صرخةٍ ذابت من عيونك دموع

ترتعش مرتاعةٍ في وجنتك
وانتفض قلبي لها بين الضلوع

أزعجت صمت الليالي عبرتك
بالخفا ثوره وبالظاهر خشوع

تسكب الدمعة وتظمى نظرتك
مشهد النظرة وهي تظمى يروع

يا ضياع العمر ضيعة بسمتك
ضاع معها خافقٍ مثلك جزوع

ليت من يمتص جارح لحظتك
والفرح يشعل دياجيرك شموع




........................................ ..........




الله عليها
الله عليها عودت وانا احسب الغالي نسى


الله عليها لي بغت ما يطفي الشمس المسا

هلت سحابة وصلها على حياتي وازهرت


واهتز قلبي من نبات الحب زهرٍ واكتسى

يا وصلها الغالي هلا حييت ياعز الطلب


لا خير في قلبٍ على مغليه بالدنيا قسا

وش خانة الحب البعيد إن كان عشاقه يموت


يخيل براقه وهو ما ذاق طعمه واحتسى

ياحلم الايام الشداد ياحلم الايام الليان


ابطيت اقول الله كريم والكلمه عسى

من عقب وحشة ليلتي هلت تباشير الصباح


عادت وليفة هاجسي عادت مزعلة النسا



........................................ .......... .........




المعاناة

يا ليل خبرني عن أمر المعاناة
هي من صميم الذات ولا أجنبية

هي هاجس يسهر عيوني و لا بات
أو خفقة تجمح في قلبي عصية

هي صرخة تمردت فوق الأصوات
أو ونة وسط الضماير خفية

أو عبرة تعلقت بين نظرات
أو الدموع اللي تسابق همية

أعاني الساعة و أعاني مسافات
و أعاني رياح الزمان العتية

و أصور معاناتي حروف وأبيات
يلقى بها راعي الولع جاذبية

و لاني بندمان على كل ما فات
أخذت من حلو الزمان و رديه

هذي حياتي عشتها كيف ما جات
آخذ من أيامي و أرد العطية



........................................ .......... .....



طال السفر ..

طال السفر
والمنتظر مل صبره
والشوق با محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب



........................................ .......... .




هذه القصيده للشاعر الامير / خالد الفيصل .. موجهه

بصيغه غير مباشره نحو اليمن :


ماينسينا الخطا حب الخشوم
ولا يطهرك المطر عشرين عام
مخطين ترضى لنا ظلم الظلوم
ومخطين ترضى على شعبك يضام
بايعن شاري على شعبك تسوم
مايهمك بالحلال وبالحرام
لأجل شعبك بيننا كنت محشوم
لكن الحشمه خساره باللئام
يوم فشلنا صواريخ الخصوم
رحت ياوجه الفلس ترمي كلام
من شمال ومن جنوب أمسيتم قوم
وأنت تنخى كل مجرم بالظلام
وأتفقتوا خذلكم الله يالرخوم
تطعنون الجار وظهور الكرام
لاحيا فيكم ولانفسن تشوم
غركم فينا محبتنا السلام
كل غدارن تجهز للهجوم
من طمعكم ماحسبتم للملام
المعارك ماخذت ليله ويوم
سلموا جند الخطا ماب الحزام
وعود الغازي من الغزو مهزوم
وأمست دياره من أفعاله هدام
وطاحت قصور التماني والحلوم
وأكتفيتوا في طلب ظل الخيام
نحمد الله شيخنا راعي عزوم
والعظايم مالها غير العظام
قاموا اللي يطلب العليا يقوم
ماينام اليا بغى غيره ينام
أنتهض مثل العقاب اللي يحوم
لين جات صقوركم مثل الحمام
شيخنا قرمن تحدر من قروم
الملك ابن الملك ابن الأمام



,,,,,,,,,,,,,,, ,,,,,,,,,,,,,, ,,,,,,,,,,,,,,

آهــــات
01-16-2009, 12:51 PM
حمــــــــــد السعيــــــــــــد





بين جفنك وعينك


بين جفنك وعينك الف معنى ومعنى
وش بقاء للقصايد يوم ترخي جفونك


انت ياللي بزينك جيتنا تنتزعنا
وسع الصدر وارحمني على هون هونك


انت والله لو اني نبي نسري رجعنا
لا انتهاء زين غيرك كنهم يبتدونك


حي ذلك الحلا فيك عنهن قطعنا
مبطي ما ورد الزين من يشبهونك


كم بغيناك في وصف وانا اقول ضعنا
عجز ابيات شعر معذبك يا صفونك


كم شرينا بسوق الوصف غيرك وبعنا
وانت مهما وصفنا كله يطيح دونك


يا مضيق صدور البيض في مجتمعنا
والله اني بشعري ما قوينا عيونك


تذكر النظره اللي من ورائها اندفعنا
يوم تقبل سكوتك مختلط مع جنونك


ما تكلمت لكن سمعنا واطعنا
كن الناس مثلي كلهم يفهمونك


جيتنا في غرور ورحت تعلن ولعنا
لو انك تبيع كلامك والله اني زبونك


يوم قفيت والله ثقلنا ما نفعنا
اخذت ناس وناس ودهم يتبعونك


دام قلبك كبير وراهي يتسعنا
ظفنا معك او ظفنا في ردونك


اثر للزين هيبه تونا ما اقتنعنا
اقراء لا جيت تطلع وانتبه يحسدونك


لو معانا سكاكين لك الله قطعنا
بس ربك حميد وقطعتنا عيونك



........................................ .......... ...




لا تسأل حبيبي

تمنعت فيك وجيت هايب وانا ما هاب
ولا أقفيت عنك الا وانا هالغلا معطيه


عليك العيون اللي لهن فعل غزو عقاب
ضعيفات خلقٍ بس ياويل من تنويه


ولك نور وجه كن لك بالنجوم أنساب
وليلٍ عجز من طوله الكف لا يسريه


ولك مبسمٍ ما كنه الا شفق لغياب
حمارٍ من الله جمر من ولعه ناسيه


عبث وانت مقبل تستفز وتثير اعصاب
تبي تلفت الأنظار مناك لي منيه


وعبت وانت مقفي تاخذ وتكسر الألباب
عبث جاهلٍ توه مشى ف بيت من يغليه


دخيلك على بعضك ولا هي بدعوا عتاب
تعيد النظر فالبعد من قبل لاتبديه


عليك الله اكبر وانت حكمك شريعه غاب
تجي بالطعون وتجرح الخافق وترميه


وانا اموت فيك وصال واموت فيك غياب
وهي موتةٍ وحده مع فارق التشبيه


ومن قال ما به موت بالحب قل كذاب
جميل وبثينه ما ذبحهم مرض ياهيه


احبك ومن حبك خسرت اغلب الأصحاب
اذا عاتبوني فيك وعتابهم ما بيه


احبك ولا تسأل حبيبي عن الأسباب
انا لو اعرف اسباب حبك قدرت أنهيه


الا يا معرض رجل مغليك للمرقاب
أثر بالطوال تفرج الهم يا راعيه


انا بسألك هو صحيح الهوا غلاب
انا بنصح اللي مثل شرواي لا يمشيه


ومن لا يحتسب بالهوى للفراق حساب
لك الله ما غنى سلامه يبي يغنيه


مثل هل دمعي وانت رايح وطرق حجاب
ومثل ما رمى عبدالحليم الزهر يرميه


واذا فيه بكتاب النحو للفراق اعراب
فهو فعل مطلق بالبشر والجفا ماضيه


الا ليت ربي ما خلق بالغرام غياب
واذا فيه فرقا طاري الحب لا نطريه



........................................ .......... .....




رجل المواقف

يا دار نورك غاب مع راعي الدار
يا لله عسى ما يبطي النور غايب


عساه يرجع مع سلامات الاسفار
كن الزمن من عقب فرقاه عايب


يا لله يا منجي هل الكهف والغار
يا عالمٍ باسرار دنيا العجايب


يالله وأنت اقرب لعبدك بالاسحار
تفرج لشيخ طايع أمرك وتايب


غلاه وسط قلوبنا كبار وصغار
متوارثين الحب ما هي غصايب


حنّا نحبه عشق بالطيب واحرار
وغيره يحبّونه على غير طايب


لا ما نجامل في غلا الوالد البار
شف ورعنا يبكي ويبكيه شايب


كل تحرى عنه علوم واخبار
لا قيل طيب يصبح الشعب طايب


يومه طلع مع كلمته شوف وش صار
كنا ندور للسعادة .. سبايب


قمنا نتباشر فيه هو كحل الانظار
اجر وعوافي يا عطيب الضرايب


شف صورته بقلوبنا رمز وشعار
نغليه ونفديه روح وقرايب


لو بالمرض تجيير ما هو بمحتار
كم واحدٍ دون المرض عنه تايب


الشعب عايش كربته سر وجهار
شعب يحبّه حب ما هو بهايب


حبّه نبت بقلوبنا مثل الازهار
واللي يحاول قطف الازهار خايب


وشلون ما نغليه تفداه الاعمار
وعمره غلا للدار سلم وحرايب


يا ما تحمل لاجل هالارض الاخطار
تفجير واكبر منه غزو وطلايب


مصايب دارت على راسه كبار
أحداث مرت تودع القلب ذايب


من دبرته شف رغم الاخطار إعمار
رجل المواقف بالرخا والنوايب


هي بس للتذكير وان عميت ابصار
داره عمار ودار غيره خرايب


ويا ما جمعنا رغم وجهات الانظار
على الوفا وشعوب غيره كتايب


يوم ان غيره شغلته رفع الاسعار
شيخٍ علينا ما فرح بالضرايب


ويوم ان غيره بين ظالم وجبار
جابر يدارينا مدارا حبايب


بالطيب والرحمه وعطفه بالاقطار
ما دار مثله والمواقف حسايب


هو سورنا الأول إذا عدّن اسوار
هو عزنا وان كان صارت نشايب


هو شبرنا الطايل إذا طالت اشبار
هو درعنا هو سترنا بالصعايب


هو شورنا وان كان ضاعن الاشوار
هو راينا ومن كان له رأي صايب


هو شيخنا وادري توافيق واقدار
هو وهبة من عند راعي الوهايب


هو ظلنا وإن شحت الظل الاشجار
هو بردنا في وجه حر اللهايب


هو غيثنا وان شحت المزن الامطار
هو شمسنا وان زاد ظلم السحايب


هو نورنا وان شحت النور الاقمار
يالله عسى ما يبطي النور غايب



........................................ .......... .......




ياخالق الدنيا

كل مافي الكون فاني غير وجهك يا عظيم
لا إله إلا أنت وحدك نسألك حسن الثواب


يا مجير المستجير ويامديم المستديم
فالق الأصباح يامنشي معاريض السحاب


يا معز ويامذل ويا رؤوف ويارحيم
يا مغيث المستغيث ويامنجي من عقاب


إيه مؤمن في وجودك وأعبدك صبح وعتيم
وأجتهد طاعه عساني للنصر يوم الحساب


لك سجودي وانت يا سبة وجودي من عديم
ولك ركوعي وانت ياسبة خشوعي للكتاب


ياكثر ماني طلبتك بين زمزم والحطيم
دعوةٍ يا علها تلقى من الضعف الجواب


طلبتي يارب هديك للطريق المستقيم
ونجني ياخالق الدنيا من أصناف العذاب


يوم نعرض يوم لا يوجد لديك من خصيم
في نهارٍفيه عطف وفيه عتقٍ للرقاب


أسقني شربه هنيه من فياضٍ بالنعيم
شربةٍ لا اضما وراها يوم يبسات اللعاب


أشتكي ضعفي وجهلي اتباعي للرجيم
لا منزه من خطايا ولا عصيم من ارتكاب


أعترف بأني بشر اخطي واهيم واستهيم
وانت بايدك هدي خلقك فاهدني هدي الصواب


وأسألك قربا من الصالح وبعدا عن لئيم
وأسألك تفريج همٍ كل ماحل إكتئاب


وأسألك دايم حضوري قبل لا المذن يقيم
وعن صلاةٍ للجماعه لا كسول ولا غياب


وأرتجي عطفك ولطفك والنجاة من الجحيم
وأسألك حسن الختام وكل هالدنيا ذهاب


دام كل الكون فاني غير وجهك يا عظيم
نجني ياخالق الدنيا من أصناف العذاب



........................................ .......... .....




المرسيدس

راكبه الي طلعة عقب ما استوفا الرسوم
مستقيظ من كراج البشر والكاظمي


عقب دوج فزته كنها فزت رخوم
لا نخاهم واحدن في ذراهم محتمي


مرسيدس هو منوة الي يبي يقضي لزوم
ما صنع في ديره تحت سلطه خاتمي


ما فحط ضغط المكينه جواد ولاغلوم
والله ان مصمم ما هرج فيه عجمي


صانعه وانتو بكرامه زبون الباثروم
من شراب اللب تحلي...... ذوذ بغمي


كلمته بالليل قد نخت بالبنز مخدوم
جرمني لاهو بزيدي ولا حضرمي


موتر فيه المزايا كثر مالي خصوم
صنعت اللي لا انتخى قال تكفى يا جمي


لا سفط ثقله تقول هرس عيا لا يقوم
عن ضيوفه قاضب مسنده ومعاظمي


وان مشى ما كنه الي تقاطيع الغيوم
لا تقفن الهبايب سحايب موسمي


لا انغسل ما كنه الا عزيز ومحشوم
لاركبته تشعر انك حقيقه ادمي


لا زهمته موترن ما خذن طبع القروم
فيه قومات السعودي وفزعة عازمي


لا نطحته كنه مع الغبه يعوم
ولا قفيته كنه قوله تنشق عادمي


موتر لولا التواير وكيبات الكروم
كان قلت لصواريخ يمكن ينتمي


راكبه تكفى ولاني معرضه السلوم
ابي اتجنبهم ولو كثروا تهايمي


ابي اترك الشعار مابين مبلي ومهموم
كد نخيت اللي عجز يقظي لازمي


لا تقربهم وانا ابي اختصر لك بالعلوم
رح عساها سفرتن مع طريق السالمي


ولا تكمنت الجمارك وختمت الختوم
لا توقف جعل يفداك فيصل قاسمي


الين تاصل من بها القلب معطا ومحروم
منحرم شوف ومعطى غلاي ما ينحمي


سم حالي جعل من لامني يعطي السموم
وابتلاني جعل يبلى بمثله لايمي


كن من دونه معادين وجيوش وقوم
داخلي واصعب عليه من شعيب الغانمي


مل قلب عنه عيا لا يسج ولا يلوم
ل ذكرته من معي يفطن لجر انسمي


واحدن بالوصف ما كنه الا بالنجوم
دور اقواهم وحطه لمذهبني سمي


بين رمشه ذا وهذا مشي ليله ويوم
كحلته من وسع عينه اسبوع وترتمي


كنه الي يعتق البيض الي جاه نوم
وانصحا من مرقده شاخ فيهن ملهمي


كنه زين البيض في كوم وزين في كوم
واحد من سبته يا كثر هزايمي


في جفاه اجر حقت عبادي يا ظلوم
وفي الوصل اجرها ميجنات ودارمي


الزمن في مواصله تقل مشفوح ومعزوم
والزمن من مفارقه تقول عود منعمي


يا نديبي ما نخيتك وانا فيني عزوم
شفني اشحذ من غيابه بعض عزايمي


وصله علم من الراس للراس مختوم
لاوسيط الا انت اخذ ما سمعته من فمي


لا تخليني وانا بين نصح وبين لوم
خايف لو طال البعد اصدق لايمي



........................................ .......... .......




قمر عشره

قمرا شهر عشره وبراق جبلي
لا شفتهن مالي مع الناس مقعاد


يا كثر ما قالوا لي الناس مبلي
وراعي الولع ماهو عن الناس نشاد


لا جيت قيعانن عقب رش وبلي
ولقيت جرت من له القلب منقاد


باطراف روضن ما توطاه قبلي
حين من اللي تارسن راسه عناد


جرة خرابين فطينن وخبلي
الليل كله ماهتنا فيه برقاد


ولا خذت عن حرن تقل قوس نبلي
متفاختن جرمه مخاليبه حداد


لا تل مني واودع السبق سبلي
ثم ارتفع واهوى تقل دلو وراد


لا تلها تلة نشيطن لحبلي
هذاك شفي يا قليلين الابعاد


ولا قمت ابرز للمغدا بشبلي
وزينت فنجالن على شف وامراد


هذا الولع لو قالوا الناس مبلي
راعي الولع ماهو عن الناس نشاد



........................................ .......... ............




ياسعود


انا احترق وهي ولا همها شي
وانا انتظر وهي تمدد سفرها

يا سعود عقب غياب شهرين وشوي
جتني تشاورني بقصت شعرها

غابت وجرح الحب في خافقي حي
ينزف اذا عانق خيالي صورها

ليلي دموع براحتي وابله كي
وصوت الجفا للعيت يدعي سهرها

بغيابها صمتي طوى بسمتي طي
جاملت انا والصمت ثاني شهرها

طال السفر ولا خبر جاني منها لي
ياسعود اسال مير محدن ذكرها



........................................ .......... ..........




يامعذربين القنص

يا معذربين اهل القنص بالبهاذيل
اخذو اهروج الي لقاكم يعله


ان سهل الله بالليالي المقابيل
ديوانكم ما عاد رجلي تدله


باكر لمنه بدل الجو تبديل
وجه الشمال والوثب بالكوس غله


لا قام من عقب البطا يزحف اليل
على النهار بساعتين ويسله


عقب التوبيع وكلابين وسهيل
لاصرت بظلال الضحى ما تمله


لا فارقن خضر جديد المحاصيل
لا شفت مقعاد العصر طال ظله


هذاك والله دورنا يا العواذيل
يالي طربكم صورتن بالمجله


انا طرب قلبي هذيك المداهيل
لا صارت الحره علينا مطله


غربي مهيل بين ذيك الشخاليل
وقت العبور وصيدها حل حله


لا جيت من جليقم علوم ومراسيل
وجابوا علوم الصيد دقه وجله


ثم انتوينامه ارجال حلاحيل
النفس معهم دايم مسفهله


كلن جهز موتره بالتدابيل
يبي الي لا راحت عليهم يتله


ربعن نشامه بالمواقف رجاجيل
والا الردي معنا شحيح محله


وقت المغذا كلبوهم شواغيل
محدن حسب خدمه خويه مذله


اكبرهم لا دار ببيض الفناجيل
من خف روحه بينهم زان دله


منزالنا قاعن عسا فاله السيل
عقب الحروره وكل روض يبله


عاقن توسع خاطري بالتعاليل
الشيح فيها ما كل الخد كله


يا عاذلين القلب والله ما اشيل
عديت كل نجومنا المستحله


راعي الولع من كثر ما يرغب سهيل
كنه خليل وشوف خله



........................................ .......... ..




السياحه

ماني بضد السياحه يا اهل ديرتنا
انا معكم سياحي واصلن حدي


من سبت الحر والروتين هجتنا
متوارثين السياحه من سنة جدي


يعني نسافر ولو كثرت مصيبتنا
اقساط وقروض وحبة خشم ونعدي


مافي شعب يسافر مثل سفرتنا
لفت كل الدول وانا على قدي


تاجر وفقير متساوين بسعادتنا
بخير والطائرات تشيل وتودي


الفضل لله ومن بعده لحكومتنا
مهما اختلفنا معاها دايم تهدي


والله يطول بعمر طاقم سفرتنا
اللي دعوني وانا ودي ولا ودي


خبري بلبنان كنت صغير حارتنا
يعني على قولت اهلها كنت (هل ادي)


يا كلامهم يا هو يحرك غريزتنا
شيصير فينا اذا قالت ( تعا حدي)


جيت ابو حمدون والا اكثر جماعتنا
في كل ساعه يبدل لبس ويعدي


اكبر طموحه بارقم بنت جارتنا
بر البلد يستقلون الامر جدي


وشعب على الطاولات شكثر هوشتنا
من اللي حجزها والمشكله شدي


ماعندهم سوق شرق وفيه لجتنا
بلاش غربه وليش الكل متحدي


يعني بمفهومكم هذي سياحتنا
( لك دخيل الله سياحه هيك ما بدي)


لبنان طول العمر تبقى حبيبتنا
يا حبها ساكن فينا ومتعدي


لبنان يا قصة تشبه حكايتنا
نفس القضيه ولاني مبيح بسدي


شعبين نفى ولا تقبل اهانتا
اصغر دول واكبرها وذا ردي


للي يقول ان امريكا ولايتنا
نعم معاها ولا للي وقف ضدي


مهما اكرهونا نبي نمدح سياستنا
احرار للموت لا نرضخ ولا نعدي


كل الدول عودت تطلب وساطتنا
دامك كويتي تنهض قول من قدي


الله يطول بعمر قايد مسيرتنا
ابو مبارك بحبه واصل حدي



........................................ .......... ....




الحاج متولي

الله يذكر زمان فات له سيره
اسمع بذكره وانا ما عشت به كلي

بقول يمكن تلاحقنا مواخيره
وقت فيه الرجال تقوم وتهلي

ماهوب الحين لا دشو مسايره
رحب وهو مرتكي والحنج متدلي

بلشان بشيشته ويجر تعميره
زوله وشكله ابد كنه يزولي

وان قالوا افلان عند الباب في حيره
طنش تسمع بقولة خله يولي

ما يقظي الازمه لو انها صغيره
ما جذ ذبح في حياته غير قلب الي

يتعب على كشخته يا قو تبزيره
يا قو بخله على الطولات ومقلي

يا كثر ربعه وهو حاله مثل غيره
وان جيت للحق تبي تاخذ وتبي تخلي

موكلهم في ناس كلها غيره
لا شك بعض الطبايع ما يجوزن لي

اكثرهم اللي يدوج في بناطيره
وراعي الدشاديش متخلف ومختلي

واحدهم اذا جاك قصاته وتخصيره
يضيع هو مقبل والا انه مولي

وسط القهاوي ضروري صار تحظيره
بالصالحيه تعال وشوف يا مهلي

هذي طويله وهذي كنها قصيره
ما دام بيدينه الجوال متسلي
ملت عجوزه تسدد فواتيره
وهو سوات الكديش ينام ويفلي

الوضع واضح ولا يحتاج تفسيره
ابي اختصر السوالف زودة غلي

لا شك ودي قبل لا افضها سيره
ابقول ما دام الجمهور يرسلي

اصدق شعوره وتصفيقه وتعبيره
وان عودته للحقائق وان تهيلي

حريم الوقت تعميره بتدميره
يا ق منهي تحفظ البيت وتصلي

هن سبت المشكله هن كل تفكيره
كم واحدن عرضنه صادق الذلي

ماعنده غير خدامه وتاشيره
وغير المصاريف قل وش عندهن قلي

السوق والحش وابلش كل تاخيره
اسمع من الناس وناس جت توصلي

والله ما يذبح الحرمه بها الديره
الا ثلاث ثبات ما يتخيلي

كبر العمر وانشدوني وايضا الغيره
وانك تسوي سوات الحاج متولي

اخذو عليهن حريم وعلها خيره
شوفوا بالتمثليه حيل متسلي



........................................ .......... .....




اثنين بالميه

يا العود ما للجمر في قصة احراقك
هم البشر طبعهم قسوه وانانيه

فنيت عمرك وفا لعيون عشاقك
والناس في هالزمن محد ذكر حية

وجه التشابه كبير الفرق بفراقك
مره احتراقك وانا اللي احترق ميه

هاذا الزمن وان تساوى الليل باشراقك
بعيون من حاضره يشبه لماضيه

ما عاد انا مخايل مزنك وبراقك
وجعل الشقى ما يجي شغلة وراثيه

ويا الحزن لولا الامل والصبر من طاقك
مع البشر كن لك روح عدائيه

والحلو في هالزمن المر من ذاقك
باقول واحد لا بقول اثنين بالميه

ان بعثرك هالزمن من يجمع اوراقك
وان جمعك فاعرف ان الوقت له نيه

يا ضحكة العمر ياني حيل مشتاقك
لا شان وجه الزمن لا تقطع الجيه

ما قلت لي شها لجفا من بعثر اشواقك
وتدري بليالي الجفا ماهي ب عاديه

اذا طروك احترق واشتاق لعناقك
واقول تكفون لا تجيبون طاريه

يا ما تمنيت اشوفك والزمن عاقك
اللي مثل حالتي يا صعب امانيه

كد قالها شاعر عن قولهم باقك
كن البلاوي تشابه مع بلاويه

مدامها بالتمني باطلب فراقك
لان الاماني مع شرواي عكسيه


........................................ .....



اللكزس

ألا يانديبي فوق جيب ماهوب نيسان
ولا حط به خط تحت حرف قيطانه



مواريه ليتاته مثل بارق الرحمن
وليا من فتحت الباب حياك سكانه



ايورد علي الساير من صناعة اليابان
ضعيف المرتب ما وقف عند بيبانه



جديد بتي ما شاف خليف بالصمان
ولا داج به راعي الغنم عند رعيان



امصمم ابلوفه ما تعوذ من الشيطان
عليه المره في فترة الصنع زعلانه



اليامن كفخت اسليتره جنه الزعلان
جزع من محله فاقد اعز ورعانه



الياقبل يموه ابمقدمه جنه ابليهان
واليا اقفي مدبر جنه اطيار شيهانه



عذاب المسافه الياستوت والمقير زان
انومس غريب منوته شوفة اوطانه



ايا ساقه لامن تقهويت في الديوان
ونخيت الخوي ثم فز واشتل دخانه



توكل علي الله وحروتك مليت الخزان
ولا توقف الا ماخذ وصف ديوانه



ابتلقا حلي اللي دفع قيمته سلطان
علي الوصف ابوخالد دفع غالي اثمانه



عديم الوصايف واغتني من وراه اشنان
تعب ما لقاله برقع عند جيرانه



وقبل تلتبس فانشد عن امصخر القيفان
انا ما جذبني له سوي زين قيفانه



ولابه معرفه سابقه مع هاك الانسان
سوي سمعة مثل الزهر وسط بستانه



وعن الشكه انشد وين ضيدان بن قضعان
انا اقول ديوانه ابشرواه مليانه



ولا من عرفته قضبه حاجة الولهان
تعابير قلب شرع الوقت بيبانه



توطاه زلزال الشقي اول الهجران
مثل ما وطي اسطنبول واهتز بناينه



له الله حنينه لاتذكر هوي الخلان
مثل حنة اللي ضاربن خد هشتانه



يساقيه بالقيرات ومن فنه السكان
وهو خايف قولة توايرك هلشانه



عذابه من اللي جنها قايد الغزلان
عشقها القمر وامست من الزين رويانه



عذاريبها طول تثنيه غصن البان
تعبت انحني له وتثني علي شانه



وعين اليامن سلهمت جنها حاكم بطران
اليا طالعتني هزت القلب بركانه



وانا ويش ابي بك لو تغاليت يا الرمان
ولها مبسم تفجرت فيه رمانه



وعلي هون ياليل سهرتك شقي وحقران
لها ليل ياما نمت في حروت امتانه



وبلياك يا صبح تعبت انطرك سهران
لها صبح لا ، وجه ينور لجيرانه



اليا من غشاني وصلها جني السلطان
وليا من جفتني صرت من عرض صبيانه



تحكم ابوضعي جنها سلطة ادراغان
علي المنتخب يوم المبارات خسرانه



وتامر علي اوامر الظابط الفسقان
علي عسكريا حدته لقمة اخوانه



اتشره ولا تقبل مشاريه يا ضيدان
بلتني بلاها الله بمضيع ايمانه



يقولون وادري بالجفي طبه النسيان
وانا اللي عجزت انسي والاعصاب تلفانه



نصتك المعاني لا عدمناك يا ضيدان
تعابير قلب شرع الوقت بيبانه



........................................ .......... .....




ياضيقه الصدر

يا ضيقة الصدر وش باقي على بكره
يا طول الساعتين وطول غربالي

الليل كله وانا فكره وراء فكره
ومن دلة الهم ماهزيت فنجالي

ما كنت اضن الحبيب اليا عشق يكره
الين جربت فرقا اللي شغل بالي

اثر الجفا موت مثل الموت له سكره
يالله لاتقطع الغالي من الغالي

من يوم قفا وانا للموت ابفتكره
والله ليبطي بقلبي منزله خالي

الطير لامن غدا ما عاض به وكره
يقضي وفعله مع المده يورالي

لا صار فعل وغلا بالقلب محتكره
في ضيقته يااخذ الاول مع التالي

كد قالوا الطير يا وفيه يانكره
واقول نكاره العشره بروا حالي

ارجع لموضوعنا السابق على فكره
ماني بانا اللي مفارق بس بلحالي

البعد سم البشر ماني بمبتكره
عزي لمن جرب الفرقا وعزالي

هذا الجفا موت ومثل الموت له سكره
يالله لاتقطع الغالي من الغالي



........................................ .......... .....




اخر اللي تركه الطير

اخر الي تركه الطير يومه غدا
برقع وجرحه اللي بين اصابع يدي

كنت اضن قضى العشق واثر بدا
ليل فرقاه ليل موحشن واسودي

كن عيني تشوفه غير مالي جدا
راح يومي بجناح الجفا يجردي

الفضا هو مداه والنظر لي مدا
نوب اسند جنوب ونوب اسند جدي

جيت حروة مضيع الطير ويا الندا
جاء معي فزعتلي خيرا واجودي

صحتله ولاسمعني غير ذاك الصدا
منه كن في خفوقي مثل رش بردي

ماهدا هذا الشعور بغيبته ما هدا
شفت وكره خلي والحزن يبتدي

عادت الطير يجفا طيب مدري ردا
هودي يا هجوس البارحه هودي

من غدا الطير مني قلت عله فدا
وين ابي اشقى وانا اللي فقدت اولدي



........................................ .......... .....




لو هو تشاطر غبي

هاك كل القصيد اخذه مثل ماتبي
والله اني اغبط الخاطر المستريح

كيف لاجيت بكتب أحترق بلهبي
شمعة ماتحس بعمرها من تسيح

كل شاعر ترى لو هو تشاطر غبي
يطرب الناس شعره وهو جروحه تصيح

خذ قصيد بدا قبل يخط شنبي
يوم الايام كانت مثل ريضان شيح

أه ياليت تجمع بعثرة مكتبي
والله اني نويت أبني لشعري ضريح

جم كتبت واكتبت ولا وصلت اطلبي
مدري العيب فيهم اوبطبعي صريح

كن الايام برد وهالقصيد أحطبي
الاماني رماد وها التوافيق ريح

بدل الوقت شكلي ولاقوى مذهبي
وادري ان الاماني به الزمن من صفيح

سهل ويا الصديق وللردي مصعبي
دون طيحة خويي والله اني لطيح

هيه يامن تفتش دفتري وشتبي
كل بيت يمرك اعرف انه جريح

وكان ماكفاك شعري يخلف الله تعبي
مايخلد ويبقى الا القوي والصحيح

يالقصيدة تثني واطربي والعبي
في زمان بوجهه اللي هقابه شحيح

دامها بالبدايه للنهايه حبي
لايغرك قوي العود باكر يطيح



........................................ .......... .




بس لحظه

بس لحظه يامهملنى وناوى فى غيابك
دامك اللى ناوى الفرقا باأقول اللى باأقوله

أنت يعنى لانويت تغيب باقف عند بابك
لاوربى تاقف الدنيا وأنا " تأبى الرجوله "

ماتعودت اتبع المقفى ولو حضرت جنابك
رح عساها خيرة والدرب لك عرضه وطوله

روح لاجابك امجيب الغيم واترك لى صوابك
جيت حلم ورحت حلم تشبه احلام الطفوله

ماأنت بأول من طعن هالقلب والدرب انتهابك
ياثقل خطواتك البارح وهالليله عجوله

باغى الفرقا جعل ربى يعجل فى ذهابك
بايع قلب لك الله كنت ماتحلم تطوله

من يلومك..؟ شايف حالك وف.. بداية شبابك
طاغى تجرح قلوب الناس تحسبها بطوله

بسألك: كم واحد قبلى هقابك واشتقى بك؟
أنت ياللى نظرة عيونك قبل عرفك خجوله

ياكثر ماكانت ظنونى دخيل الله تهابك
بس اكذبها واقول اوهام والقلب وميوله

اثرك اللى تستلذ ان ذاقوا العالم عذابك؟
مشكله !! والمشكله هذى بسيطه ومحلوله

كان مالبستك الغيره مثل لبست ثيابك
قل عوافى.. قل مثل غيره تركته وبسهوله

واجد اللى مشتهين الوصل والخط متشابك
كان لك جوله ترى محاكيك له تسعين جوله

لابغيت تغيب فارق لاوربى مادرابك
شاعر ياكثر ماتل القلوب وصفقوا له

لاهلا بك فى حضورك .. فى غيابك لاهلا بك
رح مهف امقيط يوم مقيط ودنه رجوله

باكر ان ماشفت غيرك جا يعوضنى غيابك
قل حكى شعار ماتفعل ربع هاللى تقوله



........................................ .......... .....




مات الجمر

مات الجمر فيني وقلوب الاحباب حيه
والموت لا ماتت قلوب الحبايب

يا شيشتي لو فيك ذنب وخطيه
معاك احس اني عن الناس غايب

العام كانوا لي من الاصحاب ميه
وقت الرخا لكن جفوا بالنوايب

لا هنت يا قلب شكا من خويه
كم راس من طعنات الاصحاب شايب

مرات اقول ان الخبل يا هنيه
ولقيتهم يشكون ظلم القرايب

ومرات اقول النذل لا رحم حيه
واثر النذل في بعض الاوقات صايب

يا نفس شيليها على السامريه
شيلت طرب ما عاد فيها طلايب

وش لي بتنيهه القلوب العميه
وحنا في هالدنيا دروب وركايب

ابتغزل في هذيك البنيه
بنت تفل القلب فل الذوايب

كم بعثرتني وجمعتني هنيه
بنفس المكان اللي جمعنا غرايب

يا ضعفها معهم وعندي قويه
منها غدى ثلثين قلبي خرايب

مرباعها بين العيون الشقيه
ومقيضها بين الجروح العطايب

ما قول يذبح زينها بس هيه
تلفت لها قلب عن الحب تايب

ولا قول مغروره ولا هي خليه
فيها دلع طفل تبناه شايب

جمال نجد وفتنة حايليه
وش جمع الثنتين فيها عجايب

اليا قبلت بين حسنات وسيه
يا كثر ذنبي بين طيب وغصايب

وليا دبرت في دمعتين نديه
قلب معاها وقلب في الصدر ذايب

راح العمر ما بين روحه وجيه
يا كثر غلطاتي ولا نيب هايب

شب الجمر ما دام الاشواق حيه
وطف العتب والعمر ضحك ومصايب



........................................ ..........




بالحالتين مغلوب

ضاع الرجا فيك يامزن تحدر iiجنوب
ماغير اخيل البروق ولاغشاني مطر

انا ادري انك سحاب ماتبل iiالقلوب
مير البلا قلبي اللي من بروقك iiخضر

الناس تفرح بضوح البرق لو هو كذوب
وكم خال برق الصداوي ساكنين iiالحفر

عني حدتك الدعاوي والقدر iiوالهبوب
والغيم لامن تقفته الهبايب حدر

عرضتني للضما والقلب منك iiيذوب
ذوبة خفوق العماني عقب غلبة iiقطر

يا اطهر مخاليق ربي وش تبي iiبالذنوب
ما واحد قال خاف الله في iiهالبشر

مشكلتي اني معك بالحالتين iiمغلوب
الوصل مامن وصل والبعد عنك قهر

والمشكله قلبي اللي عنك عيا iiيتوب
ان قلت خله يدور لك ويلقى iiعذر

العمر يفداك يركض والزمان iiمحسوب
والصبر بكذب عليك ان قلت فيني iiصبر

ان كان ما جابك الله مثل رجع iiالنصوب
وابتل غصن المحبة قل تراه iiانكسر



........................................ .......... ....




غلطتي


يومها بين ايديني والغلا عادي
ويوم قفت تفجر حبها فيني

كنها حطت التوقيت بفؤادي
لامشت حبها يفجر شرايني

قبل تقفي وانا متماسك وهادي
وعقبها ضاق كل الكون في عيني

غلطتي كنت متراهي ومتمادي
كنت احسب الزمن والوقت يمديني

واثر من لا تغانم فرصته غادي
اه يا فرصتن ضاعت من سنيني

توني في غلاها قلت يا هادي
روحت لعنبو من لامها فيني

ما نفع طويل الوقت وعنادي
يومها مقبله ما كان يعنيني

بس راحت وكني فاقد ابلادي
اثر ما ارخص من الي تطوله ايديني

يا وجودي هليها وجد بن هادي
وجد لا وجد فراق ولا ديني

غلطتي وارتكبها بثورت ازنادي
يوم جر العزاوي راحت ايميني

والله اني عليها حدني حادي
من يرد المواصل بينها وبيني

علموها تجي وترجع ارقادي
كل ماجيت ابنسى وش ينسيني

علموها الغلا ما عاد هو عادي
مشكله الولع عقب الثلاثيني



........................................ .......... ...




البسكول



سقى الله زمان فاتلي مع غزير الزين
ياليت البشر ما فات منهم يردونه

يعنك ما فاتك من الوقت زين وشين
رجوعه عليك اصعب من السيل لمزونه

انا حد علمي بالغلا يوم طبعه زين
قبل لا يطيع اللي عن الحب ينهونه

سمع سالفتهم وش وراء الحب وش بعدين
ومن وقتها يا قل ما القاء تلفونه

اجي وافتح البسكول يا مال فرقا العين
ولا اشوف رقمه جعل الارقام يفدونه

اخيل الجهاز اقول يبي يتصل الحين
واثر اقتنع في فكره جت معلونه

من العاذل الي شغلته تفرقت قلبين
انا اوحيت قلبي واجد اللي يسبونه

عذول المحبه جعل شرواه يعطى الشين
حرمني من اللي رغبتي فيه مرهونه

تغير علي واذا اتصلت ما سمعت اهلين
اخذ ثقل جعل مغيره تثقل ديونه

مثل ما ثقل ديني من مقاسط التموين
هاك البنك الاقشر جعلكم ما تمرونه

ذبحني غلاه وحط وسط الحشا جرحين
الاول من الصده والاخر من فنونه

وانا من هذاك اليوم ومعايد الثنتين
يا صعب الوصال وصده عن ملعونه

تمكن غلاه بوسط قلبي عام الفين
ومن يومها الحب يكبر على هونه

يقولونه خله يا معود واقول انزين
ابي فكه منهم وانا اموت في عيونه

هذاك اذا ضحكلي رحت كلي ولا ادري وين
كم واحد جذ راح لعيون مفتونه

وهذاك ان طرالي منه يقصني نصين
معه نص وابقى نص ما اعيش من دونه

وهذاك ان طلع رقمه وانا مشغل خطين
يروحون فدوه للنمرته ولتلفونه

عساه يرده اللي رد ركان بن حثلين
من الترك لدياره وللي يتحرونه

هذاك ان رجع عقب البطا ناذر نذرين
اني اسامحه واني مع الوقت ما اخوانه



........................................ .......... ...




سبع الصنايع لاكن البخت ضايع


لا خانتك الدنيا قال عادت البنت
دنيا وفيه من العذارى طبايع

من كثر ما جربت امنة وايقنت
الطيب بالدنيا وبالبنت ضايع

لاهنت يا قلب شكى الضيم لاهنت
من دنيتك ضاقت عليم الوسايع

كم كنت قاسي لكن من الزمن لنت
الي اطلقك لا يع تكفاك لا يع

رغم السنين وخبرتك ما تمكنت
رايح حيا تك بين شاري وبايع

الحظ كم عاند من الناس حتى انت
ما طاعك من الحظ يا قلب طايع

كم شانت وجيه الرفاقه ولاشنت
خابرك يا قلبي تحب الرفايع

وفيت معهم واكثر من الوفاء كنت
والغدر بين الناس هل وقت شايع

اسرفت باخلاصك وطيبك ولاخنت
مع دنيتك جربت سبع الشرايع

كن المثل يا قلب راكب عليك انت
سبع الصنايع لاكن البخت ضايع



........................................ .......... ........




الهموم



يا الهموم اللي علي اثقل من هموم الركايب
ساعد الله قلبي الي مرتكي لحمول همي

يا الظروف الي علي وين ما وجه صعايب
ياكثر ما مسحت الدمع منها براس كمي

يا الجروح الي يجي هذا وذاك العام طايب
كل ما هبت ظروف الوقت شمي وستشمي

من عرفت العلم والضحكات ننهبها نهايب
لا تقافلنا الزمن قمنا علىت الضحكه نسمي

وان ضحك وجه الزمن تقلى مثل شرواي هايب
اي اهابك يا زمن وان سقت ضحكاتك يمي

منك وانا وان زنت بعيوني يا بو وحهين تايب
ادري انك لا ضحكت القاك طاعن ولد عمي

تشتكي من سطوتك وتقول من شقر الذوايب
وكل جرح يهون غير جروحك مات دمي

بس تنزفنا هموم ونضحك بوجه القرايب
ومن نشدني مالي الا بخير وهمومي بدمي

وانت يالي منك ثلثين الخفوق اصبح خرايب
دام بعثرني زمان الذل ما يغيرك لمي

لمني تكفى ترى ما عاد فيني لمصايب
يا خلف جدي وناس والا يا ريحته امي

لا تخليني وانا شفني شباب براس شايب
كان انت اقفيت مع هالناس محدن لديمي

مثل مال للهم سبة للفرح تبقى سبايب
انت يا فرحه ويا ضحكة ويا مدري شسمي

انت اخر ما بقى للي في الحياة من الحبايب
في زمان ما نشد والله عن مدحي وذمي

الزمن كم واحدن قبلي موريه العجايب
والمصبيه كانك اللي مع زماني صرت همي




........................................ .......... ........




ياللي تزعل



ياللي تزعل وانا ماني بغلطان
خلك على راحتك واللي تبي سوة

لا ترفع الخشم يوم انك تعداني
والله لتبطي وانا ما قلت لك قوة

في غيبتك جاء مكانك واحد ثاني
والحب ما ينوخذ ياهيه بالقوة

ان كان قصدك عبث ودك تحداني
فابشر بقلب على الصدات يا قوة

نسيت يومك تلذذ بتعذيبي وحرماني
وان جيت تلقا حبيبك منقلب جوة

ان قلت وينك حياتي قلت لي كاني
يا نار هالقلب من كاني ويا ضوة

ان كان جت زلة وحده من لساني
الواجب انك تطوفها من الخوه

لكن على راحتك واليوم صحاني
اسلوبك اللي يغير للاسف توه

تكفى على هالزعل خلك على شاني
عشان تبطي وانا ما قلت لك قوة



........................................ .......... ......




اغلى من سكن الكويت


يوم سافرت وانت من الزعل ما رضيت
كل شي بعيني صرت اشوفه كئيب

وش يضرك بو انك قبل لا امشي نسيت
هالزعل وابتسمت وكل جرح يطيب

والله اني على ذاك الزعل ما قويت
سامح الله طبعك كل ما جيت اغيب

تفتعل مشكله والموت كانك بكيت
اه من دمع عينك يا البعيد القريب

مابغيت ارتكك في هالزعل مابغيت
وانت يا اعز ناسي وانت يا اغلا حبيب

وسع الصدر يا اغلا من سكن بالكويت
لا تخلي الحزن يا خذ بعمرك نصيب

يا كثر ما انت في بالي لك الله طريت
كل ما اسج تطري غصب ماهو بطيب

دونك البعد لكن كم سرحت وضويت
في خيالي تعال وشوف وقت المغيب

لا بغيت انتهي ما كني الا بديت
فيك تفكير ياللي منك جرحي عطيب

كل ما قلت ادور لك عذر ما لقيت
غبت والموت اعرف ان الجفا وجه ذيب

واذكر اني افز اليا تعبت وغفيت
هب يا ليلة فارق الولايف يهيب

كثر ماني على الفرقا بقلبي دعيت
كثر ما الله كتب لي بالمفارق نصيب



........................................ .......... ......




بعض العلاقات


بعض العلاقات ما منها ابد فكه
يا شينها كان جبتها لك القدره

لاجاك دمه ثقيل ومنطقه سكه
يضيق صدرك وهو مستاسع صدره

لاصرت ضيق الصدر بالي معك صكه
لاتجامل الي غييث وشفته ودره

زك الخوي من قبل لا تعاشره زكه
ترى خوي النشاما صابته ندره

وقت الشدايد اذا بتجربه ضكه
يمد شوفه وتلقى فزعته حدره

الاجودي اجودي ما تلحقه شكه
وفرخ النخل ما يجي في قاعدة سدره

من رافق اجرب تبي تبدابه الحكه
والطير سلم عليه ان صابته جدره

باب يجيب الهواء ان طعتني صكه
ارقى الرفاع وتجنب كل من حدره

ما يبخص شعاب مكه الا اهل مكه
الصاحب انشد وتلقى عندهم قدره

كل القلوب بهل وقت مندكه
سبت كدرهم خوي حاشهم غدره



........................................ .......... ......




ضحكت الورع



يا ضحكت الورع مدري وين شايفها
ان كان ماني متوهم ضحكت فلانه

قمازته وشفته تشبه شفايفها
وعيونه عيونها يضحك ونعسانه

والله يا ضحكته عجز اطوفها
اللي شغلني معه من جملة اخوانه

وقفت والنفس مابدت حسايفها
ضيعت وقتي غصب كله على شانه

انشده والبشر تتبع ولايفها
يلعب طرب بالملاهي بين ورعانه

صديت والعين ماتنسى وصايفها
هذيك نفسي عليها حيل شفقانه

وا نفس ياللي تحلفني واحلفها
حاولت اشكك وهي ماهيب غلطانه

تقول هل الورع والله من خلايفها
واقول ربي يخلق اشباه سبحانه

هذيك راحة وانا ماني بعايفها
حكم المقدر وكلن راح في شانه

خبريبها يوم جاها من طويفها
الي خذاها ويتبع سلم جدانه

ماشافته ولاهو ماهو بعارفها
ماشاورها ابد ما كنها انسانه

راحت وانا بشقى كني مناصفها
يا مل قلبن شكى همه وحرمانه

لليوم قلبي يرددلي سوالفها
هذيك نفسي عليها حيل شفقانه



........................................ .......... ........




،، مجنون زعلاتك ،،




تزعل واراضيك واتلذذ بتزعيلك

تبي الصراحه انا مجنون زعلاتك


لاقمت تبعد وانا اقرب وادنيلك

وامسك طرف غترتي وامش دمعاتك


وتبدي تعاتب وانا كل انتبااهي لك

ما اسمعك شتقول انا عيني على شفاتك


وتعيد حجيك وتفرك حيل منديلك

وتخالطت صادق حروفك بوناتك


واحاول ارضيك ومدري منين ابديلك

واحتار واذكرك في بعض زلاتك


واسمعك ماكتبته بك واغنيلك

طاروقك اللي تحبه واكسر سكاتك


واستسمحك واعذرك واسمعك واشكيلك

واتلهف لبسمتك ورد ضحكاتك


يسرقني الوقت ولا يمديني احجيلك

كلام اللي تحفظته لشوفاتك


وقت الوعد فات وعيوني تراعيلك

وقفيت واشغلت القلب بلتفاتك


عيني على خطوتك والقلب يدعيلك

الله يحفظك من الحاسد وشماتك


تزعل واراضيك واتلذذ بتزعيلك

تبي الصراحه انا اعشق كل حالاتك




........................................ .......... ..........




كنت الوم الى يضيق

والله انى كنت ألوم اللى يضيق أن غاب خله
لين جربت المحبه والفراق وقلت توبه


لعنبو جد المفارق فيه هم وفيه ذله
أثر كل الحب لذه والفراق أكبر عيوبه

امس فارقت الغلا ومفارق الخلان عله
والعلاج الوصل لا تبلش طبيب ولا حبوبه

الزعل هو سبه الفرقا يهز الحب كله
ليتنى طولت بالى قبل لا يعلن غروبه

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه

عارفً قدره.. وقدر اللى يحبه فى محله
ذاك نفسه لا حشا ماهى على الحب مغصوبه

ليش تحسب غلطه الصاحب على الصاحب مذله
ليش ماتحسب ميانه لو تجى عشرين نوبه

لا وربى.. كنت أحبه حيل مادورت زله
لا تشكك فى غلاه ولا تساعد فى هروبه

لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه

وأثر كلن فى حياته له تجارب مستقله
وانت لا تشره على مثلى وتبلا لك بحوبه

كان جابتك.. الحميه روح له تكفى وقله
لا يخلينى واذا وده يخفف من ذنوبه

يستخير وله غلا قلب صدوق مايمله
فدوة له كل قلبي من شماله لى جنوبه

يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه

لا تقهوى بارده من برد فنجاله وزله
ثم قربها على جال الجمر وأرهى شبوبه

وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بلادى مع شعارات العروبه

كل هاجوس يجيبه جعل شعرى فدوة له
وأعذابى كل ماجبت لى الجبله هبوبه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوف زلتى ياعل تفداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه

ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه



........................................ .......... ..........




ماهو بكيفك

ماهو بكيفك تواصلني تقطعني
اما غلا بين او فضها سيره

ياشين لاجيت تقطع لاتوادعني
ليتك تحس الوداع شلون تأثيره

ياماخذ الحب قل فيني وسمعني
حب على كبر صعب ابدل بغيره

أبحتفظ فيك وادري مانت نافعني
يمكن مع الوقت اقول محبتك خيره

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيره

ياشينها من الخوي قول اتركه طعني
ماغير شره ولا انت بشايفن خيره

ياشينها منك لاجيتك توزعني
في عذرك اللي على هالظرف تجييره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطا يومك تبيعني
في سوق ذقها عليك اسوقها جيره

انا اذكر انك الا من قلت دلعني
القلب هانت علشانك مشاويره

يامشغل القلب بين تحبني و يعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

قلت احتفظ فيك وادري مانت نافعني
يمكن مع الوقت اقول محبتك خيره




........................................ .......... ........




المتيناتللزيين قالوا من قديما علامات
عين ومبسم والجسم والرشاقة
لكن كسرها لقاعدة ها لمتينات
من واقعاً ماهو كلام وبلاغة
اللي محليهن ولا هن ثقيلات
دايم خفاف الدم وفيهن لباقة
الله ياهن يا جماعة رشيقات
وفي الكلام الحلو فيهن طلاقه
ما هو ضروري بالرشاقة رشيقات
وزود الوزن ما هو بيعني إعاقة
وما هو ضروري يلبسن استرتشات
يا زينهن واللبس واسع نطاقه
لا بارك الله فيك يا لضيق بذات
ترى السعة مرات تعطي أناقة
قالوا الرجيم اليوم هم البنيات
قلت الرجيم ادري يبي له فراقه
وقالوا رياضة قلت ماهن مريضات
للسكري لا ما معاهن بطاقة
قابلهن الله بالرجيم او رياضات
بهدي لهن مني من الورد باقة
هن دفا هذا المجتمع هن رقيقات
هن ملح هن سكر لذيذ ألمذاقه
هن لا سالتوني عن الحب بإسكات
أقول ما فيهن عن الحب طاقة
ما هو كلام اللي اقوله وإشاعات
انا ربطتني مع متينة علاقة



,,,,,,,,,,,,,, ,,,,,,,,,,,,, ,,,,,,,,,,,,

آهــــات
01-16-2009, 12:56 PM
سعـــــــــــد علـــــوش





قنوع

قنوع وآسخط في كنوز العالم المتشبعه
وقناعتي كنزي.. وشبعتهم هلاك في هلاك
لاصرت في صحه وخير وذود آبوي مربعه
كني ملكت الكون كله من هناك ليا هناك
يكون شيء مجمل حبالي عليه..مجبعه
يامجبع حبالي وآنا الظميان والما بس ماك
شبيت في قلبي وآنا بطبع البرود مطبعه
وكذاب من قال الحرارة من نتاج الإحتكاك
هذا آنت في لوس آنجلوس متقبعلك قبعه
وآنا على عرق وخفوقي يابعد عمري معاك
لبيك ياأظبي ظابيات الزين وأشرس سبعه
لبيك من ثورة نفسك الين ترتيبت حكاك
يامنبع من الزين لا الزين إنت منبعه
سبحان من سواك لين أصبحت تفرق عن سواك
وسبحان من خلى شطوطك ف الحشا متربعه
وسبحان من وحدك لاتحذى ولا يوخذ حذاك
وسبحان من خلى الخفوق أيتبعك وأتبعه
وسبحان من خلاني أقول العمر جعله فداك



........................................ .......... ......




مرتبة الشرف

تضيق بي الدنيا بكبرها من معابيس الوجيه
وهذاك لا منه تبسم شفت للدنيا طرف

مني واليي احببته و هو حبني منه واليه
من غير لا انا اعترف و من غير لا هو يعترف

ليه اتحاكا و كلبوي يعرف غاية كلبيه
اليا فرح افرح و دمعه لا ذرف دمعي ذرف

اغليه يعني اعشقه اعشقه يعني اموت فيه
يعني انا ميت معا عشقه و مرتبة الشرف

ميت و يعشق والسبب مافيه داعي ان احكيه
الغيد فالدنيا هواه و هو لحاله محترف

الشامخ اللي لا اقبل و حضن يديني في يديه
تراعدت فرايصه بالغنج و اتساقط ترف

امشي معه من غير لا اين و لا كيف و ليه
من حيث ما يجرفني اغمض عيوني و انجرف

ان قال لا اقول لا وان قال ايه اقول ايه
ما عرف مسمع ما ارى ما ارى مسمع معرف

اللي اعرفه اني ابيه ايتجملبي و ابيه
وكان العدل في صدته سجلني اكبر منحرف

يغفرلي الله و الله يديمه و يرحم و الديه
علمني ان البعد نكسة حال والصده قرف



........................................ .......... .....




وريدي

ياللي غرامك جاريٍ في وريدي
لا وش غرامك جاريٍ في وريدي

استغفر الله لو بقول ان غرامك
ما باقي إلا يطبع اسمك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليا طلعت أحس كني أشوفك
وآنقص أنفاسي ذكا يا ضديدي

أخاف لا تطلع و لا عاد ترجع
واشفق على شوفتك و اقول زيدي

فهل علمت عن جنوني يا آنف
اني لمجنون النشاز المجيدي

لبيك يا سلكا حملت الفضائل
أوعز لصاحبك بتحرير قيدي

يعني بحكينا لبى و الله عروقك
متى تعيد في عيوني يا عيدي

ثقفني بوصلك مثل ما تثقف
شعّار جيلي من ثقافة قصيدي

لو ضلع عيني حس موطى وصالك
لا طاح حيده و لا طاح حيدي

تخيل اني من كثر ما اتخيل
اتخيلك تدعي و احسب انك ميدي

يا خي ترى جننتني بالمفارق
جننتني و انا بعدني يا جيدي

لكن مع الله كل بلوى بخيره
أنا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

و أنا بعد لا من ذكرتك يا غالي
باسجد لوجه الله و باقبل ايدي



........................................ .......... ........




تعال خذني


ياوي النعاس لعين من يرغب بإيواء النعاس
وأنا مجلوي كل نعسة عين مع إني..سدر

العقل نعمه لكن أحياناًً يسبب انتكاس
يشوقك إن العقول الحين..ماقل وندر

أنا أفكر كيف ازيل المنحدر من الاساس
والأغبيا لاهين في لذة صعود المنحدر

تعبت لأني من هل الطولات صعيبين المراس
للي يحبون الوفا ولا يحبون الغدر

تعال..يابن آخي الغلا..ياهوه..ياعالم..ياناس
يافكر"ابن جدلان"ياتركيبتين من "البدر"

يامعضلة تمشي على رجلين يا العشر الحواس
ياشاطب من ذاكرة تاريخي الوجه الودر

يا مطلع أهداف أجمل الغيد إلى "رمية تماس
يامهدف بقلبي ثمان أهداف من حب وقدر

تعال اخذني من يدين الهم ووجيه العماس
شوف العرب ضيقة صدر ومشاهدك وسعة صدر



........................................ .......... .......




فدى راسك

فدى راسك أنا يا اللي غرامك ساكن بدمي =

فدى روحك .. فدى ذاتك .. فدى كل رعشه بعيونك

يا أجمل واصدق واغلى غرامن عانقه يمي =

اشوف السعد بعيونك يناجي صادق ظنونك

في قربك يا ملاك الهم يزول وينجلي غمي =

يزول الهم في قربك وغمي ينجلي بكونك

في وصلك يبتدي فرحي ويقفي الحزن والهمي =

يباعد طلته عيني .. مدام السعد بجفونك

احس بلهفة شفاهك إلا من عانقت إسمي =

عشقت اسمي من لسانك .. عشقته وصرت مفتونك

احبك حيل .. لا والله .. ( احبك عشق ما يعمي ) =

عيونن آمنت وامست رهينه ترتجي مزونك

هلا بك يا ربيع القلب .. هلا باللي حظن رسمي =

وعاش بوسط اشعاري .. وصار الشعر مجنونك

انا لو قلت ابتمنى .. وصار منيتي يمي =

باقول احفظها يا ربي .. وصنها يا الولي بصونك

اخاف عيون خلق الله تشوفه قبل لا تسمي =

واخاف اهل الحسد ترمي سهام الحقد فمتونك

لا شفته تنكسر مني قساوه ساكنه بدمي =

غريبه كيف انا اقسى ولون الطيب من لونك

دخيل النظره والبسمه لا قبل راسها فمي =

دخيل الله لا قالت : عسى الله يكون في عونك

احبك واعشقك واهواك .. أنا والله يا ( امي ) =

عساني ما انحرم منك .. ولا لي عيش من دونك



........................................ .......... ..........




الانكسار

انكسرت من الفراق وشوف عيني
...شوف عيني وأنت تدري بانكساري
كلما مديت لوصالك يميني
....رحت تتجاهل يميني مع يساري
حتى صرت أشوف جرحك في يديني
.....في يدين الجور صداتك مواري
حس فيها لابلاها حس فيني
.....لا تعبرها لكن رد اعتباري
وأنا مقفى جعل منت منتويني
......بالجفا والخوف وأنواع العزاري
ياهلي يانصف ربعي ياخديني
......يامواني غربتي ياروح داري
يا شموخي يا انكشافي يا دفيني
..... يا علوي يا بقائي يا انحداري
يا بداياتي يا مائي يا كسجيني
....يا اندثاري يا اعتدالي يا ازدهاري
يا بلادة حسي وقمة حنيني
.....يا اختياري لا يا عشواء اختياري
أعشقك من عادني فول سنيني
...لين صرت آخذ مع نفسي قراري
من عرفتك وأنت ثالث والديني
....واللجوء إليك يعني لي فراري
ضمني خل الضرر بينك وبيني
.....الضرر من ضمتك شيء اضطراري
خل يدينك من الجور اتحميني
.....من جمود يعيش و الين انصهاري
كل ما ضاقت بعيني يا موعيني
......ابتسمت وصار لي ليلي نهاري
فلا سكت تروح بطيش اتحكيني
.... رجعي أبطبعك وبأسلوبك حضاري
ماذبحني فيك ألا انك تبيني
....وما سحرني ألا حكاك الأستعاري
لا حكيت أحس بأشياء تعتريني
....وان خشع قلبي وتطري لي طوراي
أعشق حكيك وحفظه يا ضنيني
....حفظ بن تيميه لحكي البخاري
ولا سكت أحط يدي في جبيني
....وارجي الله ما يطول بانتظاري
أدري أني عندك وأسألك ويني
.... داريا لكن ما كني بدراي
لين شيطاني تلفظ كلمتيني
....ورحت مني ما تبي سمع اعتذاري
لا تبكيني وتفرح عاذليني
.....ولا تخسرني بعد كبر انتصاري
لا تخليني بعد فيضة كنيني
.....وأنت خابرني على الوصل انتحاري
لا تروح بروحتك كلن يجيني
.... ما ني مكابر ولا حتى مداري
انكسرت من الفراق وشوف عيني



........................................ .......... ...........




ردني لك موتي في غيابك

ردني لك موتي في غيابك موتين ......
..... يامحول ضيقتي من وجود ليا عدم
لاتخليني مابين الثلاثة والثنين ........
.....البكى والسخط فيك وشعوري بالندم
ضقت ذرعا ياالله انك تزينها تزين .....
....من عيون اللامبالاة وايدين الردم
والله إن جرحك بقلبي كبير وله حنين...
...كبر ملك الإمبراطور في عيون الخدم
الله اكبر الله اكبر ياوليفي بعد ماكنت وين ..
.صار مالي في حياتك ولا موطئ قدم
ردني لك لاخلاص أنت رح والله يعين ..
...من علشانك يفض الجموع وينحدم
خلني لي ووعدك في مقابيل السنين ...
....ماتمنى صعب ولا اعشق ولاالنصدم
أنت ما قصرت يالغالي وعذرك سمين ..
.. وطول الله عمرك ولا خلى ولا عدم



........................................ .......... .......




الله الله
لا تقيس الدين بالعقل يا عقلي ..ونام
فيه غيبيات أأمن بها ..بلا مقوت


لأن إيمانك بها يعني انك في سلام
من غضب ربي وسخطه وتخريب البيوت


لا تفكر في مسائل نتايجها اثام
يكفي ان الوقت ملبسني من الاثم كوت


آثم بس اعرف ويش تالية الغرام
بين شيخان العقيدة وشيخان البشوت


تالية حب الطرفين ضيعه وانقسام
تنعكس على من يدور لمضناه قوت


السكوت يزين لا صار من حولك كلام
بس ماهو زين لا صار من حولك سكوت


ويش اقول؟ اقول يالله جعلهم للعدام
لا.. بقول انا اتمنى قبل عمري يفوت


ودي اني ماتعداك يالبيت الحرام
وودي ان اعيش فيك العمر كله واموت


الله اكبر لا اذن المذن وكبر الامام
واصبحوا زاكين الانفاس من خلفه صنوت


وابتدأ يرتل ونظم بترتيله زحام
وانتهى من ركعته وابتدأ يدعو قنوت


الله الله الله الله على شعور الوئام
جعل صوت ابن سبيل بعد مليون صوت


يجعل بيوت الشياطين في عقلي حطام
كن صوته ينتشلني معه من بطن حوت


لاسمعته..يصغر الكون فعيوني .وأنام
وأمن إني مؤمن ابما يقول بلا مقوت



........................................ .......... ..




مهاو

اخر حركات التدلع والغنا
اللي اسمها(مها)وفي الدلع(مهاو)


فرفوره تسلف الشمس السنا
مغويه ويطرد وراها كل غاو


ان وقفت كل شي ماتباعد دنا
وكل شي متلخبط مع الوقفه تساو


واليا مشت؟قال النمل:الله لنا
تقاو ياجوعي على صبري تقاو


ذروة ترف..ذروه غنج..ذروه هنا
جمالها مايستوعب وماينتقاو


في iiجنبها:نوره,وعبير,ومنى
شباب...وعند البل وكشختهم فراو


مخلوق لامنه انثنى يعني انثنى
كل الزوايا تستقيم اليا تزاو


يابوي شي لايوصف ولا ينجنا
يسبب لك جروح لايمكن تداو


مثال:لاجاعت وطال بها العنا
كل الحلاو اللي على هالارض جاو


هي جايعه؟؟!يارب تاكلني انا!!
هذي سواليف الحلاو...مع الحلاو


واليا كلت اطرف حلاوه من هنا
كل الحلاو يشوفها ويقول((وااو))!!!



........................................ .......... ..........




الوداع

أنت بتسافر حبيبي نعم سافر وغيب
بس تكفي سم بالله على عقلي لا ماع


لأني ماني قادر اوادعك وأنت قريب
كيف وأنت بعيد تبغاني أقول الوداع


بس لحظة قبل لأنسى ياللبيب
كل ما تملكه من مغريات ومن متاع


إني احبك واحبك لين أشيب
يعني لين أموت وأنا احبك للنخاع


احبك بالحيل والشي الغريب
إني اكره كل فكرة تقودك للانصياع


كان ماللمشكلة وتوصلنا للحل (عيب)
كب حبي لك وسمّه متاهات وخداع


لأني أطهر من بيخسر على الدنيا حبيب
ولأنك أنقى من وطت رجله ظهر وقاع


كثر مايدعوني أهل الهوى ولاستجيب
وكثر ما أصفّط على بعدك ذراع وذراع


آآه لا وقفت مابين تصيب وتخيب
بيني وبين المواليف وفواه السباع


وآآه لاغ من ذكرت كل له نصيب
وآآه لامنّي ذكرت إن على وجهك قناع


اشعر إنه منخلق من عسل ورد وحليب
واشعر إني كل ماأذكره مجموعة جياع


ليت مالك في حياتي خوي ولا طليب
كان أبخشّك وسط قلبي وأقول ضاع


أمحق الله ساع ولف الهيام وقطع صيب
من يبكّي مقلتين الشجاع ابن الشجاع


لو على البحرين شرهة ودمعات ونحيب
كان ماخلتك تقفي عن حدود الرفاع


لو جنيف تحس بجرحي المر العطيب
كان ماتاخذك مني وتعطيني ضياع



........................................ .......... .......




تحفه

حبيبتي تحفة من النوع الفريد
ولا جيت ابمدحها اخاف iiاذمها



لأن المديح بها ينقّص ما iiيزيد
و لأنها خيال و طايش iiماهمها



متمردة و بعقل هارون iiالرشيد
و بالزين ما عذرا توقف iiيمها



لو قستها مثلا على الجيل iiالجديد
تحط (( حليمه بولند )) iiبكمها



من غيّها السادات سوّاد iiالعبيد
تحر و تبرك عند ركبة iiعمها



ومن غيها لامن تثنّت كل iiحيد
وده يصير انسان لأجل iiيلمها



ومن غيها حتى الدهن عود iiالعتيد
يسيل في يدها عشان iiيشمها



من غيها لامن خذت نفس iiجديد
تهاوشت الانفاس على iiفمها



لبيها ام الفكر وام iiالقصيد
لبيها من ضحكها لى iiغمها



اللي بقوله جعلها الحظ iلسعيد
والله يخليها لأبوها و وامها



........................................ .......... .......




** الانسكاب **


بري حالي لانتهى العصر واعلن الانسحاب
وخلت الشمس الصدارة ومالت للغروب

اذن المغرب وساد الفضى مثل الضباب
ونتهى والليل لبس الاماكن لبس ثوب

وردت همومي على قلبي الصلب الخراب
وردة احيام القوامي على عدن الجذوب

كلها هانت ولا هنت ياهم الغياب
من محبة صاحبك صرت ياهم محبوب

وخذ ليلك بولة وخذوكل وشرب في رحاب
قلب من شدة طهارتة تجفاه الذنوب

اية والدنيا مساكن ورحلة واغتراب
والغلا في الوقت هذا مميز بالعيوب

اشمل بوجهي واعدي على روس الاهضاب
كل ماضيعت وجهي دريت انة جنوب

ويش اسوي فيك ياعم تلعات الرقاب
ونت واقعوالتمى عام في عيونك هروب

انت مجرم حب لا ويش جاب الي ويش جاب
انت عذبن عذب ارجيلي بشوك الدروب

صرت اهاب من التزاحم ونا ما كنت اهاب
ومشي بكيفك لواني على المشي مغصوب

صرت اجمع من جروحك وكلماتك عتاب
وقبل لا اقول وشفيك تجرحني استغفر وتوب

صرت احسب الناس ماكنت احسبلها حساب
وصرت اكذب لجل ترضى ونا ماني كذوب

شوف مهما صاربي انحنائي انتصاب
العب بعمري وبعثرة بيدينك ياللعوب

ادري ان الجاذبي تسبب الانسكاب
ودري اني منسكب ودري ان يديك كوب

سلت فرضك ورتوتبي وفاضتبي عذاب
لين حبتني قلوب وتعادتلي قلوب

فاعرف ان زولي غدير ون حكاياهم سراب
والمقادير الايادي وشين الخط طوب

يعني اليا رموني حقيرين الجناب
صارزولي عشرة ازوال وعيوني قروب

وتعدد لجل اداريك من طيش الشباب
وتوحد لين يطغى على وجهي شحوب

ماني استاهل منك كذا ياوبل السحاب
لاتبللني ونا ودي انك ما شروب

بيتني ودخل في قلبي ياقلبي باب باب
واخطر عروقي برجليك يسمر دوب دوب

جل من ولع عروقي بقنينة تراب
نوب تضحك من عذابي وتبكي منة نوب

لو لي دعوة وحيدة وهي تستجاب
قلت ياربي كل ما مر خلف الهبوب

زوي قلبي كل مازويت خصرك بنسياب
ووقف العالم يرد البحر من كل صوب

ياخلاصة شهد وعذوق مالذ وطاب
يامغلبني ونا مابعد ماصرت مغلوب

يامسفرني لوجهك ذهاب بلا اياب
يا معزز بالغلا يامقدر ويامحسوب

بيتني وذهبي بعيد يامالا الذهاب
ضمني بيديك وجمد على صدرك وذوب

انت لوضميت تمثال من ضمتك ذاب
كيف لوضميت صدرا على ذكراك يذوب




........................................ .......... .....





القافلة


لبيك ياللي خطوتك.. تغزل.. مسافات الحرير...
..بالمسك...والكبر... المزخرف.. .. والسطور.. الحافله...

لبيك..لا.. وريتني..وش.. عقبة.. الموت.. الاخير
في ليلتن.. تمحي خطاها..؟ ركعتين... النافله..............

لانك.. اتعرف.. اني..ليا استبشرت.. أستبشر بخير..
لاكنك.. تجهل.. يتم..؟ وقتك... واليدين.. الكافله....

أتصدق....؟ ان الوقت.. هاذا غير.؟ وأن.؟ الناس.؟ غير..؟
وأتصدق.. أن ماعاد باقي..شي.. حتى..؟ أتخافله؟......

شوف الاسد.؟ يمشي على راي المهاه...؟ أو؟. لا؟ يشير.؟
والمشكله.؟؟؟ لاهوب.؟ مستغرب..؟ ولاهي.؟ جافله؟؟؟.......

وأتصدق..؟ أن أغلب رعاة الحرف.؟ خوانة..؟ ضمير..؟.
شفت الادب هاذا........؟ يبيعونه..؟ لنضرة.؟ سافله....

وأتصدق..؟ أن حمل البعير..؟؟؟ أتبعزقه.؟ دودة...؟ حرير...؟؟؟؟؟؟
وأتصدق..؟ ان الوقت ذا... غافل..؟ وناسه..؟ غافله...؟؟؟؟؟

أمن أولا..؟؟ تنبح كلاب.... او قافلة .. الاحمل...؟؟؟ تسير.,..
واليوم.؟.؟.؟. لاتنبح كلاب...؟ او؟..؟ لاتسير... القافله.....




........................................ ..........




شوف فوق


حي مني لاذكرته.؟ دريت أني iiبخير.
صاحبن لاشافني. ضقت منه..؟ iiضمني

يشتعلبي. لين يطفى على العرق iiالاخير..
وأنتثرله شوق.. واليا أنتثرت..؟ iiأيلمني..

يا تندااي..؟ الخليه على طاقة iiحرير..
يامخوفني.. وقاطع رجاي .. وممني....

يا أمل. ياخيبته. يامتاهه. iiيامصير.
خل قلبك لاتراخى الزمان.. iiأيزمني.,

مابي الدنيا.....؟ أبيك أنت لانك انت.؟ iiغير.
جيت فحضانك.. طفل.. وأنت أبوي iiوسمني..

شوف فوق....؟ وغن بسمي على اللحن iiالقصير.
وخصني.؟ في كل لمحة غرااام iiوعمني...

بشعل الدنيا عبير وبطفيها iiعبير.
ولالالالالا بناشد. من مدحني ولالالالا من ذمني..

جيت للدنيا كبير.. وبفاارقها.؟ iiكبير..
ومن زعل iiماهمني..ومن رضى iiماهمني..




........................................ .......... ..........





قال ابشوفك

قال ابشوفك سكت شوي قلت وش زينه "
موعدا معك انت لا يمكن على انكاره "
بس لاحظ ان قلبي لو جوفوه غالينه "
ما جعلهم عرضت النقاده الثرثاره "
قال انا ادري والله يوقف معه ويعينه "
قلبك الي حط اعداءه على انصاره "
قال باكر قلت باكر غد يا تأنينه "
كلها ساعات ويبوح النهار اسراره "
المهم اصبحت صبحا ما اعرف تكوينه "
صبح من نقرة عصافيره تصيد احارره "
وتقهوا قهوة الي مضحكته اسنينه "
واخذ اغراضي معي واشغل السياره"
واسرح وفي بالي انه في احد دربينه "
ياقبل بيته بيتين او على دواره "
ولي ذا واقف معنز جمسه بيدينه "
وقفة الي ربعه تحبه ولا تختاره "
قلت ليه انت اتشائم والبنادم طينه "
ينتصر لا حط ذكر الله على اصراره "
قال انا ماني متشائم لاكن يشينه "
لا ابتداء عمرك بصدماته وموت ازهاره "
كنت احسب ان الحياه لساره او الينه "
لين ماتت لينه وفي يوم ماتت ساره "
ضل يبكي وانتهز صدري وجاء من بينه "
لين حسيت ان كثر الدمع وفك ازراره "
اعملت في عيني انفاسه ودمعة عينه "
مثل ما يعمل بخار الشاي فالنظاره "
قمت اضمه واحضن راسه ولا ادري وينه "
لاني اعشقه وفاجئته وفي تكراره "
كان يوم يعلم الواحد يوفي دينه "
الفرح به قاطع للحزن كرت الزياره "
ياالله انك تقطع الوقت الردي وتهينه "
كانه يبكي اكباره من غير اصغاره "



........................................ .......... .......




اخذيني اليا عجبتك

اخذيني اليا عجبتك بس رديني
وما عجبتك خلاص اخذيني
مابيني مدامني شفت فيك الطهر والعفه
بعيف نفسي ليا منك كرهتيني
اخذيني لو اعتبر من ضمن اشيائك
وانا بحبك ولا لازم تحبيني
لا ابي علاقه ولا ابي نظره و بسمه
إحساسي اني بقربك بس يكفيني
لو اني انضفت الى اشيائك غصب عنك
طلي علي ياغناتي لا تخليني
تراي لا جاء المصامد ماني بهين
تقول كل العرب لعبه بيديني
شخصيتي من غرابتها وطيبتها
كن الزمن في تحدي بينه وبيني
اخذيني الشاعر الي ما صدق حظه
لا قلت يا حظ وينك قال يا ويني
اخذيني المبدع المتفلسف التحفه
مؤمن و تضحك على العالم شياطيني
واخذيني العنصر الي صدق متعنصر
من دون ربعي لو اقطع شرايني
واخذيني الي ليامنه طلب يعطى
وتكفين ليا من طلبتك لا ترديني
تكفين يا غايتي يا بهجت الدنيا
ابحرق قلوب ناس ما دانيني
اخذيني بكل شوق وقولي احبه
وان شككو فيك ولا في ضميني
قولي فيصل والله انه غالي جدآ
ويا جعله فدوة شبابي واخر اسنيني
وانا بصدق كلامك ومعتز بالله
وبقول لناس ما يعنيك يعنيني
وانا علي نذر ما ارخص جيتك
وانتي نذر على رقبتك انك ما تخليني



........................................ .......... ..........




الجهل بيني وبينك طايح سوره

الجهل بيني وبينك طايح سوره"
من مر الايام سارت عندنا خبره "
ومدام عينك من الي سار مقصوره "
اجمع شموخك وخفف حدة النظره"
لا تتوجهك الي غيرته الفوره"
اشوف قلبي ليا من مل من صبره "
ياخر مبالات قلبي واول شعوره "
شف لي سنع في غلاك وشوف لي دبره "
خليت نفسي من الايام مقهوره "
وخليت حالي لمن لا يعتبر عبره"
غديت في دنيتك مهدي الثوره "
في روضة اخريم مثل مضيع الابره "
خلصت معاد اقاوم صدك وجوره "
القلب قده بموت وغيبتك قبره "
فراق الي تو تكفى لا يجي دوره"
سرت احسب له وافكر فيه واعتبره "
ماني بناسي هذاك الطيش وغروره "
يومنك اخلفت ظن فيك وش كبره "
واذا انك ناسي انا منسى هاك الصوره "
اكفيت تضحك وانا خصتني العبره "



,,,,,,,,,,,,, ,,,,,,,,,,,,, ,,,,,,,,,,,,,

آهــــات
01-16-2009, 01:00 PM
أحمـــــد النــــاصر الشايـــــع





أذن المذن

أذن المذن ونادى طول صوته بالمناره
وقمت طولي للسفينة ثم فليت الشراعي


لو يزيد الموج ماني فالبحر سواق طاره
عارفٍ مجرى السفينة في نزولٍ ورتفاعي


كل رجال ٍ هواجيسه على قد اقتداره
والحظيظ اللي مع العربان عاقل واجتماعي


العرب لو بشروني كان سلمت البشاره
في بيوت مخترعها طيب العرف اختراعي


بين الأثنين المفاهم في محله والمشاره
لو يجون اخوان صلب أو هم خوان من الرضاعي


حجة الغايب معه ومن اعتذر قبل اعتذاره
مايضيقن النفوس ولا الدروب اللي وساعي


وانت عندك لاتعلم بالثمانين الحراره
والهروج الضايعة مثل الهمل من غير راعي


صابر بالحق دام الحق من جار ٍ لجاره
لو نجيبه دين ياصالح من البنك الزراعي


والسعادة حظ والا العرف والمعنى شطاره
لو رضاك بعيد اسافر له على النقل الجماعي


وسع الخاطر ولابه كسر يحتاج الجباره
دايم العاقل وسيع ابطان ماهوب اند فاعي


اعتذرت من الرفيق وزبدة الهرج اختصاره
إن عذرني كثر خيره وإن ومر بأمره مطاعي


قصة جت من رفيقك غصب من غير اختياره
سألفه ومخالفه ماودنا الهين يذاعي



........................................ .......... .........





البارحه يوم العباد رقود

البارحه يوم العباد رقود
النوم مايطري على بالي

مجروح روح وخاطري ملهود
ياناس خلوني على فالي

تبكي عيوني والدموع شهود
أي والله أبكي صاحب غالي

يازين مالك بالعذاب فود
أرفق بحالي يا بعد حالي

ودي بوصلك يا نعيم العود
ودي ولكن ما تهيا لي

اللي ذبحني بالعيون السود
من قبل اعرفة خاطري سالي

ترى المحبة ما بها منقود
والله فلا اسمع هرج عذالي

ياعود ريحان عليه ورود
ومنين ما هب الهوى مال

هبي بريحه ياهبوب النود
يطفي بعض همي وغربالي

الحب يذبح والشقا محدود
ماهى سواليف على الخالى

يا منوتي يا غاية المقصود
زولك يورى لى ويبرا لي



........................................ .......... .........




الراي.. رايه ..

وأرجلي اللي تبين ضلعها من غير ساموح
حار القدم يا الله الخيره ولا فيها اروايه


باسباب زول نطحني بالطريق وشاحني شوح
اودعني أمشي وألد اخلاف واقصر في خطايه


زول نطحني وخذ عقلي ولا لي منه مصلوح
خلاني أركض واغني من خلايه في خلايه


اللي خذا القلب أظنه مخطرن يلحق على الروح
الموجب إنه مريض خاطري حد النهاية


هذا وأنا عن طريق المنتحي منهي ومنصوح
مار المقادير جابتني على حسنا أو سايه


مادام باب الهوى لأهل الهوى بين ومفتوح
أبين من الشمس عقب الظهر في وجه المرايه


يامن يودي سلامي والهوى راعيه مفضوح
ويخبره بالمصيبة كلها والراي رايه


ان كان لد النظر يمي عن اللي فات مسموح
وان كان قفا وخلاني فانا سبة عناية


واعين ياللي من الفرقا بكت.. والقلب مجروح
مانيب عازي لعل الله يجبر عزايه


الصاحب اللي ليا شفته عجزت اقعد ولا أروح
ما هو طويل نشاش ولا قصير الجرم غايه


يا من سميه على اسمي الناس به زودن وبه نوح
ثلاثة أشهر ينزل نصف ثالثهن كفايه


واثنين يكمل بهن اسمه أوله حراس وشبوح
كم لي وأنا أرجيه جعل الله ما يقطع رجايه



........................................ .......... ............




الفلك يستدير

بالله يا للي تبا الفيحا عنيزة ديرة أهل الفخر
يا سعد منهم عضوده بالشدايد والزمان العسير

نطاحة الكايده لا قل بالدنيا بعير الظهر
الطيب منهم وفيهم كلهم كبيرهم والصغير

جعل السلامة زهابك بالطريق الى نويت السفر
اسلم وسلم على عيال العميم صغيرهم والكبير

اهل الوفا والمروّه والشهامه لويشين الدهر
من يديك ليدين صالح خذ كتابي جعل خيرك كثير

يا بو محمد ليالينا تصافق مثل موج البحر
عجزت أميّز لها وجه او قفا يا الله مقسوم خير

واحترت مدري وش اخذ وش اخلي بين هم وقهر
المبتدا زين مير المقبلات الله علم وش يصير

اللي ذبحني بغير اسلاح ما جا منه علم او خبر
اللي بعقلي وروحي في حياتي صايرن لي خشير

متى على الله عيوني من صخيف الروح تملا النظر
القلب لولا الضلوع اللي يردنه خطير يطير

كن الشهر لي سنه عقب التفرق والدقيقة شهر
يا الله تلطف بحال المغرم العاشق عليل الضمير

يا صدق راع المثل قال الهوى والحب كله خطر
والزين مثل الحيا متبوع مشهاة الغني والفقير

اتلا الخبر يوم وادعني واقدماه طريق الحفر
للديرة اللي ورى الرقعي يقود القلب سلك الحرير

اصعب علي شوفته من شوفة اللي فوق سطح القمر
لا شك ابصبرا على ما صابني لين الفلك يستدير



........................................ .......... ............




انا المطلوب والطلاب

الا ياونتاه اللي من الفرقا برت حالي
كما برى الدبى الغصن الوريق اللي على حله

على اللي من ثلاث سنين هو همي وغربالي
ولكن ماحصل لي منه ساعة تبرى العله

إلى مني بغيته في محله ما تهيا لي
ولا منه بغى ياصل محلي صار به ذله

أنا وياه مثل اللي ورد مطوية الجالي
طوى حاله ظماه ويوصف الماء له ولا دله

إلى منه نطحني قال يا ستار الأحوالي
عجب لله كيف الخل مايشفق على خله؟

وأنا أركض طول ليلي مع نهاري في الخلا الخالي
أصايد رغبته واتبع طريقه واتبين له

إلين أصبحت أنا المطلوب بالأول وبالتالي
أنا المطلوب والطلاب راع القذله الهله

إلى مني بغيت أنساه وادله عن هوى بالي
بلاي النفس ماهي من صخيف الروح منحله

كذوب اللي يقول أقوى فراق الصاحب الغالي
متى ماغاب عنك اللي توده بانت الخله

إلى مني قطعت حبال وصله قام يبرالي
لحظني بالعيون اللي بها سيف الهوى سله

يطيح اللي بكفي وأذهل الدنيا وهو سالي
واعود في عماي الاول اللي مايسكن له

متى ماغاب عني ماتبي حالي ولا فالي
والا شفته بعيني كن حكم الروس لي كله

ولاني قاعد ارجي متى يرمي به الفالي
وانا ما ودي العدوان تدري به وتفطن له



........................................ .......... .............




آه من قلب

آه من قلب هواجيسه تلوفه
مع همومه كل ما اقفن واقبلني

لاذكرت اللي زها الحنا كفوفه
يالطيف الحال طار النوم عني

ليت عيني وان بغت شوفه تشوفه
كود قلبي يستريح ويرجهني

حيث عيني عن هوى غيره عيوفه
ماتبي غيره لو انه غاب عني

والله اني طحت في حال المروفه
حيلتي كثر التوجد والتمني

ماذبحني كود من تذبح وصوفه
من جميع البيض حبه ممتحني

عنز ريم مابعد رامت اخشوفه
قايده للصيد ترعى كل ني

والجوازي كنها معها معسوفه
يوم تجفل كلبوهن يجفلني

هرجت العشاق يازين معروفه
والغلا باقصى الضماير مستكني

الهوى مثل المغازي والنكوفه
والقصيدة من سمع فيها يغني

القمر يظلم الى بين كسوفه
لاتبين للعرب ظنك وظني

لازم راعي الهوى تكثر صدوفه
لو يطولن الليال او يقصرني

والمعافى ملحق الدنيا حسوفه
ماطعنه اللي من الفرقا طعني

لو تروح الروح للزين مخلوفه
والعذارى يبعدٍ او يقربني



........................................ .......... .....




ذوقتني الحرمان

أول وأنا ماشري بحبك ولا أبيع
واليوم بأول سوم والله لابيعه

عقب أنتشالك لي بروس الأصابيع
رميتني بين الرجا والقطيعه

ذوقتني الحرمان سبعة أسابيع
وأشقيت نفسٍ لك مطيعه مريعه

أيام صفو الحب تآمر وأنا أطيع
واليوم لامرك والله إني ماطيعه

لاتحسب إني عقب فرقاك أبا أضيع
البيض واجد وارض ربي وسيعه

سبَّعت قلبي من محبتك تسبيع
وأقفيت عنك وسو ماتستطيعه

خذ راحتك يامصَنّع الحب تصنيع
مادام نقض العهد عندك طبيعه

من لا على صهوة جواده مصاريع
خطر يطيح ومثل هذي هزيعه

مزَّعت صورة ماضي الحب تمزيع
وأنوي على تكوين صوره فضيعه

مع من جبينه مثل نور الشعاشيع
وإلا كما برقٍ تزايد لميعه

الصاحب اللي لامري امطيع وامريع
من شان حبي كل غالي يبيعه



........................................ .......... ............




راعي المحبه

يا ناس راعي المحبة لا تعذلونة
مهوب عن صاحبة دالة ولا سالي

لو يسهر الليل كلة لا تلومونة
الحب بلوى مانيب اول ولا تالي

لى صاحب ما قطعت الياس من دونة
لو غاب عني خيالة دوم يبرالي

الصاحب اللي سحر هاروت بعيونة
ودي بشوقة ولكن ما تهيا لي

يا هيف الخصر عيني فيك مفتونة
والبعد ياصاحبي ما يرخص الغالي

الروح يا صاحبي بحماك مرهونة
عزي لحالي عقب فرقى هوى بالي

ياكود وصلك على مثلي ويا هونه
ان كان حالك طواها اللي طوى حالي

عن غيرك القلب غسلتة بصابونة
والعين ما تلتفت فى كل الازوال

ما يجرح القلب كود فراق مضنونة
ابطيت ما ارسلت لي يازين مرسال

أجر صوت جميع الناس يوحونة
غديت مثل المصيح بالخلا الخالي



........................................ .......... ...........




سلام يالوادي

سلام يالوادي اللي قد نزلك العام مخلوق
مدري من اي النحايا راح من ديره الديره



لكن الى جيت مدهاله وقفت وصابني عوق
يحتار عنده قدم رجلي وياقف عن مسيره



ماهوب ودي ولكن حب خلي ساقني سوق
اناظر البيت من عقبه واسولف مع قصيره



من كثر ما أقبل معه واقفي معه سويت طاروق
هذي سواة العشير اللي شكا فرقا عشيره



ياشين فرقى الضحى شيناه والمطرود ملحوق
الله يظفي على اللي راح جنحان الستيره



وشلون ابدله وقلبي مع صخيف الروح ماسوق
لوى هني المعافى ماشتكى شره وخيره



وانا تطارد هواجيسي وحمل الغبن مطبوق
اجحد صوابي عن العالم وانا روحي خطيره



قالوا لي الناس خل المنتحي والحي مرزوق
والناس واجد ولكن ماتريد النفس غيره



هذا وانا خابرٍ راعي الهوى ماهوب ماثوق
والله فلا انسى العشير اللي عليّ يبدي السريره



يقوله اللي يبي خله وله بالدرب خازوق
ماله جدى إلا تكسر عبرته بأقصى ضميره



........................................ .......... ...




قلبي يهذريبه

يابدر قبل الليل قرب لي الفرت
شيك على البنزين والزيت كله

القير والدفرنس وإن كان ناظرت
به نقص راعي المشحمه مافطن له

عاير هواه وماه ولا تذكرت
شي يبيه اللي يبي فدوة له

حتى اللي مني على خير سافرت
أمشي ونفسي راضيه مسفهله

عن اللزوم اللي ضروري تأخرت
هات الخفيف وماتثاقلت خله

وإلي ظهرت من البلاد وتشطرت
ترى لزومي فيه جا وقت حله

إلى أنتحى قمت أذكر الله وكبرت
كنه يسابق تالي العصر ظله

لآمر عجلات المواتر وفكرت
لاكنهن وقاف مثل الإخله

طارٍ علي إلى مشيت وتنحرت
قصرٍ يسر اللي يجي عاني له

مارحت عنه يمين ولا تياسرت
قلبي يعذريبه وعيني تدله

ترى الدروب السود مهما تصاغرت
منها تراها عله فوق عله

وإلا الدروب البيض مهما تكابرت
ترى الحظيظ اللي تجي سكة له

إلى بغيت أفرج الهم سيرت
للي حجاجه للمسير يفله

اللي ليا إني جيت عنده تحيرت
فلة حجاج ومجلسه ماتمله

عز الله إني للصداقه تخيرت
اللي رفيقه مايشوف المذله

عبدالعزيز أكبر من اللي تصورت
الفعل فعل سعود والدل دله

بغيت أحبه ربع فعله وقصرت
بأول شبابه والفخر مقبل له

ياكم أماريبه وياكم فاخرت
ياسعد عين اللي يجي فزعة له

مالي عذر عن جيتك لو تعتذرت
ياللي تنزل كل رجل بمحله

عن طبع أبوك وعادته ماتغيرت
للي سنام المجد له مستحله

وردتها هداج تيما وصدرت
من سار مع درب فهو جايز له



........................................ .......... ...........





كل من عاش

كل من عاش بالدنيا يشوف العجايب
مثل ماشفت بالدنيا وشفته باهلها

قمت ابرق وافرق بين مخطي وصايب
مثل فرق الجبال النايفه من سهلها

والتوافيق عندالله حظوظ و وهايب
عند رب يجازي كل نفس بعملها

اشهد ان الهدوم يسترن المعايب
اثرها تستر الحرمه وتستر فحلها

الاوادم بعضهم مثل وصف الجلايب
لو توحد بها ذيب الخلا كان اكلها

كم صبي تحسب انه ع الضرايب
وان بخصته , كرهت الديره اللي نزلها

مايسر ان حضر , وان غاب ماقيل غايب
مار الارزاق عند ربٍ لخلقه كفلها

مايضد الضديد ولايفيد القرايب
يوم نفسه تعدى حدها من زعلها
وفيه رجل يحل المشكله والنشايب
كل ماحملوه الواجبات احتملها
وااقفٍ للزوم ومرتكي للنوايب
والحمول الثقيله مالها الا جملها

ليت روحه قبل تركز عليه النصايب
حط عنه اربعين من الزلايب بدلها
وفيه منهو مسالم مايحب الطلايب
مشتقى من رضى نفسه ولا من زعلها
وفيه منهو اذا كبرت عليك المصايب
ساق وجهه وجاهه لك ونفسه بذلها


وفيه منهو يبا الجودا فلاشك هايب
كل ماناض صدره جى عضوده خللها

وفيه منهو يحل المعجزات الصعايب
اصغر افعاله الجزلات محدن فعلها

وفيه منهو يعيش وعيشته بالسبايب
كل ماسمعله غلطة من رفيقه نقلها

وفيه منهو على نفسه رضى بالغلايب
الله اللي رفع نفس ونفس خذلها

لو تبي تنصحه لله نجر الهبايب
انكرك والنصيحه ردها ماقبلها

اشهد انه عقوبه من كبار العقايب
قاصر المعرفه قلبه كما قلب بلها



........................................ .......... .........




لوعة المغرم

أعالج لوعة المغرم وتكبر لهفة المشتاق
بحسن رضايا أسوق خطايا أقدم رجلي وأفهقها


وأهوجس من طلوع الشمس لمغيبية الاشفاق
وابلوي رجلي في ظلام الليل مدري وش يوافقها


أبصبر وأتصبر ما أظن إن الصبر ما ينطاق
لقيت الصبر مر ولو يلوش الكبد يحرقها


الا يا كاملين المعرفة سلك الغرام دقاق
إذا صاب القلوب الله يعافينا يخرقها


أنا لي صاحبن خده ورا الشيله كما البراق
بعرض المزنه اللي مثل شمس الظهر بارقها


خلقها الله وزين خلقها وأخلاقها الخلاق
قليلن جنسها في زينها سبحان خالقها


لها عينن ليا لدت بها تذبح بها العشاق
وبها وصفن من عين المهاة وطول عاتقها


إلا ما شفتها ضاقت بي الدنيا وصدري ضاق
وأنا لولا الهواليك كان عيني ما تفارقها


أحب مشاهد الغالي عسى ماهو بحب فراق
ولو راحت بعهدي ما أغلي بالدنيا ومشرقها


إلا جا الليل ما شفته يزيد بقلبي الدقاق
معه روحي بسلك العنكبوت الله معلقها


ليا عرض عليا أقف مثل وقفة كسير الساق
وساعة الوداع أسرع من الكدلك دقايقها


أنا وياه جددنا القسم والعهد والميثاق
ولكن قدرة الله سابقه محدن يسابقها


تعاطينا العهد في واحدن من عاهده ما باق
مادام الناس ذاهبه فالنفس يذهبن لواسقها



........................................ .......... ............





نوم الليل

يا بعد نوم الليل عن حجر عيني
صبر على ما صار من وال الأقدار


صبرت صبر باح منه الكنيني
أضحك مع العالم وكني على نار


ما غير أهوجس بين نفسي وبيني
يعلم بها العلام في كل الأسرار


تقل اتحرى لي علوم تجيني
مع الطروش اللي يجيبون الأخبار


فهمت رأس العلم من كلمتيني
من يوم قالوا جا محمد ونصار


تكسّرت عقبه جرايد يميني
عز الله اني عقب ما صار صبّار


من عقبها ونيت لي ونتيني
ونة غريب بالخلا ضاع واحتار


لولا الله أبرك ثم قوة يقيني
لا طير مثل الطير من كف صقار


تخنقني العبره وأفرّك يديني
واحترت مثل مصالي النار والغار


علم يخلي كل قاسي يليني
كنه على قلبي رصاص أم كرار


الى ذكرت عياله المصغريني
هذا يعزيهم وهذاك زوار


احد على جنبه واحد له ونيني
جتني هموم القلب من كل الأقطار


قلت اصبروا والله مع الصابريني
الله يكافيكم صواديف الأشرار


عسى عوضنا الحي بالميتيني
ناصر ونايف ذخرا سر واجهار


وأحمد وعبدالله ذرانا الحصيني
صغار سن وان بدا اللازم كبار


يجبر عزاي اللي بخلقه ضميني
محيي العروق الميته عقب الأمطار


مالي عن المكتوب فوق الجبيني
لو رحت شرق وغرب ويمين ويسار


صليت نصف الليل لي ركعتيني
أطلب له اللي للخطيات غفَّار


خفف ذنوبه يا أرحم الراحميني
في ماقفٍ ما ينفعن فيه الأعذار


جعله برضوانك من الفايزيني
بالماقف اللي به يضيعن الافكار


في ماقفٍ به كل خافي يبيني
تمت وصلى الله على سيد الأبرار



........................................ .......... ..............




ود الخبر

ود الخبر للغضي وده
ود الخبر لاشقر الراسي

ابو ثليل الى كده
اشقر على المتن له كاسي

يازين صبري وصل حده
مانيب للي مضى ناسي

ماقدر على البعد والصده
ليل ونهار انت هوجاسي

عندي وكنك ورا جده
تقطعت عنك الارماسي

اللي سواة القمر خده
من شوفته مانقطع ياسي

والله لو طالت المده
ماقطع رجا ظبي الاطعاسي

لاصبر ولو طالت الشده
لو صابني منه وسواسي



........................................ .......... ...........




ولع الجناب

يالله الطف بحال العاشق اللي عيونه ماتنام الليل
حاجته دونها الموت الحمر مار قلبه وش يسوي به

دونها اللي حماهم بالخطر يحتمونه في ظهور الخيل
من قردة نصيبي ويش ابي بالبلاد اللي لها هيبه

ابعدوا نور عيني وابعدوني قهر والله قوي الحيل
الغلا لاع قلبي والهواجيس تقبل به وتقفي به

ليت مابه غرام ولامودة وحبٍ مقتفيه الويل
من تولع مع الأجناب ماظنتي تكمل مطاليبه

صرت انا والطواري والهواجيس تال الليل حط وشيل
صاحبي غاب عن عيني ولا ادري علامه طول الغيبه

امس شفت الوحش والتين فوق السحاب وحدر نجم سهيل
شهد ان الصحيح يشاف واللي يعرف العلم يدري به

قمت اعدل وابدل مار ماينفع التعديل والتبديل
راح قلبي مع المحبوب بيدينه الثنتين يومي به

جعل دارٍ خذت زين التواصيف عنا مايجيها السيل
لو بغيت ارسل المرسول ماهوب داري وش معازيبه

مال وقت الهوى بأهل الهوى والغرام الله يعدل الميل
المحبه عذاب القلب والهم يصبح به ويمسي به

كيف ست وثلاثين اتعبتني ومية من معه تحليل
لكل الرابح اللي مايعرف الهوى والحب يوحي به



,,,,,,,,,,,, ,,,,,,,,,,,, ,,,,,,,,,,,,,

آهــــات
01-16-2009, 01:11 PM
حــامـــــــــد زيـــــــــــــد





أثني عشر شهر

التحدي والتصدي عادة القلب الصبور
والصمود اقرب مسافة لكن الفترة دهر


والخساير عاندتني حوطتني بلف سور
والخيانه للامانه زودت قلبي قهر


كنت ابقدم للنهاية لكن الدنيا تدور
وقفت وياي ليلة وكتمل ضدي شهر


كل ماطلت الحقيقة وامتلا قلبي سرور
طاولتني من عذولي طعنة وسط الظهر


حرت اميز في دروبي بين نار وبين نور
بين هجعة ليل ولا صحوة اجفان وسهر


خانت ظنوني وعيوني خانني ذاك الشعور
اقطف الشوكة بكفي واحسب الشوكة زهر


مشتهر بلسان صادق ماحكيت الصدق زور
ولا حكي عني لساني ولا جهرت ولا جهر


كم كتمت السد وافي خايف اعصابي تثور
لين باح السد لما مدمعي بان وظهر


ولا طوت رجلي مسافة ولا اثر فيني شهور
ولا كوت قلبي حريقة ولا طفلي ضوى نهر


معتري درب النهاية بعبر ضفاف البحور
واشبك الدنيا بكفي وادفع ايامي مهر


ودام هذا عنفواني واضح بين السطور
من يلوم الدرب فيني لو قهرته او انقهر


وبتدى مرة جديدة ودام انا قلبي جسور
تجربة والعمر مرة والسنة اثنا عشر شهر



........................................ .......... .......




الثريا

ليه تطعني وانا ميت بليا
ما كفاك اللي حصل لي قبل ساعه

كن بين همومي وبينك حميا
جيتكم واحد جيتوني جماعه

انت منا والمصايب منيا
كلكم ضدي ترا ما هي شجاعه

ما ابشع من جروح طعنات القفيا
غير سكيناً تصيب بهالبشاعه

لا تتوب ولا تذوب ولا تريا
جرحها جرح وفضاعتها فضاعه

ترتوي من فيض دمي وتتفيا
وصار قلبي مثل اخوها بالرضاعه

وانت ليلاً لو ضويتها ما يضيا
ضعت فيه وشفت نفسي في ضياعه

اتهيا وين ما شفته تهيا
وارسي بمرساه وشراعي شراعه

من عرفته والمحيا في المحيا
وما يروح الا ذراعي في ذراعه

ان رضيت ارضيه وان عيت عيا
وان طلبني قلت له سمعاً وطاعه

ما عشقت من النجوم الا الثريا
وما ملكت من الكنوز الا القناعه

وانت وجيوش الموادع والجفيا
كيف اوقف ضدكم وانتم جماعه

لو بجيكم بالشجاعه والحميا
البلى ان الكثره تغلب الجماعه



........................................ .......... .




الذهب

يا كثر ما رافقت خلان واحباب
ويا كثر ما في شدتي هملوني

على كثر ما اعدهم ستر وحجاب
على كثر ما احتجتهم وتركوني

من صارت الخوه ثمن حفنة تراب
نفس الوجيه اللي نصوني نسوني

من غير ذكر عروق وفروق وانساب
كانوا ثلاثه والثلاثه جفوني

علمتهم شلون الاهداف تنصاب
ولما سواعدهم قوت صوبوني

عشاني اصغرهم عمر صاروا احزاب
عشاني اصدقهم قصيد اظلموني

اللي نجح اسمي زرع فيهم انياب
حتى النصيحه ما بغوا ينصحوني

دام العطايا عندهم دين واتعاب
والله لو اطلب ذنبهم ما عطوني

طالب نصيحه كني مطالب رقاب
وهي نصيحه كيف لو زوجوني

كنت اكتب لنفسي مشاريه وعتاب
ولا ادري ان اللي قروني .. قروني

تضاربت من دوني عقول والباب
واجد بغوا غيري وواجد بغوني

اقفل هدب تسهر على شعري اهداب
كني حبست رقادهم في جفوني

لو شفتهم واحد يشوفوني اسراب
من وين ما لدوا نظرهم لقوني

اثري وجودي بينهم محرق اعصاب
ومزعل بعضهم من بعض لو طروني

يا كبري بعيني وانا توني شاب
وهم كتاب الشعر حاربوني

حتى ولو يهوي على نجمي شهاب
يكفيني ان اسمي كبير بعيوني

جد قال ابوي انهبتهم قول ما هاب
لو يقدرونك قول ما تقدروني

ومدام قبري محتضن راس مرقاب
على كثر ما تقدرون ادفنوني

لو ماني بذيب نهشت جلدي ذياب
لو ما قدرت اثبت وجودي لغوني

لو ما سكنت وجيههم مت بغياب
لو ما عرفت امحي ورقهم محوني

ما جيت ابدبل كبدهم شعر وخطاب
لين دبلوا كبد اللي خلفوني

يا ويل وجهي كن للدمع مخلاب
ما جف ماه وما استحى من طعوني

كل ما طرا لي منظر مريب وارتاب
كان الوحيد اللي يحرك شجوني

قبلة صلاه وذكر وخشوع وكتاب
وامي على سجادة النور دوني

تدعي لي الله يفتح بوجهي ابواب
تتوسله بالشده يكون عوني

من كثر من خفاقها بالدعاء ذاب
صارت تحس ان زملاي كرهوني

بشرتها يماه معي ربع واصحاب
ماني لحالي واجد اللي يبوني

من يوم ما حاز قلمي كل الالقاب
قلطتهم في دفتري وحفظوني

الله وهبنيهم بني عم واجناب
من يوم جيت اعجبتهم وعجبوني

واعجابهم فيني ما هوب أية اعجاب
باسلوب بشرحي بطرحي بلوني

لو قلت عن نفسي بشر صرت كذاب
لو قلت دمي من ذهب صدقوني

لو بايدهم كان رزعوا دربي اعشاب
لو بكيفهم يتشبهون اشبهوني

من كثر من طبوعي قراب
حتى بلبسة شمغهم قلدوني

واجد دعوني واغلق من دوني الباب
وكثار في كيلهم ما بكوني

لو طالوا لهدمي مناسيب واطناب
كان وغلاتج من زمان هدموني

دام حطو فيني عيوب واسباب
جنبت عنهم مثل ما جنبوني

اصلا لو بقوتي شي ينعاب
ذبحت نفسي قبل لا يذبحوني

انا يدي لو ما كستمتني ثياب
نذراً علي لاقطع يدي من متوني

مو عيب اجي مدعو ولا اشوف ترحاب
العيب لو اني رجعت ان دعوني

ما دمت اجي ولا يحسبون لي حساب
حرمت اروح اذا يبوني يجوني



........................................ .......... ....




الفيصلي

في ظلال الله ساعة لا ظلال الا ظلاله
يالامير الفيصلي الوافي العف الامين



ياعناوين المروءه والشهامه والشكاله
يالرحيب اللي قريتك في وجيه الطيبين



خص مني بالكويت لفيصل الخالد لحاله
دون خلق الله وغيره من جميع المسلمين



يوم غيرك عن عطى يمناه ما تقوى شماله
انت طبعك بالعطايا كل كفينك يمين



قدرك اعلى من سفوح المزن واكرم من هماله
طيب والطيب يبقى لك على مر السنين



انت عنوان الرجوله وانت نبراس العداله
وانت للمحتاج يمنى وانت للعيا جبين




دامك الله يا ذراع المبتلي يا راس ماله
وعزك الله للصعاب وثبتك دنيا ودين





والله اللي عزنا بالدين من بعد الجهاله
حيث كنا خير امه اخرجت للعالمين



ويا صلاة الله على اللي بلغ وأدى الرساله
سيد الامه امام الأنبياء والمرسلين



وبعد ذكره في صلاتي لي ذكروا صحبه وآله
قلت : صلى الله على آله وصحبه اجمعين



........................................ ..........




انا والليل والعبرة

انا والليل والعبره وجرحاً وخاطر مكسور
ونفساً من هجير البعد والحرمان مقهوره

وقلباً ظامي لشوفه ولا يروي ظماه بحور
وعيناً تحتري لحظة غياب الطيف وحضوره

وناراً تطفي مره ومره تشتعل وتثور
واقول النار مقدوره وهي ما هي بمقدوره

حسبت الليل بغيابك يمرن اللي دهور
وكني شايل في قلبي بيال الوقت وشهوره

تصبرت وتقدرت وبنيت من الخيال قصور
الين ان الجفا شد الركايب وانتهى دوره

تحريتك على درب القصايد من ثلاث شهور
وحشى ما مات لك غصناً يشب الماي بجذوره

تخيرت الغرام وجيت لا راضي ولا مجبور
وجيتي تسبقين خطاج مرضيه ومجبوره

وانا ما كان لي رغبه ابين واكشف المستور
ولكن الغرام اكبر من الخفاق وشعوره

جمال وود وعيون ودلال وكبرياء شعور
وفتنه تخذل عيون النهار وينطفي نوره

والج في خافقي صوره تلاشت بين ظي ونور
واخاف اسكت من الفرحه وتنطق باسمج الصوره

عرفتج وانتهت رحلة قساوة دربي المهجور
والا يا جملة ايام الجفا والصد مشكوره

خذتني للجفى عزه واخذني للعناد غرور
واخاف اكون بعنادي حبيب ومات بغروره

واذا كانت مسافات الخيانه للغرام قبور
وش اللي يجبر العاشق يخون ويحفر قبوره

وش اللي يجبر الشاعر يدور للشعر جمهور
ما دام انتي محبينه وعشاقه وجمهوره


........................................ .......... .........




تفتكر لليوم وش منك خذيت

تفتكر لليوم وش منك خذيت؟؟؟
غير صمت وحزن وآهات ومواجع.......
قلت ماأنسى ولكنك نسيت!!!!!
كل كلمة حب تعيشني بواقع.......
شف انا من كثر ما أحبك وفيت
عمري مافكرت أمثل دور خادع.......
ياحسافة وقتي اللي لك عطيت؟؟؟؟
كيف تجهلني؟؟؟ وباالمره تقاطع؟؟؟؟؟
للأسف باالذات منك ماهقيت
تاخذ قليبي وصرت اليوم بايع!!!!!!!
عشت عمري في عذاب وبكيت
وصرت بدروبك أنا يازين ضايع......
ماذكر أني خنت أولحظه جفيت
أنا من طبعي ماأقوى أوادع..
ماعرفتك للأسف لكن دريت
أن حبك زاد بعيوني المدامع!!!!!!!!



........................................ .......... ...




صوت الفلاح

البارحه يوم اكتمل صوت الفلاح بمرقبي
سبت الكويت بكبرها تبكي ورا ظهري وجيت


اسج رجلي للمسا والليل يسبيني سبي
وانا من البارح معاه اسري ولا كني سريت


ما ارتح لين اني قريت اهلا بكم في ابو ظبي
في ذمتي ما كني الا وسط بيتي في الكويت


لأني ليامني نويت اسعى لتحقيق طلبي
ما ينثني عزمي على قولة لعل ولا يا ليت

ما قد تعبت الا لناس(ن) يستحقون تعبي
ولا عنيت الا لظل(ن) يحتويني لا عنيت


نصيتها من عقب وجه الله لوجه اليعربي
اللي ليا مني تذكرته ليا ضقت اعتزيت


فلاح ابن زايد يزود وتقصر متون وعبي
الشيخه اللي من دخلت لقلب راعيها دريت


ان الرفيق اللي يجنب خوة امثالك غبي
وان الطريق لباب بيتك يختصر مليون بيت


وان البخيت اهو الذي ياصلك لو كان يحبي
وان الذي يتعب قبل لا ياصلك ما هو بخيت


وإنك وطن ما حس فيه اني مسير واجنبي
وإنك نهر شربت منه ومن بعدها ما ضميت


وجهك غناي وراحتك كنزي وخوتك ذهبي
اغضب من اللي يغضبك وارضى ليا منك رضيت

يا شيخ انا ماني ملاك ولا رسول ولا نبي
انا الجميل اللي حفظك وبحتفظ بك ما حييت


انا رفيقك لا غداك الحزن يا شوق الظبي
انا شريكك لو حزنك ولو فرحت ولو سليت


خذني ذراعك صاحبك درعك معك باللي تبي
درعك ذراعك صاحبك انا معك باللي بغيت


اللي يحمله منكبك كأنه يحمله منكبي
إليا سهرت اسهر معك واغفى ليامنّك غفيت


يا سيدي لو يمتثل وزن القصيد لمطلبي
لاكتب فلاح بكل حرف وكل شطر وكل بيت


اكتب فلاح بمشرقي واكتب فلاح بمغربي
اكتب فلاح ليا ذكرت وبكتبه لامن نسيت


فلاح في صدري.. فلاح بكل شبر بكوكبي
فلاح فيّ وفي عروقي من هنيا للكويت


لا هنت يا مخجل يدي يا عزوتي يا مكسبي
يا شعري ليامن كتبت وصوتي ليامن حكيت


من يوم ما اوحيت الندى يجتثني من مرقبي
سبت الكويت بكبرها تبكي ورا ظهري وجيت


ما ارتحت لين اني قريت اهلا بكم في ابو ظبي
في ذمتي ما كني الا وسط بيتي في الكويت



........................................ .......... .........




فراق الاكابر

الله يعين العقل ويثبت الدين

في حزن لا منسي ولا هو بعابر

بصدورنا كأنه طعون السكاكين

وفعيوننا مثل الكفن والمقابر

حنا حزنا لشيوخ البعيدين

واشلون ما نحزن على الشيخ جابر

يا اكبر غلا تدمع على شانه العين

يا اعز من ناحة عليه المنابر

يا متعب بعطفك شموخ السلاطين

ومثبت بزهدك سمو المخابر

يا من خلقه الله وطن للمساكين

يا اصدق قصيد سيلته المحابر

رحت وتركت محبتك عندنا دين

علمتنا معنى فراق الاكابر

يا سيدي نلقى مثل طيبتك وين

وانت اللذي تكبر وغيرك يكابر

ان غاب جابرنا يجي جابر منين

واحنا ملاهيفك مثل ما انت خابر

حنا يبكينا فراق البعيدين

واشلون ما نبكي على موت جابر



........................................ .......... .....




قصة حياة

جتني ظروف للكدر مستعده
قامت تحدد لي الاحزان ميعاد


مرة مع حظي ومرات ضده
واليا تكدر خاطر القلب تزداد


في دنية خلقت على الناس نده
مردودها للخير تجرح واجهاد


إتجي على المظلوم وتبيح سده
واتجي على الظالم تساهيل وامداد


والصدق فيها ما لقى من يعده
والكذب يلقى له مع الناس شهاد


واللي فقد حق عجز يسترده
يصبح على تسديدة الدين معتاد


ومسكين من راد الزمن يستبده
عيت عليه اقدار الايام تنقاد


تطرح به الدنيا على القاع مده
مثل الفريسة والمقادير صياد


ضاعت حياته في لحاف ومخده
عدت عليه ايام بغفول ورقاد


وماله عن دروب الوعر من يصده
ولا هو عن دروب السلامات نشاد


تلطمه مو جات القدر فوق خده
وتخطي به الخطوة من بلاد لبلاد


حبله قريب وعاجز لا يشده
يحسب جميع الناس قاصين وبعاد


عاند حياته لو حياته تحده
وادى سنينه كلها عناد بعناد


إصحى من الغفلة ترى العمر حده
للوقت سجاته وللموت ميعاد


وهذي هي الدنيا تجي مستجده
تلقا بها المازح وتلقا بها الجاد


قصة حياة ومننا مستمدة
ويلزمها تنفيذ وإخراج وإعداد


عشنا على كف القدر فوق يده
الله خلقنا عباد ونفني له عباد


ولا حاصل للحي ماكان وده
ولا حاصل للي يموتون ميلاد


ويكفيني اني من ظلوه الموده
ومالي مع الخسران بالدين مقعاد


وإن جتني الغفلة علي اوقات شدة
اصبح لها صداد والقلب صداد


وتقدير ربي مالنا في مرده
ومعارض لتقديره إشراك والحاد



........................................ .......... .......




هموم بهموم

من يوم فرقانا الى يومنا اليوم
مافات يوم الا وهي مشغلتني
إليا غفيت اشوفها في حلا النوم
واليا صحيت بكل الافكار جتني
عشقتها من قلب ميس ومحروم
وتركتها يوم انها عاندتني
نار تشب بداخل القلب بسموم
حاولت اطفي ضوها واحرقتني
دنيا ثقيلة كلها هموم بهموم
كني حملت جبالها فوق متني


........................................ ........




اربع خناجر OoOo

مشكله لا جت حاجتك في يدين البخيل
ما يفكك لين تدفع كثر ما تدفعه

ومشكله لا صرت مطعون في كفوف الدخيل
في ظهرك اربعه خناجر وفي الظهر اربعه

ومشكله لا ضاق بالوقت رجال ثقيل
يطلب احبابه وعيا زمانه ينفعه

ليت ربي ما يحاسب خليلاً من خليل
دام مال للحظ فزعه ولا للوجه اقنعه

ودام مال العذل تالي وما بالحيل حيل
الغلا سماً نذوقه ومراً نجرعه

نحتري فيه اللقى والحصيل هو الحصيل
مثل حلماً ما تحقق وعيت اقطعه

كني اللي حط الشفاة في الجمر المرير
لا قدر يرميه للناس وازرى يبلعه

والظروف اللي حدتني لنيران وفتيل
عرضت دمع المحاجر لشي يجزعه

والمدامع بالغلا لا تحال ولا تحيل
والمشاكل كل ما جت جات مجمعه

اعذلوني عن هوا النفس وعيوني تخيل
في حبيباً ما تركته ولا زلت اتبعه

مغرما في حب مثله ولا ارضى له بديل
عيني تشوفه وقلبي يجوع ويشبعه

ذاك كل ما زان بالي وطالعت النخيل
ما ذكرت الا ثباته بوقت الزعزعه

ما هو الا قطعة من حشى قلب عليل
وماني الا قطعة منه مخلوق معه

لا جميلاً شفت قبله ولا بعده جميل
العذارى رهن رمشه وانا رهن اصبعه

والله انه لو طلبني طلوع المستحيل
لأطلعه مني مناك يعني لأطلعه

ما علي من الملامه ولا هرج الهبيل
ما اشجع الرجال لا ثيره غيره ما اشجعه

في عيون اللي عشقني ولا حاني هزيل
الله اللي حط عشقه في قلبي وزرعه

لو سكت ينظق له الصم والدنيا تسيل
وان حجى لو يمشي المزن ياقف يسمعه

سلسبيل من شفاته يخالط سلسبيل
معمعه بسكات واحلى سكات بمعمعه

ما هقيت ان اكثر الليل يمرح بالجديل
لين شفته شوف عيني بكفه يرفعه

وان حييت وما بقا لي معه ليل
لأسهره بأول غروبه واموت بمطلعه

والله ان العشق جمره وطاحت بالشليل
وان حصل ما طاعك الوقت في احبابك طعه

منهو اللي عداي نكران الجميل
ومنهو اللي خان خلي وحاول يقنعه

كل عاذل ردني عنك يالطرف الكحيل
يا عسى الله يقلعه يا عسى الله يقلعه

يامعرض قلب الاحباب بالدرب الطويل
السعه لا بارك الله بالضيق السعه

والله ان الوقت قاسي وانا ماني ذليل
واشهد ان الرجل مرات ظنه يخدعه

وانتم تعذلون خفاق بعيون العديل
ما رحمتم نار جرحه وحيرة مدمعه

والسوالف ليلها ليل والحايل يحيل
والمشاكل مشكله مشكله متجمعه

مشكله لاخانك الوقت بالحمل الثقيل
لو زرعت الزرع هوج العواصف يشلعه

ومشكله لاصار عاذلك ما يبرد غليل
لا ترده طيب كلمه ولا احد يمنعه

ومشكله لا صرت مطعون بكفوف الدخيل
في ظهرك اربع خناجر وفي الصدر اربعه



........................................ .......... .....




الجمهرة

اي بالله أخطو والخطا اللي جابهم عين الصواب
مبطي وأنا أشوف الطمع يكشف رداهم واستره

ما يملي عيون الحسود بهالزمن غير التراب
ومن لا يتوب من الخطأ تحرم عليه المعذرة

اللي من أولها خراب أكيد تاليها خراب
والبندق اللي ما تثور في هدفها تذعره

ودك اليا من جاتك الغلطة من الناس القراب
الصاحب اللي ما كسبت محبته ما تخسره

مشكلتي اني ما عرفت احسب لصدتهم حساب
قلبتهم صدري علي ذكرى القصيد وحنجرة

صوتا يصوت منبره وخطاب ما مثله خطاب
والطيبة اللي زعزعت صوت الخطيب ومنبره

مافيه دمعا صوبوها أحبابي بوجهي وخاب
ولا زرق حزني على غالي ولا فج نحره

كل الزهاب اللي معي ذكرى من أصحاب الزهاب
واللي بقالي من العذاب اشرف طريقي وأخطره

لأني تجنبت الغرق عديت من فوق السحاب
لان أكثر أصحابي ورق ما شفت للطيبة ثمره

والله ما حطيت بين الحقد والقوه حجاب
حتى غدوا ربعي يحدوني على الضيق اشكره

البارحة ثارت علي رقاب واوتني رقاب
البارحة يا ثقل دم البارحة ويا محقره

أهب يا وجه الحسد وشلون جمعهم وغاب
كيف السنيين اللي عطتني بعثرتهم بعثره

اثر المصايب ما تجييك إلا من الناس القراب
وبالهزمن حتى الرفيق اللي تثق فيه احذره

لا بارك الله في رفيق تزعله كلمته عتاب
ولا جمع الله الرجال اللي تفرقهم مره

عودت نفسي كل ما شددت لليمه ركاب
ما صد وجهي عن طريق إلا لاجبت اخبره

الصاحب اللي ما يجي من صحبته غير العذاب
نذرا علي ما هجرني ولا انا اللي بهجره

من يفتح لفرقاي باب أفكله عشرين باب
وإذا خوي ما يقدر خوتي ما قدره

وان روحوا فانا بري منهم ليوم الحساب
وان جرحوا قولو لهم ما حركوا في أشعره

شفهم لهم السنه ولا خذوا مني جواب
أحسن دواء للي يحاول يستفزك تحقره

انا جمعت أوراقهم بكتاب وغلقت كتاب
يا وقت لم اللي تلمه وانثر اللي تنثره

ما كنت احاتيهم صغير عاد احاتيهم شباب
اما ذخرني صاحبي لليوم الأسود مذخره

عقب اكتأب البارحة ما عاد انا احمل اكتأب
الطيب جرجرني وأنا ماني بناقص جرجره

اللي يخاف من الظما يتركلنا فرق السراب
واللي مب هو قد الظلام وحشته لا يسهره

انا تجرعت العطش لين احترق وجهي وذاب
انا كسرت بخاطري قبل الصداقة تكسره

انا خسرت اللي غيابه غير عن كل الغياب
انا غفرت لعالم ما تستحق المغفرة

انا كثر إنسان تعلم من كثر مخطأ وأصاب
انا أخر إنسان يتكلم في زمان الثرثرة

انا القصيد اللي فزع من دفتره مليون ناب
وأنا الوحيد اللي جمع مليون ناب بدفتره

جفني وجرحه هالسهر وحيلي وهدته الصعاب
دمعي هدر ضحكي ندر عمري وضيعت أكثره

شيبت فعقول العرب هيبت رووساً ما تهاب
جمهرت ناس عمرهم ما يعرفون الجمهره

ما صرت ذيب إلا لان لي حولييني ذياب
ما كنت أغيب إلا لان العفو عند المقدرة

تراه حلاتك لا حملت لصاحبك كلمة عتاب
إن ما نطقت بها بوجهه ما تهمه بظهره

في هالزمن ما يملي عيون الحسود إلا التراب
ولا الحضيض الطلقة اللي ما تصيبه تذعره

ودك اليا من جاتك الغلطة من الناس القراب
الصاحب اللي ما كسبت محبته ما تخسره



........................................ .......... .....





oOoO الذيب OoOo

انا قلبي على الفرقى نوا روحه بدون رجوع
مثل طير بلا سبق وبلا وكر وبلا راعي

تهيا للجفى خطوه يبي بقسى الطريق هجوع
يدور للعنا ملجا طريق قلوباً جزاعي

فديتك يالخفوق بحب وجرح وقطرتين دموع
قبل لا يجبرك خلك علي وتلوي ذراعي

تعنيت وسبقت الوقت ولا عشت الغرام اسبوع
انا ما ابي الدنيا هبوباً تطرح شراعي

لعبت بدوري العاشق وكنت تتابع المتبوع
تلعب عيني ادوار الرساله بأيدين الساعي

رقيت الحب من ساسه الى راسه ولع وخضوع
رجلا تصعد الهامه ورجلا تحتضن قاعي

عرفت ان الهوا ظالم مثل ظلم العطش والجوع
واظن اني يوم انا عاشق شبيه الغافي الواعي

غفيت بعشقي الخاين ووعيت بعمري المدفوع
واشوف القلب لأيامي غدا ناعي وانا ناعي

وانا بقبل على الفرقى وبضوي للظلام شموع
ولا لي بالشقى حاجه ولا به للسفر داعي

وببدي رحلة الفرقى وبرحل وانهي الموضوع
مدام ان العذول اللي لبس ثوبي مع قناعي

ابعرف يا ترى بعدي من اللي بيقطف المزروع
وانا مالي في هالدنيا سوا خلي ومرباعي

سطا ذيباً على المرعى وسلمت بخافقاً مفزوع
وفدوه لو يموت من القطيع ويسلم الراعي



........................................ .......... .......




الخطا المقصود

الله اكبر والخطا المقصود ما يدمح بتوبه
والمشاكل دوم تاقف للبنادم عند بابه




والبنادم تحت رحمة واحد يغفر ذنوبه
والبشر كل بقدر عبادته يلقى ثوابه




ما خلقنا الله نعيشك يالزمن عيشه كذوبه
ولا خلقنا لليدين الخاينه ننهب نهابه




انظلمنا في نهار عيبنا نجهل غيوبه
والرجل لو انه آمن ما يصدق ما جرابه




ما حصل بثنين اغسطس من شروقه لي غروبه
يوم يبقى للعروبه جرح ما يبرى صوابه




الخطا اللي ما تغفره بالحساب اكبر عقوبه
ما سعينا في لقاه ولا سلمنا من عذابه




ابتلينا والقدر غلاب والنفس امغلوبه
في سفيه ما يعرف من العمار الا خرابه




ارتدى ثوب الجهاد وقاد للظلما شعوبه
يوم عجل في لقانا عجل الله في ذهابه




بالردى خرب بلاده فوق ما هيب امخروبه
زود صدور الخلايق مع كآبتها كآبه




مجرم من خيبته يحصد نجاحه في رسوبه
كن ما بالحقد درب للقلوب الا مشابه




ادعى فرض الحموة والمروة في حروبه
يحسب ان الناس تخشي زمرته والظن خابه




من يقول ان الشجاعة فالرجل تمحي عيوبه
والله ان الغدر ما زاد الشجاع الاعيابه




الجهل بالحرب يحني هامة المذلول صوبه
مثل ما يحني سبيب الصاهله قوس الربابة




والبلاد اللي تبات وتصبح الصبح امحروبه
ماتبنت فعل كاذب لجل تتحمل عقابه




ديرة ولها سيادة شعب ما هيب امغصوبه
تحتمل غلطه سفاهة حكم من حضرة جنابه




الوطن دونه رجال للعدا صارت عقوبه
ما تعرف من التفادي والخطر كود إرتكابه




كا من حاول لقاهم ما اتقاهم عزروبه
وان تلاهم وابتلاهم يسحبونه من ثيابه




دمنا لا خضب تراب الوطن زاده خصوبه
ودمعنا لا لامس القاع الوجل طهر ترابه




وطبعنا لا ثارت الهيجا وشق السلم ثوبه
من نصانا مرحبا به مرحبا به مرحبا به




اجتمعنا والبحر قدام وايقنا ركوبه
والليالي ما تثمن طعنة الرجل وصوابه




كا مازدنا صلابه ضدها زادت صعوبه
وكل ما زادت صعوبه وامحلت زدنا صلابه




وقتها ما نعرف امن الامتحان الا وثوبه
نبتلا وضلوع شجعان العرب تحطب حطابه




اتجهنا للكويت ولا عرضنا عن دروبه
والعمر عيا يساوي عندنا جنح الذيابه




اتحدنا للعمار جيوش لجيوش امعقوبه
وانطلقنا من ربوع المملكة عز ومهابه




ما ذخر عنا زعيم المملكة لو ربع طوبه
بيض الله وجه ابو فيصل ولا فيها غرابه




عادة الرجل الخليجي لا انظلم شبت شبوبه
والتكاتف ما يزيد المسلمين الا قرابه




تذكرون بيوم تحرير الوطن من من سطوبه
كيف يمطرن الهمايل والوطن تروي هضابه




دوبه يغسل القبور الطهر من الدم دوبه
دمع عينين الكويت اللي تحدر من سحابه




لا تكف الدمع عينك كل ما زود صبوبه
البكا ما زاد حسنك بالعيون الا ذرابه




يالقلوب الممحلة لا رحم ابو منتي قلوبه
يا عداة المسلمين ولعنة الدين وكتابه




يا لكلاب اللي تنابح بالشهر عشرين نوبه
واقلعوا عنا غثاكم لعنبوا منتم كلابه




الكويت... ولا بدال بلاد اخو مريم رحوبه
من بعد ما صار مالا يحسب المسلم حسابه




جنة الله في ثرانا صاغها الخالق عجوبه
فتنة عيون البنادم كل ما طول غيابه




درة البحر الخليجي من شماله لي جنوبه
شجرة تكبر ويكبر ظلها عطف ورحابه




وش يغيض الا هنوف تنذبح يوم الخطوبه
ردها عقب الله..اللي لا انتهض للحق جابه




جابر ولا غير جابر حاكم شعبه رضوبه
الزعيم اللي يهاب الموت منه ولا يهابه




قايد لنهضة ثبات الشعب نبراس العروبه
جامع حكمه شداد الرأي واعراف الصحابه




عقله اركد من ثبات طويق واخطاه امحسوبه
كن نصف العقل ثقل ونصفه الثاني لبابه




دامه الله قايد محبوب ف...بلاد امحبوبه
وعزه الله عزوة للشعب من يوم اعتزابه




والرواسي ما تهاب الريح لا هبت هبوبه
والمزايا عند حكام البلد جات اتشابه




يا سعد... يا سعد من خلاك حكمه تنوبه
خصك الله ياطويل العمر في حسن الانابه




انت ما تفخر بنسبك للكرام وانته جيوبه
الكرم نفسه هو اللي يفتخر بك بانتسابه




يا ولي العهد يا زبن الرجال اليا انتخوبه
يا ذراع الشيخ جابر بالسلام وبالحرابه




شعبكم رهن الاشاره سمع وعيون إمعصوبه
كلنا يوم الملاقي لا به من دون لا به




والولا لإخوان مريم بالفدا يفرض وجوبه
مثل ما تفرض زكاة المال لا كمل نصابه




ويالكويت الله يديمك طول الايام مهيوبه
ويا عساها من شفاهي للسما دعوة مجابه




قلتها والشعر كني تارك دوبي ودوبه
يحرث قلوب الخلايق وازرع بذور الكتابه




شاعر مالد شوفه للقريب وقال توبه
التفت لا قصى طموحه وانطلق باول شبابه




والشعر مااحدن يعيبه لو يطول وبه
عذوبه=بس لي كلمة اخيره والكلام اسد بابه




كلمة من وقت قيلت وامست سنين امحجوبه
جيت ابنطقها عن لسان الخلايق بالنيابه




بالعرب سبة ضياع العالم النامي شعوبه
والتكاتف ما يزيد المسلمين الا قرابه



........................................ .......... ......




انتي ولا شي

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ

القصيده :انتي ولا شيّ

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ



........................................ .......... .




حد علمي

حد علمي بالغلا يوم كنت اسوا كثير
يوم كانت ضحكتي طبع وعنادي سمه

وحد علمي بالعنا يوم خفاقي ضرير
قبل اهدم العشق وابنيه وارجع واهدمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه

ايه عدت من يدي بس ما عدت بخير
ليلة عيت تجيني وجتني مظلمه

من عرفت احساسها كن في قلبي نذير
والنهار المكتأب باين من مقدمه

ليلة حسيتها ما تجور ولا تجير
مثل طفلاً ما حقرته وعيت احشمه

واصبحت مثل شعره واقسمت ظهر البعير
وابتدا في موتها الجرح من حيث ختمه

صار لي في العشق ما لا هقيت انه يصير
ان ظلمت بعشرة انسان ما كنت اظلمه

العشير اللي تبرا من ظلوع العشير
الحلا عزز خطاياه والحظ خدمه

لا تبسم يكسر النور فعيون البصير
وكن شمس المغربيه تبات في مبسمه

معتدل في قامته لا طويل ولا قصير
ممتلي بالزين من معصمه لي معصمه

فيه بألوان الهدب لون غير ولون غير
مثل ما للرمش بالعين قصه مبهمه

كنها نكس البيارق على شط وغدير
ومثل لملمة الشتات بشتات اللملمه

في سواد مجدل ما يثور الا يثير
كنه اللي ينهم الريح ثمن تنهمه

ما تجمع لين قيد حريراً مع حرير
في ظلام علم الليل ما لم يعلمه

ما هقيت ان الهدب صلب واجفانه تغير
لين سلهم لعن ابو جد ذيك السلهمه

ما عتقني لين ساق البشاير للبشير
يوم صد وجاه قلبي بشحمه ولحمه

والله انه حط قلبي تحت رحمة شطير
في يديه وكل ما اراد يقسمه قسمه

لو صحيح ان الحبيبين يجمعهم مصير
كان نفس اللي حرمني من النوم حرمه

والله ان مروتي ولعة فيني سعير
يوم شفته تل قلبي وداسه بقدمه

ما رحم زهرة شبابي وانا توني صغير
لين ضيق خاطري ضيق الله نسمه

ايه عدت من يدي بس ما عدت بخير
ليلة عيت تجي بس جتني مظلمه

حد علمي في عناها عذاب وزمهرير
يوم قمت توحي بالاضلاع صوت وهمهمه

وحد علمي في الرجا من نصير ليا نصير
يوم شفت النفس تذبح وهي مستسلمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه



........................................ .......... .....




عاتبوها

عاتبوها "
بعد ماقابلتني عاتبوها
على شوف الحبايب حاسبوها
خذوها وبعدوها غضب عني
وعن وجهة طريقي جنبوها
وشالوها عن عيوني غصيب
عواذل وغصبوني وغصبوها
خذوها من يديني شوف عيني
وعن عيني تعدوا وحجبوها
كلام وصدقو با البنت كذبة
وهم الي من اول كذبوها
وهم وش دخلهم في مال بيي
لبوها والخلايق طالبوها
وفية ما تخون ولا تعاند
جسورة والمواعيد ارعبوها
ملاكن كاملة والكامل الله
ولكن العواذل عقربوها
وهي كل ما دعتني تشتكي لي
عن الي سالفتنا سربوها
تخاف وتلتفت مع كل كلمة
تظن ان العواذل راقبوها
تلفت من عقب ما هي جريئة
شجاعة ما تهاب وهيبوها
واهديها وانا حاير وثاير
مصيبة يا عذابن عذبوها
وهم كل ما خذوها عن طريقي
تراهم صوب قلبي قربوها
وانا ما تعبت قلبي خيانة
خيانة رتبوها وحسبوها
ولا يعجز خفوقي لا يقابل
جفا من حاربوه وحاربوها
وانا لي عزتن تفرض عليه
اخاطب با الجفا من خاطبوها
واكسر لوحتا الماضي وزيله
واخربها مثل ما خربوها
واذوقهم ندم ما صار فيها
واشربهم من الي شربوها
وادلعها واولعها بنفسي
واشرقها بعد ما غربوها
واعوضها عن الي راح كله
وعن ذيك الليالي كل ابوها
غلاها با الحشا لازال ثابت
ولو حتى بغيري حببوها
وغلاي بقلبها مر وتعدى



........................................ .........




صوت الفلاح

البارحه يوم اكتمل صوت الفلاح بمرقبي
سبت الكويت بكبرها تبكي ورا ظهري وجيت


اسج رجلي للمسا والليل يسبيني سبي
وانا من البارح معاه اسري ولا كني سريت


ما ارتح لين اني قريت اهلا بكم في ابو ظبي
في ذمتي ما كني الا وسط بيتي في الكويت


لأني ليامني نويت اسعى لتحقيق طلبي
ما ينثني عزمي على قولة لعل ولا يا ليت

ما قد تعبت الا لناس(ن) يستحقون تعبي
ولا عنيت الا لظل(ن) يحتويني لا عنيت


نصيتها من عقب وجه الله لوجه اليعربي
اللي ليا مني تذكرته ليا ضقت اعتزيت


فلاح ابن زايد يزود وتقصر متون وعبي
الشيخه اللي من دخلت لقلب راعيها دريت


ان الرفيق اللي يجنب خوة امثالك غبي
وان الطريق لباب بيتك يختصر مليون بيت


وان البخيت اهو الذي ياصلك لو كان يحبي
وان الذي يتعب قبل لا ياصلك ما هو بخيت


وإنك وطن ما حس فيه اني مسير واجنبي
وإنك نهر شربت منه ومن بعدها ما ضميت


وجهك غناي وراحتك كنزي وخوتك ذهبي
اغضب من اللي يغضبك وارضى ليا منك رضيت

يا شيخ انا ماني ملاك ولا رسول ولا نبي
انا الجميل اللي حفظك وبحتفظ بك ما حييت


انا رفيقك لا غداك الحزن يا شوق الظبي
انا شريكك لو حزنك ولو فرحت ولو سليت


خذني ذراعك صاحبك درعك معك باللي تبي
درعك ذراعك صاحبك انا معك باللي بغيت


اللي يحمله منكبك كأنه يحمله منكبي
إليا سهرت اسهر معك واغفى ليامنّك غفيت


يا سيدي لو يمتثل وزن القصيد لمطلبي
لاكتب فلاح بكل حرف وكل شطر وكل بيت


اكتب فلاح بمشرقي واكتب فلاح بمغربي
اكتب فلاح ليا ذكرت وبكتبه لامن نسيت


فلاح في صدري.. فلاح بكل شبر بكوكبي
فلاح فيّ وفي عروقي من هنيا للكويت


لا هنت يا مخجل يدي يا عزوتي يا مكسبي
يا شعري ليامن كتبت وصوتي ليامن حكيت


من يوم ما اوحيت الندى يجتثني من مرقبي
سبت الكويت بكبرها تبكي ورا ظهري وجيت


ما ارتحت لين اني قريت اهلا بكم في ابو ظبي
في ذمتي ما كني الا وسط بيتي في الكويت



........................................ .......... .........




قالها حامد

تمادي وأنا مثلك تماديت بهجر وبعاد
وكلٍ مثّل عناده خفوقٍ ثابتٍ صامد

وإذا عندك بعادي عيد ترى عندي جفاك أعياد
وعسى طول الجفا مني يليّن قلبك الجامد

أبضحك وأظهر البسمة ولو إن الجروح اجداد
وترى قلب الحريقة ضو ولو وجه الحطب رامد

بكون أكبر من الغلطة وبعلن للهوا ميلاد
إذا كان الخطا منك مجرّد ثورة الخامد

وإذا كان الجفا منّك مسافات وغلا وعناد
تراي أكبر من عنادك وقولي قالها حامد



........................................ .......... .......




لعنبو قصة غرام كل ابوها كلمتين

لعن أبو قصة غرام كل أبوها كلمتين
أبتدينا عند أحبك وأنتهينا عند باي
تونا ماقد مشينا بالهوى لو خطوتين
وأنتهت كل المسافه دون علم عن خطاي
كيف تنهين المحبه وبسهوله تحكمين
وين أحبك وين أبيك وين ساكن في حشاي
يمكن أنك ماعرفتي يوم جيتي تعشقين
ولا أنك تحسبيني بتبعك من دون راي
ويمكن أصلا ماعشقتي بس كنتي تلعبين
ويمكن أنك ماقدرتي توصلين لمستواي
ويمكن أني ماعرفت بالحقيقه وش تبين
ويمكن أني خنت نفسي يوم سلمتك وفاي
خبريني بالهوى يالخاينه وش تعرفين
تعرفين أنك صرتي كل شي يجري في دمي
علميني بالعطاء والتضحيه وش تفهمين
لعن أبو حيك عشانك عفت أقرب أقرباي
كنت أحطك في عيوني تسرحين وتمرحين
كنت أشيل هموم قلبك وهمومي وأرميها وراي
كنت أطير من السعاده يوم أشوفك تضحكين
كنت ذايب في هواك مثل سكر وسط ماء
كنت نايم فالعسل وأرسم من الفرحه سنين
كنت أظنك قلب عاشق ماسكن وسطه سواي
مادريت الا وأنتي في خفوقي تطعنين
مادريت الا وسيفك بالحشا رايح وجاي
وردة أي والله ورده بس عرفتي تجرحين
كل شي فيني جريح الا فخامة كبريائي
ماتأثرت بغيابك وش يعني دمعتين
بكره أنسى صدقيني وأرجع بكامل قواي أدري أفترقنا
بس أبفهم أمرين علميني وش كسبتي
وعلميني وش خطاي أصلا الموضوع
كله ماتعدى كلمتين التقينا عند أحبك وأفترقنا عند باي



........................................ .......... ..........




يا كثر ما رافقت خلان واحباب

يا كثر ما رافقت خلان واحباب \ ويا كثر ما في شدتي هملوني

علي كثر ما اعدهم ستر وحجاب \ علي كثر ما احجتهم وتركوني

من صارت الخوه ثمن حفنت تراب \ نفس الوجيه الي نصوني جفوني

من غير ذكر عروق وفروق وانساب \ كانوا ثلاثه والثلاثه جفوني

علمتهم واشلون الاهداف تنصاب \ ولما سواعدهم قوت صوبوني





عشاني اصغرهم عمر صارو احزاب \ عشاني اصدقهم قصيد اضلموني

الي نجاح اسمي زرع فيهم انياب \ حتي النصيحه مابغو ينصحوني

داعم العطايا عندهم دين واتعاب \ والله لو اطلب ذنبهم ما عطوني

طالب نصيحه جني مطالب ارقاب \ وهي نصيحه كيف لا زوجوني

كنت اكتب لنفسي مشاريه واعتاب \ ولا ادري ان الي قروني قروني





تضاربت من دوني عقول والباب \ واجد بغو غيري واجد بغوني

اقفل هدب تسهر علي شعري اهداب \ جني حبست رقادهم في جفوني

لو شفتهم واحد يشفوني اسراب \ من وين ما مدو نضرهم لقوني

اثري وجودي بينهم محرق اعصاب \ ومزعل بعضهم من بعض لو طروني

ياكبري بعيني وانا توني شاب \ واهم كتاب الشعر حاربوني





حتي ولو يهوي علي نجمي شهاب \يكفيني ان اسمي كبير بعيوني

جد قال ابوي ان هبتهم قول مهاب \ لو يقدرونك قول ما تقدروني

ومدام قبري محتضن راس مرقاب \ علي كثر ما تقدرون ادفنوني

لو ماني بذيب نهشت عضمي ذياب\ لو ماقدرت اثبت وجودي لغوني

لو ماسكنت وجيهم مت بغياب \ لو ما عرفت امحي ورقهم محوني





ماجيت ابدبل كبدهم شعر وخطاب \ لين دبلوا كبد الذي خلفوني

ياويل وجهي جن لدمع مخلاب \ ماجف ماه ولا استحي من طعوني

كل ما طرالي منظر مريب وارتاب \ كان الوحيد الي يحرك شجوني

قبلت صلات وذكر وخشوع وكتاب \ وامي علي سجادة النور دوني

تدعيلي الله يفتح بوجهي ابواب \ تتوسله بشده يكون عوني





من كثر ما خفاقها بدعي ذاب \ صارت تحس ان زملاي كرهوني

بشرتها يمه معي ربع واصحاب \ ماني لحالي واجد الي يبوني

من يوم ماحاز قلمي كل الاقاب \ قلدهم في دفتري واحفضوني

الله وهبنيهم بني عم واجناب \ من يوم جيت اعجبتهم واعجبوني

واعجابهم فيني مهو بيت اعجاب \ بسلوب بشرحي بطرحي بلوني





لو قلت عن نفسي بشر صرت كذاب \ لو قلت دمي من ذهب صدقوني

لو بيدهم كان زرعو دربي اعشاب \ لو كيفهم يتشبهون اشبهوني

من كثر ما صارو من طبوعي قراب \ حتي بلبست شمغهم قلدوني

واجد دعوني واغلقو دوني الباب \ وكثار ناس ابكيلهم مابكوني




لو طالوا لهدبي مناصيب واطناب \ كان وغلاتج من زمان اهدموني

ما دام حطو فيني عيوب واسباب \ جنبت عنهم مثل ما جنبوني

اصلن لو ان بخوتي شي ينعاب \ ذبحت نفسي قبل لا يذبحوني

انا يدي لو ما كست متني ثياب \ نذرن علي اقطع يدي من متوني



........................................ .....




الأم

قصيدتي زاد بعيونها بجمالها..
وأخذت انقى بالمعاني جزالها..
واكتب معانيها من الشوق والغلا..
لأمي وانا اصغر شاعر من عيالها..
كتبتها في غربتي يوم رحلتي..
لما طرا لي بالسفر ماطرالها..
امي وانا بوصف لها زود حبها..
وان ماحكيت لها قصيدي حكالها..
امي لها بالقلب والجوف منزله..
ومكانة ماكل محبوب نالها..
اقرب من ظلالي وانا وسط غربتي..
وانا تراي اقرب لها من ظلالها..
ماشافت اعيوني من الناس كلهم..
اتبع رضاها وارتجي زود قربها..
واللي طلبته من حياتي وصالها...
الصدق مرساها والأشواق بحرها..
والعطف واحساس الغلا راس مالها..
اهيم فيها وابتسم يوم قلبها..
تسال وانا قلبي يجاوب سؤالها..
وان طلبتني شيء فزيت مندفع..
اموت انا واحمل تعبها بدالها..
واصبر على الدنيا والأحزان والتعب..
واحمل على متني فطاحل جبالها..
واسهر واعذب راحة القلب بالشقا..
واعيش اعاني بس يرتاح بالها..
تربية ابوي اللي على الطيب بذكره..
اللي وهبني للحياة ومجالها..
نور لي ادروبي وانا طفل مبتدي..
حتى تركتني واحد من رجالها..
الوالدين اولى بالإحسان لجلهم..
واولى بتكريم النفوس وعدالها..
اقولها وانا على الله متكل..
والله يعلم بقدرتي واحتمالها..
ياكلمة اغلى من الناس كلهم..
ياشمس بقلبي بعيد زوالها..
يافرحة تملي لي الكون بالحمله..
ياشجرة تكبر ويكبر ظلالها..
تضحك لي الدنيا ليا شفت زولها..
مثل السما تزها بطلة هلالها..
والبعد عنها ياهل العرف مااقدره..
لاشك ناري زايده بإشتعالها..
مااعيش ببلاد ولاهيب بارضها..
ولابي عيوني كان ماهي قبالها..
ارض تدوس امي بالاقدام رملها..
اموت فيها واندفن في رمالها..



........................................ .......... ....




الحلم

بوقت من البطاء .. وبليل تتراقص شياطينه

بعد شفت الضياء.. ينزع من ثياب المساء ثلثين

تحايلت المنام.. اللي مثل بيتك تمرينه

وأنا اللي من تفارقنا.. وأنا ما غمّضت لي عين

غريبة كل حلم يمر.. برقادي تزورينه

والاغرب..كيف أحلم الحلم.. وارّجع وأحلمه بعدين؟

قبل يومين شفتك بالمنام.. وقمت من حينه

ونمت امس ورجع.. نفس المنام اللي قبل يومين

أنا اللي قبل اسافر.. شلت قلبي من شرايينه

تركته في يدك مثل الأمانة .. وأحفظيها زين

ترى حفظ الأمانة دين..مجبورة تردينه

أجل مافيه احد قد قال لك .. حفظ الأمانة دين ؟




مردّ المقّفي بيلّفي..ويستوفي وتوفينه

بعد ليلة..ثلاثة.. أربعة..عشرة.. شهر.. شهرين

إذا انتي ماانتي بقدّ الكلام اللي تقولينه

حرام أستامنك حاجة واذا جيت .. اطلبك تنسين

تخونين وتبين أرضى.. وأحد يرضى تخونينه؟

أنا لاجيت اخونك .. مع حبيبة ثانية"ترضين"؟!

من أول ما رجعت من السفر ما شفت لك بينه؟

وأنا اللي كنت احسبك قبل ادوس ارض المطار.. تجين

تكونين انتي اول شخص.. تحتضن عيني عينه

وكنت اتخيلك من زود فرحة رجعتي.. تبكين

وأشوفك بدمعتك حكيك.. وأعرفه قبل تحكينه

واجيب احلى من اللي بتحكينه.. وأتركك تحكين

تقولين: الوطن نوّر..وأقول: بنور مضوينه

تقول لي: غديت احلى وأقول: عيونك الحلوين



كلام نام بشفاهك وخفتي لا تصحينه

ذخرتيه لغرام اللي ينام.. ويتركك تصحين

تغانمتي غيابي لين رجّحتي موازينه

تعلّم من يدك لمس الكفوف .. وعلّمك تجفين

وليتك لاقية به شي..فيني ماتلاقينه!

مهوب غرور.. لكن خابرك .. مالك أمل تلقين

تغافلك بغلا.. وإلاّ الحلا مهوب من زينه

تزيّنه الصّور.. بس الصحيح ابن الحلال "زوين"

وانا مانيب ناقصٍ عنه.. يوم أنك تبدّينه

نصيبي هو نصيبي.. لو يسدّدها من الصوبين

قنوع بمظهري.. والسم ما يذبح ثعابينه

على قول المثل "ماني حلو.. لكن ماني شين"!

إذا أهداك الزهر مرّة ..فانا اهديتك بساتينه

وإذا الهاك بفرح ليلة.. فانا تهت لبكاك سنين


وإذا أستضعفتك أملاكه.. وشتّتك ملايينه

أنا حتى فتات الخبزة .. أقسمها معك نصين

طموحي بس أجي وأظفر.. بشيٍ تستحقينه

تديّنته ..تسلّفته ..سرقته.. مو مهم ..منين ؟

كأني من كثر ما ارضى ..بكل اللي تمنينه

لو أنك تطلبين الله.. يعنيني بقول: آمين!

أنا ما العب على الحبلين ..وقت الطيش وسنينه

تبين الحين ..يوم أني كبرت ألعب على الحبلين؟!

ترى عند البدو.. بالذات عيب اللي تسوينه

حلاتك لا عشقتيني.. تعشقيني ليوم الدين

حرامٍ نسكن ضلوعه .. حشيمة من مجانينه

جفا يجمع معزتنا.. ولا عشقٍ يذل اثنين

كثار اللي تحدّوني .. وقالوا لي تحبينه

أمانة.. لا تخليني صغير بعينهم " تكفين"


لأني كل ماقالوا: "تخون"..أقول: مسكينه

عليك الله وأمانه.. علّميهم من هو المسكين

أنا خايف لا طاح الجمل .. تكثر سكاكينه

وأنا ماعاد بضلوعي.. مكان لطعنة السكين

مثل ما قالوا: المكتوب .. واضح من عناوينه


لو ارحل منك للغربة.. باأسافر من ظلامك وين؟

كفايه كل حلم.. يمر برقادي تزورينه

كفاية من تفارقنا.. وأنا ما غمضت لي عين

قبل يومين شفتك.. بالمنام وقمت من حينه

ونمت أمس .. ورجع نفس المنام اللي قبل يومين




........................................ .......... ..





السبع العجايب

اسمعي والكل منا له هواه وله ميوله
لا تمسين بكلامج شعره برووس القرايب

ان حجيتي ما وفيتي وان تحديتي عجوله
تحسبين ان كل فعلاً تفعله يمناج صايب

تحسبين انج خذيتي في الحشى صوله وجوله
تحسبين اني ذكرتج مع نسانيس الهبايب

والله انج لو ذبحتي خافقي لألقاج حوله
عاشقاً تشقى بقلباً من طريق العشق هايب

كم رضيت اسكت عليج من القهر وانتي زعوله
خايف اضحك واستفزج واهجرج واعيش ذايب

ادعيت انج خجوله وادري ان ما انتي خجوله
وادري انج تخجلين الشمس من فوق السحايب

ما يحببني بقلبج يا الهنوف الا فضوله
وما ينسيني غرامج غير تكرار المصايب

عاشقة جيتي ورحتي يا الحبيبه يا العذوله
ما بنيتي لي طموح ولا تركتيها خرايب

تستبحين القلوب وتستحقين البطوله
واستحق اعيش بعدج تايب واموت تايب

يا كثر ما شال قلبي شياً اكبر من حموله
ولا عفيتي عن غلاه ولا بخل لج بالوهايب

كنه ارحم من همال المزن للزهر بذبوله
وانتي اقسى من سموم البيض وكفوف اللهايب

وانتي ادرا في غلاج بداخلي وش اللي يزوله
وادخلي دخله على الله واحفظي ذيج السبايب

ما خبرت اللحظه اللي حللت قربج تحوله
ولا هقيت اني بشدد للجفى درب وركايد

وما هقيت انج تحبين الزلل وانتي جفوله
وما هقيتج تكرهيني كثر حبج للطلايب

كن قلبي في وصالج وابلاً لحظه نزوله
وفي فراقج مثل دمعه تنحدر من عين شايب

كنت ابي وقفة حبيبه تنهض القلب بحموله
طموحاً بالحب وانتي عايبه والحظ عايب

كنت غصناً كل كفاً غير كفج ما يطوله
كنت درب ودمعتين وقلب وجروح عطايب

كنت ابيع العمر كله وارخصه عرضه وطوله
للعيون اللي هدبها ثامن السبع العجايب

بس ابرضي لج غرورج واكسر القلب بذهوله
وقتها ما كنت افكر صايباً لو كنت خايب

والرجل لو ما تحلى بالشهامه والرجوله
صدقيني صعب يقدر يملك قلوب الحبايب

صدقيني ما يوالف خافق البنت بسهوله
بالهوا يا بنت حواء غير طلاب النشايب

والسهر والعشق الاول والهوا واللي ينوله
شياً اقسى من همومج والعنا حاضر وغايب

والهموم اللي دعتني من بعد سن الطفوله
كلها من تحت راس العشق ملعون الصلايب



........................................ .......... ...........




الليالي السرمديه

من عرفت العلم وانتي الليالي سرمديه
والوصول اغلى طموحات الفتى بأول شبابه

والمهابه ما تهادت غير لنفوساً رديه
ليت في قلب الليالي للفتى قدر ومهابه

دنياً تجمع صفاتين الخجل والعنجليه
كنها بنتاً يزود بحسنها ثقل وذرابه

يوم جتني تمتحني في زمان الجاهليه
جيتها رجلاً تحلى في تقاليد الصحابه

بالعطا تبخل علي وبالعذاب تموت فيّه
عشتها قلباً رحوم يكره الضيم ويهابه

بس ابدري وش نهاية وصلها وآخر هديه
هو صحيح ان القصايد للجريح اول عذابه

من عرف لج يا الليالي وانتي اكثر من هويه
من تلحف في ترابج مقتنع باللي جرا به

من قدر يفرظ طموحه في زمان المعمعيه
من من الناس يتجرأ يتركج وانتي ترابه

السؤال يعيد نفسه والاجابه مبدئيه
ليت والله ما تكوني مبدئيه يا اجابه

الرحوم يخون ناسه والخوي ينسى خويه
والقلوب اللي تخالط ودها صارت تشابه

والخلايق ما تسوي طيبها جود وحميه
كلنا نضحك بوجه مبستم للغدر نابه

لو يصير الموت راعي كل ابونا له رعيه
لا زعل نزعل ونرضى لا رضى حضرت جنابه

والله اني ما نويت افتح ملفات القضيه
لكن اني شفت شيً يفقد العاقل صوابه

يالحياه انتي غديتي والغرابيل اجوديه
كنج اللي ما يميز بالخطا غير ارتكابه

ما عطيتي غير جرح ولعن ابوها من عطيه
والله انج ما عطيتي خير للقلب وصوابه

خاينه ما انتي عزيزة خافقي يا الاجنبيه
جنبي عني واجنب عن مداهيل الغرابه

وباخذ بدرباً يردج للقاء روحه وجيه
يا يموت بدرب والا بدفن القلب بضبابه

وان ذبحتيني تمني رجعتي وابكي عليّه
لين تملين المحاجر بالبكا حزن وكآبه

وادفنيني بين ظلج والخيوط العسجديه
لو لقيتي بعد موتي واحد بنفس الصلابه

شاعراً قدم قصيده لأغلب ايامج ضحيه
بين ناساً ما يطيقون القرايه والكتابه

يا زماني لو بقى للشعر في صدري بقيه
بكتبه وارسم خيالي للورق وألوي سرابه

وكان ردت للعناد وعودت للمقدريه
والله اني ما اتنازل لين اعديه السحابه

يا زمان ممتلي به وابتلى فيني بليه
لاتلوم اللي يخونك كان له عقل ولبابه

بقفل القلب المشقي عن هبايبك العتيه
ودق بابه من بعدها لو قدرت تدق بابه

الحياه اللي تسمي لعبة الشاطر خطيه
ما تساوت في عيوني مع جناحين الذبابه

اذكر اني كنت عايش بالليالي الأوليه
واذكر اني كنت عايش بأحضان غابه

ما عرفت الا عباره مثلها مثل الوصيه
عيش عمرك ذيب تسلم من مخاليب الذيابه



........................................ .......... ..............




أهل الجنوب

وعيني اللي كل ما ذعذع من الغرب هبوب

يحلا لها لون الغروب اللي يذوب قبالها


ويا ويل حالي كل ما يحلالها لون الغروب

تطري لي الريم اللعوب وسالفة ترحالها


وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها


من سافرت ريم الفلا صديت عن كل الدروب

ما هو قصور بالعذارى بس ذيك لحالها


من فارقتني ما خطف قلبي من الحور محبوب

ولا لقيت الجادل اللي تستحق احيالها


لأن القلوب ان ما وفت لأحبابها ما هي قلوب

والعشره اللي ما ترد الروح ما نسعى لها


إما الوفى اللي يستر الرجّال من كل العيوب

والا الجفى اللي يستر عيوب العرب في رجالها


ما اقسى من فراق الجنوب الا فراق اهل الجنوب

ويلي على اللي كل ما تزعل تشد رحالها


اللي مذيره العتب لا شبت بصدري شبوب

عييت اراضيها وهي عيت تطول بالها


كانت معي مثل النصيب يحدني من كل صوب

كانت دروبي من متاهات الظلل لظلالها


كانت هروبي لا شعرت اني بحاجه للهروب

كانت سماي اللي ليا ضاقت علي ألجالها


ليه اتحداني وانا في كل الاحوال مغلوب

ليه حرمتني من قهر عذالي وعذالها


ليه اتجاهلني وانا لاني جبان ولا كذوب

ليه ارخصت دمعي وانا اللي ما بكيت الا لها


ما ترحم اللي له سنه كأنه على النار محطوب

ما هزها دمع الفقيد اللي بكته أطلالها


ما خافت تهدم السنين اللي بنتنا طوب..طوب

ما فكرت تشفق على حالي وترحم حالها


قولوا لها لو ما تذوب انا بخليها تذوب

قولوا لها لو ما عنت لي مستعد اعنالها


إليا ادمحت لي هالخطا بدمح لها كل الذنوب

وإن جابت الحسنى معي تبشر بعشر أمثالها


أفرش لها صدري وطن وأجمع لها ضلوعي شعوب

وأرقى لها المكانه اللي ما حد(ن) يرقى لها


إن كاني مخطي فأنا ماني خليّ من العيوب

الذنب يغفر والبشر تجزى بقدر أعمالها


البعد قاسي والفراق يضيق الصدر الرحوب

وانا تعبت ادور الحيله وارد احتالها


قولولها ترجع ترا ماني على الحزن مغصوب

وإلا ترا نذر(ن) علي انه ماهو ب أشوالها


إما تجنب هالهبال وتترك البعد وتتوب

والا بتبشر بالهبال اللي ما هو بهبالها


كافي زعل ترا الظروف مقفله من كل صوب

وأنا حملت من الهموم انواعها واشكالها


يكفيني اني كل ما هبت على صدري هبوب

تحن عيني للجنوب وتلتفت بلحالها


والمشكلة اني كل ما حنت عيوني للجنوب

تطري لي الريم اللعوب وسالفة ترحالها


وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها



........................................ .......... ............




حد علمي

حد علمي بالغلا يوم كنت اسوا كثير
يوم كانت ضحكتي طبع وعنادي سمه

وحد علمي بالعنا يوم خفاقي ضرير
قبل اهدم العشق وابنيه وارجع واهدمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه

ايه عدت من يدي بس ما عدت بخير
ليلة عيت تجيني وجتني مظلمه

من عرفت احساسها كن في قلبي نذير
والنهار المكتأب باين من مقدمه

ليلة حسيتها ما تجور ولا تجير
مثل طفلاً ما حقرته وعيت احشمه

واصبحت مثل شعره واقسمت ظهر البعير
وابتدا في موتها الجرح من حيث ختمه

صار لي في العشق ما لا هقيت انه يصير
ان ظلمت بعشرة انسان ما كنت اظلمه

العشير اللي تبرا من ظلوع العشير
الحلا عزز خطاياه والحظ خدمه

لا تبسم يكسر النور فعيون البصير
وكن شمس المغربيه تبات في مبسمه

معتدل في قامته لا طويل ولا قصير
ممتلي بالزين من معصمه لي معصمه

فيه بألوان الهدب لون غير ولون غير
مثل ما للرمش بالعين قصه مبهمه

كنها نكس البيارق على شط وغدير
ومثل لملمة الشتات بشتات اللملمه

في سواد مجدل ما يثور الا يثير
كنه اللي ينهم الريح ثمن تنهمه

ما تجمع لين قيد حريراً مع حرير
في ظلام علم الليل ما لم يعلمه

ما هقيت ان الهدب صلب واجفانه تغير
لين سلهم لعن ابو جد ذيك السلهمه

ما عتقني لين ساق البشاير للبشير
يوم صد وجاه قلبي بشحمه ولحمه

والله انه حط قلبي تحت رحمة شطير
في يديه وكل ما اراد يقسمه قسمه

لو صحيح ان الحبيبين يجمعهم مصير
كان نفس اللي حرمني من النوم حرمه

والله ان مروتي ولعة فيني سعير
يوم شفته تل قلبي وداسه بقدمه

ما رحم زهرة شبابي وانا توني صغير
لين ضيق خاطري ضيق الله نسمه

ايه عدت من يدي بس ما عدت بخير
ليلة عيت تجي بس جتني مظلمه

حد علمي في عناها عذاب وزمهرير
يوم قمت توحي بالاضلاع صوت وهمهمه

وحد علمي في الرجا من نصير ليا نصير
يوم شفت النفس تذبح وهي مستسلمه

وحد علمي بالبكا يوم لي قلب وضمير
قبل اشوف المسلم يموت بأيد المسلمه



........................................ .......... .............




على نار الصبر

على نارالصبرقلبي يذوب لشوفة عيونك
يعذبني الصبر لاكن امني عيوني بالشوفة
كثيرة قلوب عشاقك ولكن قلبي مجنونك
يصيح وتحضنه روحي تقول القاسيه ظروفه
تعبني هالزمن والله وسقاني المر من دونك
بوجودك كان ما يخطي بغيابك بانت سيوفه
تخبل وش بقى فيني وانا اللي حيل مفتونك
وربي لاسمعت اسمك تطير الروح ملهوفه
عسى محد يجيب اسمك عساهم ما يطرونك
تمنيتك تجي وتشوف عيون ما يشوفونك
عيون ساهره في بعدك عيون حيل مكتوفة
وانا مانمتها عيون تبيع الشوف لعيونك
عيون ماتشوفك انت وربي مابي شوفة



........................................ .......... ....





قدها و قدود

أنا ربتني الدنيا على جزل العطا والجود
ونفسي للوفا والطيب وفعل الخير جزامه

وأعارض منهج الهابط وأوافق للصعود صعود
وأسيّر نفسي بعقلي مدام النفس هدامه

ولا تثّر بي البسمة ولا كحل العيون السود
ولا يقوى على قلبي صغير الحسد وأجسامه

أردّ الجود بأمثاله وأقابل بالجحود جحود
وترى لا خير في رجلٍ يوطّي للردى هامه

وعندي مع أهل العِليا مواثيق وثلاث عهود
أوفي له مطاليبه وأودّه وأرفع أعلامه

أعايش مركب الدنيا على متن القدر مولود
أبعرف هو صحيح إنّ القدر بالناس دوّامه ؟

ومن وين الزمن مقبل وإلى وين الليال تقود
ومن في هالزمن يقدر يوجّه خطوة أقدامه

ومن له بالزمن غاية ومن عنده هدف منشود
ومن منّا قدر يعرف خفايا مقبل أيامه ؟

عرفت إنّ الشقا باقي ، عرفت إنّ الحسد موجود
عرفت إنّ القدر يفرض علينا بأسوأ أحكامه

لقينا بالعرب حاسد وشفنا بالعرب محسود
وبه ناسٍ لنا ضامت ، وبه بالناس منظامه

وينقص بعضنا خوّه وينقصنا وفاء وعود
مدام الحسد باقي وبعض الناس نمامه

ولا ترجى بها الدنيا من ربوعك يجيك اسنود
ولا تشره على رجلٍ عيونه خانت أقدامه

وقابل خطوة بخطوة وجازي بالصدود صدود
تناسى غلطة الصاحب عليك بلحظة اخصامه

ولا تخطي ترى لصبر الحليم اليا سلاك حدود
تروّى واعرف بضرب الحديد تفكك لحامه

تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه

ولا تزعل على رجلٍ بذل لك ولرضاك جهود
ولا تامن من الحاسد رضاه ورفعة ابهامه

نبي نصبر على الدنيا قلوبٍ بالحياة زهود
مدام إنّ البخت عيّت توّفق رمعة سهامه

وأنا ما قلتها راجي ولا أطلب بعدها مردود
ولكن الفتى ودّه يحقق جملة أحلامه

وبمشي لآخر الدنيا ولو كلّ الأنام اقعود
وعن وجه الزمن بكشف حقيقه وأرفع الثامه

صحيح إني صغير السن ولكن قدها وقدود
وأنا عندي مع الدنيا مواقف ترفع الهامه

طموحي يملي العالم ولابه للطموح قيود
مدام إن الأمل طبعي ( عرين وصرت ضرغامه )

خلقنا الله من ترابه ولأحضان التراب نعود
تحت رمل الثرى نبقى تغطي جسمنا خامه

سلفنا ما لحقناهم تحت قاع التراب رقود
ولا يبقي من الميت سوى ذكراه وعظامه

ولو طال العمر فاني وترى عمر الفتى محدود
وكلٍ يطلب المولى يبيحه يحسن ختامه

وأنا بلّغت بلساني وربي والأنام شهود
وصحف البيّنة جفّت وعنها رفعت أقلامه



........................................ .......... ....




مالا يفعلون

ما بقى الا سود الايام تحرمك الرقاد "
كيف الاوهام تجرا تسريك مغبون "
ممتى تجزع من الدمع وتخاف البعاد "
ممتى تقذيبك اظنون وتجيتك اظنون "
سرت تاخذ كذبتي صدق وامزاحي وكاد"
لوبقلو اني بخونك اتحسبني بخون "
ما تعرف ان كل شاعر يهيم بكل واد "
وانهم دايم يقولون مالا يفعلون "
ابك انا لو قلت ابنساك وانكرت الوداد "
والله اني ما نسيتك ولا هم يحزنون "
من جزع من صفعت الشمس يطمع بلبراد"
ومن فقد وجهاته الخمس يلقابك اركون "
اعتبره هفوة انسان او كبوة جواد "
لو بتسمح فأنت غالي ولو تجرح تمون "
عد صداتك امروه وطعناتك اضماد "
خلهن لا راحو اطعون ولا ردو اطعون "
خنجرك يستاهل الطعن وامتوني اجداد "
ومنك يا زين الخناجر ويا بخت المتون "
ردلي حنية المزح بحساس الجمال "
خلنا واحد يجي صلب والثاني حنون "
موت فيني واندفن فيك بثياب الحداد "
وان حية اموت لرضاك واحيا بك بهون "
مره ارقد بلكفن وانت ترقد بالمهاد "
ومره ارقد بالمهد وانت ترقد بلكفون "
ادري ان اشجونك اشجون وعنادك اعناد "
ولبلا ان اعنادك اعناد واشجونك اشجون "
ربك الي سخرك لي تقود او ما تقاد "
والله الخالق و لله في خلقه شوؤن "
ازرع اضلوعي من ارضاك وبشر بلحصاد "
لعنبو من جيت ترضيه وترد محزون "
بس تسوالك بلد قول تسوالك ابلاد "
انت كل العالم بكون ولحالك بكون "
ما بعد محبتك حب ومرادك امراد "
غيركونك سيد احشاي تدري من تكون "
نعمتين اختصو الخلق من جود الجواد "
كافل الارزاق من حيث مالا تعلمون "
البنون ونعمة المال في اعيون العباد "
زينة الدنيا بلا شك في كل العيون "
مثل زينة دنيتي بس عندي شي زاد "
من عرفتك سارو المال وانته والبنون"
انت يشيبك نشوة التيه لعناق الرشاد "
وافزعلك بفزعت القرم لشهاق الزبون "
وحصن تحصين الارزاق عن درب الفساد"
وعشقك عشق المظاليم لفراق السجون "
لو تزيد الشوق جمره تحولني رماد "
لو يزيد العشق شعره بوصل للجنون "
خل هقواتك كبيره ونظراتك ابعاد "
كانك انت بكبرك تهون من الي ما يهون "
ازعلك وارهن حياتي تحت رحمة ازناد "
اتهبه لا والله الا انت والموت اتهبون "
عاد اذا لا ارضاك هرجي ولا الي قلت فاد "
اننا لله و انا اليه راجعون "
وانت باكر بتعرف على ناسا اجداد "
والكلام يجيك من كل شكل وكل لون "
لا تحسب ان كل كلمه بتسمعها وكاد "
ولا تصدق هرج شاعر وتخدعك أظنون "
دايم عرف كل شاعر يهيم بكل واد "
وانهم دايم يقولون ما لا يفعلون "
حتنا الي قلت اعشقك وما طيق البعاد "
يمكن اطلع ما عشقتك ولا هم يحزنون "



........................................ .......... ..........




يجيني يوم واعطيها

انا ما اخطيت في حقك ولكن الكلام عتاب
أعاتب والعتب كلمة تفسرها معانيها
اعاتب واحسب بهرجي الا مني حكيت حساب
وكلمه يستحي منها لساني يبتدى فيها
واذا انت من العتب تزعل علينا وابتصك الباب
ترى ما نيب قاصدها ولاني فيك ناويها
ولا ودى على الفرقا وقلبي داخلي مرتاب
اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب
واشوف ان الجفا خطوة ولاني قادر اخطيها
وقلبي لو عشق يخلص ولو طالت عليه رقاب
وتشهد له دروب الحب حاضرها وماضيها
عشقنا والهوى حسرة،مشينا ولاأمل كذاب
بدينا نانبني منها قليل من بلاويها
عرفت الحب من عمري صغير بالغرام وشاب
وقلبي للحبيب اكبر من الدنيا وما فيها
صحيح انى نويت ابعد ولكن الهوى غلاب
وهي رحلة بديت بها ولا ادري كيف بنهيها
تحريتك شروق الشمس وشفتك للشروق غياب
ولا اضنك تبيع العشره اللي كنت شاريها
بقى لي بالهوى نظرة وتغريبة ودمع اهداب
وقصة بترك لسانك على العذال يرويها
واناجي باقي حروفي وبألف للفراق كتاب
قصايد تملي اوراقي ارددها واغنيها
واذا مرتني الذكرى وجرحي بالحشا ما طاب
بتبعدني وتدنيني وببعدها وابدنيها
وانا عيب علي اشكي من الدنيا بدون اسباب !!
مدامي ما خذ منها يجيني يوم واعطيها ...



........................................ .......... ....




التمثال

عفا الله عن خطا غدر الخناجر والضلوع ابطال

بسامح واتركك تحت الظلام الحالك لحالك

دخيلك وفر دموعك ترى هدر الدموع اذلال

وترى ما فيه احد يصبر مثل صبري بغربالك

انا عيب علي أنقض كلامي والرجال افعال

واذا قلت اقطع احبالك تراني بقطع حبالك

عشان اكسب هدب عينك تجرعت العذاب اشكال

وليتك ترأف بحالي علشان ارأف بحالك

مسوي في حياتي شي ما يذكر ولا ينقال

حشا حتى العدو وهو العدو ما يعمل اعمالك

تمسيني على الهم وتصبحني على الغربال

تقلطني فناجيلك وتقصر عني دلالك

تحملت التعب لجلك وانا حملي يهد جبال

رحلت من العذاب وما وقفت الا على جالك

علامك كل ما جيك متواضع جيتني تختال؟

معاك اليا متي بصبر وصبري معك يحلالك؟

مثل ما اقبلت لعيونك لزوم تلد لي باقبال

ومثل ما قد حشمتك حس واحشم قلبي اشوى لك

أنا محدن بجابرني أساير معك هالمنوال

ترى لاني تبيع لك ولا ني باصغر عيالك

أنا جيت اعشقك نبض ومشاعر ما اعشقك (تمثال)

أنا جيت اسكنك واحياك وابقى فيك وابقى لك

أنا جيت بظما عاشق تعب يطرد سراب اللال

أنا جيت استفز رضاك من فرقاك والجا لك

أنا ما همت بك عاقل أنا كنت اعشقك بخبال

أنا ما كنت احبك حي أنا كنت اعشقك هالك

تخيل من كثر ما اخاف تلقى للزعل مدخال

أخاف اخطي على طيفك وادوس برجلي ظلالك

تبعتك والعرب تتبع رعود البارق الهمال

وانا شفت المطر يتبعك في حلك وترحالك

كأن اللي خلق حسنك خلقني مع جسدك ظلال

وصرت اقرب جسد يمشي معك باقفاك واقبالك

أبي قلبك يحس انه فقد بمحبته رجال

ملكته من هدب عين وخسرت رضاه باهمالك

صحيح ان الفراق اقسى ولكن الوصال محال

أنا صعبن علي أرضي غرورك واضعف قبالك

بعد ما حققت عيني فبعدك للرقاد امال

أعود للسهر؟ -- يا خوي فال الله ولا فالك!

ببدل نظرتك فيني واجي لك كل يوم بحال

بكون اقرب من ثيابك عليك ولا تهيا لك

بالمك وانثرك واجمعك وارجع وانثرك باهمال

بخونك وازعلك وارضيك وازعل منك وارضى لك

أبرسم بالثرى وجهك وابدفن صورتك برمال

أبشكي للعرب فرقاك واضحك عند عذالك

أبهديك الوصال فراق واهديك الفراق وصال

بسوي مثل ما شوفك تسوي وافعل افعالك

عشان تعرف من فينا الزعول ومن وسيع البال

أبيك تذوق فنجالي وانا بذوق فنجالك

نصيحة واحتفظ فيها قصر معك الزمن أو طال

أبي تسمع كلامي زين وتحطه على بالك

اذا حبك هبال اطفال لك عندي هبال اطفال

ولا وابشر بعد بهبال حب ما هو بهبالك

واذا قصدك تهين اسمي عشان تشمت العذال

ترى لا انته ولا غيرك ولا عشرة من اشكالك



........................................ .......... ...




رد السؤال

انتبهت لدمعها بالهدب والكحل سال
لين جفت عينها دمع والقاع ارتوى



وابتدت لحضة جفا ونتهت لحضة وصال
وأنطفى نور السعادة واحسب انه ضوى



ما اكتفيت من الهوى والغرام أربع ليال
واقفت أيام التلاقي وجا وقت النوى



كنت ابلسى وابتسم والتفت عنها شمال
لا قويت الصد عنها ولا قلبي قوى



ما هقيت ان الهوى عذب قلوب الرجال
لين ضاع القلب مني وتفكيري سوى



رحت أدور دفوة الشمس ضيعت الضلال
جيت اطفي شعلة النار والقلب انكوى



ماهقيت ان السعادة خيال في خيال
تروى قلوب الحبايب وقلبي ما روى



كنت ابشتال الهوى والهوى ثقل الجبال
وان تحملت الجبل ما تحملت الهوى



كنت ابسلى بالهوى والهوى صعب المنال
ما رضا لي حظي اللي طواني وانطوى



قلت لا فراحي تعالي ولا قالت تعال
والخفوق ان قلت ابقبل على صدي نوى



الله أكبر لا شرقت شمس يتلاها زوال
كيف ابفرح في صباح مع الليال استوى؟



لاحصل بالحب قسمة ولا جا لي مجال
غير اشوف معاند الجرح وعناد الدوى



شبت النيران واقفت وجاء رد السؤال
ما تشب النار يا كود يوصلها هوى



........................................ .......... ..





الدعاء المستجاب

اشرق نهار ابوظبي واكتأبت بلاد الضباب
وابتلت ارياق الدعا شكر ونحيب ومعمعه



صحيح ما رد القضاء الا الدعاء المستجاب
ولا تهز المسلمين الا الظروف المفزعه



الله خلق للضيق باب وللفرج مليون باب
ينزل بلاءه لو يشاء ولو يشاء بيرفعه



ما يكتب لمؤمن ضرر الا وله اجر وثواب
ياشيخ ربك ما يضر المؤمن الا ينفعه



البارحه كشّر علي من الوله مليون ناب
واختر للدرب الشراع اللي هبوبك تدفعه



ولا دريت اني سريتك لين شدّدت الركاب
من الكويت ولا حللت الا على رحب وسعه



من لا حزم امتعه ولا اتنقالي ثياب
فزيت لا ماخذ ثياب ولا ذكرت الامتعه



دام الطريق لهامتك لوهو ذهاب بلا اياب
لأجل افرح بسلامتك ماقطع طريقك وارجعه



ياشيخ لو ان البكى يشفي من العلّه مصاب
ما ظل واحد بالجزيره ما تفجر مدمعه



من لا جزع من غيبتك ما عاد يجزع من غباب
ومن لا تزعزع من مصابك ماحدٍ بزعزعه



ان طحت طحنا كلنا وان طبت كل الشعب طاب
نفس المصير اللي جرعته كلبونا نجرعه



اللي يقاسمنا الضما بنقاسمه طرد السراب
واللي يحس بجوعنا لامن شبعنا ِنشبعه



الله خلقنا للظروف المفزعه خوّة ذياب
ولا تبان الخوّة إلا بالظروف المفزعه



لو يحصل (لزايد) مصاب نشاركه نفس المصاب
ما نتركه يدفع ثمن إلا نتسابق ندفعه



نغضب مدام انه غضب . ننهاب مادامه مهاب
نضر من ضره ونخدع من يحاول يخدعه



لأنه قريب لفرحنا نبقى لأحاسيسه قراب
امّا سكن بضلوعنا وإلا سكنّا بأضلعه



نحضر معاه اليا حضر ونغيب له مادام غاب
وإن قام قمنا كلنا وإن فز فزينا معه



إن ما اكتأبنا من غيابك.من يعرف الاكتآب
واذا الخليجي ما سمع صوتك اجل من يسمعه؟



ما شاب حبّك للعمل وانت بسواعدنا شباب
ياشيخ ماتفقد امل طاع الزمن وإلا طعه



خذنا رقابٍ من ذهب وإضرب ولا تحسب حساب
نفداك رد اللي ترده واقطع اللي تقطعه



وشلون يركبنا الخطى وبطاعتك عين الصواب ؟
كيف يتعداك العطى وانت إنخلقت بمنبعه



مخاطبك يا سيّدي ماهو بحيالله خطاب
ومثلي مهو بكل القصيد اللي بمدحك يقنعه



ماجيك وجه لوجه مابيني ولا بينك حجاب
إلا اجمع الك اللي يعجز الجن الازرق يجمعه



ماحب أوصّفك بشطر من غير ما اشقّق كتاب
ياشيخ انا ما ابدعت شي.اوصافك انت المبدعه



شوف الرجال وشوف نفسك.ويش جاب لويش جاب؟
هو فيه احد بالكون كله يصنع اللي تصنعه؟



شف وانت واحد بالبلد واسمك يعيش بكل شاب
وشلون اجل لوفيه مثلك بالامارات اربعه؟



لو ما انخلقت انسان.لايمكن تكون إلا سحاب
لأنك رفيع ولي عطيت الخير ما تسترجعه



يا ذخر لصعاب الحلول وفخر بحلول الصعاب
يامرجع شموخ المراجل يالشموخ بمرجعه



يادرع حكام العرب يا شوق تلعات الرقاب
يانافع الناس بزمانٍ قلّت إبه المنفعه



سلامتك كثر البكا اللي ينزف بدعوة مجاب
وسلامتك كثر الدعا اللي رحمة الله ترفعه



وسلامتك كثر الغلا وكثر الملا وكثر العتاب
وكثر الزهر وكثرالمطر وكثر الشجر وكثر أفرعه



وكثر اللي ما بعده عدد.ولا يوصّل له حساب
وكثر اللي ما اعرفه ولا اسمع فيه.ولا راح اسمعه



سلامتك منّيه الى آخر شبر فوق التراب
سلامتك منّك الى غرب الوجود لمطلعه



من يوم نوّرت الوطن وأكتأبت بلاد الضباب
ماجفّت حلوق الدعا شكر ونحيب ومعمعه



صحيح ما رد القضاء إلا الدعاء المستجاب
ولا تهز المسلمين إلا الضروف المفزعه



........................................ .......... .......




السفينة

ضاقت وساع الفيافي ، والوعد متن السفينة
للطريق اللي دعاني بعد أمان الله ..وأمانة
لا تناديني ..وصوني قلبك الله لا يهينه
لا يراهن في رجوعي ..لجل ما يخسر رهانه
ليه ما ارحل عن غرامك..بعد ما ذقت الغبينة ؟
إذكري لي شي واحد يستحق اقعد عشانه
قلب ما حن لوصالي ..ماني بحاجة حنينه
واشهد انه ما يعزر بالرفيع الا هوانه
الهوى الغدر ..حد الله ما بيني وبينه
والرجل لا خير فيه ان ما حفظ قدره وصانه
واحد مثلي ليا من حدته عوجا سنينه
ما شكا لا قرب ابنا ادم لو هو اغلى من اخوانه
يوم قلبي ما عصاك ،وما قدرتي تذبحينه
ليه خنتي فيه وانتي معه من نفس الديانة؟
كان ذبحي بيدك ارحم ..لي من اللى تفعلينه
وان طلبتك تذبحيني ..ما ذبحتيني ..لعانه
كل جرح من جروحي :تذكرينه .. تنكرينه
كن مالك في نزيفه يد خانت بالأمانة
ينزف الخفاق تواضع لين لطختي جبينه !!
والا انا ماكنت ابيها توصل لحد الاهانة
قلت من باب الميانة صاحبك وتعذبينه
لعنبوك ارخي معاي شوي ..ما صارت ميانة
طعت عقلك يوم قيل :ان العقل للبنت زينة
لكن الشرهة على ال..كنت احسب انك تكانة
من بعد ما كنتي انتي في حشاي اغلى سجينة
باوعدك ..باطلق سراحك ،واتهمني بالإدانة
وين رايح ..؟.لأي درب ما يرجع للمدينة
ليه رايح ..؟.لان قلبك ماترك قلبي وشانه
كيف ابا انسى ..؟.ربي اللي ملهم القلب السكينة
مثل ما عانه بقربك ..لا نوى فرقاك عانه
كان قاسي يجرح اطراف السكاكين السفينه
ما يطيح .وبنت مثلك حبها هزت كيانه
والا أنا خابر خفوقي ما يمد الا الثمينة
وان بغى يغيض الثريا..قعد القمرا وزانه
مزعل لجلك هنوف رجت عقول رزينة
وان تهادت بالطريق الجرهدي .. تزهر جنانه
جادل حتى (الجمال )ان شافها..كتف يدينه
و(القمر)لو شاورت له..ينزح وتقعد مكانه
كانت أول من تحكم في فروع الياسمينة
وان تعدتهن تثنن..خيزرانة ..خيزرانة
بعتها لاجلك ، وصارت لا صغر أطرافك رهينة
والا هي لفتة هدبها تغمزك ثقل ورزانة
والخفوق اللي تغذى من معزة والدينه
مشكلته انه تعلق في زمن ما هو زمانه
كل ما زادت جراحه،واكتشف غلطة ضنينه
صدفه ان قال:مابه شخص يستاهل حنانه
يوم نادي:يا فلانة !! مارضيتي تسمعينه
لين صوت :يا فلانة ،يا فلانه ،يا فلانة
كنت اشوفك زعفرانة تقرض الورد وتدينه
يمكن اني ما قطفتك ،،بس اشوفك زعفرانة
كنت اهاب البعد عنك..واطلبك لا تذكرينه
كان خوف من الفراق ..وخطوة الفرقا جبانة
ما اقتنعت ان ( الخيانة )للرجل تلوي يمينه
لين ما ربي بعثك ،وذقت طعم الخيانه
إسمحي لي ..ما بقى فيني مكان تطعنينه
واقلبي فيني مكان من جوف قلبي كل عطفه..وامتنانه
والله الله في عذابك ..بتركك عينك بعينه
دلليه ،ولا يرده عن شقاك الا لسانه
ولا اناا قررت اسافر ،وامتطي ظهر السفينة
لان ما به شي واحد يستحق اقعد عشانه



........................................ .......... ....



المباني

جابك الله من فراق ضيق صدور المباني
قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني
ماتحمل ينتظر شهرين وعيونك بعيده

الله العالم لو انك جيت متأخر ثواني
ماتشوف إلا بقايا من حصاه ومن حديده

من عرفتك وانت ضايع من مواني لي مواني
وتارك قلبي يولع من وقيده لي وقيده

ضاع عمري بس أحد بهالليالي واتحداني
وانت لا تشبع غياب ولا تخاف من النقيده

ودي أتحمد لك الله بالسلامة ... ما مداني
كل ماتوصل برحله ترجع برحله جديده

دام تدري كل وجه غير وجه الله فاني
يا خي اكسب لك ثواب وخاف ربك في عبيده

كان فيني عيب قلي ... فيني العيب الفلاني
كان هرجي مزعلك في شي قلي : لاتعيده

لعنبوك ان مت بيدك وش يفكك من خواني ؟!
ل احزنوا ربعي علي ومت ... شاللي تستفيده ؟

ليه تصغر في عيوني وانت برقاب الغواني
عيب تستسهل طعوني وانت خابرني وليده

انت منت اللي عشقته !! انت اكيد انسان ثاني
كيف صرت بهالبرود وهالأحاسيس البليده

وين حبك للزعل ... وين العناد الأولاني ؟
وين حنية زمان وفرحة العمر الرغيده ؟

وين ذاك اللي ليا أقبل مايبات الا بأماني
وين رايح اللي ليا قفا مايروح الا فقيده

واحد جابه الله بس يامر ويعصاني
الوحيد اللي أخافه غصب وامشي معه "سيده"

مابغيت اطيح بيده لين ماربي بلاني
والا انا لو هي بكيفي ... مابغيت اطيح بيده

ذاك بس اللي ليا شفته يلخبط كياني
ذاك من نظرة ينشف دم قلبي من وريده

قبل اشوفه أجمع إله أحلى القصايد والمعاني
وان بقيته ماعرفت اقول لي جملة مفيده

الف مرة قبله اعد القصيده من لساني
ولعنبوه ان جيت عنده قمت اخربط بالقصيده !

امدحه وانا ادري لو تباطاني نساني
انطحه وانا اعرفه مجنون و أفكاره عنيده

من يسوي بس سواتك يالرهيف الاسمراني
منهو من الناس غيرك غلطته ترفع رصيده ؟!

من يقص جناح طيرك وانت اعز انسان جاني
كيف اخاف رماح غيرك وانت طعناتك سديده

إن تبعتك أتبعك من طيبي وواسع بطاني
والا انا لا جيت اكيد انسان تدري كيف اكيده

اقدر انزع ثوب طيبي والبس ثياب الاناني
واقدر اطلع من عذابي والعب بدورك واجيده

وان بغيت اكسب رهاني بأي وقت اكسب رهاني
واخدعك بإحساس كاذب واتحدى من يصيده

ابك انا لاشفت خلي حط غيري في مكاني
والله اني لاتركه واصد واعشق سيد سيده

خلني داخل حدودك واجبر بخاطر زماني
إكذب ف باقي وعودك واصدق بلحظة سعيده

إنتشلني من برودك لو تولع بالمحاني
عطني إحساس بوجودك واخذ كل اللي تريده

تكفى واليا قلت تكفى بيع خلق الله عشاني
لا تضيع من يديني فرصة العمر الوحيده

جيت مابيك تحقرني جيت ابيك تعز شاني
جيت ابي فزعة ضلوعك من مشاعرك البليده

يعلم الله شفت منك ومن غيابك ماكفاني
كان ماتقدر تخفف هم قلبي لاتزيده

شف غيابك وش يسوي بالصدور وبالمباني
وأنت تدري كيف كانت صدمة غيابك شديده

والله إنك لو وصلت البيت متأخر ثواني
مالقيت إلا بقايا من حصاه ومن حديده



........................................ ..........





تزعلين وتقعدين

عافت الشمس المدينه واعلنت وقت الزوال
رغبة للنوم منها مع عيون الناعسين

ابعدت من يوم شافت بالسما ضي الهلال
كنها كانت تهزا بالهلال وتستهين

كفكفت صبح التلاقي من ورا روس الجبال
واستخارتني وراحت وابعدت عن كل عين

وانتي اخطيتي خطاها وانعزلتي بالوصال
ولا رحلتي من سكات ولا وعدتيني تجين

عشت عمري بالمحبه في سبيل الاحتمال
وانتي تعيشين عمرج تفرحين وتجرحين

من غرورج في جمالج ما عطيتيني مجال
وادري انج تفهميني لو بغيتي تفهمين

كيف اشوف الشمس تشرق بالسما وانتي ظلال
ومن يعيش بوسط غاراً للذياب الجايعين

كنت احسب الكره زايل والجفا لو طال زال
ولا بديتي بالغرام وما بقى فيني حنين

اشهد اني ما خطيت ولا نويت الانعزال
وما خدعتج في غرامي لين شفتج تخدعين

اصدقي بالوعد مره لي ولو فيها سؤال
من عرفتج ما اذكر انج توعدين وتصدقين

كنت اشوفج من عيونج تامرين اقوى الرجال
والله اني قبل اعرفج ما هقيتج تخضعين

كنت اشوفج تبعدين وقلت من باب الدلال
وان بعدتي عن عيوني قلت باجر ترجعين

كنتي اكثر في عيوني من عدد وبل الخيال
وين انا ما ألد وجهي كنت اشوفج تضحكين

وان بغيت اصد عنج من يمين ومن شمال
ما قوت عيني تتلفت لا شمال ولا يمين

عاشقاً والعشق بلوه واشهد ان الحال حال
ولا تركتي رحمة الله ولا عرفتي ترحمين

وادري انج في غرامي للأسف نلتي منال
افترقنا في دقايق والسبب لعنة لعين

حبج اشبه في غرامي بالوصال .. الانفصال
ويلعب الخفاق لعبة كبرياء الخاضعين

بالهوا ما هي غريبه نكبة عيال الحلال
ولاني اول من يصون ولا انتي آخر من يهين

الصداقه في عيون الناس ملفى للعدال
وان جان ردت للصراحه كل ابونا مذنبين

والمحبه شبه زالت والصداقه لا تزال
بس اببقى في عيونج حامد اللي تعرفين

علميها يا قصيده واضربي فيني مثال
وعرفيها بالبداوه في طباع الأولين

عليمها كيف نصنع صبرنا والاحتمال
وعليمها كيف نفلح في العمل دنيا ودين

وعلميها في سوالف حلنا والارتحال
وعلميها كيف نظهر جورنا للجايرين

عليمها يا دقايق علميها يا ليال
وعليمها يا عصور وعلميها يا سنين

ان عشقنا ما بغينا غير عشقا بالحلال
وان نوينا ما لفينا كود ناساً طيبين

كاملين في عطانا بس لله الكمال
والرجل فينا غرامه لو يعين ويستعين

بدوياً ما يقوده للردى شد الحبال
يعسف اليد الشحيحه للعطا حتى تلين

همنا فعل الرجوله ورمزنا لبس العقال
وانتي المكياج كله صار في وجهج سجين

عندج المكياج موضه تحسبين انه جمال
صار همج في حياتج تكشخين وتطلعين

والا انا قلبي بقى لي بالمحبه راس مال
والله اللي مبتليني بالهوى والله يعين

ان بغيت اعشق ابلقى كثر حباة الرمال
لكن انتي لو بغيتي صعب مثلي تعشقين

قلت لج كل الصراحه واختم اطراف الجدال
وان زعلتي من كلامي .. تزعلين وتقعدين



........................................ .......... .......




غرام احباب

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني



تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني



لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني



صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني



عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني



أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني



رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني



تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني



تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني



وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني



ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني



أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني



زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني



غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني



إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني



أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني



سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني



عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني



أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني



وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني



وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني



ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني



أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني



ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني



ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني



........................................ .......... ....




قرم وفقير

منك العذر وعلي المعذرة
لا تحسب حساب هجر ولا هجير

كل ذنب بتذنبه بستغفره
واحدا ما يعذرك ما فيه خير

دور بصدري وطن واستعمره
عندك من الضلع الأول للأخير

عيش فيني وأدمر اللي تدمره
واعتذر لي واعتبر سرك في بيير

لا تبشرني بجرح وتذخره
لا تعشمني بفرج وتستخير

ولا تنومني بليل وتسهره
ولا تنام إلا وأنا جفني سهير

خلني مثل النجوم مبعثرة
عيش فيني لا شهيق ولا زفير

لا تقول العفو عند المقدرة
خل قلبك صلب وحسابك عسير

المسامح والزعل للمكثرة
ولا أنا لأني زعول ولا صغير

ودي ادري ليه للحزن ثمرة
ودي اقطف من قساوتك العبير

ودي اقفل من فراقك واحذره
ودي اعرف لو زعلت أش يبي يصير

لو تقدر خاطري صدق اكسره
لو صحيح تحبني لا تستشير

ازرع بقلبي سبب يستنفره
اثبت انك غير وان الناس غير

شاعرك ما كل بنت تجرجره
حارت به عقول ناس ما تحير

النساء ما حركوا فيه شعره
سار عشق وما لقاء شي يثير

لو سكت شفت الوقار في منبره
وان تكلم زمهرير بزمهرير

ما يحضر أيلا القلوب مجمهره
وما يغيب أيلا وعشاقه كثير

إن هجرته تستقر بمحجره
وان تبعت رضاه ما عينت خير

اعشقه لكن بعد ما تقهره
ابتسم له بس لا شفته كسير

حن لكن حن لا جبت خبره
حب لكن خل حبك بالأخير

لو عطيته وجهك أعطاك ظهره
صد عنه ويتبعك مثل الضرير

لا تحاول تكسبه ما تخسره
صير ثلج يصير لك مثل السعير

ما تميل هالغصون المثمرة
وما يسيل من الجروح ايلا الغزير

من قبل لا تنقهر منه اقهره
قبل لا يستحقرك خلك حقير

اسكنه حرك جموده بعثره
اعشق اكره عاتب اشرح حن غير

انثره لملمه لملمه انثره
صد يا أخي طير لو تقدر تطير

من متى وأنا تحرالي مره
تثبت إني لا وقعت أوقع كبير

ابكي أنا مقطوع من غصن شجرة
لا صديق ولا رفيق ولا عشير

أبدوي شيب الصبر شعره
ما عرف ريش النعام ولا الحرير

إن غفا كان السحاب يدثره
وان صحا يفرش من الرمضة حصير

مأخذ من قسوة البيد أكثره
ومن شموخ البدو شر مستطير

جنته صحراه والشوك زهره
والسراب بنضرته مثل الغدير

إن فزع يا مشجعه يا مضفره
من خلقة الله وهو جرب وفقير

كان ما تقدره قل ما تقدره
صير غالي صدق ولا لا تصير

الغلا اللي ما تزعزعه اهجره
دام قلبك لا يجار ولا يجير

شوف لك رجل بليد استحقره
واجد اللي يعشقون بلا ضمير

بس أنا لو جبت لي ميه مره
ما تحرك في شعره لو تطير



........................................ .........




محروم

لو تعرف الخطاي كيف كنت محروم "
كان سود اليالي يوم طحت اسمحت "
ولو اهموم المفارق مثل كل الهموم "
ما تشوفون عيني بدموع اسبحت "
ولو تحن المشاكل عقب حب الخشوم "
كان حبيت خشم المشكله واستحت "
بين صدت عزيز وكبرياء مهزوم "
عين شحت علي وعين استسمحت "
بس ما الله خلقني من بكاي معصوم "
وادري ان المحاجر لو تفيض افضحت "
والله اني على جرحي صبور وكتوم "
لاكن ان الدموع ان روحت روحت "
اعذلتني اظروفي وانهكتني اعزوم "
والوجيه احزنت لي والقلوب افرحت "
والله ان اليالي ما تعرف السلوم "
قلب جافي لقاه وجه صافي بحت "
راهنتي تبلل بدموع الكموم "
ويشهد الله عليها راهنت وربحت "
احرمت نور عيني من غلا ريم دوم "
بذرتا وارتوتني واثمرت واطرحت "
جادلا دوم ماهي مثلها كل يوم "
استضاحت غموض وبالغموض اوضحت "
دورت بين قلبي والهدب درب نوم "
وامرحت وين مدري المهم امرحت "
تنحت إسم بقلبي جيت فيه معزوم "
واسمها بين جلدي والعظام انحت "
مثل جفني لعيني بنعاس محكوم "
كل ما نمت نامت كل ما اصحا صحت "
ما تعارض كلام غير عند الزوم "
بس لا قمت اسولف واندمجت اسرحت "
دايم ازعل عليها بس قلبي رحوم "
وهي تموت بعذابي من تحت لي تحت "
مثل وجه الصداقه في ثياب الخصوم "
ان تطيبت طابت وان جرحت اجرحت "
خصها الله بوصف من خيال معدوم "
لا أذان اسمعت به ولا عيون المحت "
كن ربي خلقها من بياض الغيوم "
ومن كفوف السحابه بالورود القحت "
عن سواها فرقها بالقمر و أنجوم "
كل عذراء اتباها بالجمال انزحت "
بالحلا هي كوم وباقي الناس كوم "
كفت عادلوها بالبشر وارجحت "
حسبي الله على الي ما بغاها تدوم "
من بعد كيف كانت شوف كيف اصبحت "
لا تحقق وصال ولا فراق محتوم "
خطه قربتني لفشل وانجحت "
لعنت العشق تبقى مثل ضرب السهوم "
لو محا الوقت جرحه طعنته ما امحت "
كيف ابنسا وان ألي من جفاف ال سموم "
ما حشمت العيون ولا الدموع افلحت "
كانها بالحميه كل ربعي اقروم "
لو يلدون لصعاب الظروف اصلحت "
اجزم ان كنت يا قلبي شجاع وجزوم "
لد لعيون بنت لا التفت الفحت "
ما تهين البخيل الا ايدين الخدوم "
دام كف الخطايا بالجفا لوحت "
نطح ألباس باس ونطح ألوم لوم "
وان تهدت تهد وان صيحوا صيحت"
يا تعيش بمعزه يا تموت محشوم "
ودك ان اليالي لا فعلت امدحت "
عمر ضعف الاراده مايسر الرخوم "
ضربت السيف لو بيد الشجاع اذبحت "



,,,,,,,,,,,,, ,,,,,,,,,,,,,, ,,,,,,,,,,,,,,

آهــــات
01-16-2009, 01:22 PM
سعـــــــود بن عبـــدالله






علمني امسح دمعتي


علمني امسح دمعتي و اتوب
علمني ازعل منك لو مرة

ليت الحنايا يا هواي قلوب
تشوف حبي فيك ويش كثره

لي قلب واحد و انت له محبوب
ما غيرك احد هز به شعره

اذوب في سود العيون اذوب
القلب صادق و الهوى جمره

ناوي العذاب ناوي تبكي قلوب
و انا على امرك لو علي تشده

ليل المحبه لوعتةٍ و ذنوب
يا حظ من يقوى على صبره




........................................ .......... ....



لاتجرح الليل


ياصاحبي لايسرى الليل بدري
خلك بوسط الدار لاتجرح الليل

الليل توه وان تجليت يسري
ولليل ناس ماتمل التعاليل

خلك على تجريح الاحباب حذري
ماتدري ان الليل ستر المواصيل

ياحبي اللي بين عيني وصدري
يافرحي الماضي وخوف المقابيل
الدم يجري في عروقي وتجري
انا الصحاري وانت معشوقها السيل

يضيع في وصفك كلامي وشعري
اشبهك بالريم وأوصفك بالخيل

للقلب عين وانت للعين مغري
يامحٌرح القمرا بسود مظاليل



........................................ .......... ..........



أحبك كذبة بيضا


أحبك كذبة بيضا عشقتك عشق بعد وقرب
وغنت صوت قلبي لك اشفاه تجهل اسبابه

اموت بنظرة منك وينبت في دروبي عشب
إلا منه شربني صوتك الفتان واحيابه

عظيمه هالقلوب اللي تحب وخافق ماحب
حياته وش حياته لو يموت فراقه اولابه

أدورلك كلام أجمل ولا اجمل من كلام القلب
وعمر القلب مايكذب نهار يحدث احبابه

اطير لك حمام البال وافقد كل ليله سرب
يمسيه الورق في حضنه الدافي ويدفابه

شعوري لو نثرته للهبايب كل جرح هب
وعنيت الهوى واهل الهوى والحب متشابه

حنين وشوق واحلام كثيرة والحقيقه عذب
حلاته في عذابه من دخل دنياه يشقى به

عظيم الحب وانت اعظم وانا اعظم من جرحه الحب
حياتي عطرها نزف الشعور اللي من اسبابه



........................................ .......... .............



رحيل


رحلت وجمع طيوفك حبيبي لاتعذبني
تعبت اجمع طيوفك وعيت ترحل بدونك

حبيبي ذا شعوري صدق قلته لاتكذبني
وقت وكانت الذكرى ومشيت وكانت عيونك

اهد اللي يعلقني بحبك والغلا يبني
تصدق لين مرينا مكانك يسأل شلونك

واصد وكني المخطي سؤاله عنك يتعبني
ألا ياخل ياصعبك والا ياخل يهونك

أنا ودي بعذروب على وصلك يعاتبني
وثر حتى عذاريبك بياض يشبهه لونك

بربك لابغيت ارحل بعيد هناك قربني
ترى لو مرت وجيهٍ كثيرة ما يكفونك



........................................ .......... ..........



فمان الجرح


فمان الجرح يا ذيك السوالف
بعد ماخانت ظنونى ظنونى


عرفت الغدر هو كذب الولايف
جروحك علموك وعلمونى


نزل دمعا وبعض الدمع واقف
سال عن باقى طيوفك عيونى


انا كل المشاعل حيل حايف
ابسدل هالستار وساعدونى


وداع وكلمه التوديع اسف
واذا باقى لكم غدر اعذرونى


حبيب الكذب فينى الصدق حالف
اموت الصادق الى تعرفونى


سالتك هو بقى للناى عازف
يغنى للحزن مره بدونى


واذا صار الحكى كله حسايف
بعد مااروح يكفى تذكرونى



........................................ .......... ...........



كف شالت شموع


كف شالت شموع وكف شالت غلا
وانت بين الايادي نجمة ماتطيح

هو صحيح الحبايب بالوصال بخلا
اه مصعب سؤالي بالخفوق الجريح

انتظرتك حبيبي في عيون الولا
ياحبيب المكان وحاكمه بستريح

قبل احبك وهبتك شوق صدري امتلا
ولاطريت بخيالي هب بالصدر ريح

مرني في عيونك كل كلمة هلا
الظما في عيوني وانت وصلك شحيح

من يقول السوالف للعيون ابدلا
خاب ظن الكلام وطاب حظ المريح

ليت مانيب واله للمحاجر ولا
في خفوقي شعور لك يقوم ويطيح



........................................ .......... ............



مرت سنه


مرت سنه مالك على البال طاري
" لا جاد لك حظ ولا سولفوا فيك


وينك بلم من الجروح الذواري
" طال الهبوب وطال مسراه ساريك


لا مانتظرتك بس طال انتظاري
" لا ما ذكرتك .. بس لا تقول ناسيك


اشتاق لك مثلك .. وتشتاق داري
" احتاج لك دايم ولو قلت مابيك


لا تطري الفرقا ولا تقول ساري
" تو الوصل ما بلل اعروق مغليك


ما فيه غيري وانت والليل عاري
" والنجم غاب ويا عسى القلب يكفيك


بهديك خفقه من خفوق المساري
" وعطني عيونك لجل اشوف العمر فيك



........................................ .......... .............



رسالة حب


ابكتب لك رسالة حب تعبر عن عذاب القلب


قصيده شعر تحكي لي ألم روحي تناديلك


نسيتيني تركتيني في ليل الياس واقفيتي


اهيم بعالم الأحلام ادور للهنا قدام


يصير أو ما يصير القاك ما دامي ما قدرت أنساك


والى انتي ذكرتيني وفي هجرتك تماديتي


امان العمر يا اغلا الناس كان انتي


عذاب وصبر وشوق وياس تجاهلتي


نسيتيني تركتيني في ليل الياس واقفيتي


جرح مشتاق لقيا بعد غيبتنا


ألم وفراق سميتيني نهايتها


انادي لك ولكنك سمعتيني وصديتي



........................................ .......... .........




ما أوعدك



ما أوعدك من يضمن اظروف الزمان "
" لا تصدقي من قال للدنيا امان


ميعادنا خليه في كف الظروف "
" لا تحرجيني بالزمان وبالمكان


محدن عن احبابه بيختار البعاد "
" لولا الحياء اطلقت للرجل العنان


اسري بليلة ضيق لشموس الفرج "
" وركبت موج الخوف للشاطي الامان


كثر الليال اشتاق لك كثر السنين
" انتي حنان العمر ما غيرك حنان


لمعانقك شوقي كثر شوق الرمال
" لمعانقة غيمة لها عنه زمان



........................................ .......... ........




صوت الاذان


صوت الاذان

كل مااسمع نداه

واسرح ببالي معاه

يلتفت حلمي عليّ

وتهذب خيول النصر

فالصدر تمشي وراه

وكنّي اشوف النبي

والصحابة والجهاد

وبيرق ابيض من سوار

وألف قصة من نصر

كلها كانت مهر

علّمتني إني أسرح في الاذان

.. حتّى لو كثروا اعداه

وأتسنّن ركعتين ..

وبين آذان .. وبين إقامة

أتذكر كيف كسرى

كان أقوى من الجميع

وتاجه هزمته عمامته..

والعدو..حتّى لو يكثر كلامه

ماثنى عنق المآذن

وماخنق صوت الاذان

والعدو .. ليته قلّب في السنين

أو قرا بصدق ويقين

كان شاف .. إنّا بنموت بكل سعادة

..ويعيش دين

تضيق ويفرج المعبود

ودرّاس الأيام ياجداده

قد علّمتنا نكون جنود

للحق ونصير به ساده

والدين حنّا عليه ورود

لاصارت الناس ورّاده

مافيه حاسد بلا محسود

وعدوان هالدين حسّاده

يادين ناظر عداك شهور

وعن كل نصر لك زيادة

وش عاد لاثوّر البارود

والموت بقلوبنا عاده

الدّار حنا ولد وجدود

والقلب مسجد وسجادة

قم صلّ خلّ السنين تعود

خلّ العمر نصر وعباده



........................................ .......... ..........




كل يوم نجمتين تغيب


كل يوم .. نجمتين تغيب

لا انوم .. ولا جروحي تطيب

واغطّي جروحي بنام

واحلم والاقي بالظلام

نجمتين جداد

وارجع اسأل من جديد

من يغيب .. ومن يجي


كل ساعة يوم .. والدموع نجوم

والمسافة هالعقارب

تحتها مينا

.. سافرت عنها القوارب

كل هذا فساعتي

والغريبة كان وجهك

بين عيني وساعتي

واسالك وين الهروب

ساعتي بنسا واتوب

واقول للكف اليمين

غطّي الساعة بثوبي

دام باليسرى عيوب

ساعتي عيبي الوحيد

وانت اجملها ذنوبي

ياهالصبر ملّ .. تعبتني

خلٍّ نسا خلّ .ز واسهرتني

ببكيك وارتاح

واعطيك هالساعة

لا لا تقولي راح

برجع بعد ساعة

واسألك بغيابي..

هي نجمتين تغيب .. ولا جروحي تطيب

ولا قوارب تجي .. ولا ثواني تشيب

وان قلتي الصدق .. بقول لك

لا لا تخليني بربّك

دامني اكثر منك احبك

وانام مثلك كل يوم

لين ترجع هالنجوم

ونخلّي الدنيا ورانا

واخذك بيدك واقوم



........................................ .......... ............




ياليت تدق باب الليل


ياليت تدق باب اللّيل ..

ويفتحلك سهر عيني ..

وتدخل مجلس سنيني ..

وتسمع وش يقول الحب ..

ياكل الحب في قلبي ..

لا صرت الضيف ..

أحبك كلمة تقصر ..

إلا صار الحكي عنك ..

أحبك أكثر وأكثر ..

عساني ماانحرم منك ..

حبيب العمر وين الناس ..

عسى ماباس ..

ترى في مسرح عيوني ..

يغيب الكلّ ..

إلا عيونك الجلاس ..

تعال وغيب واتأخّر وسافر وارجع وعاتب ..

تغلّى واهجر وازعل وقول انك علي كاذب ..

إذا خنتك ولو في البال ..

أو اني قلت في لحظة ..

غيابك ماأبيه وصال ..

ياكذبي لو بقول أنساك ..

ياساكن في هنا وهناك ..

أنا من كثر ماأحبك تمرّ وتاخذك عيني ..

ويوقف قلبي يستناك ..



,,,,,,,,,,, ,,,,,,,,,,,, ,,,,,,,,,,,

آهــــات
01-16-2009, 01:27 PM
سليمـــــان المــــانع




سله اوجاعي


وجع شعر ووجع شوق ووجع ضيقه
على كيفك و اهاك اختار سله اوجاعي

غلا و اسمع نزيف الجرج كلام الصمت ما أطيقه
أنا محتاج اسولف لك عن أول و اخر اوضاعي

و ابد لا يجرحك صوتي حياة طير تحليقه
و عليك الله تصير الكون و المسباق و الداعي

أنا أصدق طير بالدنيا عشق حتى مسابيقه
ولكني بديت أذكر معاك ايام مرباعي

تعال أفتح كفوفك حلم و زموت بيوم تحقيقه
تعال أرسم بحور العشق و كسر لو تبي شراعي

تعبت افتش الدفتر و احس بحزن تطبيقه
دخيلك غمض عيوني و خل الشوف لاصباعي

أبي غيم سرق ربعي و ذللهم بتشويقه
أكون أول بشر مجنون تزوره بالعطش قاعي

و حتى لو و هم تكفا أبتوهم بتصديقه
أبي ذاتي أبي مولد يوازي صرخه الناعي

أحس بداخلي عالم حرام اقتل مخاليقه
حرام ؟أسكت و انا صوتي نذرته وجه لاتباعي

يا اول قلب يبكي لي و تبكيني مواثيقه
انا اطباعي مهي زينه و لكن هذي اطباعي

تغرب بي قوافل موت اقول العمر تشريقه
اعيش غيبوبه واعرف ان الزمن واعي

اكمل لك وجع خوف ووجع فقر ووجع ضيقه
و على كيفك ترتبني حلالك بالهوى اوجاعي



........................................ .......... .............



أعجاب


صدقيني أي كلمه تنطقيها

تعتبر في ذاتها معجم غرام

وأي نظره من عيونك ترسليها

ما يترجمها على أوراقي كلام

وأي بسمه في شفاهك ترسميها

منتهى أمن المولع والسلام

وكان ما نظرات عيني تفهميها

يصبح اسم البوح في شرعي حرام



........................................ .......... ............



طقوس


حياتنا جنح الصدى ترفض الصوت

وهو غصنها المفرد وهي جمع ورقا

نهرب لها تهرب بنا.. نطلع تفوت

الموت الأصدق لا والأقوى والأنقا

نعيش وأحلا أقمارنا تشربه حوت

ونضرب على نحاس القصايد لغرقا

عن عنكبوت أحلامنا ننسج: سكوت

طلع ذهب.. يا فضة الحكي فرقا

نذبح بيوت بدمها نبني بيوت

من وين نرقا الدرب وين نرقا؟

عاري جهلنا شغلته يلعن التوت

وهذا الورق لا أشبع ولا أمتع ولا أسقا

كيف أفتخر؟! وأنا أشعر الشعر "عكروت"!

يَدوّرْ بنا كل الفضايح.. ويلقا

خجلا قصايدنا تهزَّعْ لهارَوت

وترقص لسحره في نواعيس عنقا

مبطي نسينا جرح سينا وبيروت

يعني وبعنا حيف "حيفا" بطرقا

يا أخي لو إن آخر قصيده هي: الموت

كم شاعرٍ يرحل؟.. وكم شعر يبقا



........................................ .......... .........



ابعاد


من لبّس عيونه ظلام المدينه؟
وهو الفضول بنظرته مالها أبعاد

يغوص بأوراق السنين الحزينه
وميعاد يولد كل مامات ميعاد

بعثر على درب الاماني سنينه
تضحك عليه بلاد ويلوذ ببلاد

ليا ظمت ذكراه ..يمطر حنينه
وتغرق ملامحهم ولاينقص عناد

وين الامل..وين السعادة ووينه؟
يقوده الوقت الرمادي وينقاد

تلطخت في دم شعره يدينه
وصار الزمن شاهد وقاضي وجلاّد

قابل بشين العمر من دون زينه
وهو الذي في ماضي الوقت زهّاد

اعشوشب ظلال المدينه بعينه
علمه بشمسه (تسع) والباقي مهاد

يلمس على الخلوه بقايا سنينه
ويدلي على بير الهواجيس ورّاد

تنسل من ضلوعه أغاني دفينه
تقرا بعيونه..شايبٍ يندب أمجاد

يحق النظر يرفع بعزّه جبينه
ويشوف بكره مثقلاله بميلاد

ترجع لوجهه ..طلته ياسمينه
وترقص على صدره مشاهير وأجياد

يفتح عيونه ماتحدّه مدينه
يرسم من الاول لنظراته..أبعاد



........................................ .......... ..............



دلو بوحي


يا دلو بوحي جذبتك جيتني شلقا
تارد تصدّر ولكن منت لاقيها

وقفت هنيّا ولا تحوّل ولا ترقا
أدمت سيامي حبال الرمش تقصيها

نهار الاحزان ليل أشرب ظما الفرقا
يوم المسافات تطويني وأنا أطويها

أقلب أوراق تاريخ العطش وألقا
أشياء أبيها وبعض أشياء مابيها

الله عطاني جناحيني عشان أشقا
أقرا فضاها وأنا أجهل سر أراضيها

شف وجنة الشوق من خنق الزمن زرقا
ناظر عيونه يتيمه كيف أبكيها

كانت سحابه ولاهي معذرة أنقى
أخاف تزعل ومن يقدر يراضيها

كانت فلانة تسافر للسما طرقا
تمشي وحدها ولا بنت تباريها

هدية الله والله لابغى ينقا
يدني الهدايا على مقدار مهديها

مرّت أغاني وضجّ الجمع يا عنقا
لا واهنيّه حبيبك قلت أسمّيها

ومن باق عهدك يا علّه يوم ما يبقى
ياركعتينٍ سهيت وجيت أصلّيها

لعيونك أدمي وذا دلوي رجع شلقا
أبدّل حبال خادمها وواليها



........................................ .......... ...............



سنابل قمح


مادام ينبت سنابل قمح وجه أمي
مايوصل الجوع لوحاول لوجداني

واللي يبيهاحرام ان قلت ياعمي
لاضرب رصاصه بعيني واقطع لساني

ذا شعري اللي تشوفونه وذا دمي
من منهم اللي يشرب نكهة الثاني؟

تظلم وأغني بسرب أقمار من فمي
عاهدت أنا الناي والراعي وغنّاني

أحيان اسمي وبعض أحيان مااسمي
خاف الشياطين في عمري تبلاني

كم واحد لاك(قبل معاشري)ذمي
ولاني موصي على قاصي ولاداني

لي دربي الخاص لي فكري ولي همي
لي ذكرياتي لي أحلامي لي أحزاني

ومازال يشرب رياح عنادهم كمي
والله لاحلق واحلق وارسم الواني

ماقدامك غبار ياخيل أولي شمي
بور القصايد وغني لي عن الجاني

مانيب مسبوق لي سفني ولي يمي
والناس مثلي وانا مااقول وحداني



........................................ .......... .............



أنا زميلي ضمير ونبل


أنا زميلي ضمير ونبل
ما يزرع الظلم بأدراجه


لا منّ غيره عصته السبل
حكيم..لا غبرّت واجه


شعور قبل الشعر..لا..قبل
وقبل الورق روح وهّاجه


لا هو محابل..ولا هو حبل
كن الفرح خلق بإحجاجه


ولد الأسد لو تسبه شبل
مثلك يوكر على أوداجه


والشخص باللي عليه وجبل
والناس كلٍ ومنهاجه


شاعر خيالي..و شاعر خبل
و شاعر ولا شاعر بحاجه


و شاعر طبلكي..وشاعر طبل
و شاعر حلاته هي إزعاجه



........................................ .......... .............



يا وسع صدرك


يستغفلك هذا المغفل وبرضاك

تنسى عبير الورد وتغازل الشوك



تتجاهل القصة وتضحك من أقصاك

مملوك مملوكٍ حكمله بمملوك



يا وسع صدرك يانزاهة نواياك

بك فطرة الطيب وبك حدس صعلوك



غنّيت حزنك لين ما الحزن غنّاك

وكان الشعر جوّك تجيبه لياجوك



ترمي حمامة كل ما طل شباك

من شرفةٍ في عين بنتٍ من تبوك



تحكيلهم شي تشوفه بالإدراك

عن ضحكةٍ صفرا على شفاه مدروك



عن ناس ماهم.. عن بلادك وعن ماك

عن حبك لناس وعن ناس حبّوك



يا أخّ لي متى ملك الطفوله محيّاك

إن أنبّوا تزعل وتفرح إن حيّوك



نهر الجنون اللي تشكّل بك أظماك

لامن جريت بوادي الصدق شربوك



خلّك رجل عاقل وفاطن لدنياك

كم علمّوا بك غاليينك وملوك



زهّقتني ..عجزت أعدد سواياك

سعيد سولف لك وضحّكت مبروك



شكواك ترسلها وعذرك وبلواك

وليا وصلت بصالي النار صلّوك



يا عرض صدرك يا سذاجة نواياك
بك ظلمة المبصر وشاعر وصعلوك


........................................ .......... ..............



حياتنا جنح الصدى


حياتنا جنح الصدى ترفض الصوت
وهو غصنها المفرد وهي جمع ورقا

نهرب لها تهرب بنا.. نطلع تفوت
الموت الأصدق لا والأقوى والأنقا

نعيش وأحلا أقمارنا تشربه حوت
ونضرب على نحاس القصايد لغرقا

عن عنكبوت أحلامنا ننسج: سكوت
طلع ذهب.. يا فضة الحكي فرقا

نذبح بيوت بدمها نبني بيوت
من وين نرقا الدرب وين نرقا

عاري جهلنا شغلته يلعن التوت
وهذا الورق لا أشبع ولا أمتع ولا أسقا

كيف أفتخر؟! وأنا أشعر الشعر "عكروت
يَدوّرْ بنا كل الفضايح.. ويلقا

خجلا قصايدنا تهزَّعْ لهارَوت
وترقص لسحره في نواعيس عنقا

مبطي نسينا جرح سينا وبيروت
يعني وبعنا حيف "حيفا" بطرقا

يا أخي لو إن آخر قصيده هي: الموت
كم شاعرٍ يرحل.. وكم شعر يبقا



........................................ .......... .............




ظلام المدينه


من لبّس عيونه ظلام المدينه
وهو الفضول بنظرته مالها أبعاد


يغوص بأوراق السنين الحزينه
وميعاد يولد كل مامات ميعاد


بعثر على درب الاماني سنينه
تضحك عليه بلاد ويلوذ ببلاد

ليا ظمت ذكراه ..يمطر حنينه
وتغرق ملامحهم ولاينقص عناد


وين الامل..وين السعادة ووينه
يقوده الوقت الرمادي وينقاد


تلطخت في دم شعره يدينه
وصار الزمن شاهد وقاضي وجلاّد


قابل بشين العمر من دون زينه
وهو الذي في ماضي الوقت زهّاد


اعشوشب ظلال المدينه بعينه
علمه بشمسه (تسع) والباقي مهاد


يلمس على الخلوه بقايا سنينه
ويدلي على بير الهواجيس ورّاد

تنسل من ضلوعه أغاني دفينه
تقرا بعيونه..شايبٍ يندب أمجاد

يحق النظر يرفع بعزّه جبينه
ويشوف بكره مثقلاله بميلاد

ترجع لوجهه ..طلته ياسمينه
وترقص على صدره مشاهير وأجياد

يفتح عيونه ماتحدّه مدينه
يرسم من الاول لنظراته..أبعاد



........................................ .......... ............




الرجوله


كان الرجولة بالمظاهر والاشكال
عزالله اني ماعرفت الرجوله


وكان الرجوله بالمواقف والافعال
عز الله اني مرتوي يالخجوله


ياجارحة احساس شاعر ورحال
غريب تايه من زمان الطفوله


ماكل من يكشخ من الناس رجال
الشخص جوهر وأفهمي ما اقوله


سطحية النظره ومعبودة المال
مايعجبك شكل الغريب ونحوله


شكلي غلط لكن على الكود حمال
ودرب الفخر نفسي عليه معلوله


والشاطر اللي يفتهم رمز الامثال
كم داس وقتك من سلايل جموله


لاني بمغرورٍ ولاني بحيال
لي روح عن باقي الخبول معزوله


باني لي اهدافٍ عظيمات وآمال
والغيم من شافه ترجى هطوله


ولايندمج درب الدناسه والافعال
والاصل يعرف من يتم بأصوله




,,,,,,,,,,,,,, ,,,,,,,,,,,,,,, ,,,,,,,,,,,,,,,,

آهــــات
01-16-2009, 01:31 PM
ضيـــــــــــدان بن قضعـــــــــــان





الطريق الجادل


يمر القلب من دار وراء الخفجي طريق ودرب
وامرك يالطريق الي لك اقادمي مصخرها

واذا مريت مع ذاك الطريق الي يجيك مع غرب
ذكرت احلا ليالينا من اولها لآخرها

ومريت الحشاء لونت ماجذبها طرق
ومريت العيون للدرب ذاخرها

وشفتك في خيالي بين طيات الدفأ والقرب
وناديتك فديتك خل ادينك لاتوخرها

عفى الله عن ضمان من حصل الماء في الطريق وشرب
وعفى الله عن ليالي ماجهلن في اواخرها

عقلنا والتيطم حب المواجه يالعفيف الذرب
كما موج لطم في غبة واغرق بواخرها

وسقت الرجل صوبك ياحبيبي والليالي جرم
ولااهتميت في ناس تبي ترفع مناخرها

حبيبي ياحبيبي من سلاله الدروع وحرب
ولايعشق من اصناف الجواهر كود فاخرها

لاتفاخر يابعد من حط له بين الحنايا درب
تفاخر وافتخر واغلا القصايد فيك اسخرها

واذا مريت مع ذاك الطريق الي يجي من غرب
تذكر لذة الدنيا من والها لاخرها

الجادل الي يمر القلب بشارعها بين الحنايا تعدى
ماطالعني تكفى مع الدمع بعروقي واتابعها

واحس كانها على نفسي توزعني
قامت تبعثر غلا وانجيت اجمعها اضمها

واتشتت لين تجمعني
بين الحنايا تثني في مرابعها

كنها تقول اتحدى من يطلعني
دام الحشى بيتها وانا مدلعها

وش دخل القلب يزعل يوم توجعني
ولاخذا رمشها رجلا يطالعها

يعل رمش خذاني مايرجعني
عيونها جيوش والنظره طلايعها

غارت بصدري وجاجت بسيفها طعني
ويوم انكفت لين قلبي من طلايعها

والصبر عن خافقي ماعاد ينفعي
مدهالها القلب وعيوني مراتعها

اموت فيها وهي للريح تزرعني
لوتدري الريح عن هذي طبايعها

ماهزت غصون قلبي لين ودعني
ريحانتي والغلا في القلب زارعها

تشرب عروقي وترواني وتشبعني
كان النحل من رحيق الورد مشبعها

وانا شموخي من احلا شي جوعني
والا تعانق خجلها مع تواضعها

عانقت ليلي على مسراه شجعني
لو ينسرى ليلها سريت بايعها

بشر ولا الله عن الزله مرفعني
واصبحت من عقب ماني ضدها معها

ان ضاعت اضيع وان دلت تسنعني
وان شفت بالعين قلبي بين اصابعها

سجدت لله يالله لاتضيعني
وان جات واسقتني مدامعها

علمتها الدمع للعشاق وش يعني
الدمع صوت الا غازل مسامعها

تشوف صوتي وذا مريت تسمعني
والله ماكنت اطاوعها ولا اسمعها

لكنه الحب سمعني وطوعني
للجادل الي شراييني شوارعها


........................................ .......... ............



عيون البنات


يقول من عدى على روس الطوال النايفات
من ضيقة بالصدر ثانيها وحزتها عصير

يالله يأعظم الاسماء واجل من الصفات
يالله ياغفور وياسميع ويابصير

يارب أجرني من عذاب القبر مابعد الممات
واغفر لابي وابيه واخوانه وأجرهم يامجير

يارب انا عبد خلقته من تراب ومن طيب ذات
ونفخت وفيه الروح وانت الي على ذلك قدير

يارب انا ماخترت اكون الشاعر الي قاصيات
الطرق يطرقها وتصبح له ارق من الحرير

انت الذي خلقت كائن حي غير الكائنات
الحمدلك والشكر والمنة وفضل الله كثير

يارب انا شاعر واهيم بكل وادي من شتات
وأقول مالاافعل وانا مؤمن ولي قلب وضمير

شاعر ويتبعني من الغاوين كثر الغاويات
ذبنهم من غروربي صرت اقل من الغرير

والشعر مثل السيف بو حدين وعيون البنات
يالتها كانت مدى الشعار ومرسها الاخير

ما كان جبت العيد والعذر البنات المترفات
والعالم الله وش نواقي بالمقدر للضرير

البارحه هبت علي الريح من كل الجهات
حتى عرفت ان الليالي غير والوفات غير

قمت اتلفت بالسنين الي غدت مني فوات
وامنت ان لالعمر مهما طال فالدنيا قصير

كلا ً يموت وينتهي والوقت يمضي هات هات
ولاعاد يبقى الا الذكر ان كأن شر أو كان خير

والشاعر ابقى بعد موته بالعلوم الطيبات
او عكسها والوقت يأخذ والقصائد تستخير

اقرب الي لهم بالبيت سبع معلقات
راحوا ولازالت قصائدهم كما البدر المنير

الاعشى وعمرو وطرفه بن العبد والعبسي ثبات
والنابغه وابن ربيعه وابن ابي سلمى زهير

والشعر فضل شاعره عمن سواه فضل وله سمات
ابو الطيب وهو سقى وابي فراس امير

والشعر مهمافضل الشاعر مقام ودرجات
مافضله بالفعل فاليوم العبوس القمطرير

اقولها وانا اعرف انها ماتلحفني العباة
التي طرفها في يدي وأكمامها في يدي الوزير

لكن على الله يامتم الصوم ومقيم الصلاة
تدفئ الكفوف الباردات ويجبر العظم الكسير

ياصحابي ياحظي المكتوب ياغلى الامنيات
ياجمل الصدفات لو ماجات يالسهل العسير

من صيف عام ماخذاني بعد ولا سبات
وانت تجاهلني وانا وضعي من اسبابك خطير

والحب ذنباٍ ماكيفره التجاهل والسكات
واجهه فديتك واحسم الموقف يصير الي يصير

ولاتعلقني على امل نجوم ساريات
وابقى على قول البدو لولا العمل مات الفقير

ياصحابي ياغلا السنين المقبله والماضيات
ياعز واغلا من على رجلينه يسير

لاتحسب اني جاهل بعض الامور الخافيات
الي الي تحدك وانت مالك عن قلبي مطير

ادري واقدر واتحمل واتحاشي الانفلات
والا تراني في بعض الاحيان ماطيع الشوير

والصبر مفتاح الفرج والقل جراح اللهات
وسهيل يبدئ بالسماء ويهيج في القاع المعير

وانامن الي مجدهم على ظهور المسرجات
قومن مهي تشد الا جاهاه من القوم النذير

وش عادحين على شأنه وش لي بالحياة
ان كان نيل اسرجت افرق الجمع الغفير

لعيون من حبه رسى مرسى الجبال الراسيات
والا اصطفق ماكنه الا الموج فالبحر الغزير



........................................ .......... ...............



ليت الحزن


مرثية قالها ضيدان بن منصور بن قضعان في
الشيخ عبدالله بن بعيث شيخ شمل ال الحمراء بني هاجر رحمه الله




ليت الحزن في عين دار الجديده
ونقول حزِنِ مرنا مثل الاحزان

لكن حزن اليوم حاله فريده
حزنِ شمل كل القبايل والاوطان

حزنِ شمل يامِ بديده بديده
من قبل لايشمل مداغيش قحطان

حزنِ على شيخِ علومه مجيده
يفرح به ضعوف ويتاما وضيفان

راعي يمينِ ماتمد الزهيده
يشهد على قولي طراقي وجيران

عبدالله بن بعيث محزم عظيده
لاظاعة الهقوات بفلان وفلان

شيخ ال الحمرا فالسنين الشديده
كم فرج الكربه وكم سد ديان

وكم من سجينِ فالدجاء فك قيده
وأعتق رقبة إللي بلا أعمام وإخوان

ياحلفنا ياطيبين العقيده
ياصادقين الحلف مره وعجمان

عزالله انه راح منكم فقيده
شيخِ جمع شيخه ومسجد وقران

ولملم شمل ربعه بعينه وبيده
وخلد لهم في قمة المجد عنوان

الراس قاسي والمشابح بعيده
والقلب لين والعطيات سفطان

لوكل شيخِ ياصل إللي يريده
ماميز الله شيخ من بين شيخان

من حبه الله حببه في عبيده
ومن يعمل المعروف يجزا بالاحسان

يالله عسى الروح الفقيده شهيده
وعسى عوضنا في طويلين الايمان

عواله إللي كل منهم وليده
مقدامهم فهد وخالد ومشعان

روس الحرار النادرات العنيده
تخريجهم من مدرسة طير حوران

يالله عسى عقب الحياة السعيده
تجعل له الجنه مقرِ وعنوان



........................................ .......... ...................



يامرحبا بش


يامرحبا ترحيبتن كلها لش
تكسيش من راسش لي حد ماطاش


من قلب مهيوم بحبه صفالش
يلعب به الغربي لا سمع طرياش


يفرح لامنه قالش كيف حالش
ولولا غلاش وحشمتش كان ماجاش


وان قلتي انه غايتش شف بالش
كنه ملك ياعرب من الطاش للطاش


الا يابري حالي وين مالي ومالش
لا والله الا لي ولش نعنبا اللاش


من هامتي لمحزمي لش حلالش
بيتش فديتش واسكني بأوسط الجاش


واما بلشتي بي وانا فيش بالش
غديت مثل اللي شرى علته كاش


انا في وجه امش وابيش وخوالش
ماجيت لي حاجه واعود على ماش


........................................ .......... .................



لبا عيونك


لبا عيونك ولبا خدك وخاله
ولبا المحيا ولبا الليل والشفه

فديت عمرك بتجريحه وغرباله
لو تشربه الارض غيره والبحر جفه

هلي كما البدر غيضي كل حفاله
وسجي عن الليل لا يلهيك في صفه

وهزي على صوت رجف القلب وهباله
الطار قلبي وكف توجعه شفه

يا شفة العين قبل تجين جماله
وجيتي ولا شفت غيرك لو رفع كفه

كنك لحالك حضرتي الحفل فالصاله
ولا شفت غيرك بشر يا قمة العفه

أنتي زعيمٍ رفع للقوم فنجاله
وكلٍ تعذر شروبه ليلة الزفه

وانتي بيمنى الحلا والناس بشماله
ثقيلة العقل فيك الدم يا خفه

احيي قصيد بغيت ابكي على اطلاله
في غيرك يموت لو أحييه وازفه

وان عودت للغلا غلاك بلحاله
أنتي بكفه وباقي الناس في كفه


........................................ .......... ...............



حنا بدو


يلي على وجهي قريتي كل صفحات الشقى
اقري وأنا باكتب قصيدة واشعل الساحة حريق


باقي كثر ما راح واللي راح نصف اللي بقى
وان ما وصلت لغايتي با موت في نصف الطريق


يابنت يوم امطر غلاك بقلب ضيدان وسقى
تدرين وش سبة شقاه وسبة الجرح العميق ؟


شقاه من يمناه واسم الشيخ والنفس امحقى
والجرح منك يا أعذب العذبات يالموت الرقيق


يا بنت ما دام البدو تخلف هقاوي من هقى
وانا بدوي مني يشيل من الزمن ما لا يطيق


ابفتخر حنا بدو نعشق على وضح النقا
حنا بدو فينا الولد للقمة العليا عشيق


حنا بدو فينا الولد لو شاف موته ما أتقى
حنا بدو فينا الولد يرقا ولو ماله رفيق


حنا بدو فينا الولد لا من رقا رقا رقا
الين يوصل غايته لو كان في قمة طويق


يابنت جيتك والثمن عمري ابي ليلةٍ لقا
يما كذا والا بلاش من الصداقة والصديق


وساعة تبسمتي وشفت الجمر والثلج اصدقا
قلت أشهد أن الموت حق وصحت لك صيحة غريق


واعتقت دمعي والزعل والحزن لرضاك أعتقا
وأغفت عيوني في عيونك يا عساها ما تفيق


وامنت باللي سخرك تقرين صفحات الشقا
واشعلت بردي في دفاك وشبت الساحة حريق


........................................ .......... ..................



قصيدة الجمس



راكب اللي ما تجيبه وكالة بالبيد
ولا يجيبه بهبهاني ولا وضيحي قطر

ادهمٍ وسم الجميح على جنبه جديد
مهبل اللي يوم عرض يحسبنه شفر

جمس شكمانين ملقبينه بالوليد
من سرابه ما يغبط القصيبي والجبر

كاتبينٍ في ضمانه حديده ما يبيد
تمرةٍ قاري عليها حفيد ابو بكر

كن وجهه لا نطحته تشعشع صبح عيد
وان قفيته كنه السيل لا سال وحدر

وان عرضلك في مزاياه من عنق الفريد
وان ركبته تحسبنك على سطح القمر

دقته نغمة عبادي على سلم فريد
لا عزف الاول وجاوب على عاشر وتر

لا شتغل قالت شكامينه اركد ياحديد
والقزوز تقول للقاع روح يا فقر

كن في الشكمان الايمن صدى عبد المجيد
وكن في الشكمان الايسر صدى نايف صقر

والبلوف تقول للكهربه هل من مزيد
والسيور تقول للمروحه اين المفر

تحت كبوته من الفن طيران وعبيد
ما يغنون المسافه ولا طال السفر

كل اغانيهم على الدرب واصل ياعنيد
لين تلفي قصر شيخ على العليا شهر

سايقه من صلب ربعي وله باس شديد
ما يخاف البعد والليل والموت الحمر

من صناديد ال عرجاء هل العلم الوكيد
لابةٍ من جن تمشي على هيئة بشر


........................................ .......... ..................



الأبراج




الدلو والميزان والقوس والحوت
ماغير برج العاج تغري وصوفه

وبرج بقلبي برج لولو وياقوت
لا يا بعد برج الحمام ورفوفه

ما يسكنه غيرك من السيف للكوت
لو ينتحي راس الولد عن كتوفه

علم وكيد بالمواثيق مثبوت
ما هو عذر اللي يفرك كفوفه

والله لا سافر لك لو ارجع بتابوت
وانا من اللي ما ربوا في مروفه

على الشقا لاع الهوى كل شفلوت
وانتي تلوعين الحشا بالطروفه

والوقت للجاحظ والايام هاروت
والقلب حاتم وانتي اغلى ضيوفه

يا مرحبا ترحيبة عقاب يا نوت
والحي يلحق لو تحده ظروفه

صوتك يكفيني عن الشرب والقوت
وشوفك غناتي والحياه مخلوفه

يااقوى من اللوعات واسخف من التوت
وابلغ من البيت الاخير وحروفه

رجل تنادينه ولا يسمع الصوت
خسارة سمعه وصوته وشوفه

ورجل يضمك بين اياديه ويموت
والله ما يلحق حياته حسوفه




........................................ .......... .........





يا وجودي



ياوجودي كل ماهب نسناس الشمال
وجد من حدّه زمانه على اللي ما يبيه

وياوجودي كل مااغفيت ثم مال الظلال
لاغفت عيني ولاذقت شيٍ مشتهيه

وجد من قفّى وهو في رجا كلمة تعال
والتفت من عقب مااقفى ولحدن لدّ فيه

وياعذابي لادنا الليل من روس الجبال
وانتهى يومٍ من العمر ماعاد ارتجيه

وانتي ابعد من سما الحلم ووصالك محال
يابعد من هلّ دمعي ضحى الفرقا عليه

ياغناتي لاتحسبين دمعي يوم سال
ضعف والاّ خوف والاّ كذا والاّ كذيه

والله اني من رجالٍ يضدون الرجال
لكن الحظ الردي ساق دمعي كلبيه

ووالله اني كل مادار حوليك الجدال
قمت كن الموت يشر على قبري يإيديه

ووالله ان قد لي وانا اصد لاجالك مجال
صدّت اللي لاتضايق تذّكر قبر اخيه

ومن سألني قلت مدري واذا عاد السؤال
قلتله تكفى سؤالك ترى ماهو وجيه

وش تبيني اقول عماََ ترى ذبحي حلال
والخطا منها علي صرت احبه واهويه

عذرها لو ماتعذر مثل واضرب مثال
واحدن مايعرف الحر الأشقر يشتويه

وان رجعنا للتواصيف لله الكمال
لا انتهى ليل المزايين جاتك تبتديه

كنها غفلٍ مع البدو طاويها الحيال
ما يميز وصفها الاّ نبيهٍ من نبيه

واهني اللي وصلها وذاق امن الزلال
رشفةٍ مع غفلة الناس من فيها لفيه

واعزتي للي سواتي عشق ما لا يطال
ويوم طاله ضيع الحلم بين أمه و ابيه

يااول احلام الطفوله على حد الخيال
الرجا بللي حمى البيت من حملة بريه

حال دونك سيف عنتر وتاسع حول حال
باثر حولٍ حال دونك وانا ادعي هيه هيه

هيه يللي غرك الحسن واطغاك الجمال
والله ان اموت ماشفت لاوصافك شبيه

لو يسام الحسن والتيه بجنيه وريال
مابقى في سوق غيرك لا ريال ولاجنيه

كيف اهدك للمقابيل وانتي راس مال
راس مال ومال والماال مايعطى السفيه

حافظك حفظي لعيني ورمشي لك جلال
وانتي تشحّين بالما وانا شفّي مويه

شايفن ظلمك وساكت وطال الليل طال
لاتركتي طعن قلبي وانا ماقلت ليه ؟

لو بقا للهيل صبرن على فوح الدلال
مابقى للقلب صبرن على شيٍ يجيه

كنت احسب ان الغلا زال واثره لايزال
في الحشا ماكنه الا دخيلٍ في وجيه

ساقني حبك على الموت وسنيني هزال
والظروف اقسى من الظلم للعرض النزيه

وانتي تسوقين عقلي على حد الهبال
تحسبين ان من بغى شي يقدر يشتريه

والاّ انا ياوجد حالي وجودن مايقال
وجد من ضحى بغاليه لرضا والديه

وياوجودي يااول العمر قبل ألبس عقال
وجد من باع آآخر العمر في رغبة ذويه

وياوجودي كل ماهب صوتش من شمال
وجد من حدّه زمانه على اللي مايبيه


........................................ .......... ...............



صفحات الشقاء



يلي على وجهي قريتي كل صفحات الشقى
اقري وأنا باكتب قصيدة واشعل الساحة حريق

باقي كثر ما راح واللي راح نصف اللي بقى
وان ماوصلت لغايتي باموت في نصف الطريق

يابنت يوم امطر غلاك بقلب ضيدان وسقى
تدرين وش سبة شقاه وسبة الجرح العميق ؟

شقاه من يمناه واسم الشيخ والنفس امحقى
والجرح منك ياأعذب العذبات يالموت الرقيق

يا بنت ما دام البدو تخلف هقاوي من هقى
وانا بدوي مني يشيل من الزمن ما لا يطيق

ابفتخر حنا بدو نعشق على وضح النقا
حنا بدو فينا الولد للقمة العليا عشيق

حنا بدو فينا الولد لو شاف موته ماأتقى
حنا بدو فينا الولد يرقا ولو ماله رفيق

حنا بدو فينا الولد لا من رقا رقا رقا
الين يوصل غايته لو كان في قمة طويق

يابنت جيتك والثمن عمري ابي ليلةٍ لقا
يما كذا والا بلاش من الصداقة والصديق

وساعة تبسمتي وشفت الجمر والثلج اصدقا
قلت أشهد أن الموت حق وصحت لك صيحة غريق

واعتقت دمعي والزعل والحزن لرضاك أعتقا
وأغفت عيوني في عيونك ياعساها ما تفيق

وامنت باللي سخرك تقرين صفحات الشقا
واشعلت بردي في دفاك وشبت الساحة حريق


........................................ .......... ...............



البارحه



البارحه راسي تصافق طواريه
والنوم ماله يمة العين حروه

يلعب راسي صوت صلف المشاريه
ذيب عوى يبغى عشى امه الجروه

وانا على الدنيا من الهاه للهيه
ماهمني شهرة ولا جمع ثروه

همي وغمي واحد يوم القيه
كني عليل وشوفته محو قروه

تل قلبي في الهوى من عروايه
رشاد الون ثلاثين عروه

يتله الي حامي القيض حاديه
يسقيه هبل مارعاه كروه

عشر شريده كثرها من غواليه
اقفن كما يقفى مع الجمع مروه

والي يبقى عشر وصاته من ابيه
من دونه لو يصيح الصدر ثروه

قلته وكلي ماء ينضح بما فيه
وفي العمر يوم لو يبلغ العز ذروه

واليوم هذا يا اوله وين تاليه
والنوم ماله يمة العين حروه


........................................ .......... ..............



يا عظيمه



ياعظيمه كل شئ له حدود وله نهايه
لكن انتي ماوقفتي عند حدك ياعظيمه

استلذتي بطعناتي واخذتيها هوايه
كن مالك حرة توجع وطعنات ٍ اليمه

آه ليتك ماتماديت بطعنات البدايه
لين صار لكل طعنه في الحشى معني وقيمه

الله يبيحك ولكن كيف في اغرب روايه
تكتبين الحب كذبه والهوى دقه قديمه

وانتي الي كل مالدة عيونك في المرايه
مالحمتي لليتم الي خذت قلبه يتيمه

واليتيمه في اليتامي ماهل حق الوصايه
الوصيه عودها الغض وناياها السليمه

لكن انتي صار لك حق الوصايه والولايه
واستبديتي واضحو البدو واضحيتي مقيمه

مارحلتي لين حطمتي بمافيه الكفايه
عاقل حب الجنون وصوت ناره في هشيمه

استبحتي حرمة المجنون بإدراك وعنايه
والتفيتي له بعقلك وارتكزتي في صميمه

امتلكتي غايته لو ماكان لك غايه
وانتصرتي في عيونه واعترف لك بالهزيمه

من كثر مايعشقك ماقال لك بالحب رايه
خايف الايام لاتطلع عواقبها وخيمه



........................................ .......... ..............



يا بحر جده



حزين والله اني حزين وخاطري مكسور
لو اضحك واتظاهر بالسعاده يابحر جده

وانا يا بحر يوم اصد واخفى دمعتي معذور
لك الله يابحر صدت والصده هي الصده

اخاف تقول عني يابحر ضيدان بن منصور
في يوم من الايام ودموعه على خده

وانا مابن حي الله بشر يكشف لك المستور
انا رجل يموت ولادرت الامواج عن سده

و لاقاف ماقف ماهوب قدي لاطغى المغرور
انا قد الكلام وماقفي قدي وانا قده

و اباقف وابتسم لواني حزين وخاطري مكسور
الين الله يفرجها علينا يابحر جده


........................................ .......... ...............



يا صغير



ياصغير لاتضيعني بنظرات البراءه
وانت ماتعرف مدى تاثير نظراتك بحالي

آه يالبيه يابشويش ياهدئ الاضاءه
للجفون الي من اجفى له يجفني ظلالي

فزبسم الله عليك من المبره للاساءه
وارقد امن في عيوني واسهر امن في خيالي

ياصغير والذكي مثلي اذا خانه ذكائه
ماله الا يعشقك ويصير لعيونك شمالي

وإن فديتك وانت حر من الف باءه لين ياءه
ماعطاني الا الله اسرف واستبيح ولاتبالي

سوى مايرضى غرورك وأد ماتهوى اداءه
انشحى لك بيت حاتم وانت غالي عند غالي

قم تمخطر بالحشى وانسى القراءه والكتابه
وحل واجب شاعر ماحلته سود الليالي

وعلمه وشلون تتعدى على خط استوائه
وعلمه وشلون وكيف وهل يضيعون الرجالي

وكيف يجني خلف سور الجامعه ذنب الكفائه
ساعة اناده ابليس وقاله مالك ومالي

وانت يشفع لك صغر سنك و نظرات البراءه
في رحالي كل مالديت يمي بالرحالي


........................................ .......... ................



فمان الله


فمان الله ياول من سكن بين الضلوع العوج
عسى دربك سفير وعسى الله مايخلني

توكل لاتوادع عسى درب الجفأ المسهوج
يصادف درب فرقى عقب هامة تلمحك عيني

سمحت من الهوى ومن القصيد ومن زراق الموج
رميت اغلا مجاديف الغرام وجيت بإيدني

ابغرق في عذابك لارحلت يصبح المنتوج
قصيد في حياتي سلوتي وإن مت يرثيني

وإذا هبن بنات الريح للذكرى بدون سروج
ابسرج مهرةالنسيان وابرحل من عنوايني

وابنسى الين اسج وابرسل الونات فوجوفوج
وابنسى دمع عيني الي ينتثر وانساك من حيني

صبور ايه والله اني ماثنيت العزم قبل ادوج
برضاني الجفا ورمال وصلك لين تسقيني

شجاع ايه والله اني ماعرفت الذل قبل اسوج
قدم رجلي على درب لبيت اهلك يدوديني

كريم ايه والله اني ماعرفت الشح قبل تروج
دموعي في عيوني ثم اشح بحسرتي فيني

احبك حسبي الله ليت مالك في سمائي بروج
ولالك في البسيطه كود شئ بينك وبيني

دخيلك لاتفلت رح بفالك واترك المرجوج
ترى انا مابقى لك الا انا ماعاد يمديني

فمان الله سق ركبك على درب السنين العوج
لكن طالبك بيت عمي لا تخليه


........................................ .......... .................



هبايب نجد


ذعذعي ياهبايب نجد لاطاب نوم السالي
وانعشيني بريح من ربى نجد للشرقيه

رحمة الله نسناسك على غترتي وعقالي
كأنه الوصل والبيد شهباء والدير محميه

مرحبا ياهبايب ياهلا وانخطر في بالي
صاحب ٍ مانساني مرحبا بابه على طاريه

يحسبني نسيته وانجلى همي وغربالي
واثرني مانسيت الي سبأ بالهوى عانيه

وكل ماهب نسناس الغلا من ديار الغالي
هب في القلب من ريح الصبا عبرة نجديه

وانجحدت الدموع من الملأ آه وعزالي
وان غشتني دموعي نعنب الحب والحنيه

والله اني صبور والبلاء ياصرايم حالي
لاتذكرت دمع ماغبا لو جحدت راعيه

واحدماجحد حبه ولا شمت العذالي
جاهر بالغلا حلوالنبأ من صفاة النيه

كان ماله سوى تاج الحلا واسم جد وخالي
وصار بلقيس وفي وادي سبأ والحشى واديه

وله جموع تنادي بالولاء من تخدته والي
وله خفوق حماه من الظماء واحرمه وسميه

ولي عيون تحدى وتخلى من كراه حالي
كأنه تقول للنوم تهبا منت كفؤ ليه

غلق الصبر والصدر امتلاء بالغلا وامالي
شتتها رياح الاقرباء والسنين معيه

علتي علتي والمبتلاء لاجفاه البالي
ماله الا حصانه لو كباه في نهار الحيّه

سامح الله خبلي لو سلا عن ربيع وصالي
وسامح الله قلبي يوم اباء يندفن في حيه

ووسامح الله هبوب بالغلا من ديار الغالي
ذعذعت لين ذعذعت الصبا عبرة نجديه


........................................ .......... .................



هزك الشوق


هيه يالي اغراك الليل واغراك النديم
هيه يالي هزك الشوق والمسرى ضياع

وقفي بين الخطأ والصراط المستقيم
وقفي بين التراحيب وكفوف الوداع

سولفي مثل المشاريه في صوت الحشيم
واسكتي مثل الشفايف لاطاح القناع

واضحكي مثل النواويير في روضة خريم
واغربي مثل المزاجات في غرب الرفاع

وابعدي مثل المتاهات في حلم اليتيم
واقربي بين السوالف وكتفي والذراع

وانظري لي نظرة الشوق للشي القديم
واغرقي بالدمع الازرق مضاليل وساع

واصبري مثل المسافات في صبر الحليم
واسمعي صوت الهوى يوم فليت الشراع

يوم صرتي عود ريحان ورضاي النسيم
واصبري يانجمة الصبح مال الصبح داع

قد طلبت الله وانا بين زمزم والحطيم
شوفتك ياغلا سميه لاصرتي رباع

العيون تجوع تجوع والله العظيم
والعشى في عيونك السود وعيوني جياع

ان عطيتي مايرد الكريم الا الئيم
وان بخلتي قلت تكفيني والدنيا متاع

اقبلي يامثل التباشير في وجه الكريم
وارحلي مثل التعازي على موت الشجاع



........................................ .......... ..............





ياتاج كسرى وانت ياعرش بلقيس


يانود هبي بالهبايب نسانيس
ويانحلة الاشعار بالشهد ذوبي

يوم القصايد نابيات ومراميس
قصيدنا عند الاصيل محسوبي

بيض الحبارى مايفرخ قرانيس
اسمع كلامي وارفع العين صوبي

والنور ياشحه بليل الحناديس
الله ولا وباب ٍ يزود ذنوبي

مره يجي في ثوب وحش البحر نيس
ومره يجي مثل الهوى والهبوبي

وضاع النقاء بين اختلاف المقاييس
وساق القدر الايام تقفل دروبي

ياتاج كسرى وانت ياعرش بلقيس
كرامتي ماساومتها جيوبي

اعف نفسي واسبر الدرب واقيس
واحاول اصحح خطاي وعيوبي

ايوالله اني من بدو (..درّهم..) عيس
داري جنوب النجم وانا جنوبي

من لابةٍ تظهر نهار المقابيس
الجد يامي درع يضفي جنوبي

لامن ضرب قرن الشياطين ببليس
مثل الرعد فزعاتهم في القلوبي

كسابة العليا كبار النواميس
لطامة العايل دهاة الحروبي

وانا احمد الله ماخذتني الهواجيس
واثق ولاهميت من عذربوبي

واللي على درب المراجل مفاليس
من بعد هذي قلت يانفس توبي

صفوا الصفوف ومقدم المرجفة هيس
وانا لحالي واركز احيان ثوبي

وان زاد جمع الدنفسة بالدنافيس
يبطون والله بالغدر ماغدوبي

ماعيش عيشة ليل خلف الكواليس
يدرون بي ولا عسى مادروبي


........................................ .......... .............



الطموح


الطموح الي سرت من نجد وامست بالحويه

ضيقت صدر الرياض وسافر الطايف وجاها

وانثنى غيم الحجاز بخد نجد النرجسيه

يوم جاتها من زعلها كنها تقصر خطاها

سامح الله جروحها الغض بالخضر النديه

والله يسامح خناجرها ويعفو عن خطاها

عرضتني للهبايب والزعل والمهمهيه

والله يسامح ظلمها ويعفو خطاها...



........................................ .......... ............



ياصغير


يا صغيّر لا تضيعني بنظرات البراءه
وانت ما تعرف مدى تأثير نظراتك بحالي
.
آه يالبيه يا بشويش يا هدّ الإضاءه
للجفول اللي من جفاله يجفّلني ظلالي
.
فز باسم الله عليك من المبرّة للإساءة
وارقد آمن في عيوني واسهر آمن في خيالي
.
يا صغيّر والذكي مثلي ليا خانه ذكاءه
ماله إلا يعشقك ويصير لعيونك شمالي
.
قم فديتك وانت حر من الف باءه لين ياءه
ما عطاك الا الله اسرف واستبيح ولا تبالي
.
سو ما يرضي غرورك وإدّ ما تهوى أداءه
الحشا لك بيت حاتم وانت غالي عند غالي
.
قم تمخطر في الحشا وانسى الكتابة والقراءة
وحل واجب شاعرٍ ما حلته سود الليالي
.
وعلّمه وشلون تتعدي على خط استواءه
وعلّمه وشلون كيف وهل يضيعون الرجالي
.
وكيف يجني خلف سور الجامعة ذنب الكفاءة
ساعةٍ نادى ابليس وقال له : مالك ومالي
.
وأنا يشفع لك صغر سنك ونظرات البراءة
بري حالي كل مالديت يمي بري حالي




::::::::::::::::::::::::::::::::

آهــــات
01-16-2009, 01:45 PM
عبـــــدالرحمــن بن مســـــــاعـد





احترامي للحرامي


احترامي للحرامي ..

صاحب المجد العصامي ..

صبر مع حنكة وحيطة .. وابتدا بسرقة بسيطة

وبعدها سرقة بسيطة .. وبعدها تعدّى محيطه

وصار في الصف الأمامي

احترامي .. للحرامي

صاحب المجد العصامي

صاحب النفس العفيفة .. صاحب اليد النظيفة

جاب هالثروة المخيفة .. من معاشة في الوظيفة

وصار في الصف الأمامي

احترامي .. للحرامي

صاحب المجد العصامي

يولي تطبيق النظام .. أولوية واهتمام

ما يقرب للحرام .. إلا في جنح الظلام

صار في الصف الأمامي

احترامي .. للحرامي

صاحب المجد العصامي

يسرق بهمة دؤوبة .. يكدح ويملي جيوبة

يعرق ويرجى المثوبة .. مايخاف من العقوبة

صار في الصف الأمامي

احترامي .. للحرامي

صاحب المجد العصامي

صار يحكي في الفضا .. عن نزاهة ما مضى

وكيف آمن بالقضا .. وغير حقة ما ارتضى

صار في الصف الأمامي

احترامي .. للحرامي

احترامي للنكوص .. عن قوانين ونصوص

احترامي للفساد .. وأكل اموال العباد

والجشع والازدياد .. والتحول في البلاد

من عمومي للخصوص ..

احترامي ..

للصوص !!


........................................ .......... ...........



رحل



رحل أشتاق لجراحه

رحل

أشتاق لجراحي... رحل

يحق له طيبتي ماتحتمل

قليله في وقت الهموم

ماكنت اعتب او الوم

يحق له مايحتمل .. هذا الملل

اسدلت أيام لعناده

حبيته في قربه .. وبعاده

متعبه هذي السعاده

رحل أشتاق لجراحه

رحل


........................................ .......... .............



تعاريف


الشوارع
مستقبل الماضي المضارع

الكراسي
مصدر افراح ومآسي
لا هي تبارك لجالسها الجديد
ولا هي لأهل تاركها تواسي.

الكراسي عامدة
تهزأ بنا وهي جامدة
الصرير اللي من قوائمها
يقول: ما في احد منكم أساسي

المواطن
شخص تخفاه البواطن
شخص ما هو لمصلحة مستقبله فاطن
المواطن في جميع الأزمنة و الأماكن
دومه ماكل و شارب وساكن
ما يبي غير الذي يقدر يفكر له
يبين له
يقرر له وش الفاتح من الألوان و وش الداكن
المواطن كفء عاقل محترم لكنه شخص جاهل بالبواطن.

الذكاء
انك تلاقي مكانك بين اكوام الغباء.

الجود
العطا بحدود
او بمعنى آخر انك تعطي اكثر من الموجود.

الحياة
الممر الكهل بين الولادة والممات
او بمعنى آخر نقول المسافة بين جبهة متجه صوب السجود وبين سجادة صلاة .

السياسة
السياسة فن والدنيا ومسارح
ولأجل تحقيق المصالح
تقدر انك تكرهه في داخلك
وتلعن الطيب في ساسه ..
لكن ان شفته عليك تقوم له وتحضنه وتبوس راسه.

الاقتصاد
ناس تزرع من فجر ربي لين الشمس تغرب
وناس تصحا في العشا تتولى تقسيم الحصاد .

السجون
هي مكان العزل من يخرج على القانون
وإن غدا القانون جائر تصبح القضبان دنيا وتعزل الخارج عن المسجون.

النفاق
رغم اختلافك تبقى آرائك وآراء الذي تخشاه دايم في (اتفاق)
أو نقول هو انتماءك كل فترة لانتماء
أو نقول هو ارتماء
أو بمعنى آخر هرولة صوب اليهود، وبكا على أطفال العراق .

السراب
وهم .. ما هو ماء لكن يعطي للضامي أمل واحساس مفعم بالأمل
والسراب ينادي يا ضامي تعال ما تبقى الا خطوتين وتنعم برشف الشراب
أو بمعنى آخر نقول
السراب
الوعود اللي قطعها المرشِّح للمرشَّح في انتخاب.

الطواغيت
ناس تتعلق صورها فكل قرنة وفكل بيت
ناس تلقى في دولها العيون ما هي عيون والعقل مثل الجنون
وأصغر الذنب أكبره
والحديث ذو سجون والعفو عند (المقبرة)

البخل
تقتير مع وفرة دخل
أو بمعنى آخر ووصف وجيز
عكسه المطلق فعل سلطان بن عبد العزيز

الحداثة
الرضوض الناتجة عن ارتطام الشهب باسراب البعوض
ما هي طلاسم او غموض
او بمعنى آخر نقول الحداثة : واحد زائد واحد يساوي ثلاثة

العبث
تمنع دخول كتاب أو تخفي حدث أو اعتقادك أن لك تأثير
وإن هالعالم برأيك أكترث
أو بمعنى آخر نقول العبث حاكم يرسل كل صبح لمعركة
وفي المسا من زود تقديره لهم يحرص على رجوع الجثث


الصفر
الصفر كشف جليل من اكتشافات العرب
يظل برهان ودليل على الشروق اللي غرب
نقدر نقول إن الصفر انجاز تعدى وقته
في وقت غابر أوجدوه ومن يومها وهم تحته

الفقر
الفقر هو غنى فاحش هناك ومستقر
الفقر مطلب ضروري لأجل تتسوق شعارات القناعة
والصبر لأجل يطلب صاحبه انصاف ما بعد القبر


=.=.=.=.=.=.=.=.=.=.=.=.=.=.=
الاقتصاد

ناس تزرع من فجر ربي
إلين الشمس تغرب
وناس تصحى في العشا
تتولى تقسيم الحصاد

بغداد
حضارة شاهقة
وأمجاد
أقدار صلفة
وشعب يفاخر بنزفه
وتحتاج الحكاية لص
يصير الأقوى بالصدفة
ويكون القاضي والجلاد
وبحسن إعداد
وقدرة فائقة
في البطش والتنظيم
وبداعي خوفه
الأطماع والتقسيم
والأنواء
يقسّم شعبه لأجزاء
جزء يعيش في المنفى
وجزء في عيشته منفى
ومواطنين
معززين مكرمين
مقرنين
في الأصفاد

بغداد
خبر لو أنها أنداد
مدينة .. بائها بوابة التاريخ
ودالها دنيا من الأمجاد
سنين صلفة
وشعب يفاخر بنزفه
وتحتاج الحكاية لص
يصير الأقوى بالصدفة
ويوطد حكمة الأوغاد

السجون
هي مكان
لعزل من يخرج على القانون
وان غدا القانون جائر
تصبح القضبان دنيا
تعزل الخارج عن المسجون

النفاق
رغم اختلافك
تبقى آرائك وآراء الذي تخشاه
دايم في اتفاق
أو نقول : هو انتمائك
كل فتره لانتماء
أو نقول : هو ارتماء
أو بمعنى آخر نقول : النفاق
هروله صوب اليهود
وبكى على أطفال العراق

السراب
وهم ما هو ماء
لكن يعطي للظامي أمل
وإحساس مفعم بالرجاء
والسراب ينادي : يا ظامي تعال
ما بقى الا خطوتين
وتنعم برشف الشراب
أو بمعنى آخر
نقول : السراب
الوعود اللي قطعها
المرشح للمرشح في انتخاب

الجزيرة
الجزيرة من قديم الوقت تُعرف :
بالمكان اللي يحيطه ماء من كل الجهات
وفي جديد الوقت دولة
ما عجبها وضعها وسط الخريطة
قالت اتعدى حدودي ..
و اثبت لغيري وجودي .. في الحياة ..
و هكذا نقدر نقول ان الجزيرة :
دولة مغمورة صغيرة ..
كبرت وصارت قنااة

التطبيع
التطبيع .. ربط المصالح للجميع ..
يبغى عدوك يشتري ..
ليه ماتبيع ؟!
ليه مايكون الراعي هو ؟!
ليه ماتصير انت القطيع !
وش يمنع ان الذئب يصبح
حارس الحمل الوديع ؟!

الإرهاب
تدبير إجرامي ..
قتل مدنيين ..
ترويع أبريا ..
تطبيق شرع الغاب
هدم البيوت العامرة ..
سفك الدماء الطاهرة ..
قتل الكهل والشاب
وان قلنا اسرائيل تفعل كذا دوما ً !!
تقول أمريكا :
مايعتبر إرهاب !
كي يعتبر إرهاب .. في شرط إلزامي ..
يكون إسلامي .. ومدعوم من أعراب

مؤسسة خيرية
مشروع يعُنى .. بتخفيف الألم
والمرض ..
والكمد ..
يعنى بتعمير المساجد ..
والمساكن ..
والمدارس ..
والمشافي ..
داخل وخارج البلد ..
يُعنى بفك الدين ..
تفريج الكرب ..
رفع المشقة والكبد ..
يُعنى بتقريب المسافة للرغد ..
مؤسسة خيرية ..
فرقها عن غيرها ..
كونها سرية ..
تعطي ولا يعلم أحد
مؤسسة خيرية
عبدالعزيز بن فهد


........................................ .......... ...............



كباريه


فرقة موسيقية
كمنجة بثلاث أوتار .. قيتار .. ثلاث طبّالين
اورق .. ناي .. شاي
فُرقة موسيقية
يجون .. كل ليلة يجون .. ومع أول الصبح يسرون
لجل ثاني ليلة يجون
هم يعزفون .. وما يعزفون في مكان تسمع فيه الناي قانون
ازعاج .. صجة .. دجة
ايقاع خليجي غالبا ً مقلوب
ايقاع خليجي دائما ً مطلوب
شباب .. بنات ترقص .. والعطر في اول الرقصة حلو ..
وفي آخر الرقصة هبوب
غناء وطرب .. عرض وطلب
واحد يغني .. بدلته تلمع .. يُفترض فنان
ياليلة دانة لدان
قرقعت كيسان .. دخان .. ما اسعد الشيطان
ضوء خافت .. كل شي حلو والضوء خافت
كل شي كذب والضوء خافت

وفي اطرف الصالة .. هناك اثنين .. واحد يقول :
- " شفت هاذيك الطويلة اللي ترقص " ؟
الثاني - " وين؟ "
- " هاذيك اللي مع حسين "
" واعدتها البارحة وجتني .. مالومها حبتني ..اعطيتها ألفين "
" مسكينة هي ..
ماودها تجلس في ملهى ..
بس انها تساعد اهلها "
الثاني قال : " كل البنات اللي هنا تساعد اهلها "

غسان .. غسان .. مدير هالصالة
ركض غسان .. وصل فلان .. وصل المهاب .. معاه عشر اشخاص
ركض غسان " اهلين وسهلين ..شو هالحلو..يخزي العين "
الفرقة تنهي الأغنية .. وتعزف بسرعة ..
" حمد لله ع السلامة .. ياجاي من السفر "
أحلى طاولة للمهاب .. طاولة على البست
لفلان اللي من اسبوع كان لابس البشت ..
اليوم على البست

غسان قلقان .. مضت ساعة .. وما نقّط أحد
نادى " ياجارسون " وحط يده في جيب البنطلون ..
" خذ هالألفين ..على المغني ارميها .. وشاور على فلان "
ادريس قام " فلان ينقّط وانا لا.. ياللإهانة .. والله لنقّط "
- " يادريس لا .. هذي فلوس التذكرة .. وشلون نرجع .. السفر بكرة "
ادريس قال " بكره اروح لفلان احلف له
( انسرقت فلوسي .. الاوتيل غالي .. وانا معي عيالي )
وارجع انقّط "

جارسون هناك يحكي مع زميله
غسان قال " الفواتير ماتنزل الا آخر السهرة "
الحق معه .. بهذا الوقت .. مافيه احد يقرا
جوزيف وين .. اليوم فل .. ودوه للشرطة .. غسان شافه يسرق من النقطة
والكل عارف .. الثلث للفرقة .. والثلث للنمرة .. والثلث للصالة
وكله لغسان

طلعت الشمس .. الساعة ثمان
الكل سكران .. الكل تعبان
ماعدا غسان " قفل الصالة ..الوعد بكرة "


........................................ .......... ..............



قالت احبك


قالت احبك
واحضنتي ثم ٍ قالت من انت ؟؟
وضحكت .. ثم ٍ بكت
ثم ٍ حكت .. ثم ٍ سكتت
ثم ٍ قالت لي من انت !!

اللي جرى .. ماهو غريب
الزمن فعله .. عجيب
نسّاها اسمي ..
نسّاها حبي ..
نسّاها دمعي ..
في يوم انا ..
في احضانها طفل وحبيب !!

ياهي جرحتني .. يوم نكرتني
حاولت اداري عبرتي .. بس ماقويت
خانتي دموعي .. وبكيت
وبعدت عنها واتبعتني وامسكت يدي
واحضنتي ومسحت دمعتي من فوق خدي
رجعت البسمه لشفاي
نسيت انا همّي وشقاي
صرخت للدرب الطويل
لا مانستني .. مستحيل
الزمن او اي شي ..
يقدر يقسيها علي
يقدر ينسيها هواي
وفجاءه سكتت
ثم ٍ ضحكت
ثم ٍ قالت لي من انت ؟


........................................ .......... .............



قالوا ترى


قالوا ترى مالك امل في قربها لو يوم
ابعد وجنب دربها ..هذا هو المقسوم
قلت اتركوني واسكتوا..خلو العتب واللوم
قدني غرقت في بحرها..ولاعاد يفيد العوم

قالوا ترى في حبها ويل ..واسى..واهموم
قلت ان قتلني حبها ..حسبي تقول مرحوم

قالوا انسى ذكرها..منتب بها ملزوم
قلت ابشروا ياعذلين..بنسى لذيذ النوم

قالوا بتلقى غيرها..واترك هواها اليوم
قلت العفو ياحاسدين ..ما ابدل القمر بنجوم

قالوا لغيرك حبها..قلت الجواب مفهوم
دام انها متهنيه..وشلون اصير محروم

بقضي الليالي انتظر..صابر على المقسوم
متعلق بطرف الأمل .. يمكن يجيني نوم

قالوا ترى مالك امل ..في حبها لو يوم
ابعد وجنب دربها..وهذا هو المقسوم


........................................ .......... ...............



الشهر


ياللي تحبيني شهر ..
ثم ٍ تجافيني شهر
ثم ٍ تحنيلي شهر .. وتفكري كيف الرجوع كذا شهر
وترجعيلي في شهر ..
ماقد خطر في خاطرك .. ان السنة اثنعشر شهر ؟!
وقتي معك نصفه هموم
ونصفه الباقي اسى .. ولو طبعك القاسي نسى
وبالصدفة جاء مرة صباح .. وكلمة منك فرحتني
لابد ما همس الجراح .. تسمعيني في المسا
ولو تعتب جروحي عليك .. وتشتكي منك إليك
بترجعي تحبي شهر .. ثم ٍ تجافيني شهر
ثم ٍ تحنيلي شهر .. وتفكري كيف الرجوع كذا شهر
وترجعيلي في شهر ..
ولا يجي في خاطرك ان السنة اثنعشر شهر

اعذريني لو اقول .. حبك نسى معنى الفرح
اعذريني لو اقول .. وشلون يذكرنا الفرح ؟!
مادام اذا كنتي قريبه .. كل تفكيري يكون ..
بُعدك متى ؟! .. وإلى بعتي ابلا سبب
الاكيد بترجعي .. بس الأكيد هذا متى ؟!
ولو تعب مني الصبر .. وملّ من صبري العذول
وقلت ياناس اسألوها .. الحب هو كله هجر ؟!
ردك يجيني في شهر ..
قالوا تقول :
" ماينتظر .. بس يشتكي !
يصبر عليّ .. ترى السنة اثنعشر شهر " ؟!


........................................ .......... ...................



شبيه الريح


شبية الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبية الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي

شبية الريح
أنا مقدر أكدر صفوك العاصف
شبية الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبية الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبية الريح وش باقي ؟!

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبية الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبية الريح
أنا ودي أكدر صفوك العاصف
شبية الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبية الريح
كيف أسألك : وش باقي ؟
وأنا الباقي من إحساسي
ذرته الريح


........................................ .......... ..............



سبعة ارقام وجفا
بيني وبينك سبعة ارقام وجفا
عندي بقايا جرح وعندك بقايا وفا
لاجزا الله هالدنيا خير
في كل لحظة طبع غير
ياللي جفاك طوّل
ترى المغيب اقبل
وما عاد به شي ٍ نخافه
لامن غدت كل المسافه بيني وبينك سبعة ارقام
سبعة ارقام وجفا

بيني وبينك كان شي ٍ يسمى حب
كنا بنقطع به درب ٍ طويل ٍ صعب
فيها الحسد والخوف
فيها العذول اللي يستمع بالشوووف
فيها الرجوع اصعب من النسيان
فيها الصديق اقسى من الانسان لامن جرح انسان
ياللي احبك غصب
الدرب ماله درب
وكل شي صرنا نخافه
دام انها كل المسافه .. بيني وبينك
سبعة ارقام وجفا

ياللي ضيعتي الوفا
اليوم ضيعني الوفا !
اقبلي مني الجفا .. واقبلي عمري اللي ضاع
وارضي لي ب الهم رفيق
ولا لمحتي مركبي في بحر حبك غريق ..
ابعدي .. لاتضعفي .. لا تمدي لي الشراع
ياللي قتلتي كل شي
ما ابغى منك الا شي
حققي لي اللي ابي واقبلي مني الوداع
ولاذكرتي ما مضى ... اكتبي سر الضيااع
سبعة ارقام .... و دفا ,,,



........................................ .......... .................




تعالي

تعالي مابقى حولي .. سوى ظلي وبُعدك
بَعدك ألهب أيامي أنا قيض الملل
في بُعدك ضاع من ليلي الدفى والأمل
غدت متشابها الأيام .. تلاشى النوم والأحلام
أنا لحالي .. تعالي

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبُعدك

ماغدى للشمس معنى .. من تركتي ..
سوى القيض
وماغدى لليل معنى .. من هجرتي ..
الا الكدر والغيض
وماغدى للأجوبة في خاطري .. الا سؤال !
ليه .. ليه ؟!

يالأمان اللي أبيه ..
في غيبتك .. مابه ربيع و ورد
يالأمان اللي أبيه ..
في غيبتك مافي العمر الا الشتا والبرد

من رحلتي .. مابقى في مسمعي الا بُكى الريح
ومابقابي من البُكى .. سوى قلب ٍ جريح
ومابقى حولي أحد يسمع سؤالي ..
من فيني يبالي ؟؟؟
من غيرك في بالي ؟؟

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبعدك

تعالي ... تعالي
ضاعت الأحلام ..
وماظني بلاقيها لحالي ..
تعالي .. نبعد الألام من حولك .. وحولي
تعالي ..

لجل حربي مع الغربة .. مع الوحدة ..
أبيلي سلاح حبك ..
لجل حربي مع اللي جاي
بلاقي قوتي في ضعفك
لجل حربي مع نفسي ..
أبيلي سلاح منك
أبيك انتي .. تعالي
أبيك انتي .. تعالي

باكر أجمل .. من خيالك
أو خيالي

تعالي .. وان لقيت أصحاب ..
مايسكت أنيين الباب ..
الا لو لقى حولي دفى حبي وحبك
تعالي


........................................ .......... ...................



تدرين وادري
تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق

ياوردة في كل الفصول
يافرح عيّى لايطول
قولي واقول
ان كان عندك لي حلول
يافرحة القلب الحزين
الوقت يمر ..
ومالك عذر
كانك تبين ننسى العمر ..
ننسى السنين
وانذوب في حب وحنين
تدرين وش سر الحكاية
الوقت يمر .. ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروح ٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق


........................................ .......... ...............



الصبر
الصبر ... مالي انا الا الصبر
الغدر .. وشلون جاء منها الغدر
ياقلب ابي منك العذر
انا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ماهقيت ان الوفا في قلبها ماله قدر
واني انا محتاج مني الصبر
ياقلب ابي منك العذر .. وان مارضيت مالي جدى كود الصبر
ياجرحي في كل الدهر فارقت انا الدنيا
يا طعنةٍ وسط الظهر .. لابد انا انساك
بنسى انا كل اللي راح .. بنسى الفرح لجل الجراح
بنسى قصيدي والشعر .. بنسى سنيني والعمر
مع الهجر يمكن في يوم اسلى
وان ماسليت او ما نسيت
منك العذر .. مالي جدوى كود الصبر
ياللي خذلتي مدمعي .. ان كان ودك ترجعي
عندي طلب .. لاترجعي
ياللي خذلتي مدمعي .. ان كان ودك ترجعي
شرطي صعب ! ..
لو تجمعي آهات قلبي اللي انجرح
وتنسي السعادة والفرح
وتتعذبي
وبعد العذاب تتعذري


........................................ .......... ...............



استاهلك
ابسألك .. هو أنا استاهلك ؟!
استاهل الدمع اللي جرّح وجنتك ؟
استاهل اني اعشقك ؟
ابسألك عن حالنا .. انتي وانا
ياللي احس .. انك انا
حالنا ما هو غريب
انّا نكون متأكدين ان الفراق ما هو بعيد
بالرغم من جرح السنين
عشقنا دايم يزين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر ..
وان النهار اللي في خدودك يخلي النسمة عطر ..
وان العذاب اللي في عيونك يعلّم الناس الشعر ..
ولو قلتلك اني احبك اكثر من هموم البشر
وكثر الجفا وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
استاهلك .. حبيبتي ؟!
وباجاوبك .. للأسف ما به احد يستاهلك


........................................ .......... ...................



تعبت أنزف جراحي


تعبت أنزف جراحي حبر و أدور للألم أسباب

لجل أكتب شعر يحكي بعض أصغر معاناتي

قفلت من الأسى بابي وسجنت الكون خلف الباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد كذاب

و أحد ما طال تجريحي و أحد عايش لزلاتي

أنا شاعر رغم أنف الحسد والحقد و الأحباب

وانا ياحاسدي المسكين بعيد العيب عن ذاتي


أنا ما زادني شعري ولا زادتني الألقاب

تجي دنياي أو تدبر عزيز ف كل حالاتي

أنا فرحي لمِن حولي وأيامي فدى الأصحاب

قصيدي بلسم المجروح ونبض الناس أبياتي

كسرني قلبي المكسور نادت دمعي الأهداب

تعبت أركض ولا أوصل ولاتوصلني غاياتي

أبي ذل ٍ يغطي الأرض لك يا رب يا وهّاب

وابي أحيا جبيني فوق ما تملكني رغباتي

من الدنيا أنا مابي سوى عفو العلي التواب

ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"

متى كانت سنيني عمر انا عمري في ركعاتي


........................................ .......... .............



انا ماشي


الا يا قلب نبضي ..
يا سما دمي ووجداني
فمان اللي عطاكي كل طهر الأرض ..
أنا ماشي ..
هذا كان اخر مانطق قلبي ..
وأول نبض في لساني
وتلاشى النطق ..
وعصر حزن الوداع اللي حضر قلبك دموع ..
بكت ادفى دموع الخلق ..
وسرى في داخلي برد الخشوع
وغير العطر ودموعك وجرحي من وداعك ..
مابقالي ..
استعفر اللي صورك مما طرالي
طرالي يادفى عمري..
وياترحالي وحلي
ارشف دمعك الطاهر .. واغسلبه واصلي
واحمد ربي اللي بك حباني
الا يا ام اجمل من سكن قلبي
ويا داري وعنواني
فمان اللي عطاكي كل طهر الأرض ..
أنا ماشي ..


........................................ .......... ................



فقير


فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبر ٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىَ ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي وحيد
ان الله غفّار ورحيم
ابسألك ياصاحبي عني أنا في وقتها
ماني فقير


........................................ .......... ...................



سيد جروحي


سيد جروحي شمس عمري وظلي = البعد طوّل والخطأ منك واضح
اذا غرورك يمنعك تعتذر لي= تعال جنبي وابتسم لي واسامح
تدري احبك لكن الموت ذلي= ادوس انا قلبي لو الشوق جامح
الله عطاك الحظ واصبحت خلي= والله عطانياك طاغى ملامح
سألتني يا ياسميني وفُلي = ياكيف يشفى الورد .. والشوك جارح
مثل العيون اللي لها كل كلي = زايد حلاها لكن الدمع مالح
وش تنتظر يكفي دلال وتغلى = الوقت ماهو للوصل دوم سانح
مادمت ترحالك ومادمت حلي = ان صرت انا خسران ماصرت رابح
لا تعطي الفرصة لعذالنا اللي = لكل ماهو يهدم الحب طامح
مالك صبر عني ومالي تسلي= والوقت خيل صوب الآجال رامح
سيد جروحي شمس عمري وظلي = الحب بعد وقرب .. مخطي وصافح
اذا غرورك يمنعك تعتذرلي = لا تعتذرلي قول اسمي واسامح


........................................ .......... ................



قد الحروف


قد الحروف اللي في اسامي العاشقين بحبك
قد الثواني والدقايق والسنين بحبك
قد الهموم اللي في قلوب البشر
قد العيون اللي كحلها السهر
قد ما قلبي اشتكى من نار حبك
قد ما ليلي حكى عن طول بعدك

قد الحروف اللي في اسامي العاشقين
قد الدموع اللي في عيون المجروحين
قد الحروف اللي في اسامي العاشقين
قد الدموع اللي في عيون المجروحين
أنا بحبك

ليه القمر
غالي عليه يمكن علشان في نورو وبعدو في حاجه منك
ليه الشتا
في قلبي حزين يمكن علشان برضو في قساوتو فيه حاجه منك

ليه السحاب
بعشق بياضو يمكن علشان زي قلبي في قربي منك
ليه المطر
يصعب عليه يمكن علشان زي دمعي في بعدي عنك

ليه لما تبعد عن عنيه بخاف عليه وبخاف عليك
وبرضو منك

ليه لما أشوف في السما نجوم كثير منها بغير
ليه لما أشوف في السما نجوم كثير منها بغير
ليه لما أشوف في السما نجوم كثير منها بغير
يمكن علشان قد السما وقد النجوم بحبك

آآآآآآآآه بحبك

قلبي وعنيه يجرى ايه لو دمعة نزلة من عنيه يوم عليه
يجرى ايه لو طمنك خوفي عليك وكنت ياما قاسي عليه

يجرى ايه لو ليله جربت السهاد
يجرى ايه لو عذبك طول البعاد

يجرى ايه لو يوم هجرتك
وجيت تاني يوم وقلت لي اني وحشتك

يجرى ايه لو عاتبتك وعاتبتني
وسامحتني وسامحت نفسك

آآآآآآآآه يجرى ايه............

لو قلت لي قد الحروف اللي في اسامي العاشقين بحبك
بحبك
بحبك


........................................ .......... ..............



انا اخطيت ماانكر


أنا مدري وش أحساسك
ومدري وش تظن
انا الصادق في عينك كنت
صرت الكاذب الخوان
انا اخطيت ما انكر ولافي عذر يكفيني
سوء اني احبك حيل واني دايماً انسان
انا ادري بمدى جرحك
وادري الحظ جافيني
يطول الوقت ما أخطي
واذا اخطيت كل شي بان
انا شفت الزهر مايل وظنيته يناديني
قطفته يوم ضميته لقيته للأسف ذبلان
عرفت انك زهر عمري عرفت انك بساتيني
وغيرك قيظ مايروى سراب يشقي العطشان
انا لو ماحصل ماكان وشو الى يدريني
بأنك ماسواك أنت سكنت القلب والوجدان
انا اسف على اعذاري عجزت القي عذر فيني
يليق بغلطتي في حقك ويرجع كل شي كان
احبك كثر أخطائي
وادري انك تحبني
وادري لو تفارقنا فلانقدر على النسيان
اذا تقوي على فراقي وبعدي عنك خليني
انا مليت من دور الكراره ولعبت الغفران
قليل العمر يالي انت دموعك ماتساويني
حرام انه يضيع فراق هي من قلها الإحزان


........................................ .......... ................



(( عيونك اخر اَمالي ))


عيونك آخر آمالي وليلي أطول من اليم

كيف ألقى كلام عذب يوصف دافي إحساسي

عشقتك قبل ما أشوفك وشفتك صرت كلي حلم

أبي رمشك يغطيني وأبيك أقرب من أنفاسي

يهمك تعرفي إنك قتلتي في سنيني الهم

قتلني ضحكك .. وجدك .. قتلني لينك القاسي

رميت أقداري في دربك وصرتي في عروقي الدم

أحبك كثر ماسالت دموع وما نسى ناسي

يجول الحزن في ضلوعي بردت وذاب فيني العظم

ويا كثر الحطب حولي وعندك أنكسر فاسي

سألتك بالذي زانك تحبي فيني حتى الظلم

تحبي عيوبي وغدري تحبي المر في كاسي

أنا من كثر ما أحبك أبيك كثر رمل اليم

وأبيك فوق الناس وأبي ماينحني راسي


........................................ .......... ..................



اسئل الأعمى


--------------------------------------------------------------------------------

اسئل الاعمي .. ان كان في نومه يشوف

ليه يصحى

واسئل الى مادرت عنه الهموم

الى درا ان العمر محدود

وان الفرح مهما اختفي.. موجود

اسئله ليه ينوم؟

وان جاوبوك اسئلني ليه حنا افترقنا

ياصاحبي مابه سبب لفراقنا

غير اننا جينا بزمن ماهو زمنا

ياصاحبي مابه سبب لفراقنا

غير اننا في حبنا عشنا الصدق

وفي وقتنا وشهو الصدق

في وقتنا لجل القاء تكذب

ولجل تاصل ماتبي تكذب

ياصاحبي خذها من جرحي نصيحه

كانك تبي تاصل ؟ اكذب .. اكذب .. اكذب

الصدق في وقتنا اصبح فضيحه

في وقتنا دايم تهيم في شي ماتعرف مداه

دايم تهيم فلي بعد عن سكتك

والي زهد في محبتك

والي فيدك ومتحمل جروحك معك

مايهمك تنساه

ولو تقتله مايالمك وبقدامك تاطاء على دماه

ياصاحبي وقتنا في اوله ضيعنا اولا القبلتين

وفي آخره الله اعلم وش بيبقي

في وقتنا صار الغدر شيٍ عظيم

والوفاء ماظنتي ان كان بتدور بتلقى

ياطاحبي في وقتنا اطول مسافه ممكنه

تمشيها بين النقطتين

الخط المستقيم

ياصاحبي في وقتنا وقت الالم

من يسمعك مهما حكيت

من ينصفك مهما شكيت

منهو الى مايضحك اذا ذلتك دنياك وبكيت

ياصاحبي في وقتنا

ماللمشاعر ناس

ياصاحبي في وقتنا لبعض القلوب احساس

ياصاحبي في وقتنا وقت الكلام

وقل الفعل لامات احد وانتقل لعلا رفيق

من طيبنا نحزن عليه

نصلي عليه

ناصل معه للمقبره

وفي المقبره غير الدعاء وقولت الله يرحمه

مابه كلام وندفنه .. ولادفناه نبكي

بدون دموع او بدموع

المهم بعد مانبكي نتركه ونروح

وتلقانا نقول مسكين يافلان مسكين

من دنيتك وش الى خذيت؟

وبعد باب المقبره بشبرين

واقل من الدقيقه لامن دخل فينا الزحام

من طيبنا نضحك ونسمع اغنيه

لجل نتسلي في الطريق بين المقبره والبيت

ياربي سبحانك يالي تجير من العذاب

قلوبنا وش صابها ؟

في وقت غدا بين الحياه والموت

وبين البكاء والضحك

شبرين ودقيقه وباب

ويدننا الى قد حثت في وجه ميتنا التراب

هي نفسها الى بعد شبرين واقل من الدقيقه

اختارت شريط وحطته لجل تقتل طول المسافه

بين المقبره والبيت

ياصاحبي في وقتنا احسن كثير

من بعضنا

في المقبره على الاقل ميت وندري

المشكله متنا ولالحين ماندري

ياصاحبي في وقتنا ضاع احترام الموت

في وقتنا حكينا ما اكثره

وللأسف كل الحكي من غير صوت

وان كان به فم صدق

وسمحو يحكي بصوت مانسمعه

ياصاحبي قدامنا كان اختيارين

يانجاري وقتنا ونكذب ونخدع نفسنا

يانفترق لان الفراق في وقتنا

هو الصدق

افترقنا

ياصاحبي كانك تشك في اسباب الفراق

دور لك اعمي واذا صحى اسئله

ان كان في نومه يشوف ليه صحي

وليه افترقنا؟؟؟؟؟


........................................ .......... ................



النظرة الخجولة
ما سألتوا صاحب النظرة الخجولة

..... .. كيف يسهرني وله وجهٍ صبوح

.. كيف يظلمني وله طهر الطفولة

............ كيف يفتنّي وهو دايم يروح

.. وكيف أنا ألقى ربيعه في فصوله

.......... دام كذبه صادق وصدقه مزوح


.. له صفاتٍ تورد العاشق ذهوله

............ مستكين صامت وكلّه جموح

.. أصعب الأشياء و أكثرها سهوله

........ أغمض الأشياء و أكثرها وضوح

.. سهل تغرم به وصعب إنك تنوله

........ غامضٍ طبعه وواضح في الجروح


.. أسعد بشوفه ولكن ما أطوله

......... كنّي الوادي وهو أعلى السفوح

.. يبتسم لا منهم عنّي حكوا له

........ ولا حكوا لي عنه أعماقي تنوح

.. لي بقلبه شيٍ لكن ما يقوله

........... وله بقلبي كلّ و لكنّي أبوح

.. كنّه الغيمه و انا أرجي هطوله

.......... ما نزل غيثه ولا برقه يلوح

.. ما عرفتوا ليش تسهرني فعوله

....... .. وليه يسكنّي وهو دايم يروح

.. هو يبيني بسّ أطباعه خجوله



,,,,,,,,,,,, ,,,,,,,,,,,, ,,,,,,,,,,,,

آهــــات
01-16-2009, 01:48 PM
عبدالعــــــزيز بن سعـــــــــود
الســــــــــامر







رسول الشوق

أسمع رسول أشواق قلبي يناديك
ترقص أماني نشوتي لاجل أشوفك

وأخذ من ظروف الرخاء وقت واعطيك
عسى الاماني يبدل اشكوك خوفك

تغلى يا سيد الغنادير واغليك
واجيب لك عمر الهنا في كفوفك

يجوز لي يا زين منك تغليك
واعرف واقدر يا حبيبي ظروفك

انا على قربك شفوق وبرجيك
رجوى أملها بالوصال امعروفك

يا روح روحي بالغلى كله أعنيك
ياللي تشوق العين حالي وصوفك


........................................ .......... ...............



سود عيون


ألا يا عين ياللي ما تنام الليل سهرانه
تنوح من الفراق اللي معنّيها على الغالي

حبيبٍ كثرت همومي واساهرها على شانه
لك الله غير نور العين ما يطري على بالي

عليه ورود قلبي بالتوجّد هزت اغصانه
يميل الوقت ولا يعتدل بالحب ما مالي

محبٍ سامرت عينه على فرقاهم أحزانه
أهوجس والمهوجس بالهوى ماهوب أبد سالي

خلقها الله كامل زين سود عيون فتانه
إلي من غاب لا تنشد عن أخباري ولا حالي

على مهجة فؤادي كاتبٍ إسمه وعنوانه
على عيني وفوق رموشها طيفه يورّالي

عليه القلب من جور المحبه صك بيبانه
خذا نشوة غرامي والموده بأول وتالي


........................................ .......... .............



جرح الغلا



يا منتهى حبي وياسي ورجواي
قلبي عليك من الغلا شب ناره

حيره وضيقة بال وقبال وقفاي
في ليلٍ أبطا ما تبيّن نهاره

أقول لنجومٍ سرت فيه مسراي
جرح الغلا منهو ضميني بثاره

ثارٍ يحقق لي مرامي بدنياي
مع من كمل زين ومقام ووقاره

ما بيه يجرح قلب من تعّب خطاي
أبي شعورٍ صدق حبي شعاره

مثل الشعور اللي تضمه حناياي
نورٍ يزود إن جاد طيفه وزارة

بين الحنايا ثابتٍ ما خلفه راي
مفتاحه الإحساس والروح داره

صدق الغلا يقصر عنه كل حكّاي
يا زارعه متى بتقطف ثماره


........................................ .......... ................



كل المرام



يوم سلهم وابتسم عطب السهام
شرّعت بالقلب من رمشٍ فتون

كنت أبا سلم وضيعت الكلام
وارتسم طيف المشاعر بالعيون

موقف كن الدقيقه فيه عام
عشت فيه بكون والعالم بكون

قلت من ما شفت سلم يا سلام
يا عسى العذال له ما يفطنون

يا عيونه ما على رمشك ملام
الغلا خلا لك الكايد يهون

فز لك قلبٍ بصدق الحب هام
والحقايق ما تغيرها الظنون

ماني أول من شكا جور الغرام
ومن تفوته رغبته مات مغبون

بس أنا أول من خطب وده وشام
لين صار اللي حسبته ما يكون

يوم جيت وشفت بك كل المرام
قلت ما غيرك على قلبي يمون


........................................ .......... ..............



متولعٍ برضاك


ما غير أدور ما يسرك ويرضيك
متولع ٍ برضاك ورضاك كايد

يا فاتني طالت مسافة تماديك
جورك طغا وأنا بيّ الشوق زايد

سر اهتمامي فيك ماهوب خافيك
عَلمك قلبك قبل تقرا القصايد

قصايدي نبضات قلبٍ يناجيك
متعودٍ من رمش عينك عوايد

عوايدٍ عنها قبل عام ناهيك
أقول صد إلين تطفي الوقايد

لا تجرح رماح الهدب قلب مغليك
ما به مكان ٍ للجروح الجدايد

تعرف غلاك ومقصدك من تعلّيك
تبيني أسلا عن قريبٍ ونايد


........................................ .......... ...............



قصة الحب
--------------------------------------------------------------------------------


قصة حب



يا هاجسي مع طيفها لا تغامر
البعد همه جور والشوق فتاك

ما شفتني مع قصة الحب سامر
في دفتر احلامي على كيفي أقراك

يا بهجة ايامي على عمري آمر
عسى الاوامر كلها من فداياك

يم الوصل في تالي الوقت ضامر
اسباب والاسباب ما ظن تخفاك

قصر الغلا لك في خفا الروح عامر
حدايقه تزهر بها احلام دنياك

زينك لزين اللي بهالكون قامر
كن القمر في حضرتك من رعاياك

اضف الرموش السود فوق المجامر
والورده اللي حدرهن في طرف فاك

في رمشك الساهي نواهي ووآمر
تغري اللي نور دنياه روياك



,,,,,,,,,,,, ,,,,,,,,,,,, ,,,,,,,,,,,,,

آهــــات
01-16-2009, 01:51 PM
فيصـــــــــــل العــدوانـــــــــــــــــي







عيوني مرايا


يا فؤادي لا تسلهم يا فؤادي
دام دمعك جند واحزانك سرايا


انكسرت وما سلم حتى زنادي
كيف أثور وما بقى فيني بقايا


استمعت الصمت بأنفاسي ينادي
كن صمتي بوح وعيوني مرايا


التمست من الزمن نسيان هادي
ولا وعيت الا وأنا جروحي عرايا


ويا سهادي وين وصلني عنادي
ليه أكابر وانفي الجرح بزوايا


وليه أقول ان ما حصلي شي عادي
والحزن يغتال صدري والحنايا


ما هقيت الوقت يخدعني برشادي
ولا هقيت القمح يتنكر رحايا


ولا هقيت ان هقوتي خانت مرادي
لين يدي خطت بحبرب رثايا


........................................ .......... ............



فضفضه


هذا انا جيتك بسولف يافهد من حر مابي

فضفضه أو بوح ما ادري المهم جيتك وانا

ضايقٍ بالي وصدري ما قوى يحمل صوابي

والأمل ما بان نوره ولا ألمحت عيني سنا

جابني يمك ثقيل الهم يوم انه دوابي

أجهده والموت كنه داخل اعروقي دنا

استفزيت المعاني والقلم وحده درى بي

يوم بيح من خفوقي كل ما جوفي كنا

والمصيبه يافهد ويشلون بشكي لك عذابي

دام صار الهم شايب وصرت بعيونه ظنا

من بعد يوم المفارق طال ليلي والتوى بي

كل حزن الكون فيني وزاد بي كثر العنا

فارقتني من تبيع الناس لجل لحظة لقا بي

والخطا ماهو خطاها وكنت أول من جنا

اعترف اني خطيت بحقها وهذا جوابي

كان ودك بالحقيقه يافهد خذها هنا

صعب تخذل من يحبك وهي أول من هقابي

اني اجمع كل بسمه وآتنصفها المنا

غرني طيشي ومشيته وإلا هو اللي مشى بي

ولا وعيت إلا وانا اهدم صرح من عشقٍ بنا

والله اني ماندمت من الطفوله لين شبابي

لين حبل الوصل شفته بأوسط يديها انثنا

ليتها تغفر خطايا يافهد باللي جرى بي

بعدها ما غط جفني لا ولا قلبي اهتنا

وليتها ترجع وتجمع ما بقى او ما بقى بي

وأحلف بربي ما ازعلها إلى يوم الفنا



........................................ .......... ..............




بدري حبيبي


بدري حبيبي تعال اجلس هنا اقبالي

ودي أملّي عيوني وخاطري بشوفك


أجلس يا دوبك وصار الوقت يهنالي

مدام سمحت لك الأيام وظروفك


ياما وياما سهرت الليل ياالغالي

ارسم خيالك وعانق بالهوى طيوفك


واكتب قصايد نثرها الشوق في بالي

وأفرح إذا ما زهاها حرف بالحروفك


تبغى الصراحه .. احبك يا بعد حالي

وعقلي سلبته وقلبي صار ملهوفك


ما يوم والله أطاوع فيك عذالي

لو هم يقولون جروحي بسبت سيوفك


تبرى جروحي وأحس الكون يصفالي

لا صرت يمي وكيفي لامس أكفوفك


بدري حبيبي تعالي وخلك اقبالي

وبالله كمل علي اليوم معروفك



........................................ .......... ...........



الطلسمة


لا إله الا انت يارحمن ياواحد أحد
واهب ٍ نور الهداية عن دروب ٍ مظلمه

باسط ٍِ سبع ٍ وسبع ٍ فوقها بليا عمد
فارض ٍ خمس ٍ عليها العبد نفسه مسلمه

أشهد أن وحدك إلهي ربنا الفرد الصمد
وأشهد محمد رسولك والكذوب مسيلمه

استجير برحمتك يالله من ضيق اللحد
والتجيبك من عذاب القبر واهل المشأمه

واستعيذك يا إله الكون من حاسد حسد
ومن نفث في عقدته من بعد ذيك الطلسمه

ثم أببديبك إلَهي راجي ٍ منك الرشد
الشعر يغوي وأنا غاويه لاجيت انظمه

دام بي فيض المعاني كثر طفَاح الزبد
الخطا وارد وانا عبدك ولا أقدر اعصمه

اجتهد وادري بأن ما كل من يجهد ورد
للمصاب اللي يبي من بعد شدت محزمه

يعني لو صح المثال ان كل من جد َ وجد
كان ماخسر الفتي وخطته كانت محكمه

وكان ماشفنا من اللي فزعته تسوا بلد
نكس ارقبته والا يادوب يجتٌرإنسمه

وقتنا فيه التضاد اشكال وأكثرهم نكد
الجلم فيه اذكيا .. ولا الذكي فيه جلمه

فوضويه عارمه لاما حصوها في عدد
والحقايق خايبه والزيف يِرتٌف علمه

مثل ما شفنا البخيل اليوم للعليا صعد
بكره انشوف الكريم ان مر ذكره نشتمه

البخل ماهو ببخل المال لا شح المدد
البخل باللي تكاثر ضحكة ٍ من مبسمه

والجبان اسوأ صوره الذل والأسوأ بعد
قذف عرض المحصنه يالله لاتبري دمه

والأدب ماهو رزانه قاف للي به نشد
كم وكم شاعر يخالف مايدونه اقلمه

ما سلمت ولا غيري ولو انه جحد
اغلب الشعار تخطي والخطا فينا سمه

كن عيني عن طريق الحق حاديها الرمد
لو بفكر بالإجابه الإجابه مبهمه

ان تجاهلت الحقايق داخلي شي ٍ وقد
ما قوا صدري يطيقه ونفسي عيت تهضمه

ان مشت رجلي تبعها وان قعدت يمي قعد
مدري هو باقي الضمير الحي وأزريت اكتمه

رحمتك يامن ملكت الكون وإلهمني الرشد
دام يغويني الشعر وأغويه لاجيت انظمه

ودام بي فيض المعاني كثر طفاح الزبد
الخطا وارد وانا عبدك ولا أقدر أعصمه



........................................ .......... ...............




طيف الحبيبة


انا لامن لفى طيف الحبيبه يبتدي همي
واحس اني على كفه وكل الناس في كفه

وحيد ولا لقيت اللي يطالب بالهوى دمي
مغير الطيف ياخذني ويلف ابمامضى لفه

وعرفت ان الهوى نارٍ حرق منها اللهب كمي
وعرفت ان الوله يترك على عقل الفتى خفه

لجا في خاطري كلمه عجز لا يقولها فمي
وعيني فسرت صمتي بعد ماخانت الشفه

كلبتك هاجسي هود وخلك جالسٍ يمي
ابيك اترف لي بيرق من النسيان لي رفه

والا ياطيف وش جابك تقلب بالهوا غمي
تحلى بالخجل وارحل ترا نبع الخجل عفه



........................................ .......... .................




وحدة بوحدة


طالبك تسكت ولاتنشد يابوسفاح
ماودي يزعل كلامي واحد ٍ موالي

مالقلب طيب ولا بالي بعد منساح
والخوف اجمع غثى الاول على التالي

ياما وياما تركز بالضلوع ارماح
لاكن رمح الرفاقه يزيد غربالي

مابين هرج الشماته وضحكة المزاح
شعره بسيطه وانا ماني على فالي

وحده بوحده وتصبح القلوب اصحاح
لو كان طبع ابد ماصار ذا حالي

ولوي من اللي يناطح بصياح صياح
ماكان تعبت ركابي في وقف عالي

الله وكيلك يانايف وش بقى ماطاح
واقرب قريب ٍ غدى في صف عذالي

اذكر خسرت وخسرت ولاجنيت ارباح
الله يعوض جهودي والله الوالي

واسمع عزايا في ذيب ٍ في عواه انباح
بيتٍ واحطه مع تصنيف الامثالي

الحر دايم تغشه ريشة الملواح
لاكن يبقى عزيز ومنزله عالي

خلني بفضفض بشعري كني المرتاح
بكتبه مره بعقل واحيان بهبالي
بعسف امهار القصايد وارتشفها قراح
وياكثر ناس ٍهوت قافي وموالي
بنيت نفسي بنفسي والتحفت وشاح
واخترت انا في رفيع المجد منزالي
والحاسد اللي بغاني مامعاه سلاح
ياكود هرج القفيا وجوفه الخالي

طالبك رح له ورجه لي يابو سفاح
لايحدني واقلب الاول على التالي



........................................ .......... ..................




مسرحية


مسرحيه صارت الدنيا بعيوني
وانتي اجدر من لعب دور البطوله

ياملاك الحب عفوا .. ياجنوني
لو سمحتي بخاطري شيٍ بقوله

بسألك وشلون خابت بك ظنوني
وكيف هانت عشرتي معك بسهوله

وليه كنت توصفي حالك بدوني
مثل وادي ينتظر تجري سيوله

هو غبا مني تسير ني شجوني
او غبا اتبع خفوقي في ميوله

او غبا صديت عن ناس نهوني
ثم ضربت الكون في عرضه و طوله

وانصحوني..وانصحوني ..وانصحوني
لا تجي خطوات رجلينك عجوله

وكنت اكابر و احلف انك ماتخوني
لين جتني طعنتك في صدر يوله

فعلتك تمخا و يبقى يافتوني
شي واحد وان سمحتيلي بقوله

انتي اعلم من اكون ومن تكوني
والجبل ما هزته ريح خجوله



........................................ .......... .................




عدت بكيفي


كلمتك عدت بكيفي لاتحسبنها شطاره !!
والله اني مانويت اجازي السيه.. بسيه

ولانويت اقسا عليك وانت ماعندك جساره
وش لك اتكثر حطبها دام مالك مقدريه؟؟

من عرفت العلم واسمع بالخبل هرجه دماره
وانت خليت المقوله ثابته ميه في اب ميه

ليتك اللي ماتكلم واحتفظ بقصى قراره
ولافتشت علومك اللي عرضتك المهمهيه

ايه شبت نارها والنار مبداها شراره
وانت مثل اللي تهبد جوفها والنار حيه

عندنا للخبل منها ميسم(ن) ينطق حراره
نلحق بعلباه كيه ولاصرخ زدنا.. بكيه

ان صحا نفرح ابشوفه .. وان غدا..ماهي خساره
ماهو بغلا طروش جدي وروحة(ن) من غير جيه

بس انا عندي نصيحه خذها من باب (الاعاره)
لا تعزوا دام مالك لاشداد .. ولامطيه

جيت يمي بالقشر وابلاك ربي بالقشاره
والا انا مرضى الاهانه لاعليك ولاعليه

حاشم(ن) نفسي وحشم اللي حشمني في وقاره
واحد(ن) لاجاك فازع ياسعد منهو خويه

واحد(ن) حافظ مقامه ولا إلتفت في بنت جاره
وان نصيته بالحذيه قال تبشر بالعطيه

ذاك لو تعطي يمينه مادرت عنها يساره
اجودي(ن) مايجالس كود ناس(ن) اجوديه

كل رجل وله ميول .. وكل نجم(ن) له مداره
وكل سيف(ن) له جفيره من عصور الجاهليه

والرجال اشكال وادري عرفهم مثل التجاره
بعضهم يغنيك عرفه .. وبعضهم لارحم حيه

والزمن نفس الزمان ولاتغير في مساره
الاوادم هي تغير طبعها صبح .. وعشيه.!!

بس انا باخر كلامي بختم اب هاذي العباره
(الاصابع في يدينا لاحشى ماهي سويه



........................................ .......... ................




المزاج


المزاج اليوم عالي وفللي
رايقٍ بالي وجوي معتلي

بس كذا لزوم الانبساط
انت يآ (( عايد )) بصوتلك (( علي ))


لا تجادلني ولا تزيد الملام
أحمد الله مادعيتك (( فرغلي ))


يا ولد هالدعوه خربانه معي
يعني لا تنقد ولا تشره علي


ودي أضرب كل شي بعرضٍ بطول
وأترك المنكوس وهوبالت هلي

ثم بوجهها على الشعر الفصيح
بشتويه أحيآن وأحيآنأ قلي

أقترب ببدا وثم خلك معي
من بعد هالشطر دقق مدخلي

لي فتاةٌ عذبتني بالهوى
لم تُزيِنُها الأَسَاورُ والحُلي

بل هي من زينت تبر الجبال
صاغها من هو بعرشٍ مُعتلي

قد رأيتُ منهآ السبع العِجاب
إن مشت مآلت غصون السنبلي

طرفها يخطر إليك بالهلاك
إن تداعت بالحرير القاتلي

(( ورعةٌ )) ما مِثلها عيني رأت
(( أمحقت )) قلبي وجسمي ناحلي

ورعةٌ مع امحقت هذي لنا
لعنبو هالعرق يصلاني صلي

قلت أبسلك مير ما سلكت موانا
مبتلي نفسي ولاني مبتلي

قرد حظي كآن شعري ما ذكرت
القصايد ما اتعدى منزلي

ويابري حالي من حرووف السكون
والماخوذ الجر وأبن الدؤلي

كلمتين وكني داخل في جهاد
ناشفٍ ريقي وحالي امبهذلي

لين طالت يا عساها للذهاب
وانكتم صدري بعد ماهو خلي

عايد اسمع طالبك انسى القصيد
واللي قلته لا يحط بفايلي

ارم ما قلته ورا ظهرك وكاد
والسموحه منك لا تنقد علي



........................................ .......... ............




نرجسية


نرجسيه..نرجسيه..أذكر انها نرجسيه
كلمة مطلع قصيدة راودتني من زمان

كنت ابي اكتبها ولكن عيت ظروفي عليه
والزمان أيضا حداني و بهدها كان اللي كان

نرجسيه ياعلي بنت تمادت بالخطيه
أسرفت في حالي حتى عفتها يابورزان

بعثرت عمري شظايا بين ذيك و بين ذيه
ولا قويت أجمع شتات العمر وأطراف الحنان

أذكر إني كنت اهوجس في غلا هالأدميه
وأحسب للحزة لقاها هالدقايق و هالثوان

وأذكر اني كنت اشكك في وجود الجاذبيه
وأتساءل ليه أطير إليا دعتني في مكان

وكنت أظن ان النهار اليا ظهر ثم بان ضيه
إستمد النور منها ثم خذى منها ضمان

والضمان أنها تصون السر عن كل البريه
ماتخبر به قريب ولا يسولف به لسان

جادل ربي حباها في ملامح يوسفيه
عنق ولإ خسر والإ ..يادخيل المستعان

إن تهادت في خطاها تسلب العقل برويه
وإن تثنت شحت كفي وش بقى للخيزران

وإذغ انتثر مجدولها اللي حشى ماشفت زيه
فاح ريح العود وإلا هو عبير القحوان

من نظرها كنه اللي ماحسب طعنة خويه
ولا له إلا لابتسم ثغرها عض البنان

لو نظرها ابن الملوح عاف ليلى العامريه
يختلف طرقه و نهجه وتصبح العشره ثمان

يترك الشعر المقفى و الحروف الابجديه
او يهيجن هيجنة بدو لهم عزه وشان

أشهد انها من عذابي ياعلي ماهي بريه
قلبها قاسي و نادر ما تمايلي و لان

عرضتني للهجير و قالت أمشيلم بفيه
واتركتني للسهاد ولوعة أصفاد الهوان

واستباحت كل عرق من عروقي و الضحيه
حبنا اللي من سواها ماصفا مرة وزان

عنجهيه و نرجسيه.. نرجسيه و عنجهيه
حلها وشلون مادري!!طالبك يابو رزان



........................................ .......... ................




كم وكم


بالله قلي ماكفا ............

منك الجفا ...........

ودمع (ن) حدر لجلك...............

..........عليك

يا اعذب انواع الشتات.............

قلبي عشق حتى الممات ............

......لوكان من طعنة يديك


****

بالله قلي وش تبي ......؟؟

بجاه النبي ..........

وبجاه من كبر وصام.....

ثم طاف بالبيت الحرام.................

يرجي من الله رحمته والصفح في يوم الزحام

قل وش تبي.......؟؟

ارجوك علمني شتبي ........

ولاتترك الحيره علي...........!!

يرسم ملامحها الحزن..........

..........ويموووووت ضي!!

..وتوه في بحر الشقا

مجدافي همي ...... والالم

واتعطش اللحظه لقا ..................

حتى ولو عشت........ بوهم


****

وان كنت في مره خطيت........

قبلي تماديت بخطاك............

ولاقلت الا مسامحك................

وترد في نفس الخطا...... !!

وارجع و اقول امسامحك......

..........واسااااااامحك..

وانزفلك احساسي شعر...........

واجمعلك اعتابي قصييييييد..

واذكر كتبت.....!!

حبيبي كم وكم مره تحملت الخطا منك
--------------------اداري بداخي حبك واحاول اكتم الشكوى

غرامي والشعر فني ..وجرحي بالهوى فنك
--------------------تبادلني قسى حبك وابادل قسوتك نجوى

صحيح اني نويت انسى غرامك وابتعد عنك
--------------------ولكن حظي العاثر تركلي قلب مايقوى!!

تركلي قلب يتناثر شتاته لاضحك سنك
--------------------وتصبح كل زلاتك بعيني شي مايسوى

تطمن يا بعد روحي وابد لايدور في ضنك
--------------------حبيبك يا نظر عيني تعود منك البلوى

تدلل وطلب اعيونه حراااام ليقولك جنك

لك الله ماحدن مثلك غدابه من بني حوى..!!!!!





,,,,,,,,,,,,,, ,,,,,,,,,,,,,,,, ,,,,,,,,,,,,,,,,,,

آهــــات
01-16-2009, 01:54 PM
فيصــــــــــــــــــل اليـــــــــــــــــــامي







لعيونك


لعيونك اللي علمت قلبي الطيش
والبسمه اللي نورت لي مكاني
ورموشك اللي كنها للعدو جيش
اني لأخلي الليل له شكل ثاني
دامك وصلتي والحكي صار بشويش
وشلون انا ماأقول شعر وأغاني
طفل المشاعر بيننا عله يعيش
يلقى له ام ٍ تحرسه واب حاني
وشللي دخل بالنوم ووسادة الريش
ما دام حضنك ضمني واحتواني
طيفك يشاركني على لقمة العيش
ان ما لقيته ف المحاني لقاني
والعاذل اللي قال لي قلت له ايش
رح رح ترى مالك لوى ياأناني
تبغاني انساها وانا احبها ليش
من جدك انساها وأضيع زماني



........................................ .......... ...........




القسوط الحاله


لاابتدى ليل الطرب والدندنات لحونه
وانشغل كلٍ مع المطرب وعود ٍ شالّّه
وقامت الجادل تثني عودها بليونه
واستمرت في جرائتها ولاهي ذالّه
قمت افكر في صديق ٍ غارق ٍ بطعونه
شايل ٍ سيف الكفاح وخابر انه سالّه
وماذبح قلب المكافح غير كثر ديونه
والآجار المنتهي غير القسوط الحالّه
لو جمع كل الحلال وماوراه ودونه
والكلام اللي شبع من زود ماينقالّه
كان لاطروّا الوظايف ماتغير لونه
وكان مارجع شريط ٍ فات قد هو مالّه
وقام يتذكر مشاهد شافهابعيونه
ذكرياته بالدراسه والسنين الزالّه
وكيف كان اللي بجنبه لازم يمشونه
ويكتبون الحل عنه حتى لو هو حالّه
ضيعوا مستقبله واستبشروا بحزونه
نشفوا له ريقه اللي كان توه بالّه
رسبوه ونجحوا غيره وكانوا عونه
زمرة ٍ ماتعرف الرحمن زمره ضالّه
ماقضوا له حاجة ٍ في خاطره مكنونه
واقطعوا دربه مع انه كان درب ٍ دالّه
فوق هذا ماتغير منهجه وظنونه
كل ماضاقت عليه يقول خير انشاءالله




........................................ .......... ..............




هلا بعمري هلا بروحي


هلا بعمري هلا بروحي هلا باللي تذوبني
""هلا بمن عطرها يملى علي دنياي وايامي

هلا باللي اذا نادت اجيها بلهفه وكني
"" وصلت لآخر الدنيا طويت الارض بأقدامي

اجي ب احساس وانسى الناس اجي مرتاح ومتهني
"" ابي ترويني ب ايديها لأني بدونها ضامي

اجي عطشان اجي ولهان كأني كنت مستني
"" تناديني واجيها بشوق احسه داخل عظامي

هي اطيب قلب واجهته وما قد خيبت ضني
"" هي اجمل وجه قابلته وهي اكبر من احلامي

تقول اني ( احب انسان )وتقول ب اني واني
"" وانا ليمن بدت تمدح ادور اقرب اقلامي

لأني لو عجزت اكتب غلاها وقربها مني
"" اجل وش فايدة شعري اذا ما يوصف الهامي

صدوقه وان نوت تكذب تقول ارجوك سامحني
"" تحس ان الكذب حاجه عظيمه شي اجرامي

بريئه في سوالفها تسولف عنها وعني
"" تذكرني بكل موقف جمعنا وصار قدامي

حنونه صوتها دافي لها نبره تدوخني
"" بنبرتها يجي اسمي ما كنه ( فيصل اليامي )



........................................ .......... ................




باين عليك


باين عليك اليوم زعلان مني
حبيب قلبي قلي اشفيك زعلان
لا يكون احد جاك وحكى شي عني
غلطان لوصدقت والله غلطان
مفروض ماتسمح لأحد يتهمني
تعرف غلاك وتعرف القلب ماخان
انا من اول يوم شفتك وكني
غريب لا قاله وطن بين الاوطان
لاينشغل بالك حبيبي لأني
ولهان بغيابك واذا جيت ولهان
لو اخسر العالم ابفرح واغني
رابح انا بحبك ولو كنت خسران
انت الوحيد اللي بحبه شغلني
عجزت توفيك القصايد والألحان
ماأشوف انا غيرك حبك سكني
ما كن ف الدنيا ابد غيرك انسان




........................................ .......... ...............




سوبر ستار


خلاص انا ناوي على تغيير تفكيري السقيم
عزمت اغير منهجي مادام عندي الاختيار


بفصل الثوب الجديد وبرمي الثوب القديم
واغير اصحابي اذا ما طاوعوني فالخيار


قرار جدآ منطقي وجاي فالوقت السليم
عصر انفتاح وفرصه الواحد يغير فالمسار


اللي يفكر فالغنم والبل ترى عايش جحيم
ان قال اساميها تحس انه طلع معها غبار


حتى قصايد ياوجودي هب ذعذاع النسيم
والجمس الأحمر ماتوفي بالغرض و الفكس آر


ماعاد تنفع وقتنا الحالي وذا منطق حكيم
اللحين صارت شمس روبي واضحه مثل النهار


اقوى مغني فالعرب شعبان ابن عبدالرحيم
و البرتقاله تعتبر فيديو كليب الانبهار


صار اهتمامات البشر دي جي وتشغل حكيم
عمار يامصر القديمه مع جديدتها عمار


اتفه مغني عندنا هو صاحب الفكر القويم
تصريحه الناري مثل يلقى معزه واعتبار


شبابنا شبابنا راحوا ورى ليلن عتيم
باعوا اصالتهم برخص وغيروا نهج الكبار


الوقت ضايع والبطاله فعلها فينا مقيم
اكبر مشاغلنا مسج ونرشح السوبر ستار


هذي حضاره ما تجملنا وذا واقع أليم
وين المبادي والقيم وين المعزه والوقار


في هالزمن ما عاد تعرف من كريم ومن لئيم ؟
في هالزمن كل شي توجه باتجاه الانحدار


عادي اذا شفت المطر في هالزمن من دون غيم
عادي تقبلها ترى النار تبدا من شرار


الله يثبتنا على نهج الصراط المستقيم
والله يحسن خاتمتنا في زمن صاير دمار



........................................ .......... ...........




الأطلال



على الاطلال لا تبكي كفى تبكي على الاطلال
تناسى الهم ياقلبي كفانا غربله وهموم

تعال احسب معي الايام وكم ليله بليا وصال
خلاص الماضي ما يرجع ترى حنا عيال اليوم

هذاك اول نعيش بحب ونتهنى براحة بال
هذاك اول قبل نكبر وتصبح ف العلوم علوم

ياقلبي هذي الدنيا ودايم تنقلب الاحوال
ترى ماني الوحيد اللي بصدري ضيقه ومكتوم

انا ادري ان الزمن ظالم ولا يحسب عنا الرجال
واعرف الحظ ليمن طاح يبيله وقت لين يقوم

وذي قسمتنا ياقلبي تصبر عالحزن لو طال
امر مكتوب ومقدر وكيف نغير المقسوم

مهو ذنبي ولاذنبك نعاف الحلم والامال
مدام ان السهر فارض علينا ما نذوق النوم

ياقلبي تعبت عيوني وهي تنظريمين شمال
ادور للامل لكن لقيت ان الامل معدوم

ياقلبي لا المطر جانا ولا حتى بعد همال
ما غير تحوفنا الغيمه تمنينا المطر وتحوم

انا احب البحر واعرف هدير الموج واليامال
ولكني معا هذا احس اني مااطيق العوم

اعيش بفقري وراضي ولا ودي يجيني مال
لاني لولقيت المال وجيت اشري عجزت آسوم

ياقلبي مر في سمعي كثير مُن الحكم وامثال
ولكن ما لقيت اصدق من اللي قال بكره يوم

تعال نعيش دنيانا ونتعود على ذا الحال
ويمكن شمسنا تشرق وتصبح ف العلوم علوم



........................................ .......... .............




الغيمة



الغيمه اللي تهل بطيبه ورقه
ماهي تدور على منهو يخايلها


والجرح ماله دوى على الاقل وقه
لا تشرح اية مسائل وانت تجهلها


ثوبك اذا ضايقك ياصاحبي شقه
لا تحد نفسك على ناس اتثاقلها

غازي القصيبي عطى حريته شقه
عطها مثل ما عطاها ليش تهملها


وقتك غدر بك وكان بمنتهى الدقه
واقبل زمانك على الناقص وكملها


والصاحب لصاحبه ياخذ معه حقه
وماني بناسي همومك دوم شايلها


كل ما لمحت العباير تسرقك سرقه
احس مالي بذا الدنيا ولا هلها


ويصيح صدري ينادي كفي اتدقه
ابشر وانا محزمك ياخوي وازهلها



........................................ .......... .......




ألا ليت الزمن يرجع


ألا ليت الزمن يرجع ورى
وإلا الليالي تدور ...

ويرجع وقتنا الأول وننعم في بساطتنا

زمان أول أحس انه زمان فيه صدق شعور ..

نحب ونخلص النيه وتجمعتا محبتنا

زمن مافيه لاغيبه ولاحتى كلام زور ..

ياليته بس لو يرجع ونسترجع طفولتنا

صغار وقلوبنا بيضا تعيش بعالمٍ محصور ..

ولا نعرف أبد أغراب ماغير عيال حارتنا

صحيح صغار بالتفكير لكن ماعلينا قصور ..

نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور ..

نحاول نزعج العالم بروحتنا وجيتنا

وعشان نأخر الحصه نخبي علبة الطبشور ..

نشاغب بس في الآخر تميزنا براءتنا

نحب الضحك والبهجه نحب ننط فوق السور ..

نفرفش ليه ما نفرفش ؟ مادام الضحك عادتنا

ولكن دارت الأيام وبان الخافي والمستور ..

وصار الهم متعلق على قمة سعادتنا

كبرنا وصارت الدنيا تصف أحزاننا بالدور !!

وتهدينا الألم والهم غصب عن عين رغبتنا

تعبنا من بلاوينا أحد ضايق وأحد مقهور !!

وكلآ غارق بهمه و بالآخر تشتتنا

وأنا ماأقول غير إنه ألا ليت الزمان يدور ..

ويرجع للورى فترة نعدل وضع عيشتنا



........................................ .......... ............




الدنيا ماتسوى


ياعمري الدنيا ماتسوى تنام وخاطرك زعلان
ولابه شي يستاهل يخلي قلبك يعاني

طلبتك كان لي خاطر تبعد عنك الأحزان
فديت أعيونك الحلوه تبسم لو على شاني

حبيبي صار لي مدة أشوفك تايه وحيران
وانا والله لا شفتك حزين تزود أحزاني

أنا احبك ولا ودي تعيش بدنيتك ندمان
ترى ألأيام محسوبة وتالي هالعمر فاني

تصدق بسمتك والله تفرح خاطري الولهان
يطير من الفرح قلبي واصير بعالم ثاني

والى من شفتك بضيقة أحس اني انا الغلطان
أعاتب نفسي بنفسي ولو ما كنت أنا الجاني

غلاك بداخل أعروقي ولا يوصل غلاك انسان
يمر الوقت ويثبت لك غلاك ان الله أحياني

أضحي بعمري لعيونك...تنام انته وانا سهران
وانادي جروحك لقلبي تجي واحد ورى الثاني



........................................ .......... .............




ما درت


ما درت عن حبها ياليتها تدري
ليتها ياليتها لو قدرت مره


ان قلبي من كثر شوقي ملا صدري
وان صدري من كبر قلبي نفذ صبره


من (صباح الخير) لين الشمس ما تسري
ومن (مساء الخير) لين نصير في بكره


والغلا في داخلي مثل النهر يجري
ليتها تدري بغلاها داخلي شكثره


هي تحسب اني طلبت الشهره بشعري
والله ان حبي لها نساني الشهره


من يقول ان الشعر بيزيد من قدري
بس انا شعري لها بيزيد من قدره


ليتغزلت بحلاها يصطفق بحري
والقصيد يروق لي في عجزه و صدره


وان بديت الوصف دوم احتار في امري
م الجبين او م العيون او أ وصف الغرة


والخدود اللي من الله لونها زهري
وفمها من زود زينه زاد في صغره


مشيها لو هو فتني والله بعذري
قدها المياس يشبه ميلة ألزهره


كل شي فيها من الله خلقته مغري
وقلبها خيره يغطي دايماُ شره


العطر هو يشتريها لو نوت تشري
وردة ٍ والورد دايم يعرف بعطره


هي هواي وهي بعد لي قلبي وعمري
وابتسامة خاطري لو خانت العبرة


ليتها تدري عن اللي يدور في صدري
وليتها تدري بغلاها داخلي شكثره





,,,,,,,,,,,,,,,, ,,,,,,,,,,,,,,, ,,,,,,,,,,,,,,,

آهــــات
01-16-2009, 01:57 PM
محمـــــــد أحمــــــــد السديـــــري






انا وخلي



أنا وخلي كل دار وطنا
عيني وقلبي كلها له هديه

لو التمني ينفع اللي تمنا
ماكان صرت اليوم نفسي شقيه

اشوف كلن مع حبيبه تهنا
وانا حبيب الروح صعب عليه

أنا وخلي كل دار وطنا
عيني وقلبي كلها له هديه

قلبي بحبك ياحبيبي تعنا
ارحم يعل ايام عمرك هنيه

انا وخلي كل دار وطنا
عيني وقلبي كلها له هديه

ان كان سيد البيض بالوصل منا
خطيته ياكبرها من خطيه



........................................ .......... ........................




صبر وجلاده


حياتي كلها صبر وجلاده
وغيري عايش عيشه سعاده


أنا اللي عاشق بالغي مغرم
غريق في هوا راع القلاده


بعيد عنه بديار بعيده
ولحد جاب لي منه الإفاده


يجيبنه حلوم الليل عندي
وحط الخد للغالي وساده


وإلى مني صحيت وقمت أراعي
ولين الليل يفجعني سواده


تصور لي عزيز ما نسيته
حبيب ما سلى قلبي وداده


عذولي لا تلمني بالموده
جريح هايم في حب غاده


تهل الدمع عيني من عناها
وسفك الدمع للعشاق عاده


نشدت أهل الموده وارشدوني
يقولون الهوا صعب جهاده


أقوله مصخر من روح روحي
حياتي كلها صبر وجلاده



........................................ .......... ......................




كذبت


كذبت يوم أنك تقول أني أخطيت // وخطاك والله ما يعدد حسابه



ظلمتني ياعزوة الحي والميت // وكذبك على اليوم كلٍ درى به
..
..
ياما على شوفة خيالك تشافيت // وقلبي كفاه من الغرابيل مابه
أن شفت غيرك صدت النفس وغضيت // لو هو يهلي قلت له لا هلا به
..
..
إن كان شفتك فز قلبي وهليت // وربع محيل القلب وأزهر جنابه
دنياي تضحك بالسعد كل ما جيت // وقلبي من الفرحات ينهج بابه
..
..
إليا ذكرتك ياعزا الروح ونيت // وعزي لمن مثلي تزايد عذابه
أقسمت لك باللي فرض حجة البيت // منساك لو القبر شيّدترابه
..
..
أنت الذي يانور عيني تجنيت //ونهبت قلبي من كنينه نهابه
وأنا الذي بسواق حبك تماديت // وقلبي دخل وادي هواك وعذابه
..
..
أبيه يسمع عبرتي والتناهيت // والحب في قلبي غطس كل نابه
على الذي بآيات حبه تسليت // طفلٍ سلب مكنون عقلي وذابه
.
.
وجدي على لاماه ياليت ياليت // أبيح زبن ان كان قام وسعى به
اما فزع لي وانتخى شايع الصيت // والا ترك غاليه ينزف صوابه
.
.
من ضيقةٍ بالصدر ياعمير ناديت// زبن المسمى وين حيٍ نحابه



........................................ .......... ..................




دوك قلبي


انبيك يامن هو عن الحال نشاد
شف دوك قلبي من محانيه مفقود

مشيت بدروبٍ عتيقات وجداد
ولقيت بيبان الموده بهن كود

دخلتهن عقب العناء هو والاجهاد
وقبلي دخلهن ناظم الدرع داؤود

مابين حام وسام جور الهوى ساد
في كل قلبٍ شاغل الحب ماجود

كلٍ على ماراد صادر ووراد
عدٍ لكل الخلق بيّن ومارود

الود قد هدّا صليبين الأولاد
البيض تشهد به وتشهد به السود

لي فيه قرّر صافي الخد ميعاد
ودخلت ماميزت للنقص والزود

صادفت ملهوف الحشا ظبي الأجراد
طفلٍ عليه من البها ستر وعقود

طفلٍ نفل بالزين غضات الأنهاد
به سحر هاروتٍ وماروت منضود

له قلت راع لحالتي يابن الأجواد
ارفق على قلبٍ من الحب مضهود

لجلج بسودٍ طرفهن للحشا جاد
وادي فؤادي عقبهن تقل مجرود

وخلاني اجرع بالهوى كل ماكاد
كني بوسط الموج تلعب بي النود

ونيت من كود العنا عقب ماكاد
ونة خالوجيٍ على جلد مفرود

ماينفع العشاق ترديد الأوجاد
ان شاف من غاليه ميلات وصدود

من عقب فقده حاربت عيني الزاد
وعيني لها عن لذة النوم راصود

بغيت اجيب اسمه على روس الأشهاد
لولاه يلحقني من الناس منقود

انا ونفسي عقب فرقاه بجهاد
واغضي وكن بناضري يرتكز عود

صبرت واثر الصبر يرّث بالاكباد
وخلا فؤادي خافق القلب ملهود

فرقا لطيف الروح لاعاد لاعاد
القلب من فرقاه يرعى به الدود

يازبن قلبي فيه جور الهوى زاد
كنه بما جاء قيس يازبن موعود

من غاب عني ماتهنيت برقاد
قلبي لقلب مغيزل العين مشدود

يمشي معه يازبن في كل ماراد
ماله عن الغالي محاريف وصدود

لو ان قلبي من صليب الصخر باد
ومن المحبه صار به كسر ولهود

يازبن شفت الكود من جور الأنكاد
وحبٍ دخلت احماه حبٍ بلا حدود

الله يذكر من فقدناه بجماد
وانك تلم الشمل ياخير معبود



........................................ .......... ................




الصدر ضاق


الصدر ضاق وحاير الدمع دفاق
من ناظر(ن) من حاير الدمع مرهوق

دمع تكبه عين عاشق ومشتاق
ارعد سماها بالغضب ومطر الموق

الا سفح من فوق الاوجان وانساق
يسيل منه معيلت مرتع النوق

محدن رحمني يوم الاقدار غراق
منجور دمعاتٍ تكسر بصندوق

صدر من الفرقاء رمع فيه دقاق
ووجس معاليق الحشا يشعلن فوق

فاذا بغيت ادله تذكرت الافراق
طفلا على شل المعاليق مطفوق

طفلا نقل بالزين غضات الاعناق
عزالله انه طالني منه ملحوق

في مامضا دنياي جتلي بالاوفاق
وردت عددهن قبل ماهوب مطروق

جيت الحبيب داله بالكرى راق
ومجوهرات امبيسمه ذقتهن ذوق

يوم انتبه لي صاحبي بعد مافاق
اصبح يعاتبني على الغدر والبوق

يقول مامثلك للجواد سراق
ولاانت على هذا من الناس مسبوق

قلت ارحمو من زاركم ماله ارفاق
ورووس الافاعي بالقدم حطهن سوق

ماله رفيق وبه يضيقن الافاق
واذا جفيتو مايبي كل مخلوق

فطلق حجاجه وبدل الوجه بشراق
وافتر عن بيضاء تكاشف بها اوراق

فنهن سقاني كاس خمرا بترياق
زود على ماصار بالغدر مسروق

احباب لحباب تعاطف بالارياق
وارواح تحيا بين عاشق ومعشوق

هو حط ذرعانه لي افراش وارواق
وانا لويت العضد لمعنقه طوق

ثوبه نظيف ولاوطى فيه عشاق
وثوب الخنا يجوز به كل منطوق


........................................ .......... ..................




بالدمع عيني خيّلت وامطرت له


اللي هتف باسماه قلبي وناداه
حتى الضلوع بوجدها صفقت له

اللي غرامه تل قلبي من أقصاه
وبالدمع عيني خيّلت وامطرت له

اللي عسفت النفس لاجله ولرضاه
والرجل في سمر الغداري عنت له

بيا سبب عهد الهوا ليه ينساه
وينسى تخطي رجلي اللي خطت له

الرجل لو هو نازح الدار تنصاه
على حثاث القاع يا ما مشت له

أموت من فرقاه واحيا بذكراه
والروح خلت جسمه وانتحت له

قولو له أنه عذب القلب وأدماه
وحي يود لقاه ماله بقتله

ياكود والله غيبة عقب لاماه
وعيني بكت فرقاه ثم اخجلت له

ماصاب قيس بحب ليلى توطاه
ولوعات قيس وماجرى له جرت له

مالاق له غيره من الناس مشهاه
ويعاف كل الخود لو عرضت له

ان شاف زوله مغرم القلب يبراه
وان غير صد مايلتفت له

أغليه لامانساه واذكر سجاياه
لوهو بعيد الدار نفسي هفت له

معذبي بالحب وان حل طرياه
اسرار ودي بالضمير اهتفت له

لو هو ظهر للناس وابدى محياه
كل الخلايق بالجمال اشهدت له

عزاه ياقلب على الصبر ماقواه
لو مابغى الفرقا عصت واخطمت له

عزي لمن دمعه على الخد مجراه
ودنياه غيب نورها مااسفرت له

قولو لبن سلوم ابو زيد ينخاه
يوم ان غارات الهوا صادفت له

يتابع الونات من كود ماجاه
لوكثر الونات مافرجت له

يهيم مثل موده وسط مضماه
يذكر سنين بالوداد ضحكت له

ماجت له الدنيا على ماتمناه
وذياب ياسه من حبيبه عودت له

يكفيه من جور الهوا ربع ماجاه
وتغيرت دنياه يوم اوجهت له

قلبه من الحرمان فاخت حناياه
من يوم باقي ايامها ماصفت له

هنيت من حصل مرامه بدنياه
والورق بلحون السعد غردت له

هنيت من حصل مرامه بدنياه
والورق بلحون السعد غردت له

المولع الي في طريق الهوا تاه
لومابغاه اشراك دربه سعت له



........................................ .......... ...............




يازين


يازين قلبي راح مني يباريك
واصبح مقره بين الاضلاع خالي

بالحلم ياسيد العذارى يناجيك
وبالعلم له وسط الضمير اجتوالي

طابت لي اذكارك وطابت مواريك
وطابت عمامك يوم طاب الخوالي

ارضيتني وبعالم الحب ابرضيك
انت الحبيب اللي بديت وبدالي

لعل رب صورك لي يخليك
تشفي فوادي مابقن الليالي

انا على خافي ضميرك موليك
في منزل مايسكنه كود غالي

عينك تراعيني وعيني تراعيك
اشفق من الصايم لشوف الهلالي

نصبح مصابيحك ونمسي مماسيك
وانا ورا ضنك بعيد المدالي

انا لي ضاعت جهود الشبابيك
ارسي على صيد الوحش باحتيالي

ياشبة وضحه زينوا فوقها ديك
تموج للطياح روس المقالي



........................................ .......... .....................




يكفيني هواها


أنا من نجد يكفيني هواها
ويبري لوعتي شربي لماها

وشوفي من نبيه من نوده
غزال تابع قلبي هواها

غزال ضيعت عقلي وروحي
رمت قلبي وقلبي ما رماها

لها بالروح وفوادي موده
ولا شي من احوالي خفاها

تعرف اني لها مملوك طايع
ابيع الروح في دورة رضاها

اهيم بحبها واخفي جروحي
وقلبي ما عشق زول سواها

توقد حبها باقصى فوادي
ونار الحب يحرقني لظاها

ملكني بالهوى عذب السجايا
ولا اذكر ساعة قلبي نساها

نحيل الخصر وضاح الثنايا
نظيم الدر منظوم بفاها

فجعني بالهوى ورقا حمامه
الى غنت يذكرني غناها

يذكرني وليف غاب عني
وعيني منه جاها ما كفاها



........................................ .......... ....................




يقول من عدى


يقول من عدى على راس عالي
رجم طويل يدهله كل قرناس

في راس مرجوم عسير المنالى
يشتاق له مندك بالقلب هوجاس

قعدت في راسه وحيد لحالى
والقلب في لجات الافكار غطاس

وقعدت اعد ابامها والليالى
دنيا تقلب ما عرفنا لها قياس

دنيا تفرق بين غالى وغالى
لو شفت منها ربح يرجع للافلاس

يا ما هفا به من رجال مدالى
ما كنهم ركبوا على قب الافراس

ولا رددوا صم الرمك للتوالى
ولا ثار عج الخيل في كل مرواس

ولا قلطوهن للكمين الموالى
ولا صار فوق ظهورهن شلع الانفاس

في حومة الهيجا لهن اجتوالى
كل يبى من زاية الفعل نوماس

من بينهم عود الجنا والسلالى
مثل البروق الليل الادماس

يقطعك دنيا ما لها أول وتالى
لو اضحكت تبكى وتوريك الاتعاس

يا ابجاد شب النار وادنى الدلالى
واكسر لنا يا ابجاد ما يقعد الراس

فنجال يغدي ما تصور ببالى
وروابع تضرب بها اخماس وأسداس

لعل قصر ما يجيبه اظلالى
ينهد من عالى مبانيه للساس

لى صار ما هو مدهل للرجالى
وملجأ لمن هو يشكى الظيم والباس

بحسناك ما منشى حقوق الخيالى
يا خالق اجناس ومفنى اجناس

تجعل مقره دارس العهد بالى
صحصاح دو خالى ما به أو ناس

لا خاب ظنك بالرفيق الموالى
مالك مشاريه على باقي الناس

وإن ناشنى من بعض الادنين صالى
مانى عن الزلات مخبر وبلاس

كالعنبر الغالى بالأسواق غالى
ولا درهم الفضية على صفر ونحاس

اجزية بالصده جنوب وشمالى
واتلى هوى قلبى اليا هب نسناس

المستريح اللى من العقل خالى
ما هو ولجات الهواجيس غطاس

ما هو بمثلى مشكلاته اجلالى
عجزت اسجلهن بحبر وقرطاس

حملى ثقيل وشلت حملى لحالى
ونصبر على ضيم الليالى والاتعاس

برسي كما ترسي عوالى الجبالى
ما ينهزع حيد عليه القدم داس

متى تربع دارنا والمفالى
تخضر افياضه عقب ما هي بيباس

ونشوف فيه الديدحان متوالى
مثل الرعاف بخصر مدقوق الالعاس

ينثر على البيداء سواة الزوالي
يشرق حماره شرقة الصبغ بالكاس



........................................ .......... .............




لولا الهرم والفقر


لولا الهرم والفقر والثالث الموت

يالادمي بلكون ياعضم شانك

سخّرت ذرات الهوا تفهم الصوت

وخليتها اطوع من تحرك بنانك
جماد تكلمها وهي وسط تابوت

تاخذ وتعطي ما صدر من بيانك

وعزمت من فوق القمر تبني بيوت

من يقهرك لوهو طويل زمانك

لولا الثلاث وشان من قّر الفوت

نفّذت كل اللي يقوله لسانك





,,,,,,,,,,,,,,, ,,,,,,,,,,,,,,, ,,,,,,,,,,,,,,,

آهــــات
01-16-2009, 01:59 PM
محمـــــــــــد بـــن الـــذيــــــــب









يا سليم اثنين قهوة


القصيده التي اثارت غضب الكثير من الكويتين

واستفزت شعراء الكويت وكانت لهم ردة فعل قوويه

ولا نعرف
هل كان سوء فهم ام لا
والمعنى في بطن الشاعر


وهذي قصيدة الشاعر محمد بن راشد بن الذيب


يا سليم اثنين قهوة تركي وواحد بكيت
موشته لا سبيل ابن العراقي لا ملاه


استريت إن جيتك وإن روح الوقت استريت
قالها واحد من العالم وانا واقف حذاه


والتفت وقلت يا قلب التعاسة وش بغيت
لو غرامك شربة الدخان ياحي الشلاه


البلا آلما يزعج الخافق ونينك فالمبيت
لين يرفع لي اذان الفجر وتقام الصلاه


اصلب من الكنكري إن خلطناه بالسميت
صدمة الشيخان لا ذلوا.. لهم عيال الرعاه


والدفاع الصلب يكسره الهجوم المستميت
والشجاع اللي يقارن مستواي بمستواه


ياهل الدوحه نصيحة كان رحتوا للكويت
جنبوا عن سوق شرق حسبنا الله وعلاه


فيه بنت الهاص طاغية على بنت السبيت
وان لقاها شيبة الديمن تعثر في عصاه


من هنوف حبها قفى عليَ وما دريت
حطني في وجهة المدفع ولقاني قفاه


اتصل بارك الله فيك لا منك فضيت
والجهاز اللي تنادي لي معه عطني نداه


ذا كلامك يوم اسمِّعك القصايد بيت بيت
في الصميم وكل بيت ازين من اللي وراه


الله اكبر يوم وكدت لي الوعد وضويت جيت
من تولن وبديتتك على وادي المياه


انصدمت بعنف في مالا توقعت وغديت
دمع كاهل ما عرف طعم السعاده في صباه


كل ماقلت اللقا قلتي اصول الاتكيت
ما يجوز موعد العشاق اسبق له لقاه


لو حجزتي لي جناح ملكي وألا سويت
اللقا لابارك الله فيك لوفرض خلاه


موقع في الأرض ما لج فيه ذكرى لوفنيت
الظما والجوع لعيونك ولا زاده وماه


كن في قلبي مثل شجاره اجنوط الونيت
لا شحطها اللي ظروف الوقت باحثت خفاه


اطعنيني لاجل اقول آه بوصالك لا حييت
وان رحلتي ماطعنتيني بعد ما اقول آه


سرع ما رحتي وأنا توي من الأعماق جيت
قلت اعشقك من جديد وماياست من الحياه


والحقيقة مابغيت ابكي ولكني بكيت
سالت ادموعي على ذيه وذاه


ادري ان ماعاد منها شي لكني استحيت
تحسبين اني بدون احساس وان قلبي صفاه


ان رحلتي والغلا له في ركون القلب بيت
يحفظك من سخر الهدهد لبلقيسة سباه


لو ملكتي غطرسة هتلر وحنكة لزا بيت
ما تناسيتي ليالي الوصل والحب وجفاه


اندهي واقولك لبيه ياروحي فديت
ضحكة كنها مساء الخير من حلو الشفاه


انتي انتي سبة الغزو العراقي للكويت
ولو غزى صدام مرة ثانية بغزي معاه





وهذه القصيده لاحد شعار الكويت :


يامل جوفن ولعت داخله نار
نارن سعيره تحرق اللي قربها

ثارت براكين الزعل والغضب ثار
والنوم من عيني هجوسي سلبها

ساهر وانقي بالمعاني والافكار
واقول في نفسي ابرضي طلبها

هذي كويت العز وعزها لنا دار
ياما عطتنا من قلايد ذهبها

وشيوخنا ناسن حلاحيل واحرار
آل صباح اللي عريبن نسبها

وكويتنا ماهمها قول ثرثار
خبلن يهذري وكلمته ماحسبها

ياراعي الدفين والعود والطار
طبل وخل الناس تانس طربها

منتا بحول الشعر يامخاوي الفار
جنب وخل النار عالي لهبها

الشعر بحر ولا يبي غير بحار
لا هاج موج البحر يعرف سببها

الشعر دله والمعاني لها بهار
والقاف نار وفكره اوقد حطبها

يا محمد بن الذيب صار الذي صار
حقك وصل والناس خلت عتبها

بكره اذا طاح الحطب والزمن دار
بالك تجي يم الكويت وشعبها



........................................ .......... ................








قصة القصيده:
يقال أن " محمد ابن الذيب " ..
استضافوه في برنامج اذاعي بالامارات وكان الشخص المرافق له شاعر اماراتي اسمه جراح !!
وبعد ما انتهت الاستضافه ..قام الشاعر الاماراتي جراح بدعوة ولد الذيب شاعرنا للعشاء ,, ولبى ابن الذيب الدعوه ,,
ولكن تفاجأ عندما وصل للمكان الا هو عباره عن مرقص ...!!!!
ولان هذا يتعارض مع دين واخلاقيات ولد الذيب اعتذر وخرج من المرقص فورا وتوجه لغرفته بالفندق وبعدها بفتره قصيره الا بموظف الفندق يأتيه برساله من الشاعر الاماراتي جراح متضمنه الابيات التاليه :




مرقص دبي اللي له القلب يرتاح
حتى سلا طين الجزيره تدله

لا صار ما في شربة البن مصلاح
غرشه من الويسكي بفنجال دله

وان كان يابن الذيب منته بمزاح
فانا عقدت الحبل وانت تحله

هذي بداية معرفتكم بجراح
اما شربت الكاس والا فخله




(( رد عليه محمد ابن الذيب بابيات قويه يقول فيها .. ))


ماهوب صح الله لسانك يا جراح
يكفي من العله ثلاثين عله

انت وحكامك هل الكاس لا لاح
ولا سلاطين الجزيره !! لابله

حكام نجد اللي ورا هضبة رماح
ضلالهم مثل الجبال المضله

صغيرهم يلعب بكم لعب المسباح
ويسد فاه اهل القلوب المغله

ان مد كف الطيب ماهوب شحاح
والى تعزوا دولة مستقله

مانيب ازكيهم من جا ومن راح
يمكن يجي في صفة القوم خله

وان كان هرجك لي ولا انته بمزاح
يما حلا بعض الحكي في محله

ما نشرب الا البن الاشقر الا فاح
ولا حليب بكار في وسط مله

رجل وطموحي من ورا النجم لا لاح
اكبر من اني اشتهر في مجله

يكفيني من المعرفه والتمداح
اني الا ضاقت علي قلت : يالله ..!

الوضع مزعجني ولا نيب مرتاح
بروح واخليلك دبي كله




........................................ .......... .......




(( هتلرت قلبي ))




ياهتلرت قلبي الله يرحم المانش
الكبر لله باحاكيش حاكيني

وانا مبرك اركابي عند بيبانش
التاجر يسر والرزاق يعطيني

فديت كبدش فديتش بدت اخوانش
ولا لقيتش وانا طفشان خليني

خليني اجر صوتي واقعد اوزانش
يمكن اوزانش من الضيقه يسليني

مثل ماطهرتي التربه بكرعانش
خلي غرامش يطهر مابقى فيني

وان ماشفعلي افخوخش جاه رمانش
يمكن تقطع من اللهفه شراييني

وان طحت مثل الجمل من جور هجرانش
ما عاد تنفع كبيرات السكاكيني

محبوبتي احيان تقارب من احياني احيانش
وشاركش في كثيرات المضاميني

حتى اني اصيح يا بن الذيب بلسانش
واقول لبيش من بيني و من بيني

محبوبتي لانتثر دمعي على شانش
وش له تقولين وش إلي مبكيني

حنى اتفقنا انا مندوب لحزانش
اروي الحزن والدموع تهلها عيني

ولا خذيتش بحضني هزي بردعش
مغير ضامي وقرطوح يكفيني




........................................ .......... ..........




يالله مسى خير


يالله مسى خير قلبي منقبض وشبه
من رهبة الناس والا القلب متطير

يامعير شوق قلبي روح وأنحشبه
مكينة القلب تصرف شوق يامعير

مثل رذاذ المطر مايحيي العشبه
يحيي فواد المغربل شوقت نوير

هنوف بدو طرف قلبي تعشعشبه
العين تشفق لها والخاطر مشير

قالت انا فيه موضوع بدردشبه
قلت أرفعي الصوت لبي وجهك النير

قالت آخاف أتغير قلت ويلش به
اما التغيار لا ماني بمتغير

قالت قبل تبلش احساس وتبلشبه
تراه قطه وجه من عاده أصغير

لاتبلش القلب في حبك وتبلش به
بن آدم وان طال عمره عمره قصير

وتقول بعدين هذي والله النشبه
اعلمك بالحقيقه وانت عادك امخير

وطيت راسي وانا افكر وكنت أشبه
من حيرته السنين ومات متحير

ومن ثم أخذت رشفه حنان آتنعنشبه
ولديت فيها النظر وقلت يانوير

لو قالوا الناس لك يوم ورح عشبه
حذفت عمري وراي وجيتك مسير

لكن لاكممالك به خير وش لش به
لاتذيرين الغلا ويروح متذير

وقولى لرمشك اذا جيت آتحرشبه
يرحمني أشوي ياملعونة الخير



........................................ .......... ............




محاجر نوره


القميص وبنطلون اهل البلد الافرنجي ....
احلا منها عباة العز والتنوره

وان جمعنا ذي معا ذي الدلع والغنجي....
ماتساوي برقع غطا محاجر نوره

كن حمار خدودها بأسفل شعرها الزنجي ....
نجمتين في دجا ليل ماشعشع نوره

وان تبسم ثغرها طاح الشجاع المنجي ....
مثل طيحت انور السادات بعد الثوره

والله انها تزفني زف البحر للّنجي ....
لاتحامت بالنحر والردف ولا سوره

وان تثنّت بالغرام في ليلها الاسفنجي ....
قمت ارتل آية القرآن سوره سوره

ولو نورح من الغلا يم الغلا لو انجي ....
والله انها تكرم الحانا عن اهل البوره

زينها لحاله يبنج خمس الاعضا بنجي ....
واسمها شور العقيد اللي مايخلف شوره

يكفي ان سلطان بن عبدالعزيز المنجي ....
لاتعزوا يلحق العوجا وانا اخو نوره





,,,,,,,,,,,,,,,, ,,,,,,,,,,,,,,,,, ,,,,,,,,,,,,,,,,,,

آهــــات
01-16-2009, 02:04 PM
محمـــــــــــــد بن فطيـــــــــــــس






في كفها خاتم


في كفها خاتم وفي خدها خال ..
.. وفي عينها غيم وعمارات وبيوت


الخال شفته واضحٍ من ورى الشال ..
.. والخاتم الماس مرصع بياقوت


والعمر في العشرين كني مانيب زال ..
.. والجسم كنه من جبل ثلج منحوت


جبل ولكن لا طرقه الهوى مال ..
.. وخطواتها ماهي بالأمتار بالفوت


ماهي تشوف الشمس من ظل الاظلال ..
.. ومصيافها ما بين لندن وبيروت


الشمس لو تشرق على جسمها سال ..
.. كنها مجسم محلبيه وبسكوت


ومن صغر مبسمها شقى حالها الحال ..
.. ما تاكل الا اللوز والخوخ والتوت


ماهي تشوف الناس تمشي وتختال ..
.. ومرٍ على جاكور ومرٍ على حوت


وخدامتين وهي بلا زوج وعيال ..
.. وسمعتها تدعي الدريول يياقوت


وثلاث جوالات ماهو جوال ..
.. ومن يوم خلقت كل شيٍ بريموت


لكن قلبي مالها فيه مثقال ..
.. وش قرب البشت الحساوي من الكوت


ياجعلها للي خذت قلبي نعال ..
.. اللي غلاها عندي الشرب والقوت


حوريةٍ من فوقها الليل شلال ..
.. كنها صبحٍ فوقها الليل مكتوت


قلبي لها من كثرة الشوق مشخال ..
.. وللسر عن كل المخاليق تابوت


تنحت لي من الحب في القلب تمثال ..
.. وحبي لها ينحت على الساحه بيوت


في عينها ماكل رجال رجال ..
.. وأقصى حدود الوصل في سلمها الصوت


زودٍ على القلب وعلى الحسن من آل ..
.. روسٍ لهم روسٍ على متونها بشووت


الى رضت موتوا يا أهل روس الأموال ..
.. وإلى زعلت جربت وش سكرة الموت


من دونها رجلي وراكب وخيال ..
.. والسيف والأمواج والبحر والحوت


........................................ .......... ..............




دكتور العيون


(يامؤمن الريفي )انا جيتك زبون..
.. جيتك على مدح اكثر الناس وعنيت


جيت وتعالى الله عمّا يشركون..
.. لولاه (يامؤمن) لطبك ما اهتديت


راضي بحكم الله علي مهما يكون..
.. عالج عيوني لو بعد طبك عميت


ودي اخاشر فالبصر من يبصرون..
.. واشوف دربي لا سرحت ولا ضويت


والى قنصت اثبت مع اللي يثبتون..
.. واشوف طيري كل ما اوميت ودعيت


ياااكثر ما يضرب خويي (الطابلون)..
.. من كثر ما اكلّته مطباات وكليت


وودي اشوف اللي علي يعرضون..
.. وبعض الليالي ودي اسري دون ليت


وااشوف ناس ٍ فالقفا ما يرحمون..
.. اما وقفت لصاحبي والا مشيت


من دون نظاره ولا هم يحزنون..
.. يااا كثر ما كسّرت كشمات وشريت


لكنٌ يا دكتور جعلك ما تهون..
.. ابغيك كلمت راس دامك ما بديت


اسمع......ولا ابغي اللي وزانك يسمعون..
.. ربي كتب يكشف لك اسراري وجيت


صورة عديل الروح عندك فالعيون..
.. واخاف تقطعها بموسك ما وعيت


ولا عليك امر..اطوها تحت الجفون..
.. وعقبه لو تقطع عيوني ما شكيت


هي راس مالي والعرب ما يدركون..
.. اني على باب الممات و ما حكيت


ياقو قلبي يوم قفن الضعون..
.. اللي على ذاك الموادع ما بكيت


ويا صبر صبري والعواذل يحسبون..
.. اني دلهت من الهوى والا سليت


اسكت عساهم من سكاتي يسكتون..
.. وانا عن اللي في ضميري ما انتهيت


وادور الفرحه مع اللي يسهرون..
.. وان ذكروني خذت فنجال وسريت


اخذت من وقتك يا دكتور العيون..
.. عالج عيوني لو بعد طبك عميت


واستر علي واللي معك لا يفطنون..
.. انت الوحيد اللي بعد ربي دريت


........................................ .......... ................




ابغيك وابيك


ابغيك وابيك واباك وابغاك
جمّعتها لرضاك واختار فيها

شف ويش منها يتبع احكاك ورضاك
واللي لك اسقي مسمعك لا ضميها

غديت (افر)احكاي واساير احكاك
وانا تشّرف لكنتي واهتويها

مضمونها ودي بشوفتك واهواك
ياللي دروب اهل الردى ما تجيها

صانك ولي امرك وحبك وداراك
لاقدر ردع الحظوظ ومجيها

نفسك مهذبها وعز الله ربّاك
مايدري ان جيش الهيام يغزيها

والله قسم يبلاك بي وانت يبلاك
باللي سواتي في العرب يرتجيها

محبة (ن ) ذربه من القلب تكساك
محبة (ن) صدق الهوى يكتسيها

يامرك قلبك بالوفا لي وتنهاك
ناس (ن) على لاماك تفرك يديها

رزين عقل ومن مزايا مزاياك
نفسك تحب وعفتك تمتطيها

وتطيع عقل (ن) ما بعد زل واغواك
مشاعرك تعصاه ..وانت تعصيها

ماشفت منك الا عيونك ويمناك
محبة (ن) راع الردى ما يبيها

يقبض فوادي لا تخيلت فرقاك
ياشف عين (ن) ما سواك يعنيها

وياعزوة اخوانك ومطلب هذولاك
ناس (ن) محبة والدك تدعيها

ناس (ن) تخدم ابيك كله لعيناك
وهو يحسب ان الله عليه يهديها

ياجعلها تفدى على الارض ماطاك
والله بمن هو مثلها يبتليها

لكن لعب في ياوليفي تغّلاك
ونفسي غلاك من الصدود يحديها

تبطي علي وانا هنا واتحراك
وكبدي لواهيب الصبر تشتويها

اجمّع علومك امن هناك وهناك
والله لو انها تنشرى لا اشتريها

وعذرك (انا لاهي) يا ويش اللي الهاك
لاهي ومر(ن)منت لاهي تليها

كانك مشكك في الوفا والغلا هااك
جوالي اقر القائمه كل ابيها

رقمك مع الصادر ولا وارد اسواك
والناس في اللي ( لم يرد عليها )

واياك واياني...واياني اياك
من غيبة (ن) من دون عذر يحميها


........................................ .......... ...............




،؛،.. البارحة ..،؛،


البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت


........................................ .......... ............




،؛، .. يا قو قلبك .. ،؛،


ياقو قلبك على الصّده ويا صُبرك
وياوسع صدري على صدك ويا صُبري



وياطول عمرك بذاكرتي وياكُبرك
وياشيب عيني بشيّب عاد ذا كُبري



والله لون حمل صبري فوقك..ان تبرك
والله ولو تعتذر منت بعلى خبري



ان ما جبرك الغلا ما اقدر على جبرك
ياللي على ارض الوفا ما شبرك بشبري



تزعل وترجع وتلقاني على خبرك
وانا انكسر لك واجيك ادوّر لجبري



طيفك وذكراك طيلة غيبتك سبرك
وشوقي لشوفتك طيلة غيبتك سبري



امحق وليف ومحبه والا اقول ابرك
حسبي عليك اعشقك وانت اتحفر قبري


........................................ .......... .................




أنا جيت كلي


ماهو بكيفك عقب شيٍ حصلي ..
.. من ذوّق المحتاج يصبر الى احرجْه


خليتني من حلو حاليك احلي ..
.. واصبحت مدمن حب والقلب روّجْه


بين العروق وصار مافيه " ملي " ..
.. الا وله جُرّه تمرّه وتسهَجْه


وذود الغلا في عشب قلبي تفلي ..
.. وتراب صدري للمطر منْك ما احوجْه


يمحل الى صدّيت ويموت يا اللي ..
.. صديت عنّه والله احياه واخرجْه


ولي خاطر ٍ يسألْك من لي ياخلي؟ ..
.. غيبتْك تلعب به وشوفتْك تبهجْه


ولي عين حالي دمعها لك يهلي ..
.. وانْ رحْت راحت مالح الدمع تزعجْه


غالي ولا يحتاج بسّك تغلي ..
.. غلاك اخذ قلبي وروّضْه واسرجْه


ولو قلت ياعيني بصدره تملي ..
.. شافت خفوق ٍ حبك الذرْب توّجْه


وماهو على كيفك عقب ما حصلي ..
.. من ذوّق المحتاج يصبر الى ازعجْه


(عطيتني وجهك وانا جيت كلي ..
.. محروم والمحروم ما ينعطا وجْه)


........................................ .......... ..............




لا ضاقت الدنيا


لا ضاقت الدنيا عليك وتشاويت ..
.. خلق الله اللي فالرخا كان واجد


ومن العرب والصوت والثوب مليت ..
.. وقامت عليك هموم بأقعا تراجد



فارفع يديك لخالقك لا توضيت ..
.. وادعو تراك أقرب إليا صرت ساجد


ووقت من أوقاتك للأوقات توقيت ..
.. وسجل لنفسك في المساجد تواجد


وأبشر بفزعة حامي الدين والبيت ..
.. إليا هجدك من الهواجيس هاجد


اللي يميت الحي ثم يحيي الميت ..
.. لرضاه شف كثر البشر بالمساجد



........................................ .......... .............




،؛، شطر حفظته ،؛،

ماني بمن ياتي ولا يدري به ..
.. شطرٍ حفظته ما أعرف كتابه


شطرٍ يناسبني لمثل الليله ..
.. وآشوفني في ذا المكان أولى به


أبا أتكل بالله ونعمٍ بالله ..
.. اللي ما يوصد دون خلقه بابه


باقول واللجنه تقيم قولي ..
.. ومن كثرة الشعار ماني آبه


الحمد لله واثقٍ من روحي ..
.. وإن كنت ذيب فالرجال ذيابه


ما أقول أنا أشعر واحدٍ في العالم..
.. لكن قصيدي كفو وأنا أدرى به


الشعر جمعنا لو تفرقنا ..
.. حدودنا وظروفنا الغلابة


الله يبيض وجه راعي الفكرة ..
.. عز الله انها تنحسب لحسابه


والله يبيض وجه من يرعاها ..
.. محمد الله يحفظه لأحبابه


محمد ولد زايد عريب المجنى ..
.. ولي عهد الديرة الخلابة


الشعر تاريخ لنا من مبطي ..
.. وإعلامنا يوم السنين نهابه


الشعر بيت والوزن عمدانه ..
.. معناه طنب وقافيته حجابه


الشعر وادٍ فيه صيد واجد ..
.. وكلٍ على الوادي يهج ركابه


والأفكار صيد وكل شاعر قانص ..
.. وكلٍ يدسم شاربه مخلابه


أحد خياله حر .. وأحد وكري ..
.. وأحدٍ خياله كوبجٍ بقطابه


وأنا خيالي كل ما هديته ..
.. حول على الوادي وصاد عقابه


شاركت أمثل ديرتي وربوعي ..
.. وكل يمثل ديرته وأقرابه


والله إلى الله راد والله قاله ..
.. إني لا أسلمها الفخر وكتابه


داري قطر .. وأنا هنا أمثلها ..
.. المجد مطلوبي وأنا طلابه


عهدٍ علي إني لا أشرف داري ..
.. ترك صبي ما يعز ترابه


شوفوا دمي من حبها عنابي ..
.. وحماستي من ضوها شبابه


شاعر خليجي والعروبة بيتي ..
.. والبيت ما ياقف بدون أطنابه


وإن عودت بين القبايل فزعه ..
.. أنا أشهد إني في اللوازم لابه


لي في القبايل ربع .. وأقدرهم ..
.. ماني بمن يجهل مقام أصحابه


وإن عودت لأصلي .. فأنا أصلي مري ..
.. من صلب يام أهد القنا وخضابه


قومٍ لنا فوق المعالي بيرق ..
.. والسيف قوة سلته بنصابه


الشعر طوقني وأنا طوقته ..
.. قمت آتمشى به وأفك أبوابه


يا بنت ياللي تفرقين بعودج ..
.. ما ألومهم لو كثروا الخطابه


لامر بج دربج على خلق الله ..
.. قالوا كذا بالأصبع السبابه


زينج يزينه فعل أبيج وجدج ..
.. وإنتي بدورج للنقى كسابه


قومي تباهي بي .. وفلي راسج ..
.. عليج من ستر الشرف جلبابه


وإن ما سترتج بالفعول وباسمي ..
.. فعقبني الفنجال يا صبابه





,,,,,,,,,,,,,,,, ,,,,,,,,,,,,,,,, ,,,,,,,,,,,,,,,,

آهــــات
01-16-2009, 02:09 PM
مســاعــــــــد الرشـيــــــــــدي






صب لي شمس


يانهار البشاير صب لى شمس
باتقهوى وانا والله حياوى


يكفي اني فداوى عندك امن امس
وانت تشره على ثقل الفداوى


احسب انك قبل لاتمد لي خمس
تحتضني وانا امد الرهاوى


لاتعجب تلمس خاطري لمس
لاتغرك من بعيد الكساوى


جايز اضحك لو انه خاطري عمس
نوب ضحكني مثل طبعي نحاوى


يمكن انى قريب ومبعد الرمس
كل لونٍ لبس جسمي سماوى


جيت اقص الزمان وجرته طمس
قلت ابا انشد ، قنب بالرجم عاوي


........................................ .......... ...............




انتي نسيتي


حتي لو كنتي السنين اللي راحت
مقدر انا احبك

حتي ولو كنتي الحنين اللى فى جراحك
مقدر انا قربك

أنتي نسيتي وكيف انا ما انسى
انتي قسيتي وكيف انا ما اقسى


يا صدى من غير صوت
مابه حياه من غير موت
انتي نسيتي وماتبين انسى
انتي قسيتي وكيف انا ما اقسى
يا صدى من غير صوت
مابه حياه من غير موت



لو تدرين وش انا منه خايف
ان باقي لك من الذكرى حسايف
أخاف شوق الامل
وأخاف ذكر القلم
اخاف يحكي السطر و الورق
اخاف يشكي الشقا والارق

يا صدى من غير صوت
مابه حياه من غير موت


يا ذكرى الصحاري والجفاف
يا يأسي اللي باقي واللي طاف
ماعاد شىء يربطني فيك
غير الشقا ان كان يرضيك
حتي السنين اللى عطت
وحتي الدموع اللى بقت
صارت تخاف


........................................ .......... .............




عبسية و عبسي


قالت ضمينا شعر وأمهلت هجسي
ماللقصيد اليا ضميتي معاذير

حطت نوارس عطرها فوق طرسي
شوي وارياف الحنايا نواوير

عبسية عيت على قلب عبسي
عيت على قلبه وقلبه كما الطير

طير على غصن المواعيد منسي
ودلال شوقه للهبايب مباهير

أمارة (ن) بمهيل الشعر نفسي
رويانة(ن)عشق وسلام وعياطير

اليا اصطفق موج الطواريق يرسي
يخت ((الزعيم)) ويفرقون الشواعير

هاتو لها في فيٌة القلب كرسي
من طلة النجمة اليا رعشة عصير

هاتوا لها لاخالط الشوق همسي
هي غير عن كل البنات الذي غير

وقولوا لها لاهبت الريح عكسي
وقامت تصافقني هبوب المشاوير

تلمني بأهداب نجل (ن) وخرسي
وتمطر على عمري وتصبح على خير

تصبح على قلبي وتصحى وتمسي
وريانة القامة عنود الغنادير

وقولوا لها لاغيب الغيم شمسي
هذي سواته لاأفختن المعاذير


........................................ .......... ..............




سوالف مطر


عذروب وصلك جمر وهذا الذي محليه
يابهجة النفس باقفاها. . وباقفالها


وليل ضوى بك عذى. . ياعلني ما ابكيه
يازين شمسك ويا محلا تختالها


سبقت قبل الفجر ما يمديه
يلحق سنا مفرق الحجة ويبرالها


هذا الضحى جاز لي وهذا المسا. . بأسريه
ويحلها . . يا وزين الروح . . حلالها


عشقك سوالف مطر جاب الوسم طاريه
لا جابتك ليلة الفرقا. . على بالها


تبغى ندلك ندل. . تبغى نتيه . . نتيه
الناس ماشي غير رضاك يحلا لها


ما دمت ناعس هدب تسهر عيونك ليه
خل السهر . . لي . . وأهدابك على فالها


ما دمت باشا على عرش الغرام وبيه
الناس للناس . . والجدران لظلالها



........................................ .......... ..........




احبك لو يموت الحب


تخوفني مشاوير الطريق المظلم المهجور
والي مني ذكرتك قلت طولي يامشاويري

عزاي انك رجاي العذب لو كل الدروب عثور
وصلت او ماوصلت اعرفك مانته منتظر غيري

حبيب وكل الله .. لاتحسب اني بليد شعور
لو انت المستحيل الصعب مابدي لك معاذيري

احبك رغم تجريح الليال .. لقلبي المقهور
اشوف الجرح يكبر .. وانت تكبر وسط تفكيري

احبك لو يموت الحب .. وتصير القلوب قبور
احبك كلمة .. لو حرموها حل تفكيري

احبك من هنا حتى طلوع الفجر حد النور
صحيح انك قدر محتوم بس اجمل مقاديري

بعذر اللي يحبك لو يصير الشاعر المشهور
لانك تنهمر حلو القصيدة في تعابيري

احد ربي يحطك له حبيب .. وما يجيه غرور
وانا مهما بغيت استوعبك ياقل تقديري

هلا بك من قدمك لغرتك .. لشعرك المنثور
هلا في كل شئ فيك وانت اغلى مساييري

اثر صدق الغلا يجبر حطام الخاطر المكسور
وانا مهما منحتك من غلاي .. اشعر بتقصيري

ولو طالت مشاوير الطريق المظلم المهجور
انا لامن ذكرتك قلت .. احبك يامشاويري


........................................ .......... ..............




سمها


سمها ذكرى مزوح اللي تسمي
انت ابو خضر الطعون وسمها

انت ياشيخ البها سيدي وعمي
تنثر ايامي عبث وتلمها

انت همي ول يامحلاك همي
مع ياملح السنين وهمها

قبل اقول لسود الحلوين سمي
من غلا سودك غرقت ف يمها

ان ندهتك تنبت نواويرك بفمي
المحك شمس نهاري يمها

جيت لك من جمر الشوق متحمي
كل ماتبرد طعوني ضمها

جيت لك واقصى معاليقي تومي
هم يخطيها وهم يخمتها

ان ضميت اشرب سواليفك بدمي
وان تثاقلت الدروب ازمتها

وان خذتك مني عين ماتسمي
العن الدنيا وابوها وامها


........................................ .......... ............




حمرت الشمس


هذاانت والا حمرت الشمس واليم
ريح المطر والا نسايم حنينك


يومك ضحكت وبش باوجانك الدم
قبل الغياب وكلهم حاسدينك


كن النهار اللي رسم للشفق فم
ضحكة ثغرك اللي سماها جبينك


هذا انت والا من يضم الحشا ضم
هذي يدين البرد والا يدينك


ثلجي نحرك أدفى من غفاية الهم
عن خاطر صحوات همه تدينك


بأعانق احدود الضما والغلاجم
وأبقي معك سيد هواك ورهينك


........................................ .......... ..........




وردتين حمر


جت في يدها وردتينٍ حمر
قبل الشفق والشمس محمره

النق نافر والسوالف خمر
والموت بين العنق والغره

والريح تاخذ من شعرها غمر
تلعب معاه شوي وتثره

ذاك الثليل اللي جمرني جمر
اللي بغيت اموت من حمره

قلت انورت كل الدروب السمر
والعيد جا يمشي على الجره

برق السنين ومجهمات وقمر
جيتي وخفاقي نفض شره

الليله ليله من ليالي العمر
واحلى ليالي العمر بالمره

قالت غيابك وانتظارك جمر
وابطت تعاتبني وتتشره

قلت ابشري والرمش يا مر أمر
يالول وجداني ويادره

واللي جمعنا يا انتظار العمر
ما اعود هالفرقا ولامره


........................................ .......... ........




حب جديد


حب جديد وقصيدة عشق مجنونه
الله يحييك ياحب لفى توه

حب لكله وحبٍ بس لعيونه
حبين باقصي خفوقي بس له هوه

ايه انصتي ياشجون الروح ممنونه
جاني رقيق المشاعر ناوي الخوه

جاني حبيبي وعمري فرحة غصونه
ربيعها يوم سال السيل من توه

يوم انهمر لي حنانه باعذب لحونه
قلت الله الله صفا جوي على جوه

والله لاحبه ولو حظي وقف دونه
مافيه قوه تصد الحب بالقوه

بس انتظر يازمن لين اعلن المونه
ومن بعدها اللي تسوي يازمن سوه




........................................ .......... .........




كثر الكلام


على كثر الكلام ، وكثر ماقبل الكلام جروح"
" سكت ، ومالقيت الكلمتين الي علي بالي


أخاف إن قلتها ، ماقلتها ، وان قلتها بوضوح"
" توسدني ملامات الرفيق وشرهة الغالي


كذوبه يالهوجس اللي على الخاطر تجي ، وتروح"
" بغيت أزبن ذراها ، واستريح وماتهيالي


ورحت أتلي شتاتي ، واترجي صوتي المبحوح
" تموج بي الدروب ومسندٍ كفي على ظلالي


عسي مانتي رجايه يابروقٍ في سماي تلوح"
"يشرهبني رعدها والضما بالصدر همالي


نقلت جروح ماعرفها بقلبٍ مرهف مجروح
" تنطحت البياض ، وسود الله وجه عذالي


........................................ .......... ..................




رماد الشوق


ولع رماد الشوق يامعذبي نار
" من كان يحلم باشتعال الرمادي


ماكنت احسب انه يكون اللقا حار
" لين التقينا واشبكتنا الايادي


وقامت لنا الذكرى تغني على الطار "
" تنساب باسماعي نغم حب هادي


حسيت شي لفني مثل الاعصار"
" واستيقظت نشوة غلاك بفؤادي


اخذت لي سجه وانا شبه منهار
" بين الخيال وبين علمٍ وكادي


وفزيت يوم انى تنبهت وش صار"
" مثل الذى توه صحي من رقادي


تغير الموقف بلا سابق انذار
" وغير المشاعر جت مشاعر جدادي


رديت لك عقب التجافي والانكار
" وطويت صفحات الزعل والعنادي


وتبددت ذيك المبادي والافكار
" ايه جنون افكار وايه مبادي


تراي انا مليتها لعبه النار"
" ما احد لعبها قبلنا واستفادي


من رد للجنه عقب صالى النار"
" حتى السموم يصير عنده برادي


........................................ .......... ..................




ياطير


حزين من الشتا والاحزين من الظما ياطير"
" دخيل الريشتين اللي تضفك حل عن عيني


دخيل الما ،وملح الما،وحزن الما قبل ماتطير"
" تهيا للهبوب اللي تصافق في شراييني


دخيل الغصن والظل والهزيل وهفهفات إعصير "
" دخيلك لاتشح بنجمتي والليل ممسيني


ترفرف يافقير الريش ضيقه والنهار قصير
" علامك كل ماليل جناحك جيت ساريني


انا ماني بخير وجيت يمي وانت مانت بخير"
" وانا ياطير في من الهجاد اللي مكفيني


ترى لو شفت لي ظل ومهابه في عيون الغير"
" ترى كل الزهاب اللي معي جرحي وسكيني


........................................ .......... .................




عين تشربك شوف


بين فرحة لقاك وهم فرقاك"
" لاتذكرت جرح ولا نسيتك

حي هالشوف ماتنمل دنياك"
" شف سواة العيون ليا لقيتك

عين تشربك شوف وعين تظماك"
" لاذبحني ظماك ولا رويتك

قمت اخيلك هنا وهناك وهناك"
" وين ترحل بي النظره نصيتك

ان تبسمت قلت الموعد شفاك"
" وان تمنعت بانفاسي دعيتك

وان طلبت الغلا قلت الغلا جاك"
" وان سكنت الخفوق البيت بيتك

وان نثرت القصيد بدرب لاماك"
" ذاع صيت القصيد وذاع صيتك

يارجا العمر لو حفتك الاشواك"
" ليتك اول طريق القلب ليتك

ودع البرد كف ضم يمناك"
" صافح الود قلبي يوم جيتك

حي هالشوف رغم هموم فرقاك"
" لو تناسيت جرحي مانسيتك



........................................ .......... ....................




تبدين مثل المستحيل


آخر عباراتي وداع ،وآخر مشاويري رحيل
" جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمت طويل "
" مثل الهدوء اللي سبق لحظة هبوب العاصفه

وأنتي بمتناول يدي ، تبدين مثل المستحيل"
" في عشرتك صوت العقل يقتل طموح العاطفه

الحب ماهو كل شي إليا وقف حظٍ بخيل"
" قلوبنا مثل العسل بس الظروف مصالفه

لاللندم ،لاللعتب ، أوشي من هذا القبيل"
" وانتي ماجا منك خطا حتى تقولي اسفه

من غير ليه ، استسلمي ،واستلهمي صبرٍجميل"
" ولاتسأليني وش جرى مالك بطول السالفه

قولي لهم ياعزوتي ماعابنا موت النخيل"
" اللي يوافيها الأجل وتموت لكن واقفه

آخر عباراتي وداع آخر مشاويري رحيل"
" جيتك وكبدي ناشفه واقفيت كبدي ناشفه


........................................ .......... ..................




ياللي تموت ببردها


في زمان كنه البرد ، شبيت القصيد
قلت ابدفا والليالي تموت ببردها

في طريق كنه الموت والحالي وحيد
قلت ابحيا والمنايا تبوح بسدها

أتقارب هقوة العمر لو كانت بعيد
واتغني بالمقابيل واخطب ودها

لاقديم الجرح يقوى ولاجرح الجديد
يخلف الناس العزيزه عن اللي ودها

والله اني ماتنازل ، لي رايٍ عنيد
لين أداعب غرة الشمس ،والثم خدها

وانزفي ياوردة الشعر ، من دم الوريد
لاتجفي في عروقٍ ، تراجف يدها

ياقصيدي كان الأشعار سادات وعبيد
والله انك من بحور ،غريبٍ جدها

ماتقاود مهرة الحرف للقلب البليد
ياقصيدي خذ رسنها ،وخلك قدها

في طريق كنه الخوف سليت القصيد
قلت ابحيا والليالي تموت ببردها


........................................ .......... ...............




كلك غلا


كلك تعالي غلا ... والاارجعي كلك
بعض الغلا منك مايستاهل الجيه

طالت وانا في رجا ليتك..وياعلك
أوراق بالذاكره ..واوراق منسيه

مابل ثوبك مطر شوقي ولابلك
لوعلتك من سحاب الروح وسميه

ليه امشي الدرب دامه مايوصل لك
تخاف رمضا الضياع اقدام رجليه

يابنت تو الهوى ماصرت انا خلك
للحين .. مازالت الصوره رماديه

ومازال بغض الغموض الشره يحتلك
وشلون انا اعشقك واحبك على النيه

اشوفك هناك قدامي .. ولاادلك
صعب الكتابه ليا صار الورق ميه

إن كان شمسك تساومني على ضلك
ماعاد ابي منك لا شمس .. ولافيه

اما تعالي لقلبٍ .. فز لك كلك
والا اتركيني ما ابي لك بالهوى جيه


........................................ .......... ..................




وش يبقى لي


صوتك اللي بقالي من ليالينا
عاد لو غاب صوتك ويش يبقالي

صوتك الموج والمجداف والمينا
صوتك الناس لوني في خلا خالي

صوتك الذكريات اللي اتدفينا
كل ماهل شفت العيد يبدالي

صوتك بعيد مثل البعد يطوينا
صوتك اغليه ... صوتك يابعد حالي

من غروب الكلام لشرق اسامينا
ياحبيبه وصوتك عندي الغالي

سولفي ... لعنبو همٍ يبكينا
انت اقصى مدى الهقوات والتالي

مالها حد شرهتنا وامانينا
والمسافات قشرى مالها والي

يقبل الليل لامرفأ ولامينا
عاد لو غاب صوتك ويش يبقالي


........................................ .......... ...................




مسرح وجمهور


البارحة كل رمش سل شلفاه
" وانا على نيتي ساهي وشارد

مسرح وجمهور متبلد وملهاه
" يوم انت تطعن حشاي بدم بارد

ياسيدي من يقول الموت مأساه
" والموت بغضايتك خيل تطارد

ماعندك الا حلالك وحلا لاه "
" لي اركيت قلبي على سود المبارد

الرمش طاغي وانا ماني بوياه
" صدرت ضامي غلاك وجيت وارد

شبيك لبيك قلب العبد لله "
" بين اصبعينك غدا خادم ومارد

اطلب وتدلل فداك اللي تمناه
" لو تطلب الشمس وسهيل وعطارد


........................................ .......... ............



جيتك بقايا حي


جيتك بقايا حي كل اكثرة مات
" وصلت لك با اخر رمق من حياتي

جيتك خوي الخوف في رحلة الذات "
" بين الرجا وظروفي القاسياتي

جيتك من الفرقا كثير التلفات
" جيت انتحر في نجلك الناعساتي

جيتك مزيج جروح ودموع وأهات
" نديم لعيون الاسف والشماتي

جيتك شظايا تشتعل شوق بسكات"
" ما ادري حزن مدري سعادة اسكاتي

جيتك لوانتي سابع المستحيلات"
" اللي يحبك يصنع المعجزاتي

جيت استجيرك من شمس المتهات"
" -عيت تظللني تحتها عباتي

وابا أتعفى عقب عذاب المعاناة "
" على رصيف اشواقك الدافياتي

تلقفيني من ايدين التشتات
"صيري بحلاة الروح قارب نجاتي

هلى غلا يمحى كدر كل مافات
" يامزنت افراحي ومنبع هناتي


........................................ .......... ..............



سيف العشق


كيف أطفي الريح بثيابك وكيف اشعلة
كيف اتثر على جمرك وكيف احتويك

نقضت لليل الحرير وجيت ما انت . لهلك
سميت باللي فتني بك وقلت ابتديك

هذا اول الدرب اوهذا الطريق اولك
جيت اتوقا عذابات المدى واهتديك

شوقي مسافة وهمسات مدار وفلك
ان ماضميتك غلا ياعلني ما ارتويك

اية اعرفك واعرف اني من غلاك اجهلك
مرات اضمك واخاف اني مشبة عليك

مرات اشوفك بنفس الوقت واتخيلك
وانشد كفوفي عن اخر سالفة من ايديك

اعن لك لو تصب الموت واتهيلك
واجوع لك واتمنى جنجرك واشتهيك

ماقلتلك عمر سيف العشق مايقتلك
ماتشوفني حي قدامك وانا اموت فيك

اشتقتلك قبل اجيك وجيت وشتقتلك
لبارحة طول ليلي بين هاذي وذيك

مليت جمر انتظارك واستحيت اسالك
واحسبني ما بعد جيت وفكرت اجيك

اثرك بقلبي من البارج وانا استعجلك
واثري نسيتك من الفرحة وقمت احتريك


........................................ .......... ...................




هبت شمال


هبت شمال وساقت الوبل هتان
قالوا روى قلب العطش قلت لله

توه يبل الريق من ريق المزان
قلب تفياء غيمة مسفهله

ودي تفيض بفاتر الصوت غدران
نقع المطر يرفا عن الكبد غله

حي الغلاء بشفاك ياعطر الاشجان
قل للغرير اللي نهى القلب قله

طاح الربيع ووردت جرد الاغصان
عشب القلوب مصافح الخل خله

نش السراب وحادي الغيم نشوان
هيض غناه معانق الغيم طله

من فرحتك شابت نواطيرالاحزان
وبجيتك خان اسود الهم ظله

هج الظلام وسال في حجرالاعيان
ضيء تزفه غرة مسفهله

لك من هنا لاخر تفاصيل الازمان
عشق تمده راحةً ما تمله

وليا لفحك القيض بأطراف الاجفان
خذ نصف قلبي لاااا خذ القلب كله

لا تستذير معاند الشوق غلطان
الله عطاك امر الخفوق وتوله

احيان اسوق العمر وتسوقه احيان
بيني وبينك دق عمري وجله

نمسي على جال المقادير خلان
ونصبح ومرباع الغلاء في محله

ما عاتبك لو ساهي الرمش كسلان
القاء العزاء بمزاح شعر تفله

هاك القصيد تفجر العشق بركان
خذ من سناه وبارد الحرف خله

ياعل شعراً منت قافه والأوزان
تصداءعليه شهورهن والاهله


........................................ .......... .............




عزتي غالية


ينجرح قلب لكن ترتفع هامة
والله إني لأموت ولا انحنى راسي


لو رماني زماني وسط دوامة
العواصف شديدة والجبل راسي


أنقل الحزن وأمشي منتصب قامه
قاسي الوقت لكني بعد قاسي


وأسمع الحلم يصرخ لحظة إعدامة
رابط الجأش ماهز الخبر بأسي


عزتي غالية والناس سوامة
قلت ما اطيع حتى تقطع انفاسي


زانت أيام عمري وشانت أيامه
مارجيت العز من رحمة الناس


من عجز لا يدوس الهم بأقدامه
لازم انه مع الايام ينداسي


يندمل جرح قلب ماتت أحلامه
بس ما أظن يبرى جرح الاحساسي


يوم صارت مابين القلب والهامة
ويش ابي بالحياة لنحنى راسي




,,,,,,,,,,,,,,,, ,,,,,,,,,,,,,,,, ,,,,,,,,,,,,,,,,,

آهــــات
01-16-2009, 02:14 PM
مطلـــــــــق النــــــــومسي






الشوق جاير


الشوق جاير .. وجور الشوق لعيونك
والحب بيّن .. بعيني .. يوم حبيتك
يا مبعد .. عناد قلبي .. مايعرفونك
حتى لو إني .. عزفت إسمك .. وغنيتك
ساندت صبري .. وراك .. وطاح من دونك
وجيتك .. وأنا لا بغيت الصدق ؟ .. ما جيتك
أهلكني الوجد.. وأنت أهلكت .. مفتونك
وعلمتني .. كيف أونّك .. لين .. ونّيتك
ياليتك .. تشيل دمعي .. في حِجر .. نونك
أو ليتك .. تردني عن قول يا ليتك
مابين سكر عنبك .. ولذع ليمونك
شربت مرّك على شانك .. وحلّيتك
تكفا .. فديتك .. شوي .. شوي .. على هونك
تراك غالي .. وأنا زوّدت .. وأغليتك
وإن شفت .. أهل بيتك المعمور .. يغلونك؟؟
شف قلبي .. أصدق غلا .. من كل أهل بيتك
لاتسمع الناس .. لو كانوا .. ينادونك
إسمع صدى صوت قلبي .. يوم ناديتك
قل سم.؟.. أو قل هلا.؟ أو قول .. يا عونك ؟
ما تدري إنك.. ليا ناديت.؟.. لبّيتك
لبيه .. لامن ضحكت .. وبانت سنونك
وأخفيت مبسمك .. بين أطراف جاكيتك
حبيتك بعقل .. لين أصبحت .. مجنونك
وذبحت .. شعري .. لأمل لقياك .. وأحييتك
متى على الله .. تضمّ.. عيونى .. عيونك؟؟
وأنشدك بالله قلّي .. ليش حبيتك؟؟


........................................ .......... ...............



ياغالية



ياغالية وأنتي وأنا حالة شبيه الإنفصام
والإنفصام الله يعيذك داء معدوم الدوا

وأنتي عيونك نايمه وأنا عيوني ما تنام
تحديث لأطلال المثل .. أصابعك ماهي سوا

يا أم التراحيب البخيله .. في زمن جود السلام
ياللي على طيبك تمادى حبل غدرك وإلتوا

بنيتي الإهمال في لحظة غياب الإهتمام
ونويتي أخس النوايا .. بس قلبي ما نوا

لأنك حلال .. وأجبروه يمثّل أدوار الحرام
تأليف وإخراج الغدر .. وإذعان قلبِِ ما قوا

إلى متي ؟؟ والوقت يجبرنا علي طول الخصام
إلى متي ؟؟ والقلب يشكى من متاهات الجوا

إلى متي ؟؟ وبكارنا من عدّنا تقفي حيام
إلى متي ؟؟ نعلن عطشنا فوق عدّان الروا

إلي متى ؟؟ نبقي تحت حكم المعاتب والملام
إلى متى ؟؟ لا قال ( لا) نقول له مالك لوا

تغيّرت كل النوايا ... وإختلف فينا النظام
ولاعاد فنجال الحبش يقدر على رد الخوا

لكن عزاى أني أعرف النور جلاّي الظلام
وإن الروايه تنحصر في ذمّتك ياللي روا

وبقول لك يا غالية كلمة وهي مسك الختام
أنتي عبارة عن سخافة من سخافات الهوا


........................................ .......... ...............



قصيدة النجم


مع سكون الليل وأصوات الرعود وسع بٍٍالي
جالسً بالمجلس اللي عطرته الشاذلية

جالس والبال داله لا جنوب ولا شمالي
مختلي وأقرأ حكايات العصور الأولية

وأتكيف لا بغيت الكيف من صفر الدلالي
وأتخير ماعجبني من أعذوق السكرية

ليل غيث وليل خير وليل مركوز الخيالي
عقربيه تنتهي ولا أنتهت جت عقربية

وبعد ماكف المطر شاهدت لي نور يلالي
فرق آطراف المزون وطارت العين الشقية

وأقترب مني وأنا أراعيه وأجود عقالي
من أخبالي يوم قرب اعتزي بالوايلية

هي شجاعه هي رخامه ماقدرت أقرأ سؤالي
المهم أني أشوف الموت أقرب من أيدية

قال بسم الله عليك وهد روحك ياحلالي
ماقصدتك بالهلاك ولا نويتك بالأذية

حاول أنك تفتكرني واذكر العهد المثالي
حول ست سنين يمكن أو بعد أكثر شوية

يوم ترسلني لخلك يوم أنا أمرك لحالي
يوم أنا أطلبك وصفه وأنت زعلان علية

يمكن أن الوقت غير شي في شكلي وحالي
ذاك أنا النجم الذي وصيته بأغلى وصية

وقمت أحد الشوف فيه وطاب فكري وستوالي
وصحت بأعلى الصوت أرحب ياهلا يالله حية

كيف حالك ياعساك بخير يانجم الليالي
أقدع وخذلك من الفنجال مزاتٍ هنية

وعطني أعلومك عسى وصلت غالي عند غالي
طالبك يانجم قلي كيف حال الغشمرية

هي تبي قربي أو أن البعد فوق الأحتمالي
أو مثل ماهي على خبري لرفقتنا وفية

قال أبشرك بسلامه مابين عم وخالي
ولا تبي غير أنت من بد الصنوف الأدمية

وتنشد الأيام عنك ومخطر فيها الأهبالي
وصورتك معها وتبكي بالصباح والمسية

وتحلف أنك غير ترجع كل ماهل الهلالي
وأن حبك ممتلكها دامها بالأرض حية

وضحكها كان أضحكت مصدرها الأيام الخوالي
تضحك قدام وجهك ضحكت الطفل البرية

وأذكر أني قبل أجيك وقبل أشد الرحالي
أمسكتني وأشهقت شهقة من الداخل قوية

قالت أرفق في حبيبي جعل مال النجم والي
طالبك أكذب عليه ولا تحده للخطية

بس أنا بعلمك بالعلم وأبعد عن جدالي
زوجوها غصب وأغراء عمها زود العطية

بس تكفى لا تكمل وش بقالي وش بقالي
ليتني قبل لا سمع هالخبر ذقت المنية


........................................ .......... ..............



أكذب بيوت الشعر



أكذب بيوت الشعر // بيت اللي يقول
ما الحبّ // (إلا للحبيب الأوّلي)

وأكبر دليل // إنك معي (أربع فصول)
وألغيت كل النااااااس//(ياريحة هلي)

ألغيتهم //وأنا أحسب إن مالي ميول
إلا ( لأول حب) // بالقلب الخلي

بس إنت // ماخليت للماضي قبول
وعلمتني بالحب // مقدار جهلي

وسميت بإسم الله عليك من (النضول)
واللي يهدم البير من فوق الدلي

(هلا هلا ) // (يافزّة الظبي الجفول)
يامن لك الخافق.. يفيض //ويمتلي

(حقّي عليك)//(تحبّني حسب الأصول)
وإن كان أنا ماوفيت لك// (حقّك علي)

أشغلت فيك الناس// وأصحاب العقول
ماغير أسولف عنك وأفليها فلي

سمّوني المهابيل //(مهبوووووول)
وأنا هبالي لك //وثقل العقل لي

وش لي !! لاوالله مالي شيء موووول
ياموووووول عن شعب الإمارات أوملي

(أخذتني كلّي) وأنا كلّي ذهول
مدري (غلا)!! ولاّ (غلو)!! ولاّ (غلي)

مثل (الخليفة) والأمه (ذات الحجول)
يوم سمعوا صوت صفير البلبلي

مالك سوى تآمر //وأنا لأمرك عجول
حتى ولو أمرك (هدم مستقبلي)

أقول (إيوه) وإن بغيت (الإيه) أقول
ولاّ على قولة هل البصرة (بلي)

معك//معك//دايم!!ورغم أنف العذول
(أعلن موافقتي) !!وشرطي مايلي

(إنّك ترضّاني) إليا (جيتك زعول)
وإنك (تزعّلني)!! إليا غاب زعلي

وإنك (تقاضالي)!!من (الرمش الكسول)
وإنّك (تلحّفني) (الجديل المخملي)

مانك موافق زين (يالظبي الجفول)
باقي معي كلمة!! بصدري تصطلي

تبي الصراحه عاد صاااادق من يقووول
( ما الحب ) // إلا (للحبيب الأوّلي)


........................................ .......... ....................



الله يسعد لي صباحك


ضحكي بيديك .. ودمعتي .. برضو.. نواصيها بيديك
تقدر تضحّكني وتبكيني ..وتلحق مشتهاك

الله عطاك .. وسلّمك أمري .. وأمري محتويك
إحفظ حقوقي .. وإلطف ب حالى .. بعد ما الله عطاك

العفو عند المقدرة .. والعدل شيمة والديك
وأنا ولد هادي معك .. وأكبر مشاغب .. من وراك

هنا آآتفّرق منك .. وهناك اجتمع .. وآآذوب فيك
والخوف جايز . من هنا .. والموت حتمي من هناك

وأكبر دليل إني .. ليا حاولت .. يوم أزعل عليك
لقيت قلبي كل ما يزعل .. يدوّر عن رضاك

وإذاك تذكر . يوم كنّا بين أجيك أو ما اجيك
وشلون قلبي كسّر .. الرهبة تحت صدري .. وجاك؟

ماجاك.. يهلك في نجاتك .. جاك ينجى بك .. هليك
لنّ .. النجاة (بما تنص اللائحة )عندك هلاك

ياللى.. هلاكك .. مبتكر على نظام الهدروليك
مهما يكن حجم الألم .. يمنع وجود الإرتباك

لبّا الهلاك اللي كذا .. يوم انتهي به .. وأبتديك
وألقى نظام الطيش .. يرسمني على فوضة صبااك

وأنا ولا أدري . لبه أنا أظما لك؟؟ وأنا أقدر أرتويك ؟؟
تدري؟؟ أقولك شي؟ أحلا شي ؟ يوم أروى ظماك

أبيك ياعمري .. وإذا ما تعجبك كلمة .. أبيك
خذها ب لهجة ساكنيين (دبي) ياعمري أباك

يكفيك لامن غبت .. مالك إسم .. غير إسم المليك
وإن جيت عقب غياب ..مالك إسم ..غير إسم الملاك

حشمة غلا .. وإلا غلا حشمة .. وذيك تعز ذيك
غلاك يفضح حشمتك .. وبحشمتك .. يُستر غلاك

يا قبلة الله .. كل ما أتخيّل.. تقوّس حاجبيك
لاطارت عيونك عجب .. وأغضيت من زايد حياك

أفقد وجود الجاذبية ..وأرتفع لك .. هيك هيك
وأطلع بعد أكثر .. وأكثر .. لين تحضني سماك

وألقى سماك ..تلفّني من حول .. كوكب ناظريك
وأسمع .. مماليك الكسل .. تفخر ب عهد الإمتلاك

حالة .. تجرّد .. وإرتجاج .. وهلوسة .. تنسب إليك
أمّا أتحمّلها ..عنك .. وإلا أتحمّلها معاك

مع إن مالي ذنب .. بس أقول .. يرضى لي عليك
الله يسعد لي صباحك .. قبل يسعد لي مساك

شفت إن ربّي .. سلّمك أمري .. ولا لك أي شريك
إلا أنت .. وعيونك .. وخدّينك .. وتذويبة شفاك


........................................ .......... ..................



عتاب الأنهزام


ياحي هالصوت الذى أخلا الفؤاد المزدحم
بآخر عتاب الأنهزام .. وفقد حلم السيطرة

ياحي صوتك لا تمادى بالتغنّج واقتحم
خلوة فؤادى فى عتابه للجروح المخطرة

وياحي صوتك لا همس لآخر عروقي وألتحم
يجبر محيط الزاويه يرفض قياس المسطره

صوتك .. أشارات لضميري يدحم اللوعه دحم
وأعلان لأذني تحتفل باللي قدرها تنطره

صوتك يكوّن من حجر .. أنسان من دم ولحم
صوتك كتابِِ يعجز التاريخ يشرح أسطره

صوتك ليا انساب بهداوه .. روّض قلوب السحم
رووس السباع اللي على رووس الآوادم مفطره

صوتك يبث العاطفة فى قلب طاغى ما رحم
فى ذبحة الطفل البري ياماأشطره ياما أشطره

صوتك على جال الدلع فكل ليله يستحم
صوتك ...أمان القلب فى وقتِِ أمانه بخطره

صوتك بياله شاهى النعناع من جمر الفحم
صبّوا له الما من شهاليل المزون الممطره

ويكفي ليّا منّى سهيت وقلت لى (إحم) ( إحم)
(نحن هنا) .. (نحن هنا) أفقد وجود السيطره


........................................ .......... .....................



آخر رصاصه



آخر رصاصة .. كنت أهدد بها .. الغول
طاحت .. وأخذها الغول .. وأخرج لسانه

وأصبحت .. لا محزم .. ولا سلاح مصقول
ولا ظهر يستد ... ولامن حصانة

أجسم خسارة .. وأكسرتني .. على طول
كسرة قهر ... ماهيب كسرة جبانة

صدمة .. وهزّتني .. وردّدت مذهول
أثر النوايا البيض .. جرم وإدانة ؟

من كانت الدنيا ... فتيّة .. وعطبول
وكل شي ..له أصول .. ومقام .. ومكانة

حتى الخطا .. لا أخطيت .. تخطي على أصول
وإلا إنوصفت .. بنقص عقل وديانة

يامن خطاك .. يطول شرحه .. ولا أطول
عذرِِ يوقّف .. مكرة الأسطوانة

معقول !! جتني منك ؟ منك أنت ؟؟ .. معقول !!
يا صبر الأرض .. وهالزمن .. يا هوانه

وأنا أعتبرك .. أكبر اخواني .. ومسؤول
عني .. وأقول إني من أصغر اخوانه

وأغض عن زلّتك .. من حول لا حول
وأقول له .. عذر الغلا .. والميانة

وأسمح .. وأقول إن الخطا منك مقبول
إلا ليا وصلت حدود الإهانة

أنا خلاصة .. حرب .. وسيوف .. وخيول
وفعل البطل .. لا قال .. أنا أخو فلانة

ما أرضى .. ولو كان الثمن ..فقدي لذول
والعذر ..شان القبح .. والقبح .. شانه

اسمع وأنا بناخيك .. للهرج مدلول
العار .. عار الصيت .. والصدق أمانة

أنا جبل على الرفاعات .. مجبول
ماني بشقّة جيب .. وإلا خيانة

أنا إبن عم السيف .. لا صار مسلول
مع صيحة الفارس .. وصهلة حصانه

وإن رحت للمجهول .. مانيب مجهول
وأعرف أساليب الدجل .. والكهانة

وأصير بهلولين .. لا شفت بهلول
وأخطر مفاهيم الذكاء .. اللعانة

القاع تتزلزل .. ولا طاح أبا الهول
تباشروا بالخير .. يا أهل الكنانة

لذا يا ابن عمي .. ترى الباب مقفول
والبيت ثابت ما تزعزع كيانه

ماهي كذا .. يا محزمي .. لكن أقول
أقبل شكر مطلق .. وكثر امتنانه

إعرف نتيجة .. قسمة الطول بالطول
وتكسب .. تجاريب الزمن .. وامتحانه

وأوصيك يا بن العم .. لا جاك مرسول
رحّب .. تري الترحيب .. ما فات أوانه

والحين أبا وادعك .. والبال مشغول
قبل الوداع .. إخذ الشطر .. مع ضمانه

شطر لابن رشيد .. من بيت منقول
لو كان ماهذا الزمان بزمانه

قاله يوّصي .. عبده حسين .. ويقول
ترى الخوي يا حسين .. مثل الأمانة


........................................ .......... ..................



::~~آفة الذوبان~~::



يا زاكي العرقين .. يا أعز منسوب
يا مرجع أنساب الوفا .. والنظافة

أزعلت من شانك حكومات .. وشعوب
ولا لحقني من زعلهم .. حسافة

واللوم إبن عم الحسد .. والحسد ثوب
لا طالت كمومه .. تشقق كتافه

لوّامتي بك .. صاروا .. قروب وقروب
وإن زادوا .. أزيد بهواك .. المسافة

يعني عشاني متعب .. قلوب .. وقلوب
علّقي بك .. صار مثل الخرافة؟؟

بس أنت غير .. وكل مافيك مرغوب
والهرج .. عقبك بالصبايا .. سخافة

تحشم .. عن الرفلات .. والطفق .. والعوب
مخلوق كامل .. ما يبيلك إضافة

طيب .. وابن ناس .. ومسامح .. وحبّوب
وافي .. طبيعي .. ماتحب الكلافة

أهيف حشا .. مغناج .. رقراق .. غرشوب
مزّاح .. سمح قبال .. ما بك لقافة

ميّاس .. ليّن .. مورد خدود .. رعبوب
ثقل .. وعقل .. وأبعاد فكر .. وشفافة

هرجك .. مسافة .. جمرة اشفاتك .. دروب
خلطة عسل دوعن .. بسكركنافة

أما إنعطافة خصرك .. حكاية بصوب
يبغي لها .. شرح .. ودروس بكثافة

ما أكذب لا قلت إنك .. مربرب .. ودبدوب
وما أكذب لا قلت إنك زعيم النحافة

يا دوب .. أقاوم سحر عينيك .. يا دوب
ماني حمل .. خصرك .. لا زاد إنعطافه

اتركني أذنب .. في عيونك .. ولا أتوب
ذنبِِ .. ولا أحلا منه .. كود أقترافه

ذيك العيون .. اللي بها بيت مصبوب
عين المها .. بين الجسر والرصافه

فيها آتذكر ما ورا معتق الطوب
وقلوبنا بين الأمن .. والمخافة

وصدري ..نزاعات .. وعداوات .. وحروب
وصدرك .. صراع الملك .. بعد الخلافة

والصمت سيّد .. والحكي عبد مغصوب
والدم نازل .. بالعروق بكثافة

والشوق جسم . وروح . طالب .. ومطلوب
واللون .. باين بالوجيه .. إنخطافه

باللحظة هذي .. ينعدل كل مقلوب
وتقرب .. وأنا أقرب .. منحني بالتفافه

وأذوب .. وأنت تذوب .. وأذوب .. وتذوب
واذوب .. وتذوب .. وذوبانك .. آآآآفه

إي والله آآفه .. تثمل العقل .. بإسلوب
يعجز خيال .. أكبر رموز الثقافة

ثمالة .. بنشوة صحاوة .. بماجوب
بعلوم ظفرة .. بإنشراح بظرافة

يا كثر ما منّك .. وما فيك .. والنّوب؟؟
يبوني أستطول .. عليك المسافة



........................................ .......... .................



؛؛؛يافاتنة مطلق؛؛؛



يا فاتنة مطلق .. ولا عليك أمر
تقرّبي .. وأدني من العذق خرزة

أبا أنظمك مسباح .. من عذق التمر
صعبة أنا أدري بس أبا أصنع معجزه

يا معجزة عمري .. وتبسيطك عمر
أستبسطه .. وأعيش به .. وأستعجزه

لقيت بك بيض .. المراويح السمر
وفقدت بك .. فوح السموم المفرزه

وأخذت بك .. جود الهبايب للجمر
ودفعت بك ... بخل السنين المعوزه

وأوجزت بك .. سهبة لياليك الحمر
وفصّلت بك ... كل الليال الموجزه

حتي عقدت لبعد ( قربك ) مؤتمر
أنا .. وقلبي ... والهموم المجوزه

لين إتفقنا .. ناخذك ليلة سمر
تبقي على صدر الزمن .. متمركزه

يا أم العيون اللي بصحوتها خمر
وتفقد .. بخمرتها العقول المنجزه

فديت روحك .. جاك شعري منسمر
يستخفي .. بجهلك .. وعرفك يبرزه

وأنا .. وشعري .. والطواريق القمر
متلعوزين .. وقاصدين اللعوزه

لين الثعالب تفتكر .. صمت النمر
قبل النمر .. يغمز ابليس .. ويغمزه

وكان القصايد هم زيدان وعمر
أنا أعتبرها شغلةِِ مو محرزه

لكن فيك أنتي مدى الحكي الثمر
وأنا مدى فخرك .. وصنع المعجزة

تفاخري (بمطلق ) ولا عليك أمر
شاعر قوي باسه .. ومن رووس عنزه




........................................ .......... ..................




يامحلا طاروق الدحه


يامحلا طاروق الدحه // لا وافق له صوت وبحّه
صفين .. وحاشي .. ومصنّع . وبيوت الشاعر ممليه

متونِِ تدحم بعضها // وقلوبِِ زايل مرضها
وأصوات سباعِِ بتّاعة .. ميه ميه .. ميه ميه

غنّاها عمي مع خالي // وأنا أغنيها ل عيالي
تاريخ وبصمة معروفة .. أصلية من بطن أصليه

لعبة حرب ولعبة هيبة // ما فيها حاجة معيبة
لا والله نفخر لا قلنا .. دحيّه يا أهل الدحيّه

ماهي لعبة هشّك بشّك // مصيونة عن نيات الشك
محشومة من حشمة وايل .. ماهي دبكاتِِ شامية

وأنا طاريها سّلاني // وقمت أرددها ب لساني
ولا صحيت ألا الترفة ... تشبك يدّيها ب يديه

تضحك وتعضض مبسمها // والضحكة ذابت من فمها
قالت لي : تكفا يا مطلق .. أبغى دحّه شمالية

قلت الغالي يطلب غالي // قومي (حوشي لي) ب عقالي
يالله نبدا؟ يالله نبدا .. نبدا بداية فعلية

يا بنية قومي غني لي // يا ويلي منّك يا ويلي
وأنا أصفّق لك وأغني . يا بنيه ميلي يا بنيه

حبيني يا ريحة جِدي // تراني جيتك متحدي
اللى عن دربي يحدونك ... أهل النيات الملوية

أبا تفنّن بأوصافك // لأجل يشوفك .. من لاشافك
وصفِِ حي .. وتمشي روحه من روح الشعر وراعيّه

مان ب وصف عيونك باحل // عينك بحر .. ورمشك ساحل
لا بحّرتي بي واغضيتي . تركبني مية جنية

وخدودك بيض ومفروشة .. من ورد الجوري مرشوشة
أفتح من حب الرمانة .. وأغمق من شمس العصرية

وشفاتك لمّة حبايب // كانت فرقاهم غصايب
الفوقيّة فيها معاند .. والطاعة عند الحدريّة

وحجاجك مبري ومقوّس // ورموشك ل رضاه تهوّس
وإن طار وكسّر جبينك ... أغديت الحسنة بالسية

واللى على متنك دايم // دمّه (مي) وقلبه (نايم) ؟
متشيّخ والشيخة جاته .. لا ورث ولاهي عاريّه

وإن جيتي تمشين ..وعجله // وعيونك ب عيوني ..خجلة
والقذلة تضحك للغربي . والغربي يضحك عليه

كن القاع تعدّ خطاتك // وإلا تحلف لك ب حياتك
شيِِ ماقالو لي عنّه.. شوفة ذي .. وشوفة ذيّه

شفّافة ذوق.. ولبّيسه // لبسك ملبوس .. برنسيسه
وإن تلثمتي بالشيلة .. كنّك من أهل الشرقية

يقلدونك خواتك .. حتى في لبست عباتك..
لكن قولي لي من يجمع.. بين الشمس وبين الفية

يوم الله خلقكم فرّق // ما غرّب بالزين وشرّق
خصّه فيك .. وعمّه فيهم.. سبحانه جزل العطية

والحين أبغى رايك فيها // من أولها لا تاليها
عساني مرضي غرورك .. يا ام العيون السحرية

قالت : تعرف رأيي مبطي // لا تخطي ..تكفا لا تخطي
ما ذوّبني غيراشعارك..فديت الشعر وراعيّه

أنا ضحية قصيدك // لكن لي شرط .. ب جديدك
أبغي من اليوم وطالع .. تلعب دحة شمالية


........................................ .......... .......................



الاقلام النسائيه



ضحاله بالفكر .. والطرح مزري .. والنقاش أضحل
على أنقاض التخلّف .. والحياة الإبتدائية

وأنا أسمع صوت مع آخر صدى الصدمة يقول إرحل
قبل لا تحتويك من الندم نزعه عدائية

وصلني .. بعد ماروّت دموعه .. صدري الممحل
وصلني وإنتحر .. فوق النفوس الإنطوائية

وتركني بين تأنيب الضمير ... وجرحي المبحل
ودورات الزمن .. حسب الخطوط الإستوائية

ولاهي ( غلطتي ) حذّرت .. قبل الشر يستفحل
ولكن قابلوني .. بالعبارات الهجائية

وبعد طالت . خيوط المشكله يصعب وجود الحل
وصمت الخوف ماهو طبع للروح الفدائية

لذا لابد .. من فرقا .. المكان . المقرف .. الموحل
وتسريب الخبر .. عبر القنوات الفضائية

علشان ( المليكة ) تحتفظ في زهرة المنحل
وأنا أحط التوقع للمقادير الفجائية

وأعود (لغفوتي) في (صحوتي) بالصاحب الأكحل
أبو رمشِِ يغازل خصلتيه الكستنائية

هذاك اللي يسمّيني بإسم الشاعر الفطحل
عسى تفدا حياته كل الإقلام النسائية


........................................ .......... ..............



خذها على جبهتك



ياشي .. مالك شي .. دامك .. ولاشي
ومقابل اللاشي ... والله غميضه

سكرت أذاني .. عن صدى المنطق السي
وقلت اتجمل .. والجماله فريضه

حاولت اعزك .. مير عيٍ ... ولد .. عي
والعي .. ناقص والمراجل نقيضه

ياوي .. من وقت التعاجيب .. يااوي
اثر القلوب .. بشوف زولي مريضه

خذها على جبهتك .. خذها .. كما.. هي
وتعرف .. وش كبر الشعيب ومفيضه

الاوله : تنجض على قلبك .. الني
والثانيه : نيه .. ونفسك نجيضه

ترى اليهودي .. نجس وينجس شوي
لاصار .. جدانه .. قبيلة .. قريضه

ياللي خذيت الميت .. في زلة الحي
ذبح السلوقي ماينجي .. عضيضه

ولا صار مالك .. من جبال اليمن في
وشلون تطمع .. بالشمال ومقيضه

سمعت راغب .. قال : يمّاي .. يابي
بس انت ماتسمع .. وش يقول عيضه

يقول : متن طويق .. يسند جبل طي
والبغض واجب .. للوجيه .. البغيضه

افهم .. يمال الهشل .. والضعف واللي
وحاول تبرق .. بالخطوط ..العريضه

وان مافهمت آخر علاجٍ .. لك الكي
يابا العيون .. الناعسات .. الغضيضه

وبكره تجي .. محقور .. وتقبل يدي
واقول بدري .. والحضيضه حضيضه

ياشي .. والله بالحقيقه .. ولاشي
حتى .. ولاشي .. اعتبرها غميضه


........................................ .......... ................



مسيّت بالخير



مسيّت بالخير .. يوم الخير .. مسّى بك
ياللى .. عليك المسا .. بالصبح يجمعني

هذي حقيقة .. كشفها الوقت .. بأسبابك
يامن على وصلك .. الأقدار .. تدفعني

أبطيت . في جيّك .. وأسرفت .. ب غيابك
وعلّقتني .. بين .. تاصلني .. وتقطعني

أعوام متناحره .. وأعوام تتشابك
والحظ .. يقطع كلامي .. قبل يسمعني

لين إعترف .. بالخطا .. يوم الهوى جابك
وقبلت عذره .. قبل بالعذر .. يقنعني

مانيب .. فاضي .. ياكود ل هوسة أهدابك
دعني ... فديتك أحلّل هوسته .. دعني

طابت .. ليالي هدبك .. ب ريق عنّابك
قدام لا أجوع له ... مفروض يشبعني

يا عين جِدي .. عسى ما صابني .. صابك ؟؟
قول (إيه) لو كذب. .. منك الكذب .. ينفعني

راضي .. وأحبك .. وأشيل .. الحب .. لأحبابك
وأنت .. إخذني .. فوق قاع العشق .. وإزرعني

يمكن ..تماديت ؟؟ لكن راجع حسابك
وتشووف كيف أنت ؟؟ تنزل بي .. وترفعني

أوّّّآآآه .. يوم أسمع الونّة ورا بابك
أحس فيها هنيّا .. حيل ... توجعني

حالة لها وقت .. تذبحني .. وتحيا بك
وأنا .. ولا أدري .. من المقصود .. والمعني

بس أنت ..تدري وش اللى سبّب إعجابك
وتدري وش اللى عن .. التلميح .. يمنعني

كان .. السبب .. يوم أشوف الوصل .. ب غيابك
يوم إن .. خيالك .. يفرّقني .. ويجمعني


........................................ .......... .......................



الثور


الصمت في بعض المواقيف منكور
والحكي في نفس المواقيف خيره

ماللصبر داعي الياوصلت الزور
كف البليد .. اللي مضيع مسيره

اللي على الصحبه معه كنت مجبور
زميل درس وقبلها حق .. جيره

من جانبي صحبه بها العز .. مذكور
ومن جانبه صحبة مصالح حقيره

كم لي وأنا اطوف له سنين وشهور
واقول اخيره بس وين الأخيره ؟؟

وان كبر الزله علي قلت معذور .. !!
صاحب ويمزح والكبيره صغيره

الين خلى الدم في قلبي يفور ..!!
الهافي اللي .. مهفي الله ضميره

دستور ياعصر الحضارات دستور
أنا اشهد انك ملت ميله .. كبيره

خليت واحد مثل هالنذل منصور
يجرى على قول العلوم الخطيره

يقول لي هكري ومن هكرة الزور
ولا لنا بين العرب ... أي سيره

هكري بعينك لعنبو عين هالثووور
ياثور حنا اللي حكمنا الجزيره

من العراق إلين عرعر وابو القوور
لطريف لديار الشريف الشهيره

للشام ل لبنان واستكمل الدوووور
ل َ نجد .. لديار الكويت وقصيره

حكام من حكام والسيف مشهوووور
من دم جدانك .. نخضّب جفيررره

عيال وايل .. مابنا راس محقوور
روس الرجال .. اهل الوجيه السفيره

عيال وايل .. عز من بات مقهور
يصبح بعزٍ ... مايبي عزّ .. غيره

صقور صيد وصيدنا كله صقور
يازين صيدات الصقور .. المغيره

لنا على دار الفخر .. عرش وقصور
وانشد وتلقى العلم .. في كل ديره

شجعان خلقه والشجاعه لنا سور
والشاهد الله ، والسيوف الشطيره

رضيعنا يسوى ثمانين طابور .. !!
من مثل جنسك .. يامخاشر منيره

من مثلنا ياناقص العقل والشور
حتى الذي مثلك يزود .. صفيررره

هذا وانا ماقول بالعالم .. قصور
الطيبه .. في كل قوم .. وعشيرره

مير انت ناقص وابن ناقص ومحقور
واخف عندي .. من قشور الشعيره

لكن ترى ماقال راكان مخبوووور
( الهرج يكفي صامله عن كثيره )

ياثور يابن الثور يارباية الثوور
اترك بني وايل .. ورح للحضيره


........................................ .......... ....................



متوجه للقاهره


الشعر وهبة وزّعت بين الخلايق والبشر
مقسّمه بين القلوب المذنبة والطاهرة

الشعر منهج فلسفه بين المحانى والفكر
ضرب إتفاق .. ويبتدى سرّى .. وعقب مجاهره

الشعر مزج من الثقافه .. والفراسة .. والعبر
فيه النوايا تختلف الباطنة والظاهرة

الشعر خبث الثعلب اللى جدّه من أمه نمر
خبث ... ودهاء .. ويعشق السيف .. ويقدّس شاهره

الشعر أبرد من بلاد الروس فى وقت الفجر
وأحر .. من صحرا النفود أم الشموس الصاهره

الشعر أثقل لا وزنته من جلاميد الحجر
وأخف .. من كلمة شرف مرّت لسان العاهره

الشعر ماهو صبغة الدفتر من إنزاف الحبر
الشعر متعة للعقول المبدعة والباهره

واللى ماهو شاعر ماهو لازم يطوّل بالسهر
ويترك حديث الدمع لأهداب العيون الساهره

لاصار بيته لا بغى يبنيه ياخذ له شهر
يحجز .. على أول .. طايرة متوجهة للقاهرة


........................................ .......... ...................



خذني غلا


خذني غلا يا أصدق غلا بالوقت الأول والأخير

أبغاك تدرس حالتي أول وأنا أدرس حالتك

حنا نفس واحد وروح وقلب وعيون وضمير

عدالتي ظلمك وظلمي منتهى عدالتك

يا بدري الطلّة ويا طلّتك يا البدر المنير

ترى خسوف القمر بشارة وصول إطلالتك

وإطلالتك عندي أنا تعني لي الشي الكثير

لا صارت عيوني على خدك سحآب وسالتك

أوقف وأسميك الملك وشوي أسميك الأمير

أخاف من سطوة سموّك وأحترم جلالتك

حبك كبير وبالمقابل قدرك بقلبي كبير

إحساسي بمحبتك وإحساسي ب زمالتك

لا يضيق لك خاطر فديتك لو يصير اللي يصير

إن كان ما شالتك الأرض رموش عيني شالتك

يا أترف مشاعر بالبشر يا أرق من لمس الحرير

ساعة زمن ممشاك من غرفتك حتي صالتك

دلعك يثقل خطوتك وأحيان يمنعك المسير

وأحيان أشك إن الدلع سلالته سلالتك

يومك تعض شفيفتك وإصبعك ل عيوني يشير

وتقول هذي مالتي وأقول طبعا مالتك

تقولها وأعيش نشوتها وأحس الموت أخير

لا شفت موتي بين عقرب صدرك وسلسالتك

تدري لا شفت بيالتك بأطراف ثغرك تستدير

أضرب على صدري وأقول الحظ حظ بيالتك

مدام أبوك الناي وأمك ضحكة الطفل الغرير

وتصير عمتك الشطانة والشقاوة خآلتك

لازم عليك آغير من نفسك وحتي منك آغير

عشان لو تطاولك كل البشر ما طالتك

ما طالتك يالأسمر الجذآب يالملح المثير

ياللي سمارك جامعِِ سكر وملح أصالتك

فتنتني بعيونك الخدرات والزول القصير

وحببتني في طيشك وحببتني جهالتك

ماعاد لي سلطة على حالي وأنا بيديك أسير

ولا عاد لي حيلِِ يساعدني على حيالتك

يا علّني فدوتك من راسك إلى إصبعك الصغير

يا كبر بختي يوم ناولتك يدي ونآلتك

يا أصدق غلالا وأعذب غلا بالوقت الأول والاخير

هذي خلاصة حالتي عطني خلاصة حالتك





,,,,,,,,,,,,,,,,,,,, ,,,,,,,,,,,,,,,,,,,,, ,,,,,,,,,,,,,,,,,,,,,,

آهــــات
01-16-2009, 02:18 PM
نـــــــاصـــــر القحطانـــــــــي







بغداد


عساها فاتحة برد وسلام وخاتمة و قَّاد
على دار السلام الله يروّع من بروّعها

حضارة سومر وبابل قبل تشريفة الميلاد
عروق الرسل والعلم واهل الشعر وروايعها

هوى سيف الله المسلول يوم السيوف حداد
مساري سربة ٍ كان المثنى في طلايعها

عروس ٍ زفها المنصور والدنيا لها سجاد
ودلعها الرشيد الله عليها يوم دلعها

بدت بالسندس اللي يهوس الخلان والحساد
وكثر ماهزها التاريخ ما اهتزت مرابعها

بقت خضر ٍ مرابعها بقت تنجب لنا أمجاد
بقت بيض ٍ صنايعها بقت سود ٍ وقايعها

ورى ما تستميت اقلوبنا معها وهي بغداد
ياكبر العار لو ما تستميت قلوبنا معها

عليها الله وامان الله الى ذرات زين ابلاد
هجد صوت القنابل جنب تهليلة جوامعها

دهاها من ورى الحملات ليل ٍ لو نقص يزداد
أهلنا في مدامعها واهلها في مطامعها

هل الحرية اللي لا غشى اصحاب البيوت ارقاد
تفرق بينها من دوية الهاون مضاجعها

هل الحرية اللي بعدها صاروا بنات الضاد
ينوش المعتدي حشمة ملابسهن ويرفعها

هل الحرية اللي قصت أجنحة أكثر الأولاد
مادام ايدينها ماترفع اثنين ٍ من أصابعها

تعودنا على حرق النسل والحرث والأصفاد
تعودنا على نار ٍ يطفيها مولعها

يبس بكفوفها إلا غصن زيتون ٍ وكما المعتاد
عناقيد الهدايا جاتنا من كف صانعها

عسى المقبل مثل صيحة ثمود ومثل صرصر عاد
عشان أهل البيوت الخاربه تبرى مواجعها

ألا وين المراكب سايره في حضرة الرواد ؟
عساهم للدواير لين تدرجهم منافعها

مصير امصار و اجيال وزمن وجموع بيد افراد
لها التاريخ بالمرصاد وان خانت ودايعها

محبتنا عداوه والقلوب قريبّات بعاد
بعد ما نصنع الكذبه نصدقها ونتبعها

خذتنا العنتريات الله يبيح من ابن شداد
وضعنا بالخطب ليت الخطب نقدر نضيعها

تواعدنا مع الوحدة وصرنا نخلف الميعاد
مذاهب وانظمه واحزاب من يقدر يجمِّعها

تصهْيَنْ دم ناس ٍ طايرين بعجة الأوغاد
تصاغرنا مثل ماستصغر الكرسي مراجعها

أخيرا : كم بقى طاغي وكم باغي وكم جلاد؟
وكم لص وكم أصنام وكم أوهام ٍ نصارعها؟

وكم صورة تظن الروح والدم أغنيه وانشاد؟
وهي كل ٍ هناك يدوسها والا يقطّعها

لعل الليله اللي جابت الكابوس ماتنعاد
وبسم الله على بغداد من شي ٍّ يروّعها


........................................ .......... .........



يمه


يمه اذنبت ونزحت من العشيره
وان تمنو توبتي مانيب تايب

مابي لدنيا الغنادير اي سيره
طايح من عام الاول في مصايب

يمه اللي حب له طفله صغيره
ويش يسوي لاغدا فيها طلايب

طفلةٍ ماكانت بحبي جديره
بس كانت غير عن كل الحبايب

كنت اسميها العنود المستذيره
ليت اهلها العام سموها عجايب

كنت اجيها مثل الامطار الغزيره
كنت اضيع بجوها مثل الهبايب

وادعي الله هي متى تصبح كبيره
تفهم اشلون المكان يصير ذايب

ان تغنت تصبح الطرقه قصيره
وان تغلت تصبح جروحي عطايب

صنتها مثل البحر لابعد جزيره
ماتركت علومها لاهل الركايب

ديرة ماهي بها ماهيب ديره
لو ثراها عشب واعلاها سحايب

يمه اتحبين طايلة الضفيره؟؟
اااه والله ياعليها اشقر ذوايب

قالت ان جا الراس شايب فيه خيره
قلت يابنت الحلال الراس شايب

قالت الا الحب وشهو وش مصيره
قلت انا استاهل وانا كل السبايب

ماجزا اللي حب له طفله صغيره
غير قبر و ضحكها فوقه نصايب


........................................ .......... ................



المقابر


في مكان تفاخر فيه روس النصايب
و امتلت من عظام الناس فاضي قبوره


كل شي يتراجف فيه حتى الهبايب
والذهايب توارى والنصايب فخوره


وقفت بي قدم رجلي وكلي عجايب
والبكا حولي اسمع له تمرد و ثوره


لين جاء واخجل عيون تودع حبايب
مؤمن جفف الدمع بحديث و سوره


عن يميني بيوت السابقين والذهايب
وعن يساري بيوت اللاحقين محفوره


اسمع اصغر ذنوبي كنه يصيح تايب
والقدم ما نشدت بموقفه عن شعوره


واذكر انه تشره لحظه وكان هايب
قلت خل الطواري ما طلبتك مشوره


دامها جت من الله مرحبا بالمصايب
لو ثقل حمل نفس المسلم اللي صبوره


جيت اشيل الجروح المشرقات العطايب
طيب الله ثرى اللي فارق العين نوره


ما ركزت النصيبه واعتلت راس شايب
كود ابادّل ذاك القبر لا جيت ازوره


عل ما تبخل بماها عليه السحايب
كودها تستر اطراف النصيبه زهوره


كل حزن ملا الدنيا على القلب ذايب
وانقلي يالجروح الحمل لو زاد جوره


كنت اعزي مجاريح بعاد وقرايب
واترك الخاطر لعيني تجبر كسوره


تغرف الحزن وتصب العباير صبايب
وان خلص دمعها لعيون ابوي معذوره


شايل صورته في البال لو كان غايب
ليته اللي يشيل لشخصي اليوم صوره


كان لي ظن في صغري ولا هو بصايب
احسب ان القبور من الحياة مهجوره


عل قبره نعيم وصالحاته سبايب
هي عزاي بوادع مودّع جاه دوره


........................................ .......... ...................



الغربة


يمه ... الغربة وفرقاك ملتمه

دمعة العين هذي ... مالها داعي


يابعد راسي انتي ليه مهتمه

الوجع لي سواة الناي للراعي


آخر أخباري ... الذمه هي الذمه

والوصايا هذيك تقدي شراعي


مابه الا السواد يحاود اليمه

ولا به الا البياض اللي ورا أضلاعي


وأشعل ما يفارق ليل حضن امه

وأخضر كل صبح من أول أتباعي


يتعب البرق ما أتعب النظر يمه

وانشديهن بعد ما قلت أطماعي


أنجبن لي عروسة حلم أضمه

أو بعد توها تشرب عطش قاعي


واذكري كيف كان العود ابو عمه

ايتعلى صهيله وأرخي أسماعي


امنياتي بدرب ودي أتمه

آخره صعب .. وأصعب منه مرجاعي


يوم كلن فزع له خاله وعمه

يكفي اني وردت العد .. بذراعي


أرفع الراس بين الروس ما همه

وأتباهى وأنا الغرقان بأوجاعي


يمه.. الحر طبعه يعشق القمة

وأنتي اللي فطمتيني على أطباعي


الهواء دام راسي حي ويشمه

والله اني لاسوق هناك ذعذاعي


غربة تلوي ذراع أشجع الخمه

لا تخافينها لو تقلب أوضاعي


يمكن تبعثر الرجال وتلمه

بس !! بدري عليها تلوي ذراعي


........................................ .......... ....................



~~~[[[ الفقيره ]]]~~~


يسعد صباح الفقر ياللي تذمّينه
في ذمتي ما انتي من الفقر معذوره

ماشلت هم الرغيف اللي تشيلينه
كل الهموم لسواد العين مذخوره

مانتي فقيره تقولين اليسر وينه
ياقطعة السكر من الملح ميسوره

من علّم الجوري أنشودة بساتينه
من هز ريش النعاس اللي كسا حوره

من ذكر الخيزران اللي نسى لينه
من جدل الليل لين اختال ديجوره

سلسالك الفضي - اصلا - لو تزمّينه
ماراحت أكثر عقود الماس مغروره

والأزرق الرث ياملحه ويازينه
أبها من أرضٍ نهار العيد ممطوره

مستورة الحال بس القاف تغرينه
ليه اتنحّى واخلي الحال مستوره

والله لأغني لفقرٍ غنت سنينه
لين أيسر المترفات تموت مقهوره

قالوا لي إن الجديل اللي تربينه
معه تربيت حلمٍ فاحت عطوره

قالوا بذاك الركن سرٍ تخبينه
ومرايةٍ من رداة الحظ مكسوره

لاينكسر مثلها الخاطر وتشقينه
تمنظري في المرايه حي هالصوره

مذكور جرحٍ ورى الأضلاع تخفينه
وتحت المخده رسالة عشق مذكوره

أثر الهوى جاي يسوق الشوق بإيدينه
غصنٍ جفاه اليباس وزف عصفوره

يامن يكون الحبيب اللي تحبينه
ياللي بوجه الليالي ثروره وثوره

وقت مضى ملمس اللعبه تمنينه
واليوم خضر القلوب ألعاب منثوره

الحزن .. ليه العيون السود في عينه
والبحه اللي ترد الروح مذعوره

فقرٍ ستيرٍ ولا ازكى من رياحينه
ولا نعيمٍ فضوحٍ تغرق زهوره

والميت اللي يبي دعوات حيّينه
كنتي وصاته ونزفه وآخر شعوره

يازمة الغيم ورخاية هدب عينه
ماقلت لك ماانتي من الفقر معذوره


........................................ .......... .......................ز



الردية



القصيده هاذي تعاون فيها الشاعر ناصر القحطاني مع الفنان والشاعر خالد عبدالرحمن




كلمات الشاعر: ناصر القحطاني



سلام و المركب عليه اثنين و الساعة تدور
و الموج هادي و الوعد قدام و الرحلة ذهاب
أن غابوا الأجواد ما غابوا من أقفاص الصدور
دق الجرس و العلم عجل به بعد طول الغياب



يا مرحبا يا صاحبي وأعبر بنا سبع البحور
علّي أدير البوصلة و أنت الله الله فالزهاب
أنا سمعت أنك تحديت الذيابة و النمور
و العام لك قلب خضر و اليوم ما كنك شباب



الوقت قاسي و الفتى يبقى على الشدة صبور
و أن ما غدا الرجال ذيب يطيح بأنياب الذياب
حتى الصديق الله وكيلك صار دمه ما يفور
و أنا لقيت الأصدقاء معظمهم أشبه بالسراب


لا تأمن الدنيا و لكن لا يجي قلبك فتور
أحد يشوف أحلى البنات و لا يجي فيه انجذاب
ما للحباري في القنص يا كود هدّات الصقور
و أن ما كفخ طير الفضا معناته أن الراس شاب


كلش و لا قطع الرجا في الطيبات من العطور
لكن على شرع الله و سنة نبيه و الكتاب
بيض العذارى عسجديات الجسد ضمر الخصور
سود العيون مجدلات الروس تلعات الرقاب



بالله قلي ما برى جرحك بعد بدر البدور
ما عوضوك الفاتنات الذاهبة و الجرح طاب
كم واحد لو مرته مزيونه بعمر الزهور
ضاعت علومه و الصواب الله يجيبك يالصواب


أحد على الدنيا وهو كنه من أصحاب القبور
و احد يجي و يروح مع خله وهو تحت التراب
ياللي نسيت أن الهوى يبقى على مر العصور
بنشدك عن برقٍ سرابك و أنت من فوق السحاب



معلّمك يا صاحبي بالسالفة و العلم نور
وش بك تقول الشمع ذاب الشمع ما يمديه ذاب
و البارق اللي مرني و أنا أدعي بقلب شكور
هذاك خير طاح بأرض الغير و الرب أستجاب


وش بينك و بين المدينة و الشوارع و القصور
ما قد شبعت من الخلا الخالي و من روس الهضاب
الناس ما تبطي ولو راحت مراويح الطيور
ترمي تعبها في البيوت و تستريح من العذاب


البر يشرح كل صدر و يقلب الضيقة سرور
و أنا إلى جيته يمر الوقت ما أحسب له حساب
يا ما حلا طوي الخبوت و سجة الخاطر شهور
ولا معك غير النشامي اللي يعزون الجناب


........................................ .......... .....................



العروس


خوية درب عمري ما خذاني دونها النسيان
وأنا يهل الملامة ما رغبت العيش وحداني

ابيلي مهرتاةٍ ما عسفة صغيرة وبنت أحصان
أبوها إللي يفك المشكلة وزبن الجاني

وأخوها لاتعزوى بسمها فزو لها العربان
يحقلها الفخر في قولة آل فلان جداني

أبيها في بحر عشرين لازود ولا نقصان
أبي هقصاً طويلة والوصوفا أشكال والواني

أبي الجبها كما الصبح وكما القوس السود الحجان
وابيها ناعسات ونرجسيه سود الأعياني

أبي رمشاً كما ريشاً يغطي الثلج في الاوجان
وأبي جفنن يشيل الرمش طرباناً وكسلاني

أبي خداًكما ورد تنما في طرف بستان
وأبي خشم صغير مثل حد السف شاماني

أبي البسمه كما البق وثناياها كما المرجان
وشفاها جمرتين وفمها خاتم سلماني

أبي شعر مثل ذيل الفرس لا طبت الميدان
أو الشلال لا من بات ليله بين الأمتاني

أبي جيدن سواة تبريك فضه لأتقن مليان
وصدرن كنه مرايه عليه طلع رماني

أبي ظهراً كما الجدول وقداً مثل غصن ألبان
وخصراً مثل مجدول العنان وجسم روياني

أبيها نابية ردباً وبطناً ظامرن جوعان
أبيها مدمجت ساقن وقدمها السان ثعباني

أبيها بنت عز من رغدها ينعم الفستان
أبي الرقة وأبي الدقة لها بطرافها شاني

أبي المشيى كملي طالع من المعركة كسبان
وابيها ترش مع خطواتها مسك ور يحاني

أبي صوت إلى مني سمعتة كن فيها الحان
يدغدغ مسمعي ويثير كل السحر في اشجاني

أبيها حب وخلاص و هواجيس وفرح واحزان
أبيها مثل مادكتورهل العشق وصاني

أبيها لوحة ما صورتها ريشة الفنان
أبيها جوهره ما جابها قاصي ولاداني

أبيها تنتصر لي من زمان حطني ليشان
وتبشر بالغلا إلي مالفابه واحدأ ثاني

مهرها قلباً و شعر يهز القلب و الاوجان
والبسه القصيد وتصبح اوزاني وقيفاني

أبي إلي فات والي فات صعب ومن لقا العنوان
يرد العلم والأأفضل ابقى أعيش وحداني


........................................ .......... ......................



غادة


جيت يا كثر السوالف والقصايد
الدلال مبهره لعيون غاده

جيت اسمرها واحط لها وسايد
من شجون قتلها للبرد عاده

جيت اغني والغلا كله ودايد
عل ذيك النار ما تصبح رماده

جيت ابي من وصلها جروح جدايد
القديمه ملها الليل وسواده

مثل ما ملت عتيقات القلايد
وجيت البسها من اشعاري قلاده

غيرها ما ابي رخا وقت الشدايد
ولا تبي لحدن بعاشقها شهاده

ان رظت ما اظن يرظي الناس كايد
لو تظايق ظاع مفتاح السعاده

كم لقيت اللي لقيت من النقايد
من نصيب طولت كبوة جواده

كم قظى ليلي وانا اطارد شرايط
الدموع لحاف والهاجس وساده

لا عند تحنان ولا الصبر فايد
قلت اسوق الدرب يكفيني جلاده

وجيت اصب الشوق يوم الشوق زايد
عل خاطرها خذا منه مراده

والا انا لي تالي اللقيا عوايد
قهوة من جمرها سكر زياده


........................................ .......... ....................



( عنود الصيد )


حبيبي طال موالٍ يجيب الهم والتنكيد
عسى الله ما يخلي لي خليل إن كان خليتك

يا بو عذرٍ يشابه ضحكة الأطفال يوم العيد
أنا أبكيتك حشا واللي فتني فيك ما ابكيتك

حرام بعينك الدمعة حرام بصدرك التنهيد
حرام البرد يمضغ راحتينك ما ترضيتك

تعال وكل جرحٍ فدوتك يا اقرب من التضميد
اشوفك من زمان وقدر المولى وحبيتك

من اول مرةٍ شفتك تمنيتك وكنت السيد
وتمنيت أني أصلا يوم شفتك ما تمنيتك

تخيل كيف سكّنتك وخليت القريب بعيد
وروّح كل عاشق يحلم ببيت ٍ مثل بيتك

فداه من البيوت اللي يمل ويعشق التجديد
يا عمري شف وهو قلبي متاني فيه وصيتك

أسج وتنقلب ضوضا الشوارع في عيوني بيد
واجيك ويرتعش في خافقي عصفور لا جيتك

دخيل الطلة اللي كل ما جت فوق ذاك الجيد
دريت أنك طموحي يا طموح ما تعديتك

حشا ما مرني يومٍ صبوح .. إلا أنت بالتحديد
تراك الصبح في عيني من أول ما تهجيتك

نسيت أن الرسايل من يدي كانت تسفر ليد
تكحل لك مساك وعطرها يحييك ويميتك

نسيت أنك ظفرت بزفرةٍ تستاهل التمجيد
ولا تلحق جزاها لو تجمّع لي تناهيتك

نسيت اني وضعت الشمس في كفك وعفت الغيد
وحطيت القمر في كفك الثاني وخاويتك

أنا لي ذنبك .. وللذنب عذر .. وللعذر تمهيد
ولك خيل الرضا تصهل بصوتي يوم ناديتك

تمتع بالغلا ياللي يسمونك عنود الصيد
والا يا كثر ما غرتني حروفي وسميتك

حبيبي .. لا سقا الله عرفي اول قبل أجيب العيد
سقا الله يوم طشت .. الا سقا الله يوم حبيتك


........................................ .......... .....................



( تناساني )


حبيبي ماكفاني في الحضور الصوت والصوره
ولاطفت لهيب الشووق ثنتين تحلاني

سقى الله ليلة فيها القمر غاب وطفا نوره
بعد ماسلمك يانور ليلي وجهه الثاني

سقى الله يوم كان الحب غصن نقطف زهوره
عسى الريح اللي اومت به تنام ويسعد الجاني

حبيبي علها تكبر جروح منك مغمووره
نصيب جابني لك...باتجاه الشمس وداني

ذخرت اغلى شعور وكل خفاق ومذخووره
لعينك يالجريح المستريح القاصي الداني

وشلتك داخل الوجدان حمل لذ لي جوره
ولو اشغلتني واشغلت بي تفكير خلاني

اب اولع لك الدنيا قصايد عشق منثوره
واب اعزف لك نغم للحب ياقيثاره الحاني

عليك عيون ناس وكل قلب ضاق بشعوره
تمنتك العيون وجيت ياعيني تمناني

احبك....كيف مااحبك...وانا اللي لك بنى سوره
على جمر يدفي بارد اشجانك من اشجاني

حبيبي والمشاعر فيك مختاله ومغروره
تدلل...وانت في ساعه غلاي اليوم وحداني

واذا ملت خطاك الدرب مسموحه ومعذوره
تناساني دخيل الحب لو تقدر تناساني


........................................ .......... ..............




( الصورة )



تراها الصورة اللي جا عليها في الوداع علوم
فديتك ما سواها حرك الخفاق و اوجاعه


عسى يا احلى هدايا الكون ما انتب من حلال القوم
عسى يمي يجيبك من تركتك عنده وداعه


معاك اضيع يا عمري .. و ابي لو ساعة من اليوم
تضيعها معي .. و انسى وش اليوم وكم الساعه


عشيرك من يد الترك ليد الفرس ليدين الروم
هذا هو يعربي لانسى حلمك و لا باعه


تعال الكل ينشد عنك و طيور الخيال تحوم
و انا مما بين طيف وصوره ودفتر وسماعه


من اول ما اصبح استفرد بنكهة سرك المكتوم
و اهيم بكل شارع و اندهك و اخرج على الطاعه


اطارد شمسك اللي لآخر الدنيا بدون غيوم
و الى مني ذكرت عيونك و مغناي و شراعه


اجي جنب البحر واحكي له اول ما عرفت العوم
وفوق الشاطي ارسم وجهك اللي سافر شعاعه


و الى جا الموج يمي ضمت ايدي وجهك المرسوم
وطاحت نجمتين مرت الخدين مرتاعه


و اعود للحدايق ما بقى من زادي الا اللوم
افتش عن عبير كم و كم نسمه من ابتاعه


اداعب وردها و الفل و الريحان و اليشموم
ولا هو ملمس الورد الطبيعي يا اجمل أنواعه


و انشد عنك اناشيد و عصافير وشجر و كروم
وكرسي باهتٍ لونه وسبع خيوط لماعه


و اشوفك في فساتين وذهب معلقٍ منظوم
و اخبر بك سرايا كل سوق وغالي بضاعه


واشيل اوراقك ام حروف وقلوب تشيل سهوم
واغني ما طرى و اطبع عليها الطاري طباعه


و اعود للوساده في مسا ما له قمر و نجوم
اصحي صورتك من نومها و تفز فزاعه

انام بحضنها لين الصباح يقول ( صح النوم )
وافيق بوجهٍ اجمل من ( صباح الخير ) مطلاعه


........................................ .......... ......................



والشوق جمّر



الشمس غابت وكلٍ دور سراجه
والشوق جمّر .. مااحر الشوق لاجمّر

دام إتجاهك شمال مودعك حاجه
سلم على حايل .. وسلم على شمّر

قدامك الخافق اللي ينشد علاجه
كنه معلق على برزان ومسمّر .. !

وإنت تعرف يابعد حيي من تواجه
بيضان الأفعال لامن الزمن سمّر !

إن ضاقوا اعنف من البحر ومن أمواجه
وإن راقوا أركد من الخرمان لاعمّر !

كم صيت بيتٍ عتق هالباب مزلاجه
وكم شيخ إماره قبل تعيينه مومّر !

وكم حاتمي تكفي فلة حجاجه
وشلون للضيف لو عن ساعده شمّر

وإن مر تاريخهم متلبسٍ تاجه
كم عاشقٍ كيف وكم حاسدٍ زمّر

في جو أغلى على الرجلي إليا داجه
من ديرة السادس ومن ديرة معمّر

كنه إلى أهدى له البراق ثجاجه
طلة غرير ضحك ومن الخجل حمّر

توارثوا حرثه وتمتير ديباجه
ركابة الجيب من ركابة الضمّر

الود لا غرس بدري صعب مخراجه
والله ولا الذ وأحلى منه لا ثمّر !

أدخل على اللي تطوف البيت حجاجه
من ناقص عند مدح الغير يتذمّر

والمدح لو كان في الرديان للصاجه
ويقال " عمر بلد " باالعون ماعمّر

والذم لو زاد في الطيب تولاجه
لا أحرق ولا أغرق ولا عمّر ولا دمّر

مانيب متحسف بشعري على حاجه
إلا إني أروح ماغنيت في شمّر


........................................ .......... ..............




فضفضت لي



فضفضت لي عن سواليف امها اللي كدرتها
والحزن مثل الحسن لازم ينوقف له

جت تفلسف طفلة مكياجها من فلسفتها
كملت عشرين عام ولاتزال اليوم طفله

يشفع الخلخال والسلسال جايع في رقبتها
خيزران لينها بين انتباه وبين غفلة

ودي ادري لا مشت بشعور الارض اللي تحتها
وان تثنت قلت وين اللي يقول ان الترف له

اه لولا خصرها قلت اسرفو في تغذيتها
ما افقره بين النعيم ولا يبي من ينتصف له

جاجة تطري عليها جايبتها جايبتها
نسمة ماتعترف بالباب والحارس وقفله

قلت وش ذا اللي خفق بين الضلوع من اولتها
قبل اقول الضيف جاك اثره فتح كل الغرف له

يوم قومته لها ليلة سرت في سلهمتها
قالت اتشرف بقلبك يافتى قلت الشرف له

وصرت مع سرب الحمام اللي طلع من حنجرتها
ساعتين وهي تسوق الرمش وابصم واعترف له

تجذل انفاسي ولا حست دفاها كسرتها
واطلقتها للهبوب بكل طيش تنجرف له

لين باخر طيشها قصيت اظافر شيطنتها
لا تشح بكيدها الا كيدها ابن ادم ضعف له

لسلست عصريه الجمعه وهي تقرا بختها
بين جمع من العذارى كل شى منكشف له

كل ماجن يمشطن شرطانها اللي تعبتها
سمعوها من قصايد خلها اخر من عرف له

ولدت الحلمن تدور له وتنشد منظرتها
الدت لبروازها الاسود دمعها يا ما ذرف له

لدت توصي مكاتيب قبل مازرفتها
ضمنتهاالغاليه دمعه وداع وعطر حفله

قلت اراضيها وجيت وجات والدنيا ملتها
والغزل دار ولقى المشتاق مشتاق يعزف له

كل مازودت وردي السواليف اخجلتها
وكل مازاد الحيى قلت الحلو وش ينكسف له

قالت امي تفتكرني طفله وتظلم بختها
صح انا ما ني بطفله صح انا ما ني بطفله؟


........................................ .......... ....................



( الذاهبة )



الله اللي راد والعقده قضاها اللي iiعقدها
لا على الدنيا سلام .. ولا لباقي العمر iiزينه

الفضا ما كنّه الا خيمةٍ طاحت عمدها
والفرح ما كنّه الا شيخٍ انقصّت يدينه

والعمر قطعة زجاج انكسرت ولا طال امدها
والعرب في العيد بدموع اليتامى مستهينه

والشوارع لفّها ثوب الظلام اللي هجدها
والبيوت اطلال من عقب المحبّه والسكينه

والشتا والليل والبرد وسما يصرخ رعدها
والعيون اللي ورى الشّباك مذعوره حزينه

طوّلوا بالكهف الاصحاب وبقت روحي وحدها
كنّها في كوكبٍ ثاني خلا من ساكنينه

الوداع اللي بعلم العين يعبر من رمدها
والوداع اللي بلا علم لقفص صدري غبينه

والوداع اللي بلا رجعه علي أمرّ iiوادهى
والله انّه غرغرة سم وسكاكينٍ سنينه

والعنود اللي جفيت الناس والدنيا بعدها
مدّت الفرقى لغاليها وهي تعطي الثمينه

وينها كيف اتركتني ليه ما جت في وعدها
والقمر لاطل خابرها تجي بيني وبينه

رحت انادي واتلمّس في مهب الريح يدها
كنّي احصانٍ بلا صاحب طوى البيدا حنينه

رحت اصيح الصبح وينه والعرب مارد احدها
ما سمعت الا صدى صوتي يقول الصبح وينه

كنّهم من يوم ذيك الشمس غابت من بلدها
طلّعوني في النّفود وصكّوا ابواب المدينه

كنّهم من يوم ذيك الذاهبه محدن وجدها
كل رجّالٍ من الشّرهه قلع في الدرب عينه

أثرها ماتت .. وماتت كل فرحه في مهدها
والربيع اقفت به اللي كانت التاج لجبينه

جاورت عقب الحدايق حفرة مااقسى لحدها
حفرةٍ ماني مصدّق كيف ضمّت ياسمينه

للحزن فيني مثل ما للطّهاره في جسدها
ويش اسوّي لا فتشت اللي لها وسط الخزينه

زخرفت حلم وبَنَت له مسكن وسمّت ولدها
آه لو غرّد ولدها في خميلة والدينه

عاهدتني واظفرت بيْمينٍ اقوى من عهدها
والصّبي لا خير فيه ان كان ما نفّذ يمينه

ما تتقى في رثاها عرقٍ اكتظ بشهدها
ولا تبقىّ خلف قضبان الجفن عذرى سجينه

كيف عند العالم ايّام العزى محصي عددها
والا انا طالت شهوره والله اعلم كم سنينه

لا الثرى فيها نبات ولا المشي خط بنكدها
ولا السما فيها طيور ولا البحر يمّه سفينه

لا القمر هذا مساه ولا العصي هذا رغدها
لا الزهر هذا شذاه ولا الذهب هذا رنينه

قالوا الشّيخ الفلاني مرجع القوم وسندها
قال يبشر بالعوض والعلم جينا ناقلينه

ساقلك بدر البدور اللي نشدها من نشدها
جادلٍ هزّت عروش وخيّبت روسً ذهينه

قسْمَها في رسْمَها في جسمها الا في رشدها
واسمها ان جال الغضب قومه على الألسن رطينه

اترك الناي وعطيّة شيخنا غن لسعدها
وانبسط يا عم وانسى اللي ورى التربه دفينه

قلت ولصدري تناهيتٍ تروّع من شهدها
آه واويلاه من يجلب على قلبي ظنينه

خلّوا اغلى ذاهبه ترعى ربيع اللي فقدها
والعطى راعيه محدٍ صوبه الله لا يهينه

لو ضمنت الجنّه وتفّاحه القلب وشهدها
قلت من بكره عسى مجنونها تاقف سنينه

الله اللي راد والعقده قضاها اللي عقدها
لا على الدنيا سلام ولا لباقي العمر زينه


........................................ .......... .................



النساء



النسا روح المسا

والليل لو فكر يبات

كان ما فيه أغنيات

وكان ماله ذكريات

وكان ما فينا عظيم

ومال أمانينا حليف

وما بنا قلب وليف

ولا لنا قصد شريف

النسا نصف الحياة

الا النسا كل الحياة

آه يا أسرار الخوات

آه يا أحلام البنات

آه يا الطيش الطفولي

آه يالحسن الشفيف آه يالعشق العفيف

آه يالجنس اللطيف

علّمن حتى المرايا والشبابيك اللغات

والرسايل والدواة

صارت أعذب مفردات

كم بكن وانكف مبصر واضحكن وابصر كفيف

ورمشن واهتز سيف

وهمسن وامتد ريف

كم غدن لاخوانهن عزوة صناديدٍ عصاة

بين صفق المرهفات

وبين ضبح العاديات

طاحت أشناب وكراسي وانطلق دمع ونزيف

واعتلا الخف المنيف

والمقابر تستضيف

النسا ضلعٍ عوج لولاه كل العدل مات

مالهن عنا فوات

ومالنا عنهن غناة

تبرق الدنيا على يديهن ويغرينا القنيف

نطمع بتكريم ضيف

وناقف بيوم عصيف

النسا بحر على موجه منايا وأمنيات

والنسا مركب نجاة

نسأل الله الثبات

هن لباس وهن فراش وهن معاش وهن رغيف

إن فتك جوعٍ مخيف

وإن حدا الرجال حيف

النسا حتى شراب الجنه العذب الفرات

تحت ماطى الأمهات

يالهن من مكرمات

كل ما عود بنا الكد أقبل ابن آدم ضعيف

له ورا البيبان طيف

مثل نسناس المصيف

في بلادي يحسبون ان النسا متخلفات

في الضحى مستعمرات

وفي المسا مستوطنات

ما دروا عن هالبيارق شمخ العرض النظيف

فزعة الدين الحنيف

شجرة العز الكثيف

غادة وسجادة وكفين وحجاب وصلاة

من صبايا محصنات

من عروقٍ طيبات

أطهر من ألفين منظر كلها فتنة وزيف

في رجا الصبح الكسيف

واجرة الليل السخيف

كم مكانٍ يعرض أعراض آنسات وسيدات

والهوى له بايعات

والغلاف وله فتات

والحسن تشبير عنق وطولٍ وخصرٍ نحيف

وشي ما ينشاف شيف

لاجل الأول والوصيف

شهب تشابه رسوم الشاشة المتحركات

مال زمتهن طرات

و لا لهن ملح وحلاة

لا ربيع فيه خير ولا به الا بروق صيف

والشتا ما به رفيف

يحيي أوراق الخريف

لي مناحل لي خلايا كلها سكر نبات

لي حصونٍ ناعمات

لي غصون شامخات

لي قوارير ملاها العقل والدم الخفيف

خلفها العمر الكليف

ودونها الحد الرهيف

يا زمن وش جاب حلوى غلفوها بالعباة

جنب حلوى للمشاة وللغبار وللشتات

شف بدل ما هي لواحد صارت لجمعٍ لفيف

كيف أنا اخبرك كيف

شوفها فوق الرصيف




,,,,,,,,,,,,,,,,,, ,,,,,,,,,,,,,,,,,, ,,,,,,,,,,,,,,,,,,,,

آهــــات
01-16-2009, 02:20 PM
نـــايـــــــــــف صقــــــــــــــر






سجد قلبي


سجد قلبي على رمل الضلوع وهزه التنهيد
وأنا في جوفي خيام الندم والخوف منصوبة

يارب أفهق هلاكي والمنايا والدروب بعيد
مادام المودماني للتراب تقوده دروبه

ياغياث الظوامي والثمام وجرهدي البيد
أعذني من جهنم والحشر والموت وكروبه

أنا مانيب لا مشرك ولا فاسق ولا عربيد
أنا اللي لاعصى ,, واخطا ,, تجهم وأقلقه ثوبه

وأنا اللي يرتجف مثل ارتجاف الخايف الرعديد
ليا شاف القبور الضيقات وحس بذنوبه

أنا عبدك ولد عبدك وجداني هل التوحيد
خطاياي أخجلتني يالله الغفران والتوبة

أنا الإنسان حمال النقايض والكمد والكيد
غريق الطين واللذات من راسه لعرقوبه

أنا عبدك ياربي , وانت تفعل ماتشا وتريد
سألتك يالله العفو العظيم , وهين دروبه


........................................ .......... ..................



لو لا الليالي


صاحبي عذبتني صاحبي وريتني
في لقا ساعه بعض حلم وسنينٍ قادمه

ياحبيبي كان ماسميتني .. سميتني
ليت روحي منك ياعذب الموادع سالمه

جيتني لولا الليالي جابتك ماجيتني
والليالي جابتك مثل القدر كل الظروف تسالمه

آه ماخليتني ثم رحت ماخليتني
في دروب طوال مهزمه معاك وهازمه

كن في عينك من العشره اليا باريتني
شي اقل من الحيا بعيون ضيف وعازمه

ليتني لاجابو اسمك ياحبيبي ليتني
تشرب الذكري بعض عيني وعيني حازمه

انت لودليتني فرقاك .. مادليتني
دام حبك في جبين الليالي واسمه

لك بكي جرحي قصيدي وانا ما أبكيتني
آه ياحر الوجع في النفوس الجازمه


........................................ .......... .........



وش خطاي



ليت لي ذود يدك البيد واحداله لحاله
كان ماوالله علي خلاف في نجد العذيه

جفت اقلام الغرام وطول المحبوب باله
والله اني ماهقيت ان الغضي يقسي عليه

وش خطاي الا المحبه وش رجاي الا وصاله
وش يبي غير الموده والغلا والمقدريه

دللوه اللي ربوه صغير واسرف بي دلاله
ليت لي قلب يطيق الصبر وعيون خليه

والغضي لو لاعه التحنان وبقلبه عداله
ماغذت من دونه القيعان جردٍ جرهديه

وان تشره قايد الغزلان ماله بي جماله
لعنبو من خان خلانه وجنب عن خويه

عن جنوبه والوله والشرق يغنيني شماله
صد ياقلب الجفا لاصد وضاح الثنيه

ماانت ياالخفاق عبد له ولا انت اصغر عياله
انت خفاق الضلوع العوج والخيره خفيه


........................................ .......... ..........



اعماقك اعماق



يابير طيك طي واعماقك اعماق
ويعيش بك داب وحمامه وعصفور

فاضت عيونك ماك وابتلت احداق
وتنهدت منك محاله الناعور

يوم انبطت روحك سجدتي لخلاق
وعقب ارتفع جمك ضحكتي مع النور

ويوم انهمر دمعك خضعتي على ساق
ويوم انكسر حجلك زعلتي على الحور

ياما بك الرمان زهر ف الاوراق
لين اكتنز في حلق نحله ودبور

وياكم وردك وصدرك ضين ونياق
وياكم بهج جمك بعارين وصدور

وياما رطب نخلك تعسل ف الارياق
وياما طحين ارضك تقسم على الدور

وياما وهبتي جل وافنيتي ادقاق
وياما هماجك حل في الخصب والبور

شفتك وانا قلبي على صلدك ارقاق
وحسيت في حنجرتي عظام وكسور



........................................ .......... ....................



وجه الطريق


الموت حظ القلم والمجد للدفتر
حبر القلم غلطتي وايامي اوراقي

الخوف يجتاحني وجه الطريق أسمر
راح اكثر العمر ياخوفي على الباقي

ياجرح رافقتني للناس لاتظهر
وان عشت في نظرتي مامت باعماقي

ياصوت لاتلتحف صمتي ولاتصبر
قل ماتبي واترك الهقوه على الهاقي

والخطوه اللي عن آخر سكتي تقصر
ماهيب من طبع رجليني ولاساقي

مانيب من عاش لايربح ولا يخسر
ولاهو ضرري تكون أفعالي أخلاقي

ثراي ماينشد الغيمه متى تمطر
مادامها في سماي تحن لاغراقي

رح وين ماتشتهي رح قد ماتقدر
أنا اول الناس في قلبك وانا الباقي

يكفيني انك تعذبني وانا اتفجر
قصايدٍ تنتظرها كل عشاقي

وانا قصيدي يجي مختارني مهجر
وأنبت عشانه نخل وسنيني الساقي


........................................ .......... ...................



بين الصور والرسايل



القلب عود يفوح والطيب من مكسره
تحته من الجمر مايوقد سكات الرماد

والعين مغرورقه بالدمع ومبعثره
بين الصور والرسايل والدجا والسهاد

حنا اليا حسبنا مازرعنا الذره
قل للعصافير تتركنا وقل للجراد

البارحه جف في غصن الملام ثمره
عقب البياض انكسر ضلعه وسال السواد

والناس خلان قبل الريش والمحبره
شعوب وفخوذ واحباب وصباح وهجاد

هذا الجمل لو سنامه سامك ف ظهره
ماله عزوم يقوم بها ولا له شداد

ياذيب عيد على قلبه وفج نحره
دامه رغى عقب هدراته وشم الحماد

تمخض الوكر والقرناس عن حمره
في راس قشعه لعب فيها الظما والنفاد

يوم النحاس انصدع لونه وذاب أصفره
غنيت للسنبله كل اغنيات الحصاد

مايدفي الا الوبر والوصل والمقدره
لازاد شوك الشتا في راحتك والفؤاد

ولاصار ما لك اليا منك ركضت اغبره
شوري عليك اترك البيدا .. وكب الطراد


........................................ .......... ...................



زوايا كياني



ذكراه تشعلها عصافير واجراس
بس المحه ف...اجمل زوايا كياني

الغايب اللي كن في عينه نعاس
اخاف اموت من الظما ماسقاني

ياما عصيت انزف على كل قرطاس
وياما الوله لاحباب عيني نعاني

والله ماابغى من ورا الترف نوماس
انا القصيد ابليت به وابتلاني


........................................ .......... .....................



هم المحاجر


ياحبيبي والبكا .. هم المحاجر

بالدموع ابرد مناديلي كويته

آه من صوت ترك كل الحناجر

وانتثر في دفتري شعر وقريته

كل هذا .. وانت قاسي قلب هاجر

ماهداك الله واخذت اللي عطيته

صاحبك لين حشا والحسن فاجر

من لمحته قلت جاك اللي بغيته

من غرامك في غلاك ارحل واهاجر

وان ضواني ليل من يمك سريته

لاتزيد طعوني أوجعت الخناجر

مابقي عرقٍ بقلبي ماثنيته

لو عيوني غيم واهدابك محاجر

ماظما رمشك تحت دمعٍ بكيته





,,,,,,,,,,,,,,,,,,,,, ,,,,,,,,,,,,,,,,,,,,

آهــــات
01-16-2009, 02:24 PM
يــاســــر التــويــجــري






يابليس


يابليس انا وياك ربع ورفاقه
ومن بينا ميثاق وعهود وصكوك

انت توردني دروب الحماقة
وأنا لاضيعت قمت العن أبوك

ياذا العور وان كان مافيك طاقة
مالك عذر وانت على المتن معكوك

عندي على درب المهالك لياقة
على النقا والكسب يابليس مشروك

ولك الفخر يابو البلا والشقاقة
اني انا شاعر ملك كان مادروك

شاعر أبو متعب صليف الطراقه
على الزعيم من ورا الناس محروك

يابليس تدري وش حلات الصداقه؟
اني ليا ضيعتها جيت للبوك

وغديت بين المحفظة والبطاقة
وتشكلت فرّتك ميّات وشيوك

ولغيت عندي ماتسمى العلاقة
ماتنبنى طبعا على عطني ودوك

كثرت هروج مدورين الخناقة
يبون فتحة باب ماهو بمصكوك

واللي قهرني صدق ان اللواقه
مهوي وفارغ وفاشل وصعلوك

اسمع هدير وكل ماشفت ناقة
ومتن الجرب مبعد ومهمل ومتروك

والله ماالد الا على اربع عماقه
ونا وريث ملوك واخاطب ملوك

عبدالله وسلطان واكبر شقاقه
نايف وزير الداخلية وانا اخوك

والرابع محمد وسيعن نطاقه
ولي عهد الدار مبرك ومبروك

ماهو بغصب إلا بطيب ولباقه
والظن فيني وثق ماهو بمشكوك

شاعر طغى ماني بشاعر أناقة
والشعر اعلكه شبك ماعلكه علوك

أكثر مااحبه في الحياة الطفاقة
واكره ماشوف الحر لا صار مملوك

ياللي تعكز بي بعد جتك إعاقة
سلام وانت تدري بقافية أوك

يعني أبرفعها واعرفك طباقه
ماتدري ان البيت واضح ومحبوك

أقدر أوطيها عليك بسياقه
لكني اكبر منك مير انت غروك

المير خذلك وردتن وسط باقة
ودوج بسوق الفيصلية وهردوك

وخلك قريب من صالون الحلاقة
وليا شربت الببس لاتلحقه كوك

حنا هل الوجهة وقوم الرواقه
هل الدلال اللي بها الهيل مدكوك

ويلان من ويلان ساقه بساقه
في نجد وليا اشملت عرعر وتبوك

ومافيه حدن حد وايل وعاقه
روسن مع العربان ماحنا بوروك

الورع منا لالعب بالتفاقه
يرمي لحم مايرمي عصي وجيوك

خبل عنزة ما اقفى العدو في نياقه
افتكها ولا انت خبلن و مفكّوك

إليااكلّنا مانحب الذواقه
نشبع ولا نترك للا نذال متروك

وسيوفن ارهى من سلاحك بطاقة
واشبار اطول من خطاويك ببلوك

ماحقتها ولااحب الحواقه
ربعك لهم في المجد دربن ومحيوك

سلطانهم لاحل ذر الرواقه
شالوا ثقيل الحمل مير انت خلوك

الشعر حنا حاسبين احتراقه
عندك يوم اللي بجمبك تحدوك

الشعر انا ماجيت احسب أوراقه
جاني على لوكي وجيته على لوك

أكبر فخر للشعر اني نطاقه
وأكبر فشل للشعر من يوم رزوك


........................................ .......... ..............



الفخ


مابيك يابنت الحلال اتركيني
دربك وعر..ورمال..مكحول في فخ


أنا فقير ورأس مالي حنيني
وأنتي متونك باللذيذات تنزخ


تبين لندن ماتحبين كيني
وسواق خاص ولبس فاخر من الجخ


وإليا أهتويتي قلتي يالله تجيني
أسرع ترى شوقي على النار يطبخ


ياهيه أصحي..وأعقلي..وأعرفيني
أموت عز ولاتذلل وألبخ


يلعن أبوك وجد جدك مهيني
وأنا عزيز وكل ربعي مطنخ


من لآبةٍ يسوون عندي سنيني
لضيوفهم حيلٍ جزالي تنوخ


والحب ماهو لك لوتزعليني
وحزوم نجد لرأس مثلك تكمخ


الحب يبقى في حشايا دفيني
اللي على وكره إلاجيت يكفخ


أبو عيونٍ كنها جمرتيني
وأركو عليها كل الاوقات بالنفخ


أشتاقله لوهو موكر يميني
واصبر عليه شهور مرسوم بالمخ


ومع السلامه لاتقولين ويني
روحي عساك بوسط نارٍ تبوخ


عساه لامنه حيى الشوق فيني
وسألت قالوا ماتت العام يا أخ


........................................ .......... ................



مقابر الشهرة


مقابر الشهره ثلاثة مقابر+.._..+ بعض الغرور ومده الناس رقمك
والثالثة أن أعتليت المنابر +.._..+ معي ترى يمكن أقفي بنجمك
لذلك أحسبها وجاهد وثابر +.._..+ ولاتقتنع لاقسموها بقسمك
وأن ماوسمت اسمك على كل صابر +.._..+ لاتزعل أن حطوا على الورك أسمك
واليا نشفت دونك كبود المحابر +.._..+ أنحت على ضلع النهايات اسمك
لاتشتكى ويقال مسكين صابر+.._..+ أكتم قهرك وشرط كلً يحشمك
ماهوب صحيح أن الرجولة مخابر+.._..+ ان مانفع مخبرك ينفعك جسمك
إدحم مادام الوقت مظلم وغابر+.._..+ لاينقتل عزم الطموحات قدمك
ولاصرت دايم فالمجالس تكابر+.._..+ بينك وبينك لازم تعرف حجمك
وأذا أنت تدري أنك أنسان عابر+.._..+ اقلها أرفع عند الإجناب خشمك


........................................ .......... ............



قصيدة القيادة


افتح القرآن يالله أو حديث السنة ... وأعطني أقوى دليل يفند العلماني

كأنه مكفر عطني مقضب المنسنة ... والله الواني لاجبعات بالنصراني

وان غدا عاصي رح بي للذي وش كنه... وش كنه عين نبع من صفاها تروي العطشاني

شيخ يا للي منته منه ولا إيه منه ... ضلع قلبي بيض وجهي جدي الروحاني

عزكم يا لعودة اللي تكسرون الشنة...وعزنا بالدين حنا شيخنا سلماني

الخوارج حوطونا مثل سور العنه ... عذرهم رأيين لازم واحدً مع ثاني

وأخر الآراء شفته واحتقرته لأنة ... الدليل اللي يؤكد نزغه الشيطاني

ودهم أن العذارى يركبون الدنة ... ويتمشن بالشوارع كان بالا مكاني

علموا راعي المعارض كان يبغىالجنة ... لا يبيع الا رجال وعلم الحمراني

والله آن البنت والله لو تسوق بفنه ... أن تصير بمملكتنا ثورة الشباني

وان تشن الحرب شنه ماوراها شنه ... وأن يصير الزيت وهن يطلبن مجاني

لاتقيس الدار هذي مع ربوع فينة ... ولا تقارن هالشباب بواحد لبناني

أبك ذولا مجرمين وعالم منجنه ... عشقهم لحم الجمال وطبخه الضباني

الهلالي مثل شكلي لو يجيني الخنه ... في عطال القير وإلا قفلة البيباني

في طريق مظلم ما للموبايل رنه ... مقطعه مافيه حوله مرمره سكاني

وش يسوى يا جماعه؟؟؟الله اعلم انه ... يفتح المصحف ويقراء سورة الرحماني

علم الزلفه يوقف لانخيب ضنه ... فالقصيد اللي حدة خنجر عدناني

إيه شاعر والدلالة كسرة في سنة ... لا انعمي ينطح بوجه مثل نطحه العمياني

الله اكبر يا قرى مكة ويا أهل السنة ... عرضكم أصبح نقاش لو أحد علماني


........................................ .......... ...................



نقطه التفتيش


ينام الزيف بظلال الحقايق محتزي بفراش
صنعه اللي عرف يتقن مداخل لعبة التشويش

مثل كذبة عماير بوش وبندق عمهم منقاش
يدز الناس للتفجير ويسأل من وراه وليش؟!

تقوم الناس تتسائل وتنجح خطة الأحواش
ويبدا الشك في دارك وتنصب نقطة التفتيش

بعد هذا يجيك اللي حياته ابتدت من لاش
قضى عمره ورى لمياء يحط بكفها تنقيش

يقول اللي ورى الارهاب وفجر عندنا وانحاش
مطوع لحيته كذبه تعلم بالقصيم الطيش

عساك وربي الأعلى تموت بغرفة الإنعاش
وقبل لا تموت من ربي يحرمك لقمتك من عيش

تبي عودٍ قضى عمره بروضة مسجده معتاش
يشيل الدقن لعيونك ويأمن منكم التخديش!

ألا تكرم لحاهم لو يرابط فوقها نتاش
وألا تكرم لحاهم لو تقولون الكلام الويش

هم أكثر ناس ضد اللي يقوم وفي يديه كلاش
وهم أكثر ناس لا قامت تقوم ولا يقوم الجيش

يمر الوقت وينور على الدنيا شعاع فلاش
ويكسب مرضيٍ ربه ويخسر مرضي التطنيش

نشوف ولا تعلمنا وما زلنا نعد أوباش
بعين الكلب.. ابن الكلب.. راع الكلب ذاك بويش*!


........................................ .......... .......................



قصيدة العرش


ضحكت وشققت عيني ملامح (رزة) المغرور
خنقت الهرج بلساني وقلت الله يحييني

عرفت إني على بعضي سلاحٍ في يد المقهور
وكنه ياخذ حقوقه شراهه باجزل إيديني

أنا ماهمني إني بسيطٍ راضيٍ مستور
أنا لو مايجي مني سوى مقتلك يكفيني

لإني أدري إن اللي شهد ضدي شهادة زور
يجي له يوم واطري له على التفكير ويجيني

حمدت الله يوم إنه جعلني كتلةٍ من نور
حمدت الله يوم إنه رحمني من شياطيني

مادام الوقت مايدعم طموح ومايمد جسور
أنا احسن لي أتريح تحت أسم المساكيني

لإنه بيني وبينك قهر أتشبه بتيمور
وأنا أصلاً من عروقي ملوكٍ تقضي الديني

وإذا ودك يسمونك بشعرك شاعرٍ مشهور
أنا ودي يسموني عزيزٍ عزتي ديني

أنا ماعزني شعرٍ كتبته في عيون الحور
ولو إني قدرت اقتل قتلته في شراييني

وأنا ماعزني خالد ولا مسلط ولا منصور
ولا ناسٍ تصفق لي وتكتب عاشت سنيني

أفكر وآخر افكاري (أفكر في رضى الجمهور)
ومع ذالك كثير اللي مدحني وافتخر فيني

لإنه لو وصل صيتي بشعري لو وراى (لاهور)
أظل بواقعي ياسر ووضعي ماملى عيني

تصدق لو قدرت أجهض قريحت شعري (المسعور)
واسوي مسح لأبياتٍ ترددها محبيني

أبادر مانتظر لحظه ووادع عالمٍ محظور
واقول الله ياربي طلبتك نسني ويني

وإذا هي هرج وعلومٍ على مد الخيال ادّور
أنا ودي قبل لاطلع أطلع عزتي فيني

واصير العاهل المنقذ لأمه ظامها هالجور
وامد الناس من مدة عظيمٍ مايخليني

وامد سبال كفيني على عرشٍ عريض سطور
واحط الشعب في عيني .. واحطك تحت رجليني

واجيبك عندي بقصري وانا الآمر على المأمور
واقول امدحني بشعرك وحلق في بساتيني

وإلى من قلت مايرضي (زعيمك) قلت لك ياثور
صدق شعرك مادام إنه تغنى في عناويني

كذا حققت لك ذروة طموحك باسرع المقدور
وانا مابي من الدنيا سوى(عرش السلاطيني)




........................................ .......... ...........................




تقول بابا


في البداية ..

تقول : بابا .. عمرها فوق عشرين

وأنا: " يبه" من يوم ربي خلقني

تخجل عذوق الذوق في منبت التين

وتسكن بروح اللي حلاها سرقني

تركب بساط مغيرين القوانين

لوني بعيد رضاه للبعد يدني

تمشي وتضحك .. في عيون المساكين

إلا أنا يوم إن حظي رفعني !!

ما كنها إلا " شيك " صُدق من الصين

أو كن أبوها " بيك " والبيك يغني

والنتيجة ..

طحت بهواها دون كل المزايين

وطاحت على عيني ملازيم جفني!!

وفي النهاية ..

شفت الغرابه في رموز العناوين

وشفت الوداع اللي كسرني .. واسرني

يوم غرست في هامة الأرض سكين

والطائرة قالت : تعالي بمتني


........................................ .......... ...........



بوش وكونزليزا رايس


البارحه في يوم عشره يناير
ثارت على الراس المحمّك ثواير
حاولت اغيّر فالزمان المغاير
ولا حصل لي شي غير الذي صار
الله يعزك ياقضية فلسطين
من اربعينك الين سبعه وستين
ومن اولك والين بكره وبعدين
لولاك كان تضيع نشرات الاخبار
حنا عرب نعم عرب يا أوربا
ماعندنا الا جبن والا مربّى
الشخص مننا لاتبين تغبّا
وهذي سياسه للهُدوْ قبل الاعصار
سيوفنا وقت الملاقا شطيره
يعني على ماقيل مثل الشطيره
وهذا دليلن مع نقاء السريره
والله يجيب الخير ويطيح الامطار
سلام يابوش الابن يالمبّدى
ياللي على كل المبادي تعدّا
طيب .. لو نعم ربعي تردّى
وقدامنا جله وقدامنا نار
ياكندليزه رايس اهلان وسهليني
ام الجمال اللي يهز السلاطين
غنجك ذبح له فوق خمسة ملايين
هذي ضحايا والضحايا بك كثار
فخامت الرئيس حسني مبارك
يحفظ جزء عمى وينسى تبارك
وأكبر دليل انه يقود المعارك
مو اقفه لاجات حزات الاخطار
القاهرة بلد حظاري وبطران
فيها البنات انواع واشكال والوان
من هارديز الين ميدان لبنان
وأحسن بنات اللي يجن طرق وصغار
ورموشهن شبرين وعيونهن سود
وأنعم من الديباج وأرهف من العود
لباس من حلوى وحجّان وخدود
كسلات في الممشى وفي الغنج شطار
أنا هنا يمكن قبل أربع اعوام
رحت اتمشى عند هامات الاهرام
وركبت مع تكسي وقدام قدام
حتى تعدينا بقاله ودوار
وجينا وأثر فيها خيولن عريبات
أجدادها قد شاركت في الغزوات
اجارها يمكن باربع جنيهات
وزَوّد صفر ولاتدقق بالاسعار
أخذت لي خيلن وكرباج وأقفيت
يعني على قولت عنيت وتمشيت
وياليتني مع المقادير ماجيت
ولا رأيت اللي يهستر بالانظار
فيها البنات يسابقن الرياجيل
اللي عليهم ضيّقات البناطيل
فوق الخيول يجاذبن المواويل
مهار لكن فوق قبّات الامهار
غازلت لي وحده ولاعبرتني
حلوه وفيها من ملامح برتني
وأقفيت اشيل الهم من فوق متني
عقب ماقالت لي حيوان وحمار
وأنا مانيب انسان واطي وسافل
أنا من اللي يحكمون القوافل
أحيان مكفولن وأحيان كافل
واكره ماشوف الظلم .. والذل .. والعار
أبترك الموضوع وأدخل بموضوع
دام ان صوتي عند الاجواد مسموع
نبينا محمد ولاهوب ياسوع
المصطفى الهادي شفيعن للابرار
لو انتحر صدام من قبل ينهان
وخلاّ المشاكل كلها فوق برزان
مكان مصخر به قدم كل الاعيان
عزيز قومن ذل بيدين الاقدار
سبيس تون ان كان في الناس حيره
أفضل بواجد من قناة الجزيره
تضحّك الورعان وقت الظهيره
وهذي تبكينا اليا جات الاخبار
ختامها مدري وش اقول لكن
ماحب انا أسمع اغنية الاماكن
من ثقل همن بين الاضلاع ساكن
الله يحرول ساق رجلي عن البار


........................................ .......... ..............



ولدت ساطي ومتغطرس


ولدت ساطي ومتغطرس وأحب الخصام
ولا أعترف في إدارة طبع والا مدير
أوجدت نفسي من اللاشي والانعدام
نبذت فالمجتمع لاني صريح وفقير
ماكان تفكيري الا كيف أخطف السنام
والحمد لله خطفت اليوم كل البعير
إن لم يكن مركزي بالصف الاول أمام
ماعاد تفرق معي لو كنت قبل الاخير
الله أكبر ولله البقاء والداوم
وهو الاله الاحدوهو السميع البصير
أخذت من مدرسة أحمد عليه السلام
مالاخذيته من مخاوى وزير وامير
وأخذت من تجربة عبدالعزيز الامام
وش يصنع العلم لاخاواه سيف شطير
واخذت من فلسفة هتلرعدم اللالتزام
وكسبت نفسي وريحت القلق والضمير
وابشرك حالتي دايم على مايرام
من ركعتين الفجر الين بعد الاخير
صحيح عندي تحفظ على بعض الانام
مثل معمر وابو مازن وتوني بلير
لكن انا مااحب اقلل الاحترام
واذهب ضحية طموح الغرب وانا صغير
قومية المسلمين اللي عليها الكلام
راحت معا خالد وعمرو وعلي والزبير
الله ولا ذل والتخوين والانهزام
ياعابدين العروش الوضع جدا خطير
يابو خلف كيف حالك عل حالك تمام
انسى القصيدة وهات علوم اخوي الكبير
شيخ عرفته وتقريبا لي اربع اعوام
يومني اجيه لا جاير ولا مستجير
يشوقني له نشوق الوسم عقب الحيام
في صفرة جوها ماهو بفية هدير
الشيخ ابو خالد محمد عداه الملام
اللي يصير من الاصرارمالايصير
حد الثماله اعزه لاعلي الحرام
اني احبه وحبٍ لودرابه يطير
يطير مثل الوحش لاضف ريشه وحام
وحول على الذايره بالجو مثل المغير
ان الملوك اذا اعطوك حب وغرام
خلوك من سائر الخدام يعني خفير
الا انت ياراعي التقدير والاهتمام
ياللي رحمت الصغير وشلت هم الكسير
اذا البلاط الامير والكنب والرخام
له شاعر يدهله في صبح والا عصير
فانادهلت الثرياوالقمر والغمام
وحولت اداهم طرف مشلحك مالي خشير
كفرت بالناقصه والغدر والانتقام
وامنت باانك حزامي بالنهار العسير
من لايقدر ثباتك مع عكاك الزحام
ماهوبوالله مقدر ويش معاني جرير
يارا س عيطا يمسك البدء قبل الختام
يالنادر اللي على صيد المكارم شهير
يالمهدي المنتظر بالحاجتين الجسام
المدة المسكته والاخذ بيد الضرير
ياسيدي ودي افهق لك ضلوع العظام
واعطيك شي بصدري وانت رجل خبير
اناتراني اعاني نوب من انفصام
يوثرعلى البرمجة في راسي المستدير
واصير احس اني البارود والا الحسام
في ساحة الشعر من تبوك لاقصى عسير
ممايسبب لبعض اعدائي الاحتدام
اللي يحسبون قرض الشعر مثل الشعير
والشعر وان كانه المقصودباول مقام
فالله يرحم ابو الطيب ويرحم زهير
روح التنافس وحب الشيخ والانضمام
ماهي بتعني لدى الكثرة نهاية مصير
والشاعر اللي معه عزوة خوال وعمام
تفداه وايل وترقب مستعدة مطير
والله فلا ينقهروالا يضيق ويضام
لاجاء اللززوالملاقى والقبس والنذير
وجمع الدراهم ماهي باكبر طموح الغلام
اللي جمع من قلوب الناس شي كثير
من حبني رغم تفويتي له الانخدام
واللي كرهني فهذا شخص ملعون صير
دام المعارك صغيره ماعلينا لزام
ينوب عن سيفي البتار اصغرجفير
قرات فيماقراته من بلوغ المرام
اللي ترك شي لله عاضه الله بخير


........................................ .......... ..........



ليله عرس


أستريحي كنك المفروض في ليلة عريس
وأستغلّّي مدة الديان في وقت الفلَس

لاتعيدين الخطايا لاتحميّن الوطيس
وأنتِ أدرى في طلوعك قبل دقات الجرس

ماابيك بدور ليلى لو عشقتك عشق قيس
بس خليني أشوفك لين ماآخذ نفس

أفرجي عني بعطفك لا تخليني حبيس
وأحبسيني وسط قلبك وأسطري عندي حرس

مابذلت أغلى اجتهادي .. كل جهدي بالنفيس
وماغرست الشوق فيني أنتِ اول من غرس

ماعشقتك من غرور وعارفٍ درب الحويس
الرجل لا رز خشمه غمض العين وعطس

ماعشقتك عشق فارس يهتوي مهرة عويس
عاشقك خيلٍ اصيل يموت في ذيك الفرس

خلي العذال تدرع من قهرها بالحميس
وأتركيهم خلف ظهرك وأستهلي بالدبس

وإن حسبتي لي حساب وعدت للمنصب رئيس
بأخبرك بأني عشقتك بس من زود الونس

قاهرتني في جراءة عين وطلوع الخميس
لين سويت التحدي بين عشقك .. والطفس

وأحمد الله من كسبتك ماكسبت إلا لميس
بنت لاسلطن دلعها خلت الشاعر خرَس

لويعرف إبليس بأنه لاطرى نلعن إبليس
كان لاشفته بدربي دق لطمه وإنتكس

وأنتِ أدرى في علومي والغلا لك يا.. لميس
وفوق هذا لا لمحتك دق قلبك وإنكبس

علمونا نخاف فطره من نياشين البوليس
بس وشلون نتعلم ناكل التمر بعبس


........................................ .......... ...............



نادي النصر


نادي النصر احسن من ريال مدريد ***غصب على مدريد مع برشلونه

عن حب الاصفر حالف دوم ماأحيد ***وماحب غيره لو هم يقفلونه

يانصرنا رجع لنا فرحه العيد *** راحت ثمان سنينن مانعرف لونه

يانصرنا متى تهل الزغاريد ***متى علينا الفوز تقبل ضعونه

متى على الله ترفع الكأس بالإيد ***وتفرح جماهير سنين مغبونه

وخل الجزيرة تفتخر فيك وتشيد ***غصب على العبدي ومن يتبعونه

ونشوف ابو شامة يجر التناهيد ***وعجلان حائل طايرات عيونه

نبغى مثل شغل المهلهل وابو زيد ***خل الزناتي يذبحنه طعونه

تكفى ترى تكفى تهز الاجاويد ***تاصل لمجد ماقدروا ياصلونه

نبغى زمن ماجد ويوسف وابوسعيد***ومحيسن الجمعان ماحلى فنونه



........................................ .......... .................

آهــــات
01-16-2009, 02:28 PM
نــــــــــواف بن فيصــــــــــل
أسير الشوق







متى عرفتيني


متى عرفتيني حتى تحبيني
لو قلت لك بدري ما أظن انا غلطان

متى لمحتى الشوق و الصدق في عيني
و بيني و بينك درب غربه و بيبان

وش تحسبين الحب يللي تحاكيني
الحب ماهو سالفة بين خلان

الحب صدق احساس وسط الشرايني
الحب يا صوت لفى نبض ولهان

اليوم لا قلتي معك باكر تنسيني
هذي الحقيقة و اسألي كل إنسان

انتي خدعتي إحساسك لا ما خدعتيني
و المختبي مع مر الأيام لازم يبان

لا تسأليني ليه وش صار وش فيني
لا تلعبين بخافق ٍ بات حيران

كانك تبين القرب شبي و دفيني
ولا اتركيني بزحمة البعد بردان


........................................ .......... ..................



ناشدتني



ناشدتني ... ليه عمري ليل وأيامي حزينة
وأسألتني .. لي متى
الغربه تسافر يالسفينه
لي متى وأقول ما ادري ...
وتشهق الآهة يصدري
بالحزن ترحل قوافل كل يوم لي
عايش ماغير أجامل والألم ظللي
آه يالفرحة السجينة
حلمي اللي ضاع وينه ..؟
وآه يانار المحبه وقدي
والمحب الله يعينه
وش بظنك يانجومي
الغارقه يالنور
وش ترين بحالة
اللي للشقا ماسور
لاصباح يبتسم .. والقاه ..
وارحل في طريقه
كل ماحولي وهم ... ويلاه ....
ياظلم الحقيقه
في مواويل التمني
كل ماعانيت أغاني ...
والوله في داخلي
بالحزن ترحل قوافل كل يوم لي
عايش ماغير أجامل والألم ظللي
آه يالفرحه السجينه
حلمي اللي ضاع وينه ؟؟
وآه يانار المحبه وقدي
والمحب الله يعينه
ياقصدي وش عليك
ان كثرت الأحزان
الحبر مثل القلم
مثل الهوى حرمان
الحبيب الى نبي ...
مشغول عنا في هوانا
وكلمتي لمعذبي ... اقول
ليته لو تسانا
منه ذقت الضيم واجد
لايصد ولايواعد ... ولايخليني خلي
بالحزن ترحل قوافل كل يوم لي
عايش ماغير أجامل والألم ظللي
آه يالفرحه السجينة
حلمي اللي ضاع وينه ..؟
وآه يانار المحبة وقدي
والمحب الله يعينه


........................................ .......... ...................



اختلفنا


إختلفنا ... من يحب الثاني اكثر
واتفقنا ..إنى اكثر وانك اكثر
من عدد الصحاري ... من المطر اكثر واكثر
كيف نخفي حبنا والشوق فاضح
وفي ملامحنا من العشقه ملامح
شاعرين ونبضنا طفل حنون
لو تزاعلنا يسامح .. الهوي شيٍ مقدر
هنني ياللي جميعي لك هنا
حطني بأخر مداي
طيرك اللي مايبي غيرك انا
ضمني انت فضاي
صدق اني فيك مغرم فيك مغرم فيك
والحياة وش الحياه الا مشاهد ناظريك
يانهار لو تغيب الشمس واضح
يمك دروبي وكل الناس يدروبي وانا دري
وكل قلب له حبيبه وانت محبوبي وتدري
من عيونك .. صعب تسرقني سواليف البشر
وانا النظر .. زانت فعيوني النظر
الهيام اللي سكن فينا .. تعدانا وكبر
مثل الشجر ولاينحني ولاينكسر
صار مثل الريح جامح



........................................ .......... ....................



يسألوني


يسألوني ليه أحبك حب ما حبه بشر
وليه إنتي في حياتي شمسها وإنتي القمر


وليه صوتك لا وصل صحراي يملاها الزهر
علميهم يالحبيبة يا أغلى حبيبة


يسألوني ليتهم مثلي يعيشون الهوى
الأصابع في اليدين الواحدة ماهي سوا


عندهم حبك طبيعي وعندي فوق المستوى
فهميهم يالحبيبة يا أغلى حبيبة


يسألوني وفي شفاتي يرتعش حر الجواب
ما دروا إنتي بحياتي راحتي وإنت العذاب


وإنتي حلمي اللي عشقته وطار بي فوق السحاب
خبريهم يالحبيبة يا أغلى حبيبة


يسألوني وأنتي أكبر من سوالفهم جميع
وإنتي أجمل ما خلق ربي بهالكون الوسيع


وإني أتلاشى بدون عيونك الخجلى أضيع
إعذريهم يالحبيبة يا أغلى حبيبة


علميني ليه أحبك حب ما حبه بشر
وليه إنتي في حياتي شمسها وإنتي القمر


وليه صوتك لا وصل صحراي يملاها الزهر
إعذريني يالحبيبة يا أغلى حبيبة


........................................ .......... ..................



هلا باللي تمنيته



هلا باللي تمنيته سنين وشافته عيني
انا شفتك حقيقه حلم هوجاس وسهر واحلام

كثير اجمل من اللي شفت وتخيلت بسنيني
كثير احلى من الواقع كثير اجمل من الالهام

انا جرحي حملته لك ، دخيلك بس داويني
ونسيني عنى شوقي وهمي ولوعة الايام

انا ظامي وتدري زين وش اللي منك يرويني
ابغرق في نهر قربك من اطراف القدم للهام

لمحتك قلت ماشالله ياشيخ المزايين
على روس العذارى تاج

وفي وسط الكلام انغام .. حسدت بشوفتك عيني
حسدت بلمسك ايديني .. ومن زيني ولو اني حاسدن نفسي

ترى مانلام .. خطفت من القمر نوره ، وصرتي دوم تضويني
ولا غيرك يهز القلب ولاغيرك بحضنه نام .. انا احبك

وانا مدري .. تبيني او تحبيني .. وكاد اني احبك حيل
وتموت بوصفك الاقلام


........................................ .......... ....................



مهما يقولون




مهما يقولون مهما صار مهما تم
أنت البدايات وأخر ساحل ومينا


في هرجة الناس بالعذال لاتهتم
لو هم يحسون فينا ماحكوا فينا


ماعقب شرب الصبر والمر والعلقم
شي على طاري الفرقا يودينا


حنا اجتمعنا وشمل العاشقين التم
خضنا حروب الهوى فزنا وردينا


اهواك ماهي مواويل بها اترنم
ترى المواويل هي اللي تغنينا


منا الوفا ياوفي الروح يتعلم
وكل التعابير تبحر من شواطينا


حبيب عمري حياة القلب خل الهم
تقسي الليالى ولكن ماتقسينا


وان كان جدت جدايد حبنا اقدم
ولاعاش راسٍ على الدنيا يبكينا



........................................ .......... .................ز



مايفضح اللي يحب


مايفضح اللي يحب الا آخر اللحظات

لامد كفه بالوداع وصد بعيونه

معاه رايات الاسى وجيش من العبرات

وبين الحنايا صهيل خيول محزونه

سلام ياللي ناوي الفرقا عدد مافات

وتعداد مامر السحاب وهلت مزونه

سلام من قلب سكنته انت والحسرات

غلاي تكفى يامودع ناظري صونه

ارحل وانا برحل معي هم وتعب وسكات

واسرار مابيني وبين الروح مدفونه

ارحل مادام الله كتب لك يالحبيب شتات

مالي على حكم القدر راي ولامونه

مالي بعدك الاالصبر ومجاذب الونات

وقصيدي اللي كل خلق الله يغنونه

وان طالت الغيبه ابنعي الحب لو مامات

عسى الهوى بك يشتعل وتردك ظنونه

وباحاول انسى ولو يصيح الشوق بي هيهات

وباحاول أسلى ولو يصيح القلب مااخونه



........................................ .......... ......................



تفنن


تفنن في طروق الحب


تفنن في طروق الحب شرقني وغربني




معك يا زين دوخات الهوى ويا حلو مشواره


وغرد في سما سمعي أبي تحكي وتطربني


سواليفك مطر عمري .. ربيعي ضحكة أزهاره


حبيبي يا بعد كلي وكلك صدق تعجبني


بغيباتك وصداتك وتلويعك وتكراره


تجنن كل ما اشوفك احس انك تذوبني


وتضيعني من الدنيا .. وتشب بخافقي ناره


جمالك ناهب قلبي وتفكيري ناهيني


دلالك يا رقيق العود .. عود تعزف اوتاره


تولعت بتصانيفك .. وتعذيبك يولعني


وعلى أي حال راضي بك شمس العمر وانواره




,,,,,,,,,,,,,,,,, ,,,,,,,,,,,,,,,,, ,,,,,,,,,,,,,,,,,,,

آهــــات
01-16-2009, 02:30 PM
عـــــابـــــــرة ســبـــيـــــــــل






بطاقة شخصية


أنا عجوز مطلقه وأم ورعان
...........وأيضا مدام وبنت وآنس وعانس

أنا بدويه وعايشه عند حضران
.........وبنت البحر وأبوي زارع وغارس

أميةٍ ماتعرف حروف وألون
...............وتلميذةٍ دشت جميع المدارس

ظفره وخبله عاقله وفي نقصان
............شرود وأنطح لي ثمانين فارس

خلوني أعيش العابره دون عنوان
...............طيفٍ يمر بلا رقابه وحارس


........................................ .......... ..............



قصيدة ضايقه


ضايقه بالحيل محتاجه أشكي
................لولا طبع فيّ يمديني شكيت

بس أدوّر عذر من شان أبكي
...........لو يدوسون بطرف ثوبي بكيت

كل ماجيت أتريّح وأرتكي
............يزدحم في خاطري ألفين بيت

ويش بيدي أفعله غير الحكي
........قاصره خطوات رجلي لو مشيت

أسرعي يانفس موتي وأهلكي
......صرتي همي يوم في الدنيا شكيت


........................................ .......... ...........


قصيدة العيد باكر


العيد باكر أسعد الله ممساك
................والله مدري وين خد جلسته

وين أنت ياللي عيدنا في محياك
.......كف القدر من ضيقة الخلق دسته

من يوم ما لوحت لي كف يمناك
............اليوم دمعي بالخفا ماحبسته

ومن يوم ماذوقتني حر فرقاك
.....واليأس زرعه في حياتي غرسته

شريت لي ثوب علشان لقياك
......والثوب راحت موضته مالبسته

وشريت عطرٍ مازهاني بلياك
.........أربع سنين بعلبته مالمسته

ودفتر قصيدٍ كل يوم يترجاك
.......مافيه يومٍ ماسهرت ودرسته


........................................ .......... ..............


قصيدة رغبه


أنا أبيك .. وحش يحتوي داخله عصفور
.............وانا ابيك .. طفل يحتوي داخله رجـال

أبيك .. الأب بالعطف والأخ بالمعسور
..............أبيك أمي بالتدليل ومداعب الجهـّال

انا أبيك .. تاج الستر ياعاري المستور
............أعاف العقل وانجن مادامهم عقــّال

أبيك .. المطاع الطايع المنذل المغرور
....انا أبيك .. جوعي وشبعتي والفقر والمال

أنا أبيك .. تشكيلة عواطف كما البلور
.........أبي تحتوي كل التناقض مع الاشكال

أباصيــر انا ويــاك.. داخل بعضنا نـدور
..........ياحتى نضيع وين كنا مع المـــدخال

خلاص انتهى صبري وتلاشت خيوط النور
...أبعلن جنوني وش نلت من عالم العقال؟؟


........................................ .......... .........


قصيدة إنا لله


ليتني البارحه ياغالي ماسريت
.................يم درج ٍ مقفل من قديم السنين

أشهد اني فتحته وانتحبت وبكيت
...........شفت ماهيض الجرح القديم الدفين

شفت وسطه رساله وليتني ماقريت
..........بيت شعر قديم وظرف مع صورتين

اشهد اني لغيره بالغلا ماعطيت
........واشهد انه بغاني مير ما من عوين

صحت من قلب ياويلي على اللي هويت
.....وقمت امسح دموعي من يسار ويمين

لاطرالي حبيبي بصوت واطي حكيت
......!! إنا لله .... وإنا للولي راجعيـــــــن


........................................ .......... ...............


قصيدة حـــان الـوداع


حـان الفــراق .. وتم توديع غالين
...............قسـوة زمن وظروف ماهي رحومه

وحـاولت ابدّل موقف العسـر باللين
........................وأبين قدامه جسور ظلومه

وأعاتبه وأنقد على دمعة العين
................وانا - حشا لله - ماني ألــومه

وأقول هذا حال كل المحبين
.............وهذا الفراق الي تجينا علومه

ومسكت نفسي كن ماصاير شين
..........أخشى على خلي يشقق هدومه

ثم قلت وش تنطر حبيبي لهالحين؟
.........!! أثر ايديني ماسكات كمـــومه


........................................ .......... ..............


قصيدة يا يمه


يمه .. يايمه .. فديتك لاتخليني
..........بعثرني الهم وأبغى يديك تجمعني

يمه افهميني تراك ان مافهمتيني
..........مافيه شخص بهالدنيا بيسعمني

ماعدت انا طفلتك.. كبرت شوفيني
............خليك يمي ترى الاطماع تتبعني

لاتدلليني .. أبي منك تدليني
............وابي ايديك تداعبني وتصفعني

ولا انهد حيلي أبي عطفك يقويني
........ياما كلامك على الشدات شجعني

وان جيتك ابكي .. ابي منك تهديني
......مابيك تبكين .. أبغى العقل ينفعني

يامملكة عطف ياعطر الرياحيني
...........براثن الهم والهوجاس تلسعني

بسمتك عندي الا من ضقت تكفيني
.....وارضاك عني عن الاحزان يرفعني

اسمى العلاقات تربط بينك وبيني
ياللي احضانك ان ضاق الكون تاسعني

لك احترامي وحبي والوفا .. فيني
....وفيك اروع الحب مايخطي ويخدعني


........................................ .......... ................


قصيدة هيـّا تغــزل



كل ما اتصل فيك.. صبح وليل تشكي لي
.........من عوج الاوضاع والدنيا ومتاعبـــها

مليت يا صاحبي مابيك تحكي لي
...............هالأسطوانه أنا مليـت مطـــربها

حتى خيالك بتـال الليل ياتي لي
............جروح وعيون معقوده حــواجبها

عيشتني بعالم ماهو على جيلي
..............زهرة شبابي حرام انك تخربها

ياما هجرتك ولا كملّت ترحيلي
...................حبايب ماتعبر عن حبايبها

حبيبتك ما تحمــّل هالبهاذيلي
............إضحك معاها ولاطفها ولاعبها

هيّا تغزل وغن وزيد تدليلي
....................البنت ياحبها للي يداعبها

قلي وش رايك بفستاني ومنديلي؟
........الوانهن تعجبك .. أو مانت راغبها؟

وقلي وش رايك بعقدي مع خلاخيلي؟
...........وشف قذلتي يوم قصينا ذوايبها

وقلي وش رايك بأطباعي وأقاويلي
...........لاحظ عليها وغيّـرها وشطّبها

خل بيننا انقاش وعلوم وتعاليلي
....وآمر على البنت وان حبيت طالبها

يامدمن الهم كافي دمع بالليلي
.......بكره تشبع من الدنيا ومصايبها

دنياك والله .. ماتسوى التزاعيلي
............حتى ولاهيب كفو الي يعاتبها




,,,,,,,,,,,,,,,,,,,, ,,,,,,,,,,,,,,,,,,, ,,,,,,,,,,,,,,,,,,,,

آهــــات
01-16-2009, 02:37 PM
نـــــــاصـــــر الفـــــراعــنـــــــه






اخذ قلبي يالغضي


اخذقلبي يالغضي والهدية ماترد
وانت ياسيد الهوى هات قلبك وازهله

لاتغرك وقفة الساق لو دونك صمد
والله ان الزلزلة في عظامه منزلة

من يقول الطرف لا طالعك جاه الرمد
والله ياغير العمى مايغرز بأكحله

جيت اغني لك (وعد يا بعد عمري وعد)
ويوم شفتك ارتبكت وقريت البسملة

يابعد روحي وش اللي بقى منكم بعد
ما ذبحنا بآخره وش نوصف بأوله

من تمره وانت لا برق ولاانت برعد
من يلومه لو تحلحل عليكم حلحلة

من يلومه لو رمى ضافي الثوب وسجد
او بعد حتى طلع له على الراس نخلة

لو تواصيف الحلا فيك يحصيها العدد
كان ابكتب من تهامة الى شعب جبلة

من تعامى عن سنا نوركم ولا جحد
كل نجم بان يلفي عليه ويسأله

سحر بابل في حناياك صاحي ما رقد
سلسلة من سلسلة سلسلة في سلسلة

طب وسط الملعبة طب يا فال السعد
حط بقلوب الصبايا سهوم مرسلة

كل عين ما تسمي بأسم واحد أحد
لا تهمك مثلك الله خلقه ويكفله

احمد الله واشكره يوم ما انت بلي ولد
ولا كان تشوفني في .... ....

يرجع الماخوذ لو عنكم بساعة يلد
يمكن انك نجمة الجدي وانا بوصلة

كل حسن غيركم عندي ما قام وقعد
ما جذبني حلو ريقه ودافي محملة

أنت ايه انت انت يا بوح من قال وقصد
بالحروف المعجمة والحروف المهملة

من يطولك عن مراعاة زولك ما يصد
لو تفجر في محاني ضلوعه قنبلة

بس لا تزعل اذا قلت لك ملعون جد
عادتي لا شفت حلو الجمال العن هله



........................................ .......... ............



العيون مسكته


العيون مسكته والخدود مسكته
ياسلام اليا كشف وان تغطى ياحرام

لا بغيت اوصفه جت لساني عكته
كل عضو من حبيبي يقول اسكت ونام

من يشوفه مات جن الهوى ما فكته
كيف اجل لوهو يشوف اربع حدر اللثام

جادل لا شلح الثوب داخل دكته
ما بقى جدار من البيت ما صلى وصام

فتنته من ضحكته,الف عام بكته
اقطع من السيف وآرق من ريش النعام

من توصت فيه روس الاسنة وكته
وش عليها شيخ ولا بعد توه غلام

من عذر ثوبه على الردف جود ضكته
شاه اللي ما بعد شاهده لو في الحلام

دوب بس الساق لحظة يمر بسكته
والله ما يمديه يركض قبل يوم القيام

اشهد اني مكته ان بغاني مكته
واشهد اني بيته من الحجر حتى المقام

يا حبيب فيه كل الوصوف مسكته
فيك قلبي ميت وضربك الميت حرام


........................................ .......... ..............



ان قلت سولف


ان قلت سولف يسولف لي بتسبيلة
وان قلت بالله يقسم لي بسلهامة

يا ويل حي تولع فيه يا ويله
كم من شهر مرّ لا صامه ولا قامه

حي يشوفه وشاف الرمش يومي له
ادخل على الله كيف تشيله عظامه

من ناعس الطرف ذباح العرب غيلة
كم واحد صافح الموت اول ايامه

خّلى بياضه بياضي عبد عّزي له
"بسْ ما عليّه حلاة الخد بالشامة

طفل وتوه صغير السن ياحليله"
"يا ميت يا ميت من يلقاه قدامه

توْه يسالم على الترويض باقي له"
"في عالم الحب زرفاله ودرهامة

يمكن بعد ليلتين ويمكن الليلة"
"بس اتأكد واشوفه شق هندامه

يا وش يهمه وانا ما نيب من جيله"
"من عام الاول وهو ريمٍ وانا رامة

حياة من لا عشق شرواه وش هي له"
"لا وا خسارة يليلٍ مرّ ما نامه

عليه كفي يحفر القبر ويهيله"
"واخالط الناس بس عقال وعمامه

لو بين مزّة وتعميرة وتعسيلة"
"يا وين انا والورق والنرد والدامة

سيد العذارى يوصّي لي واوصّي له"
"وقبلي خواله عليه توصي اعمامه

وان ذبت انا فيه قبلي ذاب منديله"
"ولو ذاب حتى عليه الثوب من لامه

ومن يفتتن به ترى مااحد يراعي له"
"فتنة هل السبت من قامه ومن هامه

مفتون في طفل توّه ما لبس شيلة"
"اجل وش يصير بي لو كمّل اعوامه



........................................ .......... .................



أرض فارس ....


سقيفة معبدً في أرض فارس"
..............."سقيفة صدر ابو فارس يفارس

على كتفي نقلت اليوم حتفي"
..............."ولي بالجنة العليا هجارس

بخدّ صبيّة من نسل هاشم"
..............."ورسني من بنات الجانّ وارس

ألا يا عيطموس الجانّ صيحي"
..............."ودقّي لي على صوت المهارس

وطيري بي لسبعٍ بعد سبعٍ"
..............."بأجنحةٍ كأجنحة النوارس

هجوسٍ يوم اهوجسها تشادي"
..............."رباعيّات رهبانٍ تجارس

انا العبد الذي صبأوا أليهِ"
..............."ذوي الملك الجبابرة الغطارس

أنا العبد الذي صلّوا عليهِ"
..............."بقفرٍ دمدم الآثار دارس

بعشرينٍ رأى ما لا رأى من"
..............."بني التسعين من دارس ومارس

لصيحتهِ تزلزل قصر مارد"
..............."ودهمٍ من بني بكرٍ تكارس

سبيعيّ وذو معنى ومبنى"
..............."صناديد الوغى الأسد العتارس

زيازيمٍ شغاميمٍ أشاوس"
..............."زحازيحٍ طحاطيحٍ أشارس

سلاطينٍ شياطينٍ صوارم"
..............."وإن حمي الوغى عميٌ أخارس

ورثنا قيصرا في عرش روما"
..............."ومن كسرى ورثنا ملك فارس

تسلطنّا بنجد ألف عام"
..............."وفي التاريخ تذكير لدارس

أقمنا دولةً في إثر دولة"
..............."على مضَضٍ وبرد الدهر قارس

جلينا ظلمة الأتراك حتّى"
..............."تصوّف ربّهم في شهر مارس

كسرنا شوكة الباشا محمد"
..............."ضراب الترك أولاد البطارس

جعلناهم شعوبا في العراق"
..............."وفي مصرٍ يلمّون السبارس

عسفنا كل عربيدٍ مدجّج"
..............."فما من ضربنا انجته المتارس

ندلّه إبلنا جوسا وقسرا"
..............."وترعى عنوة عشب العضارس

تدرّسنا على روس الرماحِ"
..............."وليس سوى الحروب لنا مدارس

لنا في صفحة التاريخ مسهم"
..............."بأمّات الكتب ذات الفهارس

ولنا في الأنجم العليا مصلّى"
..............."وفي أقصى بلاد الأرض غارس

بعبدتنا سبينا ألف حرة"
..............."وعبلة عشق عنترة الفوارس

فمنّا من تلاعب بالأسنة"
..............."ومنّا من تلاعب بالأدارس

ومنّا حربةُ في كل هيجا"
..............."ومنّا ضربةٌ في كل فارس

فإن كانوا كما كنّا وكنّا"
..............."كما كانوا فما للدهر حارس

ومن يستبدل الآيه بآيه"
..............."عليه انياب كل لاشٍ تضارس

رمانا الدهر في يد كل واطي"
..............."قلال الأصل أبناء الهدارس

زمانٍ به مماليك العبيدِ"
..............."بلحم أسيادها قامت تفارس

زمانٍ به سراحين الذيابة"
..............."خضاب كفوفها الداء النقارس

انا العبد الذي صبأوا إليهِ"
..............."ذوي الملك الجبابرة الغطارس



........................................ .......... ......................



الكابرس


ألا يالله المطلوب ياعالم النيَّه
بدينا بكم ياواحدٍ فالسماء عالي

ألا يالله اني طالبك فزعتك ليَّه
على علةٍ تركي على كبدي الصالي

سبب موترٍ كنه مكاين بلديَّه
لو إنه يسابق نملةٍ صار فالتالي

إلى قام يمشي كنه عنزٍ تهاميَّه
ابو رمح فيها والوجع وسطها انهالي

وإلى مااعترض كنه مقفى هتيميَّه
الظاهر حلو والباطن مخيس وهمالي

وكن زبدة التندة خلاقين لحقيَّه
والا حمارٍ بين أذانيه سروالي

على ركزة اللمبادة تلعب مكاويَّه
وعلى صوتي المجروح يرقص ويجتالي

وتسمع طقيع الديلكو لارحم حيَّه
فضحني وفشلني ودمر لي أحوالي

وحتى طرمبة البنزين مابها محنيّه
تتفتف مثل قومٍ يردون الأمثالي

وإلى جيت عن إشارةٍ طق بوجيَّه
طفى الكهرب وقفل دركسونه قبالي

ربض وانسدح مافارق الخط موليَّه
وجر الوسايد قال خلوني لحالي

وأنا مغير أندب وأنادى العزوبيَّه
ندفه وهو ماسال عنَّا ولايبالي

نمطه مع خشيمه ونمصع أذانيَّه
نبى الشين يمشي مير وقف ولاسالي

على كيف كيفه يشتغل روحته جيَّه
ولايبغى حد يقلق له الراس والبالي

وإلى جيت أدق السلف كسر لي يديَّه
يلعلع ولايسمع وعيا يتهيالي

وإلى شاف له سيارةٍ صاح جنيَّه
شغل ثم تلقاها على الأرض طوالي

وألا يافري جيبي من أمره وياطيَّه
وياشيب عيني منه وياعنى حالي

وش عاد لو انها صناعة أمريكيَّه
وقير توماتيكي ودبل قطع الأسهالي

وأنا لاعطيته فيةٍ جنب الفيَّه
وأنا كل ماعدلته بسكةٍ مالي

ثلاثين ورشة زرتها اكترونيَّه
وفيها خبيرينٍ على مستوى عالي

فلبيني ومصري وتركي وابوفسيَّه
ولافيهم اللي طاح في طبه وقالي

وثمانين شيخ بين سنة وصوفيَّه
قروا فوقه إقرأ مع تبارك والأنفالي

وكم سورةٍ مكيةٍ مع مدنيَّه
قروا فوق كبوته ولافاد ،عزالي

ورحنا لابوفراج يكوي علابيَّه
ولعلع شوي ثم طاح صدامه حيالي

عسى القنبلة تقذفه بأرضٍ خلاويَّه
وتخليه فوق الأرض مثل أشهب اللالي

وهو لقطة غليص جعل فوج يالهيَّه
وأنا اللي احترمته وأرثي أرداه من مالي

عسى الله يهيء له عيال الحراميَّه
وإذا حنشلوه مسامحينٍ بالأعمالي

أقدم لهم خطاب شكرٍ وبرقيَّه
لحيثه ولد كلبٍ مايسوى له ريالي

عسى الله يلعنة ميةٍ من ورى ميَّه
ويلعن ابو من صنعه بين الأزوالي

ومن بعد ذا ياأهل الركاب الشماليَّه
خذوا مني المرسول للطيب الغالي

على وافي الجدين زبن الجلاويَّه
طويل الذراع مسقي الضيف سنسالي

على حضرته من عندنا البيض مثنيَّه
وعندي له البيضا على روس الأقبالي

هو مزبني هو عزوتي هو ظهر خيَّه
اليا عضني ناب الزمان أول وتالي

اخوي ابن ابوي ان جيت لي في طرف هيَّه
حزم محزمه وبغالي الروح يفدالي

لامني نخيته قال أبشر بعونيَّه
وبوجه الزمان أصيح واخوي يبرالي

عقب داسني غبر الزمان بمواطيَّه
رفعني وخلالي من العز منزالي

شبيبٍ ابوفارس هوى كل نشميَّه
خذا المرجلة من شايبٍ ذرب الأفعالي

ابوي أبلج الحجان هو طاهر النيَّه
على خدته جاء للوفا نجم وهلالي

على هامة الراي العلا حط كرسيَّه
وله فوق ربع الجود بيتٍ ومدهالي

وختمان قولي مالمع برق وسميَّه
صلوا على الهادي وماهل همالي

وترى الحمدلله وآخر القول مقفيَّه
بذكر العظيم الواحد العالم الوالي



........................................ .......... ................



أضحى يُلاعِبُ كَفّ الودّ نقرِيسُ


وهذه قصيده باللغة العربية الفصحى للشاعر ناصر الفراعنه :
أبطال هذه القصة :
ناصر الفراعنة :شاعر مسلم من قوم (جرير)
بلقيس :شاعرة مسيحيّة من قوم (الأخطل)




أضحى يُلاعِبُ كَفّ الودّ نقرِيسُ
حتى رمتهُ برمحِ البَيْنِ بلقيسُ

تصدّعَ الدهرُ عن بؤسٍ فمدّ لهُ
يدَاً إلى أن شكى أثوابَهُ البُوسُ

لوصل شاميّةٍ في عزّ مشأمةٍ
تكادُ تسرقُ منهُ الروحَ (طرطوسُ)

بنى لها طللاً في نجد ذا حِللٍ
يصبّرُ النفسَ والمسلوسُ مسلوسُ

يرجو بهِ ما دجى الداجي منادمةً
أنّى تنادمهُ اليومَ الأماليسُ ؟

اليومَ حولهُ أنعى كلّ نائيةٍ
أبكي عليها وتُبكيني النواويسُ

أقلّبُ الطرْفَ في شامٍ وفي يمنٍ
كأنني من بنات الجِنّ ملبوسُ

ما الدارُ كالدارِ في الأمسِ القريبِ ولا
تلكَ التضاريسُ بالأمسِ التضاريسُ

مِن ودْق ساريةٍ كلمى وغاديةٍ
كأنها لترابٍ عالقٍ مُوسُ

اخضرّ يابسُها واشتدّ قارسُها
والتفّ حارسُها والرمْسُ مدروسُ

كأنّ أشباحَ أطلالٍ بها انتصبت
صُمّ التماثيلِ أحيتها القلانيسُ

مِن جنّة العمر ما باقٍ بها علَمٌ
حيٌّ وما قرَعت فيها النواقيسُ

يا صرْف آنسةٍ في الخدرِ كانسةٌ
أرذي لها الخيلَ تعْلُوُها القرابيسُ

أرذي لها كلُّ ذي بدْنٍ وذي بَدَنٍ
كأنّ أحْرُفَهُم صبحاً قرانيسُ

شالت ظعائنُها في إثْر ظاعنِها
فالبيدُ من بعدها جُرْدٌ قراقيسُ

هيماءُ ما أخذت عينَ الفتى سِنَةٌ
عنها وما صبأت من شعْرها الروسُ

تدعو المسيحَ وأدعو أحمداً ولنا
معاً على الرمل تثليثٌ وتخميسُ

إنْ أقسَمَتْ أنها ليْ مثل رابعةٍ
أقسَمْتُ أني لها قدسٌ وقدّيسُ

يا ربّةً بعَثَت ميْتاً لتعشقهُ
كعشتروت وما استعلى أدونيسُ

لِمَا بعثتِ من الأجداثِ ذا حدثٍ؟
وما لوحشتِهِ إن عادَ تأنيسُ

حوريّةٌ من جنان الخلد هاربةٌ
عن سرّ آيتِها تُعمى القواميسُ

يَجُفّ في وصفها الحبر الغزيز وإن
يكُنْ بحوراً ويندُرْنَ القراطيسُ

هيفاءُ ناديةٌ غيداءُ شاديةٌ
معْ درب فردوسها تُؤتى الفراديسُ

حدْر الظفائرِ بانُ الجسمِ أحسبُهُ
بدراً عليهِ من الأجواءِ تدليسُ

على الجبين يخُطّ الحسْنُ آيتَهِ
ما خَطّ بالقلمِ المعصومِ إدريسُ

كأنّ بالرمش منها وهْي شاخصةٌ
خيْلٌ كسيْلٍ لدى الهيجا كراديسُ

للموتِ في عينها اليمنى أرى مَلَكاً
وكم من الموتِ تخفيهِ الكواليسُ

وفي شَفا عينها اليسرى أرى ثمِلاً
أسقاهُ كأسَ عُتَاقِ الخمرِ جلّيسُ

والخدّ كادَ بلا جرحٍ يسيلُ دمَاً
عامانِ يُسقى بماء الوردِ ملعوسُ

يا وجنتانِ كدينارينِ من ذهبٍ
والشمس ساطعةٌ والنورُ معكوسُ

أشُمّ بينهما طِيبَاً فسطحهم
كأنهُ في عتيقِ العُودِ مغموسُ

على حشا النحْر منها وهْي واجمةٌ
بنَفسجٌ حولهُ ينمازُ طاووسُ

نحرٌ بوقفتهِ صنديدُ معركةٍ
حين انتصارٍ تمشّى وهْو غِطريسُ

الصدرُ لوحُ زجاجٍ مسّهُ قبَسٌ
نارُ المصابيحِ أذكتها المقابيسُ

عليهِ نهدانِ من عاجٍ كأنهما
في معبدِ الشرقِ فانوسٌ وفانوسُ

كأنّ أيمنَهم لله مبتهلٌ
كما تبتّلَ وسْط الدِيْر قسّيسُ

أما اليسارُ فمَلْكٌ بين حاشيةٍ
يظُّنُّ أنهُ فوق العرشِ قدّوسُ

فكلّ نهدٍ لهُ سورٌ وساريةٌ
لهُ من الثوب ترويحٌ وتنفيسُ

يحْمرّ من خجلٍ حيناً ومن غضبٍ
حينََ يُلامسُ ثوباً منهُ ملموسُ

والخصر يَسْلِبُ من سيفٍ ذبابتهُ
أدَقُّ مِن هَيَفٍ أبداهُ دبّوسُ

حلّت عليهِ من الأرداف واقعةٌ
فما لهُ أيُّ حِسٍّ وهْو محسوسُ

كأنهُ موجَزٌ والردفُ فصّلهُ
في الخصرِ قَوْسٌ وفي الأردافِ تقويسُ

بالردف منها إذا قامت وإنْ قعَدَت
رعبٌ وما أرعبَ النعمانُ قابوسُ

بمشيهِ موّل المجنونُ قولتهُ
(يا حاديَ العيسِ ما أدنت لكَ العيسُ؟)

ما مَرّ عُبّادَ قومٍ في معابدِها
إلا تقلّدَهُم في الحالِ إبليسُ




........................................ .......... ...................




قلت إيه إيه إيه إيه



كنت احسبني قبل اشوفك واحد تشره عليه
واثبتت شوفتك اني كنت سيد العاقلين

ما عرفت ال(ليت)وال(لو)و(متى)و(آه)و(ليه)
لين شفتك خاضب الحنا على ترف اليدين

يوم شفتك تنقض المرجود قلت ايه ايه ايه ايه
هذا اللي لشوفه ما يزين الا يشين

لعنبو من لاتقمص فيك شخصية سفيه
مثل ما هو لعنبو من لا عشق مثلك ظنين

من سببك الموت يا موت يموت الموت فيه
يا نحيف الخصر ابو دابين والمقعد سمين

ابك لولاك انت ما حي ابد صفق يديه
ولا فرقنا روشن السلطان من سرداب طين

ياجمال خيزرانه ما يطق الا الوجيه
تربته من قحويان وماه ورد الياسمين

من يشوفك بس لو لمحة يبي نومه يجيه
مثل من يبغى لبن عصفور يالله يا معين

جعل عين شافتك حلو الكرى غضت تبيه
نومة اهل الكهف وسط الكهف آلاف السنين

من يشوفك نزوة الدجال الاكبر ترتديه
ولو تشوفك حامل في خمسها طاح الجنين

ومن يشوف ضاع في عز الضحى لوهو نبيه
مرة يحذف يسار ومرة يحذف يمين



........................................ .......... .................



الا يا رسولي فوق منجوبة اليابان


ألا يارسولي فوق منجوبة اليابان
نبى نبعثك من شان عينٍ حساويَّه

على جيبٍ مغطى تقل صومعة رهبان
على لمبته من وجنة الزين من ماريَّه

ليا ديس بنزينه وهبت هبوب عمان
قحص مثل رجلٍ شاف جنب القدم حيَّه

ولامنك عطيته بالدبل من ورى برزان
تقل صوت مسجونٍ يطالب بحريَّه

وكل من يشوفه يحسبه من طيور الجان
والا نجمة فوق الشيايطين مرميَّه

ولاأطلق شبح لاسمرت سايق الذرعان
تبى تلحق الفكسار لاصاح جنيَّه

وياجاهل الفكسار هاذايت الرحمن
وأظن من ركب فوقه له الخلد مبينيَّه

من حبي الفكسار حبيت أنا اليابان
غدوا لي عيال أعمام والا أكثر شويَّه

تشوف المواتر واقفه كنها الثيران
وهو وقفته وقفة أسد لعنبو حيَّه

أوصفه حبٍ فيه والا أنا يابدر طفران
وهو ماملكه الا عبادٍ غناويَّه

وأنا لو حصل لي ماأكنزه مثل هالحضران
ورى البايكة من فيِّة دوم في فيَّه

علي الحرام إني لسوقه كما الربان
أوطي كفره في كل أرضٍ خلاويَّه

أمسي على نجران وأصبح على الصمان
أدور الوناسة فالسفر روحة وجيَّه

وأزاور حبيب الروح أبو منطقٍ فتان
أبو حاجبٍ سكبه ووجنات ورديَّه

لكن الدهر يابدر ................
وحظي لاقلت اصحى يقول اش لكم فيَّه



........................................ .......... ..................



ياوقتنا اللي غلب كلبه على ذيبه



ياوقتنا اللي غلب كلبه على ذيبه
وقت غدابه شجيع الراس حوريَّه

وقت تعلوا بني حضرم مراقيبه
والراس عود ذنب والراس كوفيَّه

من فعلة مافعلها ابليس واصحيبه
كن فاالحشاء تسعة وتسعين شبريَّه

ياراكب في ظهر حرشي عراقيبه
حر عيونه تقل مشهاب بريَّه

من طلعة المسبحي شيب محاقيبه
مع راس كل ابرق كنه نداويَّه

ياقو عزمه على الفرجة وياطيبه
كن جرته فاالثرى ملساب جنبيَّه

سلم على محتمي الدار ومعازيبه
ربع حموا الدار شرقيه وغربيَّه

ربع بعلط القنا صفوا مشاريبه
الين خاوى جنوبيه شماليَّه

سلام احلى من السكر على نيبه
بااوراق سدر على جيلان حوليَّه

واحلى بعد من لبن عطف حنازيبه
في روض بر يادوبه سال واديَّه

ثم قلهم مع زلوج الشمس تغريبه
على لسان الذي نجحت مكاويَّه

تكفون ولدة شراحيل العنوا صيبه
ملعون اباالاصل تكفون العنوا حيَّه

آطوا علابيه واقتصوا مخاليبه
لاصار ماله بفعل الطيب ماريَّه

هيس يرقص على الطبلة رعابيبه
تقسيم عود على ترويس طبليَّه

لاهوب منا ولاحنا باقاريبه
الا انها عاد بشماغ وطاقيَّه

في وقت الازمة نحت عنا مناجيبه
وحول رصيده معه برا السعوديَّه

ثم ركب له طايرة فاالجو توميبه
وجنسية معه بدلها بجنسيَّه

ويوم انتهى الحرب جا ينفخ لغابيبه
عادات طرش البحر كا ماانتهت هيَّه

حرام ماهمته دار رفت عيبه
ماهمه الا فلوس في مخابيَّه

من عذره ابن القويماني فرى جيبه
في عملة ماعملها سحيم في ابويَّه

من شان شرموطة هطقاء محيديبة
ينفق وولد الوطن بانت معاريَّه

احد على الجوع يصبح به ويمسيبه
واحد بشبعته مايدري عن وخيَّه

يااحمد ماهي مصيبة الا اكبر مصيبة
عشرين مليون في منديل مصريَّه

وماناح طير على عالي نبانيبه
صلاة ربي على المختار من حيَّه



........................................ .......... ..............



ياللي على شان


ياللي على شان شيٍّ فوق منديلي .. زعلت تحسب يتيمة دمعتي حُمرة
اركد وعن رقم خطي لا توصّيلي .. راجع شفاهك وتلقى فوقها النمرة

لا يا بعد ما يقال وبعد ما قيلي .. حبك غمرني وغمرة حبكم غمرة
يا ويل ويلي عليك ومنك يا ويلي .. لا حجّةٍ دلّهت عنكم ولا عُمرة

الطرف لا شفت هاك الطرف باديْ لي .. يا هوّ سكران يا مخلوق من خمرة
طرفٍ بلا صوت يدعيني ويدعي لي .. وانفسي اللي سبب دعوتْه منْدمْرة

والرمش لأغضى هَدَبْه الأسود الليلي .. يا موت, يا إن ملاك الموت تحت امْره
رمشٍ بلا يدْ يصافحني ويومي لي .. سبحان من سلّّ سُمره( من سنا سًمْرة

أسود سواده بلا كحلٍ ولا مِيلي .. كنهّ خذا من سبيب عْبيّةٍ ضمْرة(
في غير خدك يملحق حيلتي حيلي .. ما اذكر إبِه تمرةٍ خاوت على جمرة

يا جمرةٍ فوق صافي الخدّ عزي لي .. يا لعنبوك احرقيني وارجعي تمرة
و... ليا ذبّت الشيلة يلبّي لي .. يطمر عدامة حشاي وطمرته طمرة

دامه لحاله فأنا عن ذبحه مْشيلي .. أحبّ ذبح (,,,,,) زُمْرةٍ زُمْرة
من مرّ ما شافكم يا لابس النيلي .. ما فات نصْ عمره ألا فات كلْ عُمره



........................................ .......... ..................



يابدر


يابدر ياصاحبٍ عن ثلاث امية صحيب
الحجج عن صحبة اللي سواتك واهية

يابدر غير الصراحة وش ألقى فيك عيب
حي هاك الفاه وأفواه غيرك فاهية

يابدر قلبٍ ورى نزوته مثل السبيب
ما التهى فالبيض وقلوب غيره لاهية

عن حريبٍ أشغله من بني عمه حريب
بنشدك والناس في ناسها متباهية

في حشى يمنى القهر ماملى بطن الشعيب
لاتغرك كشختي في الثياب الزاهية

يابدر ياكثر ماطبت في من لايطيب
وياكثر من طيبته ودته في داهية

يابدر من بدل الركض بمشيه دبيب
صنف الأقزام قبله وعينه ساهية

ولو لكل راعي اسم يابدر من اسمه نصيب
كان لا النافية مثل لا الناهية

اهب ياقلبٍ دحرهم جميع اهيب اهيب
لعنبو من لاورد والموارد راهية



........................................ .......... .................



علموا ياسر

هذه قصيده قالها الشاعر ناصر الفراعنه في رئيس السلطه الفلسطيني ياسر عرفات



علموا ياسر بسلم كذيا لا يحلم
ماخبرنا صار سلم بلا حرب ودام

من متى والسلم يوخذ بتوقيعة قلم
يا دعاة السلم شدوا محازمكم شمام

كل سلام جا بقرطاس لذة محتلم
والسلام اللي كذا اسمه سلام اية كلام

مثل من هو يطرده مثل من يطرد وهم
مثل من قرب سحلته يبي حلب الحمام

من يبي سلم بلا حرب بيبطي عظم
السلام بحربة الرمح الاشهب والحسام

سبحانك اللهم محيي بن آدم من عدم
نطفة ثم مضغة باللحم تكسي العظام

صرخة يهتز من هولها سور الحرم
صوت الركن اليماني وجاوبه المقام

العذارى تغتصب والعفايف تتهم
لعنبونا اللي ولا واحد شمر وقام

كم وكم عذرا علا صوتها (وامعتصم)
بس ما كل معتصم معتصم ولا عصام

معتصم آخر زمن معتصم بس بالاسم
لقبوه المعتصم بس لكثرة لاعتصام

امة شفنا بها الروس توطى بالجزم
سالفتها عودت سالفة بنت الحرام

امة من سور صنعا الى باب العجم
مجدها يعيده لها طفل في سن الفطام

امة تعدادها فاق تعداد الامم
وللاسف في وزنها ما تجي واحد جرام

كونوا من مجلس الامن للعالم صنم
فاتخذناه(و)الاه(ن)فحل الانتقام

يا عرب آخر زمن يا حواس بلا جسم
من عذر كل توطاكم اطيبكم خمام

يا شعوب ميسم الذل واسمها وسم
في شعوب ابنائهادقت الذلة وشام

شكلها واحد تبي من خلاف او قدم
قرب راس من ذنب قرب خف من سنام

لعنبوه الذل خلى من السادة خدم
العمام هم العبيد العبيد هم العمام

هيه يا مهدي هل القدس معزوفة نغم
منه جايبنا ورا الاانت واشكالك حرام

لا تقل (نحن العرب) قل (اجل نحن الجلم)
واثنها (نحن البهم) لجل اقلك يا سلام

كنت افول الذيب لا يمكن ان يرعى الغنم
لين شفت الطفل (ياسر) بحضن (اسحاق)نام




........................................ .......... ..................



غاغ غوغ



ما كتبت الشعر يا نور عيني من فراغ"
فيك واللي فيك يحتاج له وقت وفروغ

الشعر في غيركم سامجٍ مايستساغ"
"وفيك ما لا يستسغ من ورا خشمه يسوغ

احسن الابيات في بوتقة قلبي تداغّ"
"بسّ من هيبتك لا جيت ابكتبها دغوغ

اتعب المرسم يدي واتعب الفكر الدماغ"
"لين شفت لنجمة الشيب في راسي بزوغ

من عذر قلبي نهار ابرز البيضا وزاغ"
"هوّ به من شاف ما شفت قلبه ما يزوغ؟

في حياتي ما ذكرت انّي طشّيت الشماغ"
"لين شفته وانزلغ دمعي الاحمر زلوغ

طفل توّه في حشا امّه يغاغي (غاغ غاغ)"
"يتلعثم وان حكى افصح كلامه (غوغ غوغ)

ما يعرف من الهوى كود لعبه بالصباغ"
"ابيض ابيض ما يعرف الصدوغ من الرسوغ

في عيونه صاغ الآله شيٍّ مايصاغ"
"فصّ ساحر صاغ فيه آية الفرقان صوغ

وفي الهدب هيبة (نَبِيْ) ما عليه الاالبلاغ"
"وفي النهد طفلٍ بلغ من قبل سنّ البلوغ

وفي خدوده راغ بارق سحاب الشرق راغ"
"بسّ انا من خوف يعمي عيوني وين اروغ؟

يا جماعة وان غدا القلب من جوفي وباغ"
"من يدوّر لي معه قلب آخر ما يبوغ؟






........................................ .......... .............





تقول خير




تقول خير منين بالله يجي خير
وانا معك قضيت عمري بلاشي

اصبحت مثل اللي مراده لبن طير
وانا مرادي بوسة وانت ماشي

عنك ارفع الكفين حشمة وتقدير
شيمة حرار ما ترب العشاشي

ولا فانا المجنون حكمة وتدبير
وقبلك جلابيب الرعابيب شاشي

لو ودي افعل ما فعل سالم الزير
والله لاخيط من جديلك فراشي

لا شك ابيها منك فزعة مناعير
ووصل الاحبة ما يجي بالهواشي

فكان المراد انساك ياصاحبي طير
والله لاموت وعلتك وسط جاشي

كل شي الا نسيتك يمكن يصير
لو جابت الناقة ثلاثين حاشي

لولا دموعي فيك ما ترجع البير
وللغيث ما ينشي على نجد ناشي

بالله كيف انسى هذيك النواوير
وسود العيون المسكرات الغواشي

ولا ثنين قطعن الازارير
ومن الحرير يصيبهن ارتعاشي

ولا ثنين مثل بيض القوارير
شفت ازرق الما بينهن يوم طاشي

ولا ثنين يفضحن الحمارير
حمر الطعوس اليا صبغها الرشاشي

ادخل على الله مانت مضبوط يصغير
ولا فكيف انساك وانته معاشي

وان لمتني يا وش بقى عاد للغير
الغير واجد والملامة بلاشي



........................................ .......... .................



ملوك الجن أو أحداث الزمان في حلم العوشزة




دمي علي من الثرى يا غانية ... بالأمس ما أبكاك قد أبكانيه

لصبية من آل بيت محمد ... أدركت أسرار الثرى في ثانية

وقرعت أبواب السماء مهللا ... وهتكت أستار الملوك علانية

عرفت ملوك الجن ريح عمامتي ... ونكحت منهم سبعة وثمانية

ودفنت قرطا في صفيحة قرمد ... وشربت من دم ذي الصواع بآنية

وتركت في واد السماوة أمة ... لم يغن شيئا عنهم سلطانيه

وغسلت في ماء الخلود يتيمتي ... فتكللت تيجانها تيجانيه

عن زهر جارية و ورد كريمة ... أرجو بشوك يتيمتي سلوانيه

يا من عليك نزلت كل مخيفة ... ونقدت دمعة مشفق تنعانيه

يا من إليك ركبت فلك منيتي ... وعشقت طعنة ظالم أردانيه

كازية لعبت بمهجة ناصر ... أزمعت طية حبها فطوانيه

ألحبها آليت لا أحيى نعم ... ولقد لبست لحبها أكفانيه

كم حكت لي من مقتل بيدي فلم ... أقتل فقلت:أحوكه بلسانيه

فيجيرني ذو الطول في كلتيهما ... رب نحرت لوجهه قربانيه

ولقد نصرت بدعوة من والدي ... شيخ على حبس الحما أسمانيه

ألفي عزيز من أعزة عامر ... رضيوا حياة الأرذلين عدانيه

أذئاب أقفار إذا ما لم يكن ... حربا وإن حمي الوطيس حصانية

أولم تكن تدري سناء بأنني ... لا يشتكي ضرب الرقاب سنانيه

أولم تكن تدري سناء بأنني ... أعطي إذا رب الملا عطانيه

أولم تكن تدري سناء بأنني ... أسقي كؤوس المر من أسقانيه

أولم تكن تدري سناء بأنني ... أثني لكل عظيمة أركانيه

أولم تكن تدري سناء بأنني ... ذو مرة لا تستباح قيانيه

أولم تكن تدري سناء بأنني ... أعلو إذا ودق السحاب علانيه

أولم تكن تدري سناء بأنني ... أنف وعن ما لا يعز حشانيه

أولم تكن تدري سناء بأنني ... فكاك خولة مجلس تنخانيه

أولم تكن تدري سناء بأنني ... مطلوب أولة ومطلب ثانية

مولود تاسعة ووالد تاسع ... قطاع قفر لا يلين جنانيه

ليث إذا عض الزمان بنابه ... غيث إذا هبت علي يمانية

أدنو لكل مجند بمهند ... وتعارفت قضب السيوف بنانيه

نزال أودية تعج سباعها ... لا أرتضي في النائبات هوانيه

أرسو كأعلام الجبال على الثرى ... ما اهتز من سمر القنا إيوانيه

متأبط يوم الكريهة صارما ... هضب إذا فدم الحراب كسانيه

وحجاب عارية أجاب لصوتها ... فخضبت منه الروح حين دهانيه

ولقد حضنت الموت دون حبيبتي... وكررت بين الطارقات حصانيه

أقدمت معتمدا على ذي عزة ... فحمى حصاني منهم وحمانيه

سبحان من خرت لهيبة ملكه ... جن البرابر وانجلت أحزانيه

فأنا الذي في المرج قبل حتفه ... حتى تحاشى طلطل سندانيه

فكأنني بالرمح أضرب قائلا ... الأرض أرضي والزمان زمانيه

نحن الفراعنة الشداد تخالنا ... من بأسنا يوم اللقاء زبانية

شعث المفارق لم أكن لأسودهم ... لو لم يروا سمط الدخان غشانيه

من خير عامر كلها في منسب ... الأصل أصلي والكيان كيانيه

لي في علا عليا سبيع منزل ... أفضي إليه إذا الزمان رمانيه

ولقد قصدت ديارهم في ظلمة ... لم تشك صرف بعيدة أعوانيه

فأخذت مرتجزا إلى أن أغمضت ... غبس العيون السانحات , أتانيه:

حلم تكحل بالجحيم شفيره ... غيب الدهور الباقيات,أرانيه

في ظل عوسجة برملة حومل ... أطلقت للحلم البغيض عنانيه

فرأيت كل قريبة وبعيدة ... حتى تمثل صادحا كروانيه

أنبئت منه بكل باق مفجع ... عن غيب دهر لا يكرم عانية

فرأيت من سفيان أسجح جبهة ... مرهون طودين ونفسه كانية

فيلوذ في جمع يغالب نشره ... نشر الجراد مداهما عمانيه

فليفتكن بقصير هاشم فتكة ... منها نعا بالصوت : ما أشقانيه

فيجد في طلب اليهود يسوقه ... غليانه فليطفئن غليانيه

فيسومهم في الجنب من طبرية ... سوط العذاب بكل أحدب قانيه

ورأيت أمة مغرب تعدو بنا ... عدو الجمال الهارعات بسانية

فترى على إثر الهلال صليبها ... يبنى ومنه بكل قطر بانية

إلا الثلاثة أهلها بدمائهم ... عنها أماطوا كل برقع رانية

قرن قران حله وحرامه ... لا يؤخذ الزاني بجرم الزانية

فإذا أضاءت دورهم وقدورهم ... وجنت لهم شر البلية جانية

شل المنون ذراعهم وكراعهم ... وأراعهم رجع الكبود الطانية

قعدوا لهم أعراب خنذف مقعدا ... من صلو ناره تصطلي أبدانيه

تكتال لحم بطونهم وظهورهم ... أسياف عصبة عيلم متفانية

فيخون أطلس إيلياء ربه ... فتدك أرضه سود حرب قانية

فترى قلاص المؤمنين كأنها ... زمر البواخر أو قرى متدانية

فتطول أعواما فيقصر طولها ... ذو نقرس نحتت ضريحه غانية

قالت له:يا تاجهم وسراجهم ... أسماع نصح محبة أم شانية

أترى النزاريين يؤمن مكرهم ... وبقولهم قد جاءني شيطانية

فولائهم من حيث كان برائهم ... فهم هم إذ حميري همدانيه

شمر لقبر نبيهم في يثرب ... واجلبه إن مكانه لمكانيه

وعليك بالركن اليماني إنه ... ورث لنا أقصاه في كهلانيه

فتكون من عليا نزار آمنا ... وتعود روح الرب في خولانيه

فسرى سرى وجرى يسابق في الثرى ... جمع حساب جنوده أعيانيه

فإذا النضا وطأت لظى واد الغضا ... وتعرشت أطوائها أغصانيه

أخذوا بصرصر أحمر وأحيمر ... للروع منه تصافحت أمتانيه

فيهولهم من ضلفع وسويقة ... ما سد عين الشمس عن أعيانيه

من باب بغداد وقبة بابل ... ذو عمة إخوانه إخوانيه

فيرد عاليهم لسافلهم وقد ... أحيى صهيل عتاقهم جثمانيه

فإذا انقضى دهر تمرد أشقر ... نصب الصليب وأخلجت أوطانيه

فليقتلن من أهل دينه من يخ ... الف شرك مذهبه ويجهد وانية

فإذا مضت عشر تقلد سيفه ... وغدا يقول:مسيحكم آتانيه:

سفرين تثبت أنني مستخلف ... في رزق أهل الأرض حين دعانيه

فتسوج أصقاع البقاع جيوشه ... وشعاره :ما الشان إلا شانيه

فتجله صهيون خشية بطشه ... ويشوقونه أرضنا وأمانيه

فبمصر يحرق أمة وبقبرص ... أخرى ورب جريمة تخفانيه

فيكون حلف هلالها وصليبها ... لقتاله بالقرب من غسانيه

حتى إذا انتصروا تمزق حلفهم ... وتقاتلوا والنصر في قرآنيه

فإذا انقضى دهر تزندق أبرص ... فيمور من نفثاته ديوانيه

فيضيء للأوثان كل سقيفة ... قد كدت أحسب ضوءها أعمانية

قد كاد يجحم بالحجاز وأهله ... لولا أبادت عبسه ذبيانيه

فإذا انقضى دهر بدت من موصل ... سود يعوم بعومهن دخانيه

فتقام حول مراكش للقاءهم ... بيض يلوح لضوئهن جمانيه

فإذا انقضى دهر تصدع مدفن ... عن ربه فتباشرت قحطانيه

حتى إذا صبأوا إليه أعادهم ... ذو وحمة من معتلى عدنانيه

فإذا انقضى دهر تربع طائر ... في عرش نجد لا يقاصي دانية

فإذا لوى ساقا بساق لم يطل ... له أشعث من بيشة في هانية

وهنا انتهى حلم الشجيرة والتهى ... قلبي بصوت مؤذن نادانيه

أوما هنا حبر يفسر حلمنا ... متبين ما في مبين بيانيه

ما أكثر الأحلام غير تخرص ... لم أستمع يوما لها بجنانيه

فالدهر يومان فيوم فيه أل ... قاني ويوم فيه ما ألقانيه

أتعاب نفس في قناعتها وقد ... أزف الرحيل وكل نفس فانية



1-الحصانية هنا بمعنى الثعالب
2-الإيوان:بناء كالخيمة
3-الفدم:هو الثوب الأحمر
4-عامر:هو عامر بن صعصعة
5-الغبس:الظلمة
6-العانية:هو ذو القربى
7-كانية:اي مخفية ومتكتمة
8- السانية:هي الدلو وأداته مجازا
9-الثلاثة :البيت الحرام والمسجد النبوي والمسجد الأقصى
10-خنذف :هو أحد الحلفين المشهورين (خنذف وشبابة) وكل حلف منهن يضم قبائل عدة تحت لوائه
11-القلاص :المطايا
12-ذو نقرس:اي ملك ..لأن النقرس داء يصيب الملوك
13النزاريين هم قبائل نزار بن معد بن عدنان ومن ابناء نزار مضر وربيعة
14-حمير وهمدان من قبائل اليمن القحطانية
15خولان:من بلاد اليمن
16-النضا:هي الإبل
17-وادي الغضا وادي يقع جنوب نجد
18-الأحمر والأحيمر نوعين من العذاب واترك لكم التفكير فيها
19-ضلفع وسويقة اسمان لجبلين في جنوب نجد من جهة الحجاز ولقد ذكرت ايلياء ..وايلياء هو اسم مدينة القدس عند المسيحيين.
كما اني قلت عبس وذبيان وهما ابناء غطفان والتي شبت بينهم حرب داحس والغبراء

كذلك ذكرت (حومل) وهو اسم جبل قريب من رنية وهو المقصود في معلقة امرىء القيس

اما (بيشة) فهو اسم أحد أعراض نجد من جهة تهامة وهو اسم مدينة الآن في ذلك المكان

اما ما جاء من بعض الرموز مثل (أسجح ,أشقر,أبرص,طائر,طلطل,ذو وحمة,ذو عمة,....الخ) فهي رموز لأسماء أصحابها



........................................ .......... ....................



يايبه يانور عين تبلشها السهر



يايبه يانور عينٍ تبلشها السهر
يايبه ماجور ماجور يانسل الكرام

يايبه ياعزوتي من صواديف الدهر
يوم طير الضيم فوقي نفض ريشه وحام

لأجلك العين انتثر دمعها دمٍ حمر
والحشا كنه على واهج الرمضا حطام

يايبه وإن خانك الساق أنا ساقك وسر
ان بغيت السهل والا شواهيق العدام

يايبه وإن قصر الشوف شوفك ماقصر
دامني لك شوف وعيون فوقك ماتنام

يايبه وإن خانك الكف أنا كفك حجر
إضرب بي اللي تبي هامةٍ والا قوام

يايبه وإن خانك السمع أنا إذنك فالبشر
في ذمتي ماتسمع ألا خبر عزك يقام

يايبه وإن خانوا أصحابك أنا صحيبك جبر
مير مافأصحابك اللي عطى درب الملام

يايبه وإن درهم القوم أنا دونك بحر
والله إن تبطي مضاريبهم برد وسلام

يايبه لاغطرف القمري الشادي ودر
جر هاجوس المعنى عليك أحلى كلام

يايبه ياعزة الجار وضيوف السحر
يامزبن واحدٍ طقته بقعا وهام

مالقيتك بفرجة السوق تصلخ وتهدر
الك عند الناس قدرٍ وهيبة وإحترام

ولاأنت باللي فوق جاره عصاته تنكسر
يمدحك جارك وضيفك وربعك والخصام

وكان سبَّل عسعس الليل ثوبه واستتر
شف دمعك في صلاتك مثل وبل الغمام

ياعسى يفدى قدم رجلك اللي ماانعثر
رجلك اللي ماسعت كود في عز المقام

كم وكم فنجال بنٍ بمجلسك انتثر
مجلسٍ للعود الأزرق على وكره مرام

وكم سمانٍ راعي الضان لقدومك ذخر
حثهن بأطراف كفك لضيفانٍ حشام

كن نقفة دمهن فالثرى سيلٍ حدر
وكن ريح شحومهن فالفضا ريح الخزام

يايبه شفت الليالي مجاهيم وعفر
عن مباغيت المنايا التهينا فالحطام

كلنا يدرق عليه الزمان وينتثر
فوق منصوب الشداد وعلى ظهور المسام

يايبه من زاد كاد وخفى عزه شهر
وأنت عزك فالخضيرا جلا جنح الظلام

يايبه من هام شيٍ وهو ماله ظهر
ذاق دون اللي يبي مزة الحنظل شمام

يايبه من يبغي المجد من دون معذر
مثل زارع شتلةٍ فالصبخ يبغى الصرام

من همل فرجه بليا سمينٍ ماظفر
تنطحه شمسٍ تجدويه مطعوم السمام

يايبه تسبيحةٍ يوم جنح الليل در
ماتساوي وزنها كنوز مصرٍ والشوام

يايبه ماشق صم الصفا غير الصبر
والكدر عقب الصبر ينتحي مثل الحلام

يايبه دنياً لقينا لها بطن وظهر
الحظيظ اللي بها عز نفسه واستقام

والختام بريح مسكٍ وريحانٍ ذعر
الصلاة الزاكية من ضميرٍ مستهام

للنبي الهاشمي صاحب الكف الخضر
عد ماغنى على خضر الأغصان الحمام





........................................ .......... ....................





وين أسج



وين أسج وكن في جوف الحشا شيخ ٍينادي
لابغيت أسج عن حلو المحيا قال هيّد

يا كثر ما قد عرفنا من العذارى يابن بادي
مير قلبي بسلك صفرا مع هل الفيضه متيّد

ويل ويلي لوتشوف خدودها بيضٍ تشادي
قشطةٍ صبوبها ذوب المربى ياعويّد

والمبيسم سكر دقوه مع نكهة زبادي
من يشوفه قبل لا يبدي هلال العيد عيّد

والنواهد واقفاتٍ كنهن عسكر بلادي
او كنيسة راهبٍ من حب ياقوت تشيّد

لامتى ذبح البشر عند العيون السود عادي
لا متى والموت حدر رموشها السود يتصيّد

والحواجب سيفهن ما يطعن ألا في الثنادي
آمراتِ ناهياتِ جازماتِ ما تحيّد

والجدايل فوق عاتقها بياض مع سوادي
تقل عبدٍ قام يومي بالمهفه فوق سيّد

لعنبوها يوم هزت ردفها عاشر وحادي
كن قدمها من ثقيل الردف لا سارت مقيّد

والنحر كنّه فيافي رقة ًفيها حمادي
فوقها لبّى الملبّي وأجهم الماشي وسيّد

والخصر لميّلتبه حية في جوف وادي
يا وسع باله على عظم على ردفه تعيًد

فيه لا منه مشى هيبة مفرّج والمهادي
من يشوفه يلعن ابو خامسه لو كان جيّد



........................................ .......... ................



ظبي نطحني



ظبي نطحني يجرّ الغيّ ويل امّه
مثل امّي انّه عذاب الروح مثل امّي

عليه لبّسني ابليس الهوى عمّة
وابليس من قبل خالي وابن عمّي

يا ليت من هو تلّين في طرف كمّه
اليا تمدّد طرف كمّه على كمّي

غروٍ ذبحني وانا من لحمه ودمّه
وش بقى للّي ما هو بمن لحمي ودمّي

لا جيت اخمّه وقلت الخمّه الخمّه
قال : ابتعد يا ولد بدري على خمّي

ما يدري انّه خبر ( إن ) مرفوع بالضمّه
يا حلو حلو الخبر مرفوع بالضمّي

يوم انكشف لي نحره وبانت الزمّه
قامت شياطين بقعاء تزمّني زمّي

يا عين شيهانةٍ في عالي القمّه
قمّت بريشٍ وريش البُرق ما قمّي

لو في بريقعه رحمة كاشف الغمّة
ما كان زوّد سواد بريقعه غمّي

الزين اليا جاء لزين تمّه
والله لولاه حسن البيض ما تمّي

زينٍ عليه تغيّر وانعسر صمّه
نسى ثلاثة ليالٍ عسرها صمّي

ومن صار لي في الرخاء عبدٍ وأنا عمّه
لا جاء القسى صرت له عبدٍ وهو عمّي

سقى الله يوم انا دلوٍ وهو جمّه
ما قد سقى كبدي الا صافي الجمّي

يا لعنبوه ان مدحته كنّي اذمّه
وغيره تمنّاني اقصد به ولو ذمّي

مدري على اسم القمر سمّوه يا يمّه
والا على اسم الغضي وجه القمر سمِي



........................................ .......... ..................



ما طلبت المجد


قد بغيتي تطّلعين الروح وانتي ماشية"
"أحمد الله ربي إنك ما وقفتي يا هنوف

من يقول إنه يشوفك ما تجيه الغاشية!!"
"ودّي آوقّفْه قدْمِك لحظةٍ وحدة واشوف!!

كان ما جت دمعته مثل المزون الناشية"
"ما سقتني من لبنها بنت حامين الصفوف

يا أمان قلوب ناسٍ في المواقف خاشية"
"من لغيرك نشتكي جور الليالي والظروف

ما طلبت المجد من سور الخدم والحاشية"
"اطلبه من كفك أنتي يا سما كل الوصوف

كلّ نعمة حيٍّ الا نعمتك متْلاشية"
"وكلّ عينٍ ما تشوفك ما تشوف ولا تحوف

الجوارح في جروحك لو غدت متْعاشية"
"حربةٍ من كفّ نايف وقّعت في قلب نوف

اسعفيني دامها بين الرشا والراشية"
"اسعفيني دامها بين النواهد والكتوف

مثلك أنتي ما عليها من غيورٍ واشية"
"ولا عليها من معسّفْة الجمال بْخيط صوف

تقصر القالات دونك واللوازم ماشية"
"لو بغيتي من السيوف كفوف حطّوا لك كفوف



........................................ .......... ......................



رايح وطي


توّ ماجيتي وخلّيتي العاشق وطي"
"كيف لو ترخين عن نور خدّك برقعه

والله انّ الزين غيرك ولو زان خْرطي"
"لو كبر مثل اربعه نقّصوا منها اربعه

ياهنوف الروح مما عطاك الله عطي"
"عاشق كل مابغى يذكر اسمه ضيّعه

احمر التفّاح والا من الحلو اصفطي"
"لمخطوف من عظم فرحته عضّ اصبعه

واقلطي في مجلس الصدر يا بنت اقلطي"
"لعنبو من لا فرش لك من الصدر اضلعه

وفي بساط من حنايا ضلوعي بسّطي"
"مجلس ما نجتمع به لابو من جمّعه

ونشّطي روحي بذايب أنينك نشّطي"
"قالوا ان الميت يحيى عقب ما يسمعه

ورقّصيني فوق خصرك وهدي وامغطي"
"ويش فيها لالتوى والتوى قلبي معه

واعصري لي من قراح الشفايف واخلطي"
"زنجبيل سلسبيل عليل منبعه

واكتبيني كلمة في ثمانك واشخطي"
"وكان جرحي مابرى عقبها وش ينفعه؟

مابغيت آصدّق انّي معك رايح وطي"
"لين شفت العين ترسمك ظلّ وتتبعه



........................................ .......... .................



هلا باللي ضرب جوفه




هلا باللي ضرب جوفه وساقه ضيم سرجوفه
على صفوة صفا قافه يموتني ويحييني


سقى الله يا زمانٍ شوشته من خلف منسوفة
تقفّيته بكرباجي وهو كان امتقفّيني


حريره ما يناسبني ولا جاوب معي صوفه
لعب بي لعبة الجاهل بجنبيّة وسكّيني


سعودٍ كان نفسه من صدوف الوقت مشعوفة
تراها ما صفت قبله لسكران المجانيني


ليالينا على ما قيل محسوبة ومنتوفة
بكارٍ لقّحن يوم انتحن تسعة وتسعيني


على شانك يا ابن محجان أطق الراس بالطوفة
وأبيّن ما خفى مني وعلم الناس خافيني


أنا لك محزمٍ وافي وادوس الداب ما اشوفه
عشانك أنت والا اللاش له دينه ولي ديني


ابن محجان حرٍّ له على وكر الوفا نوفه
وانا في معرفته افخر إلى غابت شياطيني


رَجَل ترثة رياجيلٍ بفعل الطيب معروفة
وله عندي مقامٍ ما وصَله إلا السلاطيني


عسى يفداه من لا صاد طيب ولا كسب حوفه
طويل الذيل ابو زنبيل من عمّار وحصيني



........................................ .......... ..................



فرعونيات

وهذه قصيده من النوع الذي يسميه أبو فارس فرعونيات ،،



ولّي خلوجٍ على سمرا فَمِي ترزم"
"كلْ همٍّ اقفى تردّه جاي وتْعَزمه

اوّل زماني وانا همّي ثمان ارزَمّ"
"واتلى زماني وكلْ رزمة مِيَة رزمة

من شطّ (قزوين) اجاوب شاطي (القلزم)"
"واطراف ريشي بعوق سْبوق منْلزمة

يا ساق لو صيّرك حذف الطغاة احْزَمّ"
"غيرك عرب وانت عودٍ من عَرَضْ حِزمة

وقتٍ تمرسل قفا علباي كود ابْزم"
"وانا متى ما بزمت البزمة البزمة

فياللي تراني (قزم) عيني تراك (اقزم)"
"ومن آهَلِك من تعوّض قربك بْكَزمة

عن (موميا مصر) بحثي في (حصا زمزم)"
"وعلم(الجَبِر) دارسٍ قبلك خوارزمه

ما احدٍ عن (الشُبْط) ينشد (كنّة المرزم)"
"لا قد تخاون ولا جاء بينهن لِزمة

يا سعود من كلّ ذو عزمٍ نبيك اعْزم"
"واحرص ماكلْ عهدٍ بْه اعْداك ملتزمة

وان شفت لك حازمٍ مسّ الحزام احْزم"
"خبلك لما تحتزم والقوم محتزمة

الحرّ يغضب والى شاف القهر يجزم"
"والعبد ما حسّته قولة:على جزمة

يا سعود من لا نِصَرْه الله يبى يهزم"
"وصيّور منْتَصْرِةٍ يا سعود منْهزمة

اعزم والى ما عزمت ايّاك تستعزم"
"خلْ ردّها في اكبرٍ ما هوب في عِزمة

ما لازم الاّ ويجيك الصبح منه الْزم"
"ومن آهَلِك من عدوّك شدّ به عَزمه

كم خشم لولا خشوم ربوعه بْيِِخزم"
"يأمن وهو يا كثر ناس تبي خزمه

ما كلّ رجلٍ طعَم هرجه حلو محزم"
"وحلو الحكي في الشدايد ما يفكّ ازمة

من دون قولة (نِعِم) سبعين مستلزم"
"ما استلزم الفعل في( نصبه) وفي (جزمه



........................................ .......... ....................



عيوني تدق الطبول


جتني على غفوة عيوني تدق الطبول
ياما لها خافقي جدد لحو نه وشال

البيض تحت السواد يطيرن العقول
والسواد فوق البياض يضيعن الرجال

وان شرعت من طرفها صافنات الخيول
شفت الاوادم عى السكه تجر الطوال

وان سلهمت بأكحل للناس مثل الكحول
ملعون أبو من يشوفه ماسكر ثم قال

وان عاكست بالحجاج المومسي الخجول
ياشرهة الله عى عمراً يشوفه وطال

وانقضت الراس يادين النبي ويش اقول
في ما تشوفه عيوني صدق ولا خيال

وان هزت الخصر والارداف عرض وطول
ما اظن به عقبها غصن من الموز مال

خصراً يهيبل وانا من قبل فيه مهبول
وزود هبالي هبال وصرت كلي هبال

قالوا لي الموت قبله شربة بمعسول
واشوف أنا الموت لا هز الدقاق الجلال

يشرح على الخد قصه عنبر حب لول
وبالشامه اللي على خده ضرب لي مثال

بين النهد والنهدما شل ساق الذلول
من دون هاك الجدايل يقصرن الحبال

وان فاح زاكي عرقها لا هو شي يهول
تعال يالعود الازرق شم ريحه تعال

زيناً فتن قبلي اللي يلبسن الحجول
وش عاد بيقول فيه منكسين العقال

زيناً مسحني من الدنيا ثلاثين حول
يمكن خلقه الولي شمس وانا له ظلال





,,,,,,,,,,,,,,,,, ,,,,,,,,,,,,,,,, ,,,,,,,,,,,,,,,,,

آهــــات
01-16-2009, 02:40 PM
من بـحـــور ما قرأت وأتمنى بأنها حازت على رضاكم وأستحسانكم 0000




وســــوف أضـع لـــكـــم المـــزيــــد لـبــاقــي الـشــعـراء أن شاء الله



ولكـــــــــم تحيــــــــاتي و أحتـــــــرامي000

http://www.noo-rules.com/vb/uploaded/4dfeffd20011.gif

اختكـــــــــــــــم///

جـــــــــــــــــوري حـــــــــــــــــائل

حروف العز
01-16-2009, 08:15 PM
الله يعطيكِ الف عافيه على هالجهد والله طلعن عيوني وانا اقرأ

ماقصرتي والله يرحم الميت منهم ويبقي الحي قصائد قمّه


دمت بحفظ المولى

المهاد
01-17-2009, 02:04 AM
مشكوووووره ((جوري حايل))

على المجهود الرائع والقصائد المميزه

الف شكرآآآآ وصراحه انا احسن شي الاولى للطلال والثانيه لبندر

والثاانيات حلواة بس افضل شي هذولي


واقول تررراكي نسيتي افضل شااعر ::المرحوم ((منصور ابن سعدي الرمالي الشمري))





تحياااااتي:::الـــــــمــــــــهـــــــاد

حنان
01-17-2009, 06:23 AM
رائعه

يعطيك العافيه
والله كلهم حلوااات

ذوووق

آهــــات
01-18-2009, 10:07 AM
الله يعطيكِ الف عافيه على هالجهد والله طلعن عيوني وانا اقرأ

ماقصرتي والله يرحم الميت منهم ويبقي الحي قصائد قمّه


دمت بحفظ المولى



تسلمين اختي حروف العز

الروعه مرورك العطر الذي عطر متصفحتي شاكره لك

http://www.noo-rules.com/vb/uploaded/4dfeffd20011.gif

آهــــات
01-18-2009, 10:10 AM
رائعه

يعطيك العافيه
والله كلهم حلوااات

ذوووق



حنان مروركِ اضاء متصفحتي لكِ شكري وتقديري

http://www.noo-rules.com/vb/uploaded/4dfeffd20011.gif

آهــــات
01-18-2009, 10:15 AM
[align=center][size=5][align=center][size=5][color=#FF0000][QUOTE=المهاد;131548][SIZE="5"][COLOR="Blue"][FONT="Comic Sans MS"]مشكوووووره ((جوري حايل))

على المجهود الرائع والقصائد المميزه

الف شكرآآآآ وصراحه انا احسن شي الاولى للطلال والثانيه لبندر

والثاانيات حلواة بس افضل شي هذولي


واقول تررراكي نسيتي افضل شااعر ::المرحوم ((منصور ابن سعدي الرمالي الشمري))





[color=#FF0000]
]
المهاد

الحمدلله انهم نالوا اعجابك

واشكر لك مرورك الرائع والعطر

لاحرمني المولى من هذا المرور

تقبل تحيتي

http://www.noo-rules.com/vb/uploaded/4dfeffd20011.gif